الحلقة 16
للكاتبة ///هاجر صباح///
.
.
.
جنت كاعد افكر بالديوان وحل قضية رجال من رجالنا وقطعت افكاري سمارة بجيتها ووجها المبتسم كالعادة وبيدها صينية الحلويات الي تسويها اول ما كعدت بوستني بخدي وكالت"تفضل حبيبي اليوم سويتلك كيكة وهذا عصير برتقال وياها
باوعت جانت الكيكة دائريه ومزينه بقطع من الفواكة منظرها كان يشهي سميت بسم الله وبديت اكل واوكلها بيدي وهي هم توكلني وكل شويه اكرصها بخصرها واشاقيها سمعت صوت غزوله هي شالت الصينية وراحت واني شلت غزولة وهي بس تبجي اجت هي عاد شالتها وهي مستمرة بالبجي هي حللتها وضلت تدك على ظهرها الى ان سكتت شوي شوي ..
كلتلها ناخذها للدكتور؟؟
ردت"لا شام علمتني ان كل طفل يصير عندة غازات وتنتفخ بطنة بس جيبلي قطرات مال غازات بالصيدلية موجودة"
"صار تامرين هسة اجيبها واجي" رحت للصيدلية واخذت دوة وهم خافض حرارة لازم موجود وتحاسبت وي صاحب الصيدلية ورجعت لكيتها منومتها وجاي تمسح بالبيت والعطر يفوح من البيت ابتسمت على نظافتها ابد ما تخلي شي بالبيت الا وتنظفة للمغرب رحت توضيت وهي وراي توضت لبست عباية الصلاة كانت غزل نايمة ..
وصليت وهي وراي كنت اصلي وصوتي مسموع وهي تصلي وراي كملنه ليمت السجادة والتربة وهي اخذتها صفطتها وخلتها بالجرارة راحت تحظر للعشة وانا طلعت اتمشى شوي اشتم هوا بين الحدائق ورجعت وهي تلكتني من الباب حظنتني وانا حظنتها قوي وبوست راسها ودخلت راحت جابت الصينية واجت نزلتها وصرنه ناكل كلتلها:
"تره صايرة دبدوب خففي اكل شوية "
"صدددك ولا منتبها لنفسي كامت بسرعة وراحت للمراية كالت "هاي عود صدك وين السمن اصلا اني اكل وما اسمن بس شوي رجليه سمنانات ورح اسوي رياضة"
وعبست وجها وكعدت تاكل وتباوعلي من طرف عينها هنا انا ضحكت من كلبي على شكلها معبس وعيونها تلالي بيهن الدمعة كالت"اييييي اييي اضحك عليه بعد صرت ما اعجبك لعد اني على الاقل احسن من ضحى جنها هايشة شسمنها وانت بسرعة دبدوب ودبدوب" وصارت تقلد صوتي واني زدت بالضحك حظنتها وهي نزلت دموعها "انت عيبت عليه يلا وخر بعد ما احاجيك " حاولت اراضيها حظنتهة بوستها وهي ماكو ضلت معبسة تمددت بالفراش حاولت اتقربلها بس هي رافضة وتحجيلي تكول اريد انام ونعسانه ومن هل حجي عاد خليتها براحتها و نمنه وبعدين نومتها بحظني وتقربتلها ..وفجأه الصبح اتكسر باب الشارع كعدت بسرعة وهي فزت طلعت بالشورت لكيت كرار كال يابة وهو يلهث يابة شهاب تعارك الحك بسرعة ...اني بسرعة طبيت لبست واخذت سويجي وسلاحي وطلعت بسيارتي وكرار وياي ورحت للبيت لكيت شهاب مشككة هدومة وحلكة كله دم وخشمة هم غسل وباوعت مريم تبجي بالزاوية شافتني بسرعة دخلت ..
_احجييي لك شنو هلعركة وويامن متعارك..
كعد هوة وشرب مي وكال"يابة اليوم مريم عدها امتحان نصف السنه تعرف انته واني دائما اوصلها وارجعها ما اامن عليها تبقى اختي واخاف عليها بدلت هية وطلعنه المدرسة قريبة ف تمشينه وجان واحد مر منه وكال"ااخ الله شهل جمال ما بيج مجال شوية"
هي صار وجها احمر وتلبكت واني سمعت كلامة شطت باعصابي بس رغم اعرف سألتها شحجة هذا تعرفي؟؟ كالت"اا لا ما حجة شي اني انفجرت بناري ظربتها راشدي وشفت الولد يريد يشرد لزمته موته كتل وظربته براسة بالطابوكة ودمه صار بطولة وواحد من ولد عمة شايفني وتعاركت ويا وهو راح يكاومنا عشائريا وهلتشوف حالتي هستوني رجعت وحتى ما خليتها تمتحن ...تنهدت بضيق كلتله "اختك ما جان المفروض تظربها جايز خافت من المشاكل"
-يابة اني غير متت بنار كلبي حتى ما اشوف كدامي لو ما كذبت عليه جان ما ظربتها خليها حتى ما تعيدها ضليت كاعد يمهم للظهر اجو عمام الولد وبس يهددون كعدتهم بالمضيف ..
_يابا احنه جايين كوامه لولدنه كونكم انتم الضاربينه وهو هسة بالمستشفى ..
_يابه انتم من اي عشيرة ؟!!
_احنه من عشيرة ال___
_عرفت هلعشيرة بس تدور مشاكل وتحب الفصولة..
كلتلهم "يابة تره ولدكم متعدي على حرمتنه واخوها دافع عن شرفة وهذا من حقة والمفروض احنه النكاومكم ...
_لا انته تطلع من كلبك حجي احنه نعرف رباة ولدنه وما يطلع منهم العيبة..صارت مشادات كلامية حادة للعصر طلعو وهم يتوعدون واتفقت وياهم بعد اسبوع نكعد واجيب عشيرتي كلها اكعدها واشوف شلون يحلوها الا ادوس عليهم واكسر خشمهم.... رحت البيت حامد الي يم بيتي واتفقت وياه نجيب عمامنه وولدهم ورجعت انطيت خبر لسمارة تقفل الباب وراح شام تجي يمها تبات وطلعت لبيتنه لان اول ايام ما اامن على شهاب لان متأذي كلش وثاني يوم رجعت لبيتي اني وسمارة ومر اسبوع و اجو ولد عمامنه وعمامنه على الغده ذبح حمزة الخرفان وطبخته هديل واجت سمارة وشام هم طبخن وياهن والظهر انمدت السفرة بعد ما الكل صلى وتغدينه وكلتلهم السالفة وانتظرنه اهل الولد واجو العصر وهم صارت مشادات كلامية لحد ما شيخ عشيرتهم قرر يعتذر النه وبدون فصل واعتذرو واني هم ما ردت السالفة تطول وانسدت السالفة ورجعت لحياتي اني وبنت كلبي سمسم وبيوم كلتلها سمارة تره ضحى شفتها بالعركة وصاير تجنن صيري مثلها شوية وكثري مكياج..
هي فتحت حلكها وصفنت بعدين كالت"اذا ما عاجبتك روح الها ما مضطر تبقى عندي ودارت وجهه ونامت حظنتها وكلتلها اتشاقة وياج بس صدك هي حلوة هي ضربتني ونامت واني ضحكت عليها ..نمت
والصبح كعدت لكيتها ماكو باوعت غزل تتحرك شوي غطيتها ببطانيتها لان بارد الجو وباوعتلها كبرانة ورح يصير عمرها سنه بعد شهر ..
ومددت جسمي وكمت رحت للحديقة لكيتها كاعدة بيها حظنتها من وره هي فزت وباوعتلي ودارت وجها "لج شبيج والله اتشاقة وياج انتي تبقين حبيبتي وحلوة بعيني بكل حالاتج " ضلت دايرة وجها كلتلها"خفيها عاد والله انتي حلوة وتخبلين واني شعذبني ووكعت بالعشك غير هذا الخصر والشعر الجنه حرير " هي ابتسمت واني التهمت شفايفها وهي نزلت عينها بخجل كلتلها اني رايح اجيب جبن وانتي سوي الجاي هزت راسها ب"اي"
1990/2/3
طلعت الصبح على زقزقة العصافير وعلى اهل البسطيات وشفت صديقي ابو اللبلبي كاعد بمكانه العتاد والبخار الحار يرتفع كلما رفع غطى الجدر رحت علي سلمت
_حياهم الله
_هلا يابة الله يحييك
_شلونك ابو احمد
_والله بخير يا ابو غزل شلونها غزل
_والله بخير فد طاسة لبلبي من اديك الحلوة
_تدلل يابة من عيوني ..وفتح الغطى وطلع البخار والريحة الطيبة جاب الكاسة وصب اللبلبي وخلى عليها حامض يعرفني احبه كعدت اكلت وتذكرت سمارة كتلة عمي خليلي بجيس اريد اخذه للبيت ..
_صار يابة تدلل واخذ الجمجة وصب بكيس وانطاني اياه خلصت الكاسة وطلعت فلوسي ..
_والله ازعل عليك اذا انطيتني فلس واحد ابد والله ما اخذ..
_يابة شلون عمي هذا رزقك..
_ابو غزل ارجوك صار هواي مشايفك نوب اخذ فلوس توكل يابة توكل ..تشكرته وكملت دربي والهوة باارد والاشجار تتطاير وي اتجاه الهوة واشتم ريحة الكهوة البغدادية والسلام البغدادي رحت لابو المحل اخذت اجبان ورجعت للبيت تلكتني سمارة...
_هاي وين جنت صدك جذب صار نص ساعة من طلعت ولهسة ماكو تأخرت وحتى الجاي برد
_يابة هذا جبت لبلبي ذكرتج وجبت اجبان..
_خلي اضم الاجبان وناكل للبلبي اجه بوكته والله راحت ودتهم ورجعت بيدها صينية وبيها كاسة وصمون اكلت وياها خلصت اكل وشالت الصينية وطلعت رجعت كلتلها رايح اني قفلي الباب ودخلي ولتفتحي الاحد العصر ارجع
_صار عيوني
رحت لبيتنه اشوف اخبارهم رغم اني اتصل على كل واحد منهم كل يوم ..دكيت الباب طلعلي شهاب سلم علية ودخل دخلت وراه لكيت الكل دا يتريكون سلمت عليهم وكعدت ..
حمزة_يابة تعال تريك ويانه صار اسبوع مشايفيك!!
_لا يابة متريك..عاد هو سكت واني هم سكتت
اجت ضحى حظنتني كالت"حبيبي شو ماكو اخذتك الحية بعد وعوجت حلكها" رديتها "شارد منج ومن تصرفاتج هاي مال زعطوطة"
طنكرت وطلعت رحت لغرفة هديل سلمت عليها لكيت مريم كعدت وياها
_ ها يابة شلونج بنيتي ..
_'الحمد لله بابا زينة مشتاقتلك كلش وحظنتني
حظنتها وضلت تسولف على حمزة شلون يتعارك وياها دائما ويسوي مشاكل ..
للظهر اذن رحت توضيت والكل توضى وصليت وهم وراي كملنه صلاة ومدو السفرة اكلنا بهدوء بس حمزة كال
_على كيفج اكلي شبيج ما شايلة ملطلطة
مريم_هسسسة انته شعليك التهي ببطنك يلا لتدخل بيه..
_انجبي لج ادبسزز لتعلين صوتج كلبة
اني اشتعلت اعصابي صحت بصووت"كااااافي مررريم حمممزة امشو طلعو براااا يلا ممربايين مو كاعد انييي بنصكم شلوون تتعاركون طررررررطوووور اني هنااااا ...كامو همة بسكوت واني انسدت نفسي وكمت هديل كالت:عيوني اكعد معليك بيهم..تجاهلتها وطلعت لغرفتها تمددت اجت مريم يمي تبجي
_يابة والله مو قصدي بس هوه العال ويغلط عليه شايف نفسة هواي عود هاي اني اخته ...نومتها يمي ومسدت راسها ونمت لحد العصر طلعت رجعت لبيتي لكيت سمارة ضايجة ..
سألتها"شبيج حبيبي احد مضوجج صاير شي"
كالت"وين نمت ومنو يمك جانت وو بجت"
"يمة الغيرة اروح فدوة للتغار والله نمت يم مريومة"
جاوبت"'يعني منمت وي اي وحدة احجي الصدك"
"هاي شبيج طبعا غير هي هم الها الحك وزوجتي بس الكلب الج والله مجبور " هي زادت بالبجي وبعدين راضيتها بعلاكة حلويات دائما تستغل زعلتها بحلويات كعدت وي الرجال وشفتهم مخبوصين كلتلهم خير شبيكم ... كالو ما دريت الاخبار؟؟!! تعجبت كتله لا مشغول هلفترة خيركم احجو؟؟!!.....يتبع
(اعتذر ان تأخرت بس بنات والله ماكو واهس وتفاعل هم قليل شلون اكتب؟؟! قدرو تعبي بتصويت احبكم كلش كونو بخير احبتي💙💜🦋)