[ أسـبـوع فـي كـوريـا ]
- لا للتنمر -
الجزء الرابع
# تحذير
( هذا الفصل فيه كميه تنمر غير مشروعه و شكراً )
__________
- قربنا نخلص ولا لسه ؟
ده كان صوت تاي الي بيحاول ميبينش انه بيتذمر بسبب الي بيحصل فيه حالياً، كان ولاد اخت نامجون الصغيرين ماسكين شعره و بيربطوه بالتوك فاكرينه العروسه بتاعتهم وهو ساكتلهم وهم عمالين يتكلمو بكلام طفولي حوالين شعره الي بقى اشبه بالبلح على النخل وكل كام خصله مربوطه بـ توكه
ولاد اخت نامجون في نفس واحد : لا لسه!
تاي حط ايده على خده بملل : الصبرر..
جونغكوك كان معدي شاف شكله مات ضحك على روحه : ايه المنظر ده؟؟ ايه الطراطير دي كلها هاهاهاها
تاي زفر بتملل : تعرف تسكت؟؟
جونغكوك بيغيظه : لا
ام جين كانت معديه وشايله في ايدها صينيه فـ ادت جونغكوك بالرجل و اردفت : بطل تضايقه يا غتت وانت شيل الي في رأسك ده و تعالو يلا الاكل جاهز
كملت مسيرتها لحد السفره الي اغلبها اتحضر بالفعل و جابو كل الكراسي الاحتياطي في البيت علشان تكفيهم علي السفره، جيمين كان شايل كوبايات و رايح السفره عدى على تاي بردو و اتذمر : انت قاعد مش بتساعدنا ليه؟؟
تاي شاور على شعره : انت مش شايف الي بيتعمل فيا؟؟
جيمين دور عينه : حد قالك تسلملهم راسك كده؟؟ العيب عندك
رمى كلامه و كمل للسفره علشان يحط الكوبايات و مفيش لحظه وكانت وراه جدته الي بتسند على عكازها ، جت ضربته بيه علي ظهره بخفه و عاتبته : قوم ساعدهم هو انت الي حامل و لا امك!
مشيت من قصاده وهو فضل باصص ناحيتها بعدم تصديق و فجأه سرخ بنفاذ صبر خض البنات الي بتعمله في شعره : هو كل واحد هيعدي يرميني بكلمه ؟! هو في ايه؟!!!
جاله ضربه على دماغه من ابوه : قوم يلا و بلاش لماضه
على السُفره الي اخذتهم كلهم بالعافيه و حطوا كراسي اضافيه و كله ملزق جنب بعضه و حطوا طربيزة زياره لازقه في طربيزة السفره بس عادي اهو ترابط اسري ولازم يتم، على العموم بدأ الكل في مباشرة انه يأكل نفسه بنفسه خدمه الذاتيه كانت مطلوبه ولازم تحصل لو في سُفره زي دي
تاي وهو بيمضغ بقاله فتره : يا ترى هل اللحمه فيها بركه لدرجه عمال امضع فيها من ساعتين مش راضيه تخلص ابداً
ام تاي رمت المعلقه بإعتراض و اندفعت بالقول : قصدك اني مش بعرف اطبخ يعني ولا ايه؟؟
تاي وقف مضغ و اردف بتوتر : هو انتي الي طابخه دي ؟؟
رفعت حاجبها بتحدي : حاجة تزعلك في كده مثلاً ؟!
ضحك بتوتر على قلبه امه الفجائيه و حاول يبلع بكل الطرق ثم مد ايده مسك ايدها وباسها : لا ابدا يا أمي اازاي تسلم ايدك يا غاليه ست الحبايب يا حبيبه استمري برافو
جيمين ده من جنب تاي و همس بسريخ : تستمر ايه و برافو ايه على كده سننا هتقع كلها و هنغير كل الدروس علي اخر السنه
لحسن الحظ ان الدوشه كانت كافيه ان همسته متتسمعش فـ تاي همسله بالمقابل : شش اسكت لتأكلنا الحله كلها انا عارف امي
جيمين خاف فرسم سوسته على بؤه و رجع موقعه ياكل بصمت اي حاجة غير اللحمه الي محطوطاله في الطبق دي، هوسوك قاعد بيحاول يمضغ في اللحمه بكل الطرق مش عارف ف بص حواليه بسرعه و بص للطبق الي فيه حتتين مش عارف يخلص منهم و رجع بص جنبه تاني لقى الكل مشغول فـ اسغل الفرصه و راح دلقهم في طبق الي جنبه الي كان نامجون وعمل نفسه معملش اي حاجة
نامجون لما لاحظ لفله و اعارض بسخط : هااايي!!!
هوسوك بص بعيد و صفّر أكن سخط نامجون مش ليه، في حين جونغكوك كان بيبص لأشكال الكبار المتملله و المقروفه من عيشتها و هو بياكل ف قرر انه يقترح فكره سوداء زي لون شعره : ايه رأيكو نغير جو قاعده العزاء بأشكال وشكو العكره دي - كلهم بصوله بصات حاده فـ حمحم و عدل جملته - ا ا قصدي خلونا نلعب لعبه، نعمل اكشن في الجو شويه
ابتسامته الشريره في اخر جملته مريحتش للبعض و حست بالمصيبه جايه في السكه فـ سخرت أمه : انت مش هتعمل اكشن انت هتبوط العلاقات انا عارفه
زفر على اتهام امه الحقيقي اصلا و اردف : اصبروا بس، مش بدل القاعده الممله دي!
الجده ضربت بإيدها بإعتراض علي الطربيزة خضتهم كلهم : انا قاعدتي مش ممله! انتوا الي ناس ممله و عره
جونغكوك دور عينه بملل : مقولناش حاجة يا تاتا، ممكن نبدأ اللعبه بقى؟!
سخر ابوه الي بيحش في الأكل بس : أبدا يا فهيم ورينا..
سأل نامجون وهو بياكل بردك : ايه هي قوانين اللعبه؟؟
جونغكوك اخد وضع عمده الحي و اردف : كل واحد يسأل سؤال موجه لشخص معين و المطلوب منه انه يجاوب بكل صراحه
جيمين تسائل : وليه بصراحه؟؟
فرك ايديه في بعض و ضحك بشر : علشان الجو يشعلل اكتر
مالت أم جيمين على الي جنبها و الي كانت أم جين و اردفت : انا قولت اقسم بالله الواد ده ناوي على طلاق جماعي النهارده، مش هيهدى الا لما كل الأطباق تتقلب على دماغنا
سخرت ام جين و اردفت بتمتمه مسموعه : ابن امه صحيح خراب بيوت زي الي خلفه
ام جونغكوك رفعت حاجبها معارضه على سخريتها منها : مالك يا عين امك؟! فيكي حاجة لسمح الله!!
جونغكوك بشر داخلي ناوي يولعها : هبدأ انا علشان تفهموا اسلوب اللعبه.. يعني مثلا - بص لأمه و سألها - لو قولتلك يا ماما أوصفي سنين جوازك مع بابا في كلمتين هتقولي ايه؟
بدون تفكير قالت امه : زي الزفت
ابوه ساب المعلقه تقع من ايده بصدمه : حياتك كانت معايا زي الزفت!!
ام جونغكوك بترقع لقولها : ملقتش اجابه اسرع من دي متركزش
ام جيمين لوت شفتها بطريقه في مصيبه جايه يانهار احوس وقالت : مش قولت انه ناوي يخربها على الجميع.. كمل يا حيلتها كمل
تاي حب الموضوع فسأل امه : ماما انتي بجد مستعده تخلفي تاني و تبدأي تربي من الاول؟؟ عندك استعداد اصلا!؟ اصلي شايفك مش حمل اخويا حتى يتغابى شويه عليكي!
اخوه عبس بقوه نعترض علي اتهام اخوه : انا مش غبي!!!
تاي ضحك بتوتر و بصله : د د ده مصطلح تعبيري مجازي..
ام تاي ملقتش اجابه مناسبه فقالت : قضاء و قدر
تاي مستسلمش : ماشي قضاء و قدر، بردو فين الاجابه؟ هتربي البنت الي جايه دي ازاي؟؟
اتنهدت بقله حيله : زي ما ربيتك انت و اخوك و ابوك اكيد الي جايه دي هتتربى زيكو!
تاي ببلاهه : هتطلع ناقصه رباية يعني؟!
امه بصتله بصه حارقه فجاب ورا : ولا حاجة خلاص أتراجع
سأل جين الي صامت اول القاعده : ييرين مجتش هي و جوني ليه؟؟
ردت عليه امه بتملل : راحت عليها نومه هي و البأف الي معاها
جيمين نقل بصره بين تاي و أمه ثم بص لأمه و اتكلم : ماما انتي مش ناويه تـ
قاطعته امه بدون ما تسمع كلامه : لا
جيمين عبس بعدم رضى و بص في طبقه كمل اكل، اخت هوسوك حست ان دي فرصتها للتعبير عن رأيها فسابت معلقها بوقار و وجهت انظارها بتحدي يناديه ابوها و امها : انا نفسي اعرف هو انتوا ليه واقفين في طريق طموحي وآمالي وعاوزين تجوزوني و خلاص؟ انا عاوزه اجابه مقنعه واحده بس
ام جين قررت ترد : علشان ده الي لازم يحصل عاجلاً أم آجلاً
اتعصبت و مسكت نفسها انها تسرح ف ضربت الطربيزة بأيدها قوه خضتهم كلهم وصاحت بقوه غريبه : لا مش لازم على فكره!
ام جين بلعت ريقها بذعر من تحولها : خلاص خلاص مش لازم على فكره خالص وماله - تمتمت لأم هوسوك - الحقي بنتك بتتحول زومبي بعد الظهر
كانت أم هوسوك ماسكه في أم تاي من الجنب بذعر : لا لا سيبيها هي حلوه كده سيبوها في حالها تعمل الي تعمله
ابتسمت اخت هوسوك برضى ونصر فمسكت معلقها بوقار و رجعت تاكل تاني ، حل الصمت لمدة من الزمن قرر جونغكوك انه ينكد عليهم تاني و يعمل مشاكل فسأل بعد ما رسم ابتسامه خبيثه وراها مصيبه : مين أذكى حيوان بعد جيمين؟
جيمين ساب معلقته بعدم تصديق و بصله يغل : اه يا كلب
تاي اخذ حق جيمين جيمين فجاوب على سؤال جونغكوك و قاصده بالرد : انت
جونغكوك اتصدم و جيمين عمل حفله مع نفسه وسأل بحماس عاوز ينتقم : مين الكائن الحيوان الي بينام على ظهره؟؟
كان جيمين ناوي يرد و يقول جونغكوك علشان، ينتقم بس سبقه تاي الي شاور علي نفسه بغباء وقال : انا بنام على ظهري!
يونغي فرح فيه : قصف روحه هيهيهي
جيمين ضرب ايده على جبهته : يا غبي القصفه كانت ليه هو!
تاي ببلاهه : لا و الله؟
جيمين : اه و الله
جونغكوك ضحك من تحت لتحت : غبي طول عمرك هيهي
جيمين اتعصب اخد بحق تاي من جونغكوك علشان ينتقم من اهانته ليه فضرب ايده على الطربيزه بشبه قوه : مفيش حد هنا حيوان غيرك اصلا!
ام جين نهرته : ولد!!
جيمين يهتم لا مهتمش و بردو جونغكوك يسكت لا طبعا مسكتش فضل يغيظ فيه : مش ذنبي انك عارف نفسك انك من فصيله الحيوانات، مش شايف نفسك واقع في الكرسي ازاي عامل زي الفرخه الي رقدت على عيالها و لزقت في مكانها محتاجه الي يجيي يخرجها
جيمين بإنفعال : متغلطش في الفرخه!
جونغكوك سخر : بس يا كتكوت
جيمين : ده منظر بنى آدم اصلا؟ قاعد مع أرانب المزرعة السعيدة
جونغكوك : على الأقل الأرانب أقوى من الكتاكيت الي بمجرد ما تشوطها تطير زي الكوره الشراب تقعد تتدألج على الأرض كده
جيمين غضب فصاح : الأرانب وشها فقر
جونغكوك صاح كذلك : الاحصنة بردو وشها وش فقر
هوسوك عارض حس انه دخل في وصله الاهانه بالغلط : هااايي!!! وانا مالي دلوقتي! بتدخلوني في حوارتكوا ليه؟!
جونغكوك بيقلده مع انه هو الي غلط فيه : نننن وانا مالي يا لمبي
الجده ضربت بأيدها على الطربيزة بقوه و صاحت فيهم بصوت عالي علشان يسكتوا : بس بقى خلاص كفايه مالكوش كبير يلمكوا ولا ايه؟!! وقفوا الهبل ده و خلصوا اكل يلا كل واحد يروح يجيب شنطه هدومه الي جه بيها من بيته علشان هتطلعوا من هنا على المطار هخلي حد يوصلكوا
تاي لوى شفته بعدم رضى : بس ده لسه بكره يا تاتا!
الجده بكل بساطة : مهو علشان انتوا هتباتوا عندي كلكوا النهاردة، انا عملت حسابي خلاص، علشان انا عاوزه اعمل تغييرات في البيت و مش عاوزه ادخل عمّال معرفهوش و ادفعلهم فلوس و في الاخر بيعملو الي على دماغهم و بيكسرولي حاجتي الغاليه قولت ولاد ولادي أولى
تاي رمي معلقه بسخط : آه يعني علشان مش عاوزه تدفعيلهم فلوس تقومي دافعه بروحنا احنا بدالهم مش كده
الجده : بس يلا
هوسوك سند على ايده بيقف ببطء عاوز يخلع : طب استأذن انا بقـ
الجده نهرته بنظرات حاده : اقعد!!!
اتسرع فلم نفسه قعد بسرعه زي الصنم و اتلم معاه الباقي الي كانوا ناويين يعترضوا بردو فالجده اتنهدت و رجعت علشان تاكل تاني وقعت عينها على جونغكوك الي بياكل زي الثور في الزيبه فقالت تنغص عليه عيشته اكتر فسألته : قولتلي انت في كلية ايه يا ولا ؟؟
رد عليها بعدم اهتمام : تجارة - إدارة اعمال
الجده بتقلب في طبقها : آآه بسبس مان يعني
جيمين اتخنق في الأكل لأنه مات ضحك على تعبير جدته في حين جونغكوك الي تنح و المعلقه ثبتت قبل ما تدخل بؤه : بسبس؟؟؟
الجده رفعت حاجبها مش شايفه انها قالت حاجة غلط : ايوه.. بسبس مان
تاي سخر بيغيظه : بسبس! هيهيهي عموماً اهو حاجة على قدك ولايقه عليك يااا بسبس ده اخرك اصلاً، قطه صغننه - دخل في نوبة ضحك فجأه - بسبس! آه مش قادر يخربيت الضحك
جونغكوك بصله بغل : عارف مهرجان غدر الصحاب؟
تاي بيرقص حواجبه بإستفزاز للتاني : لا
جونغكوك بيتوعّدله وضغط على معلقته الي في ايده بغيظ كبير : انا هسمعهولك بس بعد ما نخلص أكل
جيمين فجأه نفخ وقعد يتذمر : جماعة انا عاوز اسافر تاني بدل السفريه الـ..
جاله شلوت من جين من تحت الطربيزه خرسه فـ مسك رجله بألم و بيحاول ميرسمش تعابير متألمه على وشه وهو يبتسم فكانت ابتسامته زي المجنون رسمي بس الحمد لله محدش خد باله
كان اكتر ثلاثه نشيطين وعاملين دوشه على السفرة هم الثلاثي المرح دول في حين الكبار كل واحده ماسكه ودن جوزها وبتطلع على جتته القديم و الجديد، واخت نامجون بتأكل عيالها بطلوع الروح والاكل بيتحدف على وشها زي القنابل، في حين بقى اخت هوسوك ماسكه موبايلها عماله تتشات مع صاحبها و مالهاش دعوه بحد، نامجون و يونغي وشهم في طبقهم بياكلو بصمت بس الفرق ان يونغي بياكل بهدوء و رُقيّ أما نامجون بياكل بهمجيه أكنه مشفش اكل قبل كده في حياته زي جونغكوك بالضبط أما بقى هوسوك بين البينين شويه هادي و شويه بيتجنن عليهم
طريقه نامجون في الأكل معدتش من تحت أنظار جين إلي سخط قايل : الي يشوفك كده يقول اني كنت مجوعكوا و بخليكوا تاكلوا تراب الأرض
نامجون في الواقع مكنش سامعه لان كل جوارحه مركزه في الأكل الي قصاده، فبلع بصعوبه ومد ايده لكوبايه فيها عصير لونه غريب و الي محدش مد ايده عليه من اول القاعدة و مشكش للحظه انه وراه سبب او فيه حاجة واهو مد ايده و خلاص مسكها
قرب الكوبايه منه بعشم كبير و خد بؤ محترم بلع نصه و النص التاني رفض انه ينزل من الصدمه لأنه فجأه اتصنم وحس بالكراك جوه جسمه وبدأ يظهر تعابير غريبه على وشه دليل على بدأ تحوله لهالك، ولسه بيبص حواليه يشوف هيتفه فين عينه وقعت على امه الي بتبصله بحده و شاورتله بأيدها بأمر : أبلع
ابتسم بقهر و ألم داخلي لقى ان مفيش مفر فـ بلعه و حس ان روحه بتطلع معها فـ امه سخرت وسألت : ايه؟ مش عجبك؟
نامجون رفع ايده بمعنى انه تمام مع تعابير متألمه مع انه مش تمام خالص، وهنا دخلت الضحيه التانيه و الي كان جين الي اول ما شرب شويه تَفُهُم على طول في الكوبايه تاني في ساعتها و قعد يطلع لسانه متقرف : ايه ده أعوذ بالله، طعمه طينه
الجده رفعت حاجبها : وانت كلت الطينه فين قبل كده؟
يونغي شرب منه كذلك و رجع الكوبايه مكانها : انتوا حاطين فيه ايه؟؟ عصفوره ميته جوه
نامجون من جنبه : عارف انا حاسس نفس احساس الناس الي خرجت المثل بتاع ( انا شربت من كأس المر).. - رفع وبص فيها - تقريباً كانو بيشربوا من الكوبايه دي وهم بيطلعوا المثل
جاتله ضربه على دماغه كانت هتطيره من أمه في حين جين سأل ولسه مقروف من طعمه : ده عصير ايه ده؟؟
ام جين بلامبالاه اردفت : كيوي و سبانخ و موز و برتقال و خيار و عنب و جرجير
هوسوك حس انه هيعيط و بعد الكوبايه عنه : مبحبش الجرجير
جين : عصير شارابات يعني؟ وشارابات مش مغسوله كمان
نامجون بصدمه عمره : سبانخ مع موز!!!
هوسوك بتقرّف من المكونات : ااييييوو
جونغكوك من الفضول حب يدوقه وياريته ما داقه لأنه حس بنفس شعورهم فندم وكره فضوله : ضاربين سم في الخلاط
جين بيأكد : لا لا دي شربات معفنه ضاربنها في الخلاط مش سم
هوسوك لجين : ما قولت ااييوو يبقى تخرس بقى
في حين بقى تاي بيشرب من الكوبايه بإستمتاع : ده حلو جدا
جونغكوك بصله بصدمه حياته و قرب كوبايته يدلق العصير الي بيها عنده : هات احطلك الي عندي هات
جيمين مد لسانه بفضول هو كمان فكان بيلحس ويفكر : ده برسيم ده ؟ لا دي نجيله، صبار؟؟.. استنوا استنوا ده بيلسع.. ده بيشك..
يونغي حرك راسه بأسى على حاله : ده هيموت دلوقتي اصلا
تاي مستمتع بيه : ده حلو جدا و الله
~~
خلصوا اكل فكانوا بيتخانقوا كلهم على مين يشيل ايه فـ جونغكوك قام سابهم واشترى دماغه راح يقعد على الكنبه يتفرج على التلفزيون اكرمله، في حين جين سحب نفسه من البدايه وقعد على الكنبة التانية مسك موبايله و عمل لنفسه كوبايه شاي
جونغكوك قعد على الكنبه و إلى كان قاعد عليها اخو تاي الصغير الي كان قاعد عليها مسبقاً من مُده صغيره وكان شغال كرتون بس خلص فـ اخو تاي شاورله بأيده ناحيه الريموت الي على الطربيزه قصادهم : قربلي الريموت ده
جونغكوك لف راسه ناحيه ورفع حاجبه بإستنكار بيصححله الجمله : اسمها لو سمحت يا بابا.. لو سمحت قربلي الريموت
شوح بأيده بعيد بوقاحه و اردف بملل : خلاص ياعم هجيبه انا بنفسي
جونغكوك عينه مشيت على الي خد الريموت لنفسه بصدمه : كل ده علشان متقولش لو سمحت!!!
جيمين بعد ما ودالهم الكوبايات بس راح رمى نفسه على الكنبه التانيه الي فيها قاعد جين والي تكون جنب قصريه الزرع الصغيره الي فيها زهره (دوّار) الشمس او المعروفه بـ (عباد) الشمس استغفر الله ، فمال على الورده وبقى يكلمها : يا وره يا ملحده ، انتي ورده ملحده وانتي عارفه كده كويس صح
جين رفع راسه من على الموبايل لما لاحظه بيكلم الوردة عن قرب وبصله بريبه من الي بيعمله : انت بتعمل ايه بالضبط ؟؟!
جيمين لف راسه ببطء ناحيته و ضحك بتوتر : هه بكلم الورده
يونغي الي كان جاي وفي ايده كوبايه الشاي المتينه سمع حوار جيمين وجين : ما منتظرين ايه من واحد اهبل ودماغه قد البندقه
جيمين اتعصب : قصدك ايه يعني؟؟ أن انا غبي؟؟
يونغي حط رجل على جل و مسك كوبايه الشاي في ايده : حاشا لله مين قال كده؟ انت الي قولت بنفسك ، كل واحد عارف نفسه
جيمين صاح بعصبيه : بس انت قولت ان دماغي قد البندقيه! مش شايف نفسك دماغك عامله زي الطماطم الي ناقصه سوى
يونغي رفع حاجبه بإستنكار : الله ليه الغلط ده بقى؟
جيمين : ما انت الى غلطت الأول!!
نامجون حظه انه جه في الوقت المناسب علشان يفض الخناقه تاي هتبدأ : اهدوا يا جماعه متبقوش انتوا كمان هتتجننوا على بعض - قعد جنب جين في المكان الفاضي ولف راسه ناحيته - وانت قاعد كده بتتفرج عليهم بس؟
جين بصله بالمقابل بصمت وهو بيشرب الشاي ثم مدله الكوبايه : تاخد شاي؟
ساد الصمت لحظه الي قطعة جونغكوك الي اتنهد بصوت عالي هد الجبل : آآآه على الملل، يخربيت بيت الزهق الي الواحد فيه، فين صحابي فين الخروجات، انا عاوز اروح!!
تاي جه وفي ايده طبق عنب و حشر نفسه بين جونغكوك وأخوه : وانت ايه الي مضايقك مش فاهم انا يعني ها!
اخو تاي زفر بإنزعاج زي الي عنده ٤٠ سنه وخذ تقاعد مبكر فقام من جنبهم : انتوا تجيبوا الصداع انا طالع العب فوق احسن
جونغكوك بعدم تصديق : ايه الواد ده مش محترم حد كده ابدا!!
تاي بياكل العنب : ولا بيحترمني انا شخصياً
جونغكوك سخر : مهو علشان انت مُهزق اصلا عاوزه يحترمك ازاي!
تاي بعد الطبق عنه لما حس انه بدأ بتغلط فيه : الله بقاااه ابتدينا ولا ايه؟؟ ما تلم الدور وخلينا ساكتين احسن
هوسوك ده قعد جنبهم فضل ينقل بصره ما بينهم : ازيكو يا جماعه مالكوا في ايه؟؟
جيمين أتدخل دافع عن تاي : متغلطش فيه انت الي مهزق مش هو!
جونغكوك رمقه بسخط : بس يلا متتدخلش في الي مالكش فيه يا ابو نص رجل وايد انت يا قصير
تاي دافع عن جيمين بدم حامي : ياااا متغلطيش في صاحبي!!
جونغكوك بيسخر من تاي : بس انت و اقعد على جنب وحط جزمه في بؤك و أسكت، ولا اقولك الجزمه مش هتكفيه انت تحط جلّه في بؤك يادوبك تكفى بؤك العرض عرضين ده
تاي شهق وحس بالاهانه فحط الطبق على جنب : انا بؤي عرض عرضين! انت شكلك مشوفتش رجلك الي منفده لآخر سويسرا، ده انت رجلك يلا قربنا نفصلها شنط علشان مش لاقيين مقاسك!
جونغكوك بيردهاله : واضح انك مشوفتش دماغك الكبيره الي مش عارفين ندخلها من باب الشقه، ايه كل ده قلقاسه؟؟
هوسوك بيبصلهم بصمت : يا جماعه براحه ..
تاي بص لجونغكوك بسخط : طب بس يا بطيخه بلاش انت راسك اصلا لما بتدخل بتتحشر في اي حته منفده على كل مكان شبه المحور مش عارفين اولها من آخرها
جيمين دخل يفصل ما بينهم بس انتهى بيه الأمر انه دخل معاهم في الخناقه : ما خلاص كفايه بقى جبتولي صداع، ما كفايه بقى يا عم بالاصفر إلى انت لابسه ده وانت شبه ازازه مسترده بالاصفر الي لابسه ده
جيمين كان قاصد تاي بالكلام الي شهق فجونغكوك رد بالنيابه عنه : وانت ايه يا بابا ايه الأحمر ده كله إزازه الكاتشب قاعده معانا
جيمين سخر منه : طب بلاش انت بالأبيض الي لابسه ده فاكر نفسك كوبايه زبادي ولا من عمال صفط اللبن
جونغكوك : بس يلا ده انت قد تفه الكتكوت يلا
جيمين : طب بس يا فرخه
يونغي فصل ما بينهم آخر ما زهق من الماتش إلى مش بيخلص ده : قاعدين في عِشه فراخ! كتكوت إيه و فرخه ايه! ما تسكتوا شويه و كل واحد يخليه في عشته قصدي في نفسه
تاي مال على جونغكوك بعد إهانه جيمين ليه : تحب اشغلك مهرجان عيد ميلاد جرحي انا
جيمين رد بداله : لا ايه رايك اشغله انا مهرجان سكه السلامه و تحل عن سمايا بدل ما اضربك على قفاك
جونغكوك صاح : تضرب مين على قفاه يلا متخلنيش اجي اسقعلك قفاك
نامجون بصلهم بالجنب و اردف بتمتمه : كل واحد فيكوا متضايق من دماغ و رجل إلى جنبه امال انا اعمل ايه بقى نايم جنب واحد شخيره بيخرملي طبقه الأوزون
جين لف راسه ناحيته مع رفعه حاجب متسخطه : أنا شخيري ييخرملك طبقه الأوزون يا ديناصور تيركس! شكمان عربيه مخروم نايم جنبي طول الليل خوخ و خيخ لما راسي اتفلقت، مش كفايه سامعين صوتك وانت صاحي كمان هتقرفنا وانت نايم
نامجون : ده على اساس ان صوتك جميل اوي وانت صاحي ؟ ده انت صوتك شبه النعامه عندها تسلخات و مفيش مرهم ناجدها
هوسوك طلع فشار من اللامكان بياكل ومستمتع بالمشهد : اوببا الدنيا سخنت
جين : طب ما تشوفلنا حل انت في ايدك دي الي بقت قد الغساله
نامجون لجين : بس يابو ضحكه الرقاصين يا فضيحه
جين : انا الي ضحكتي شبه الرقاصين يا عره الرجاله، يلا ده انت ضحكتك شبه البلونه لما تفسي، ولا اقولك ما تشوفلنا حل احسن في طول فخادك علشان بعد كده مش هتلاقي مقاسك في الرجالي و هيفصلولك ستاير على قدك
جيمين وهو بيراقب الوضع ما بينهم رفع ايده يهدي : اهدوا يا جماعة براحة انتوا قاعدين عمالين بتعايروا بعض كده ميصحش في ايه ده شيطان، ايه الى فتح السيره دي بس
نامجون لفله ورفع حاجبه : لا و الله؟؟
جين شاركه الرأي فيه : هو مش انت إِلى بدأت بردو ولا انا؟!
جونغكوك : شيطان قصير ما شاء الله
تاي : شيطان ايه ده قد البليه
هوسوك : الفشار ده حلو اوي
جيمين صاح بصوت عالي : خلاص كلكوا بقيتوا عليا!!!
يونغي اتخنق منهم فنفخ و زعق فيهم : تتكوا القرف بس بقي بطلوا خناق! - بص لجيمين وكمل - و انت يا قصير يا أس البلاوي انت بطل كلام خالص احسنلك من ساعه ما فتحت بؤك وانت مش عارف رايح ولا جاي أخرس!!
جيمين شهق و رد : انا قصير؟؟ ده على اساس انك طويل مثلا؟! يلا ده انت شبه القطط يلا ده انا بخاف اتكلم معاك لتنونولي
يونغي طلع مواهبه المدفونه في الرد و رد عليه : انا قطة يا فار المجاري يا صعلوك الكلب انت مش شايف حجمك؟؟ روح عالجه احسن لتتسخط نمله في مره من المرات و منعرفش نلاقيك، ولا اقولك روح عالج كرشك احسن الي مغطي عليك المياه و النور بقالك يومين مش عارف تشوف صوابع رجلك
تاي شارك هوسوك في الفشار : اوووفف الطربيزه اتقلبت
جونغكوك شاركهم هو كمان ومد ايده معاهم : انتوا جبتوا الفشار ده منين؟؟
هوسوك نقل بصره ما بين الاثنين المتطفلين على فشاره و راح زعقهم بعيد : اوعى يلا انت وهو فشاري لوحدي ايه البجاحه دي
جيمين شهق بقوه من وصله التهزيق المباشر و رد على يونغي : انا بكرش يا ابو مقاديف! ده انت رجلك يلا من كتر ما بقت شبه المركب مش عارفين نوديها فين ولا نركبلها زعافات
يونغي : بس يا سحلية
جيمين : بس يا مركبة
هوسوك شرق في الفشار من كلامهم دخل فصل ما بينهم : ايه يا جماعه انتوا قاعدين عمالين بتعايروا بعض كده ميصحش
جيمين رمقه بسرعه : بس يلا متتدخلش يلا بوشك الي شبه ماسورة السباكة كده
هوسوك شهق من الإهانة و رد عليه : انا وشي شبه الماسورة يا سلك عريان في عامود كهرباء مخلوع
يونغي لف جيمين ليه يكمل اهانته : بس يا سنجاب
جيمين : بس يا سلحفه
جين بتمتمه : والله انتوا الاثنين قوارض اصلا
يونغي لـ جيمين بسخريه : انا طول حياتي فاكر انك متربي بس الفكره خلاص طارت من دماغي
جيمين سخر : ده على اساس انك منقوع في طشت تربيه يعني؟ ده انت ساقط سنة أولى ربايه يلا
يونغي : طب بس يا بومه
جيمين : انا بومه يالي تنشك في بطنك
وفجأه خناقة جيمين و يونغي بدأت تاخد منحنى آخر و مسكو في بعض فجأه فـ تاي أتدخل يدافع عن جيمين : ياااا متغلطش في دماغه الي شبه البرتقانه يالي دماغك شبه الكمثري!
في حين نامجون دخل دافع عن يونغي : وانت مال امك انت يبقي شبه الكمثري أو غيره انت مش شايف الشمامه الي قاعده جنبه
جيمين شهق من معايرة نامجون فيه : انا شمامه يالي دماغك شبه البيضه المسلوقه
هوسوك دافع عن نامجون : لو هو بيضه مسلوقه يبقي انت فرخه ملسوقه بتكاكي ككاااككك
جونغكوك من جنبه : والله يا خساره الفرخه فيه - مسك ايد تاي وشاروله - بص صوابع ايد الغوريلا الي جنبي صوابعه سبعه متر منفده على الجيران محتاجه اسانسير يلمها
تاي سحب ايده منه وصاح بدك حامي : هاااااي!! متغلطش في صوابع ايدي يا ابو شعر منعكش!!!
جيمين لـ يونغي : انت خسارة تبقى من أبناء البشر اصلاً ولا حتى الحيوانات
يونغي بوش بارد : امال انا من مين؟
جيمين سخر : من الجماد.. ما شاء الله حيطة
جين شاور لـ جيمين على الي جنبه : طب لو هو حيطه اعمل ايه انا بقى في الباب المصفّح الي قاعد جنبي ده
نامجون رفع حاجبه بإستنكار : وماله الباب المصفّح مش عجبك في ايه ان شاء الله؟!
فجأه الطربيزه كلها قامت تاني كله و كله بقى بيعاير كله و بيهزق كله مع كله و أصواتهم عليت بره الصاله فـ جت ام تاي فجأه وقفت في اولها و بعلو صوتها : باااااااااس
كله سكت و بصلها، فهي كملت سريخ : بس كفايه خلاص جبتولي صداع هتولدوني قبل معادي من اصواتكوا اخرسوا !!!!
تاي بخفوت : سوري يا مامي
ام تاي : انا ساكتالكوا من الصبح وكل شويه اقول هيسكتوا دلوقتي هيسكتوا دلوقتي لكن لا!!!! ايه شغل الحيوانات ده!!!
محدش فيهم رد فـ كملت ساخره : اه صح نسيت انكوا حيوانات فعلا
جين عاتبهم بهسهسه : عجبكوا كده.. نشرنا غسيلنا الوسخ قصاد الناس
ام تاي بتشاور لأم هوسوك الي كانت معديه بصينيه فيها أطباق كريم كراميل بتشهدها عليهم : اتفضلي تعالي شوفي الكبار العاقلين الفاهمين الي المفروض بقوا ناس مسؤولة عن نفسهم
نامجون بخفوت تمتم لنفسه : دي كدبه صدقيني
ام تاي : شوفيلي صرفه معاهم قوليلهم اي حاجة العيال دي
ام هوسوك بصتلهم وقالت بكل هدوء و وقار : ولاد! عيب كده!
قالت جملتها ومشيت لطريقها تحت أنظار ام تاي الي اتصدمت و حست انها هتتشل من رده فعلها الهاديه اكتر من الي عملوه هم : ايه الشلل الي انا عايشه فيه ده!! ده إلى ربنا قدرك عليه يعني؟! .. ايه أصوات السريخ دي كمان؟؟
فجأه من وراها طلع أصوات خناقه عيال غصبه جايه من فوق سمعت في المكان..
- يااااا سيب دراعي!!
- ده كان دراعي انا سيبه الأول!
- لا ده بتاعي اخويا جايبهولي!!
- كذاب انا اخويا جايبه قبل اخوك!!!
تاي بتساؤل : ايه ده مين الي بيتخانقوا ؟؟
جونغكوك : الصوت ده مش غريب عليا
سخرت ام تاي : ما دول اخواتكوا يا يا اهبل انت وهو، ما شاء الله نفس القطعيه الزباله يا قدوه منك ليه
رمت كلامها و مشيت قبل ما يجرالها حاجة، جيمين كان بيرمي غطاء ازازه المياه على هوسوك الي زفر و قاله : بس
جيمين مسك غطاء أواه تانيه ورماها عليه : بس يا بابا هتدخل في عيني
جيمين ضحك بخبث داخلي و حدف عليه المرادي ازاي المياه فـ بصله بعدم تصديق : ما قولت بس انت مش بتسمع ولا ايه؟!
جيمين حدف عليه الازازه التانيه ولا اكنه سامعه فجت في دماغه : ما تبس يلا بقي متجننيش الله !!
هوسوك مسك الازازه و حدف ناحيته تاني فزفر و فضل يشتمه في سره و فجأه لقى حاجة بتتخبط في دماغه وده كان جيمين الي ردله الازازه تاني في دماغه و بيضحك من تحت لتحت فـ عصب هوسوك الي قاله : انت كده جبت اخرك معايا هاا
راحله و مسكه من شعره فـ جيمين سرخ بألم ومد ايده مسكه من شعره بردو وبقوا يشدوا في شعر بعض والاثنين يسرخوا فـ يونغي حرك راسه بيأس منهم : مفيش فايده
نامجون بيدلك دماغه من الصداع : انا صدعت منكم
جين : انتوا بجد مش طبيعيين والله ما طبيعيين
جونغكوك : هم بيعملو في نفسهم كده ليه؟؟
تاي : والله انا نفسي اعرف ليه
جونغكوك : انا سألت نفسي السؤال ده كتير
تاي بصله وسأله : وايه إلى حصل؟؟
جونغكوك بصله بالمقابل وقال : مرستش يوم على بر
تاي سخر : ايه يا محمد يا محي انت هتقرفنا ولا ايه
جونغكوك بتفكير : هو مش كان دياب باين
هوسوك ساب شعره اخيرا بعد ما خد حقه : تتك نيله عيل ملزق
جيمين بيمسح على شعره بألم وملامحه منزعجه : كفايه كده بقى يا جماعه كفايه تنمر كفايه، لازم نحترم بعض و منتريقش على حد ولا نتنمر عليه - رمق يونغي بضغينه الي مدلوهش اهتمام و كمل - لان ده إفساد بينا وبين بعض وجه كده هيبعد المسافات
يونغي بينه وبين نفسه : يا سلام، كان فين العقل ده كله من زمان
جيمين اقترح : احنا نعمل هدنة
جاتله أصوات متملله متفاوتة موافقاه الرأي ماعدا يونغي تمتم بملل : اياً يكن
وبعدها جيمين رفع ايه قايل : لا للتنمر
كرروا وراه : لا للتنمر
بعدها كله رجع يعمل الي كان بيعمله قبل ما يتخانقوا ، هوسوك اتنهد و نفض ايده من مطرح الفشار : انا عاوز اقوم اغسل ايدي بعد الفشار الي اكلته ده كله - ابتسم ورفع ايده - ولا امسحها في كتف حد فيكو؟
جين سخر منه : طول ما انت كده هتفضل نتن و نقعد نحمي فيك ومفيش فايده بردو
نامجون : ولا ده انت اخرك يلا تغسل وشك وتمسحه في الستارة
جيمين تمتم : ياختي عليهم مفيش فايده
يومغي من جنبه : قول لنفسك يا قزم
جيمين بصله بغيظ و لسه هيفتح بؤه ظهرت الجده الي بتسند على عصايتها وراحت ناحيه جونغكوك و ضربته على دماغه بيها : قوم يا كلب تعال وديني السوبر ماركت محتاجه اجيب حاجات
بصلها بعدم تصديق : اشمعنى انا مهم قاعدين كلهم اهو !!
الجده بتهجم : هو كده، انا بقى متسلطه وغير عادلة قوم
جونغكوك : طب ما انتي كنتي بره و اـ
قاطعت كلامه بصياح : ولااا قوم حالاً!!!
صاح بالمقابل تلقائي : حاضر!
الجده : يلاااا
شدته من دونه علشان يقوم معاها ف فضل يتألم طول الطريق للباب وهي لسه بتشد ودنه زي الخروف، فجأه ظهرت ام تاي من ورا ابنها وفي ايدها كتاب ملفوف ونزلت بيه على دماغه بقوه فـ سرخ بألم و لفلها : اععع ليه كده؟!!!
وطت شدته من ودنه هو كمان قومته معاها : تعال ذاكر لأخوك مش قولت هتذاكرله اعمل حاجة مفيده تتكوا القرف انا تعبت!
~~
تاي ماسك كتاب اخوه بيقرأ بصوت الماده و جنبه اخوه على الطربيزه :
and it will be the most important thing to do for chemical interaction
فضل يكمل كلام ومش فاهم كلمه احد ما ساب الكتاب وبص لاخوه : ايه يا ابني ده! ايه الماده دي؟!
اخوه : كيمياء
تاي فتح بؤه ببلاهه : كيمياء ايه، انت في سنه كام اصلا؟؟
اخوه ببراءة : ٦ ابتدائي
تاي : و طالما هو انت لسه ٦ ابتدائي بتاخد كيمياء ليه ؟؟؟ - نده بلعو صوته على امه الي في الصاله في وشهم ومعاها بضع أفراد العائلات - ياا مااما انتوا مدخلينه مدرسه بتديهم كيمياء في ٦ ابتدائي ليه؟؟! هو ناقص تعقيد! ده وانا كنت في سنه مكنتش عارف الالف من كوز الذره
شاورت لـ ام جيمين الي قاعده جنبها تناولها الشبشب فـ جابتهولها فـ رمته عليه بس مجاش فيه : ذاكرله و انت ساكت بقى! مش قصتي انك كنت حمار و عندك تأخر دراسي
تاي لوى بؤه بعدم رضى عن كلام امه في حين اخوه بيضحك من تحت لتحت على تهزيقته امه ليه فـ تاي رجع بص ل اخوه الي وقف ضحك على طول واردف بحنق : ركز معايا ولا اقولك هات ماده تانيه احسن
اخوه دور عينه بملل و رمي قصاده كتاب تاني فمسكه تاي وقلب فيه : انجليزي.. همم كويس ركز معايا
تاي فضل يقرأ في الكتاب و تقريباً كان بيكلم نفسه فبص جنبه لقى اخوه سرحان و بيعمل طيارات ورق و مش هنا فمسكه من قفاه فجأه خضه : ولااا هتركز معايا ولا لا ؟؟ قول دي معناها ايه
اخوه بص في الكتاب و بصله : مش عارف
تاي : وليه مش عارف لازم تعرف، ورده يعني ايه!؟
اخوه بثقه : dog
تاي خبط دماغه بأيدي و شده من قفاه تاني : أنت حمار يلا،dog يعني كلب يا غبي.. وسمكه يعني ايه؟؟
اخوه قعد يفكر شويه وقال فجأه : chair
شده من قفاه تاني : ولااا ولا انت غبي ليه يلا ها غبي ليه؟؟ راضع حموريه يلا، غلط غلط غلط - صاح بصوت عالي للمره التانيه - يا ماما ابنك غبي و هيسقطنا!!
امه حدفت عليه فرده الشبشب التانيه فجت في نص جبهته و أردفت : و الله ما في حد هيسقطنا هنا غيرك
الشبشب نزل عن جبهته الي مسح عليها بعلامات متأبنه وعبوس ثم صاح بحنق : اشمعنى انا الي اتضرب بس!!!- نفخ كشر وشه و لف ضرب اخوه على قفاه - ركز بقي قولتلك هتسقطنا جبتلي الكلام من أمك
اخوه اتذمر ومسح على قفاه : يوووه وانا مالي انا!!
ام جونغكوك من ورا بتشرب قهوتها بتمتم : انا حسدتهم ولا ايه..
ورا في نفس الصاله كان قاعد جين نامجون و يونغي و هوسوك وجيمين بيتناقشوا فس قرارات مصييريه مالهاش اي ثلاثين لازمه بس اهو بيعدوا الوقت وخلاص
جين بيقولهم : فكروني اول ما نرجع اروح اجدد الرخصه قبل ما اتحبس وابقى رد سجون على يدكوا
نامجون : ولا اقول نسيبك تنسجن احسن حتى يحصل اكشن شويه في حياتنا
جين : هه ها ظريف اوي
جيمين واخد وضعيه الستوري تيلر : عارفين يا جماعه انا اختي كانت ليها صاحبه كانت هتتخطب فلما خطيبها كان عاوز يطلب ايدها بطريقه رومانسية فحط الخاتم في الكيك الي قدمهالها وهي مخدتش خوانه و كلت الكيكة كلها لآخر حته فبلعت الخاتم من غير ما تاخد بالها وبعد شهر ماتت متسممه بسبب الخاتم الي بلعته يا حرام
نامجون مات ضحك على نفسه في حين جين اتأثر وقعد يعيط و يتف ويتف على الي جنبه متأثراً بالواقعه : يا عيني يا بنتي
يونغي : اجل.. أنها الكوميديا السوداء
هوسوك حاسس بتشويش عقلي : يعني انا المفروض دلوقتي اضحك على الموقف ولا اعيط علشان ماتت ؟
يونغي اقترح : عندك النوعين اهو اختار الي تحبه او اعمل الاثنين مع بعض انت حر
هوسوك لحظه صمت : الخيار الثاني احسن..
فجأ بدأ يعيط و يضحك في نفس الوقت فشكله بقي عامل زي إلى خارج من مصحة ف يونغي قلّق منه فخد جنب ولسه هيقوم فجأه لقى يوجين بترمي نفسها جنبه على الكنبه و حاوطت كتفه بقوه : اهلا
يونغي خاف على كتفه ف نقل بصره لكتفه يشوفه لسه كتف ولا بقى كفته من قوتها ورجع بصلها تاني : ايه..
ابتسمت بوسع وخرجت طبق من جنبها فيه قطعه كيك : كل كيكه.. انا عاملاها ذوقها و قول رايك
بص لقطعة الكيكة أكنها صباع ديناميت او شيء قايل الانفجار في اي وقت مش قطعه كيك مسكينه من كتر ما هي خطر وبلع ريقه وهي قربت منه طبق الكيكة اكتر وهو رجع لورا : ايه يا يووننغيي مش عاوز تجرب ولا ايه خد حته دي جميله اوي
يونغي ضحك بتوتر و خوف : هه ها هاها اه شكرا انا شبعان - حاول يقوم من مكانه - انا رايح الحمام
قعدته تاني مع نبره حاده : مفيش مرواح الا لما تدوق - حطت الطبق على حجره إجباري - دوق!
يونغي بلع ريقه وبص على القنبله الي لاحظت على رجله وبدأت يتخيل انها بتخرج منها فقاقيع و مواد سائليه غير مفهومه ف مسك الشوكه وبص جنبه لقاها مبتسمه زي السايكو و بترمش ببراءه ف بص للكيكه تاني و قال يعمل فيها شجيع السيما هيحصله ايه مثلا؟؟
حط قطعه من الكيكة في الشوكه ولسه هيقربها من بؤه حس انه هيموت ناقص عمر ولسه معملش كتير في حياته فتراجع عن كل حاجة واعلن الحرب فحط الطبق على جنب بسرعه وبدأ يصيح زي التنين بشكل عشوائي اكنه اتكهرب : عععع لااااا لا لا لا ااا
فضل يصرخ لحد ما طلع بره تحت أنظار الي اتعجبوا من تصرفه فسأل، دين نفسه بتعجب : هو في ايه؟؟
يوجين رفعت كتافها بعدم اكتراث و سحبت طبق الكيكة بدأت تاكل منها ولا اكن في حاجة حصلت ومستمتعه على الآخر ، في حين ام جين من جنب ام يونغي بتهمسلها : الحقي ابنك اتجنن
~~
الليل ليل و صرصور الحقل طلع حتى القمر كان ظاهر وقتها و الجو صافي وجميل بس معكره الدخان الي بيخرج من شباك احد البيوت مش دخان حريقه لا هو أقرب لدخان السجاير..
جيمين قاعد مربع في وسط السرير حاط ايديه على خده بيفرج على الاثنين الي قاعد في وسطهم الي بيبدلوا على نفس السيجارة مع بعض ودول كانوا تايهيونغ و جونغكوك ثنائي الفساد و الخراب : ايه.. مش ناويين تخلصوا بقى؟؟ وربنا هنتقفش
محدش رد عليه ولا اكنهم سامعينه اصلا مركزين في دماغ السجارة دي بس، تاي سلم السيجارة من عنده لـ جونغكوك الي اخدها منه : متاخدش نفس جامد علشان مفيش غيرها و انا اصلا مقلبها من خزنه جدك
جونغكوك خد نفس : انا مكنتش اعرف ان جدك بيشرب سجاير
تاي خد منه السجارة : ولا انا.. بس اديها مصلحه
ضحك بأنتصار واخد منه السجارة : مصلحه جامده اوي
جيمين حرك راسه بيأس منهم و رفع ايده في السما : الله يخربيت إلى علمكوا الفساد.. الله ياخدك يا مينجي الكلب
تاي نشل السجاره من جونغكوك وسأله : احنا المفروض هنرجع الدراسه امتى؟؟
جونغكوك كحله شويه و اردف : معرفش بس اظن بعد كام يوم يادوبك نرجع و نستريح هنقوم نازلين تاني
تاي : يلا اهو احسن من القعاد هنا
جيمين بينقل بصره ما بينهم بضغينه لما حس انه شفاف : انا حاسس اني حيطه ثالثة بينكوا
تاي بصله ورد عليه أخيراً بس يا بيته ما رد : طب ما انت حيطه ثالثة فعلا
جيمين هجم ملامحه بعدم رضى من رده : شكرا يا توأم روحي
تاي : العفو يا كتكوتي
جيمين زفر بإنفعال قايل : يا جماعه مينفعش الي انتوا بتعملوه ده صدقوني لو حد دخل دلوقتي بقي وشافنا؟؟ هتاخد معاكوا الرجلين بسبب تهوركوا الغبي، متعرفوش تعملو كده في المتداري يعني!
تاي بعدم اكتراث : لا..
جونغكوك زفر وادى لتاي السجارة : ولا متخنقناش بقى و تضيع الدماغ الي بنعملها اقعد ساكت هتبوظ الدماغ او اطلع بره احسن
جيمين اتهجمت ملامحه تاني : شكرا يا صديقي الصدوق مكنش العشم بردو.. والله هتودونا في داهيه بسببكوا
جونغكوك هيقومله : قوم يلا من هنا
جيمين جاب ورا : خلاص خلاص هقعد ساكت
رسم سوسته على بؤه وحط ايده كتم بؤه خالص في حين جونغكوك مد ايده بياخد السجاره من تاي : هاتها انت هتخللها عندك كتير
تاي سحبها من بؤه تاني : انا الي جايبها اصلا
جونغكوك دور عينه بملل واردف : كل واحد نص دقيقه خلاص!
جيمين بيحرك راسه بعدم تصديق من حوارهم : عيال فسقه اقسم بالله ، انتوا عارفين ان السجاير الي عمالين تشربوها من وقت للتاني دي بكل انبساط مضره بالصحه وتودي للوفاه
جونغكوك بصله ببلاهه واردف : لا تصدق يلا كنت فاكرها تودي للفيوم
جيمين بملامح ساخطه : ييي سخيف اوي
تاي قطع نفاشهم الي كان لسه هيبدأ من اللاشيء بقوله الحماسي : ياااه اخيرا بكره هنغور من هنا و نرجع لحياتنا الطبيعية تاني، كان أطول اسبوع شوفته حياتي وأطل اسبوع ممل
جيمين اتنهد وأيده على خده : اه و الله انا بردو نفسي ارجع
جونغكوك سخر : ده على اساس ان الحياه هناك حلوه اوي يعني مهو بنتعذب بردو!
تاي : اهو عذاب هناك ارحم من هنا مع وجود اهالينا الي مراقبنا طول الوقت و مش عاتقنا في حالنا، وكمان هناك صحابنا و نخربها وقت ما احنا عاوزين من غير رقابة الوزارة كلها
جونغكوك اقتنع : لا تصدق معاك حق - ناوله السجارة مكافئه - خد نفس زياده مني ليك
تاي خدها منه : تشكر ازميلي
جيمين سخر : لا الحقيقي هدايا قيّمه
سكتوا شويه و سأل جونغكوك : الا صحيح معاد الطيارة بكرة امتى ؟
تاي : اخر معلوماتي انه على العصر فلازم نصحى بدري
جونغكوك : ايوه كام يعني ؟؟
تاي : ثلاثة..
جونغكوك بغباوه : هو ايه الي ثلاثه انا مش فاهم؟!
تاي رفع حاجبه من غباء التاني : ما قولت ثلاثه!
جونغكوك : ايوه الطياره الساعة كام يعني؟؟
تاي صاح بإنفعال من عدم فهمه : قولت ثلاثه ثلاثه ثلااثثاااااه!
جونغكوك صاح في المقال بسبب صياحه : هو ايه الي ثلاثه ثلاثه ثلاثه انت بتطلقني!!
جيمين تمتم من غيطه : يلا تستاهل
تاي فضل يتشمه في سره و اردف : الطيارة الساعة ثلاثه العصر إلهي صاروخ يطيرك، كده كويس؟؟
جونغكوك دور عينه بحنق و فضل يشتمه في سره هو كمان فمد ايده خد السجاره بشبه قوه : هات دي شويه قبل ما نتقفش
جيمين دور عينه بملل عليهم وعلى هبلهم و اتنهد فجأه سمعوا صوت حد بيقرب من الاوضه فجيمين رفع ايده من غله : أحسن تستاهلوا يا رب تتقفشوا
تاي قام بسرعه اخد السجارة من جونغكوك الي مستوعبتش ورماها من شباك الاوضه نزلت على قرعه واحد حظه زفت كان معدي من قصاد بيتهم في الوقت ده فسرخ بألم
فوق عند جونغكوك الي مكنش مستوعب لسه الي حصل الا لما لقى تاي بيهوي بأيده في الهواء بسرعه اكنه بيطرد الدخان من الاوضه فقام هو جري يرش في الجو اي ريحه و رجع بسرعه قعد مكانه تاني تزامناً مع فتح باب الاوضه من أم تاي
دخلت الاوضه وهي بتتكلم شكلها كانت بتغلط في حد فرفعت حاجبها متعجبه من ابتسامه الاثنين البريئه و الواسعة في حين جيمين غسل ايده منهم نهائياً فـ هي ضيقت عينها بشك : انتوا بتعملوا ايه؟؟
تاي مبتسم ببراءه : قاعدين بنودع الاوضه؟؟
ضيقت عينها اكتر : لا يا والله صدقت انا كده
جونغكوك ضحك بتوتر : ايه يا طنط انتي شاكه فينا اننا عملنا حاجة غلط ولا ايه؟
أمه سخرت : انا؟ لا فشر ده، انا واثقه انكوا عاملين حاجة غلط، هل كنتوا بتعملوا ايه بقى؟؟ بتنمروا على ايه ها قولولي، انا مش همشي غير لما اعرف الحقيقه
جيمين بيتمتم بصوت واطي : اه لو تعرف بس
جونغكوك مال على تاي وهمس بسرعه : ولا الحق امك ناويه انها متمشيش من الاوضه إلا على البوليس عدل اتصرف
تاي همسله بالمقابل : ما تتصرف انت هو انا لازم اعمل كل حاجة بنفسي هي امي كده حشريه
فضلوا يتهاوشوا بصوت واطي زي الفراخ في العشه فـ امه دورت عينها بملل واردفت : على فكره انا لسه واقفه لو تحبوا افكركوا يعني
تاي ضحك ورد على امه : ايه يا ماما بس مفيش حاجة من الي في دماغك خالص احنا حبينا نتكلم بخصوصيه شويه
جيمين هددهم بصوت واطي : عبال متخلفه و الله افضكوا
تاي ضربه على ظهره جامد و جونغكوك هدده بصوت واطي: هشعلقك لو مسكتش
جيمين فجأه صاح بصوت عالي : ايوه يا طنط هم فعلا اـ
تاي حط ايده على بؤه بسرعه سكته فبصت لـ جيمين وضيقت عينها بشك من الي حصل : ولا انت مشارك معاهم في اي جريمه عملوها؟؟
نفى برأسه و ايديه ولو يطول ينفي برجله كمان كان عمل فـ بصتلهم اخر مره بشك واتنهدت طاره أفكارها السوداء وندمت انها شكت فيهم : طيب طيب انا همشي انا كملو قعاد - فجأه اتحولت و اردفت بحده - بس لو سمعت صوتكوا هجيلكوا ها
رمت الجمله و خرجت قفلت الباب وراها فـ اتنفسوا الصعداء و جونغكوك قال براحه : اوف جت سليمه أمك دي مرعبه
تاي اومأ بتأييد : ايوه، ده انا كنت هولع في الغطا من السرعه
جيمين نقل بصره ما بينهم و اردف : احسن تستاهلوا يا رب كنتوا تتقفشوا اصلا علشان تتربوا، مهو من أعمالكم السوداء
جونغكوك بص لتاي الي كان بيبصله في المقابل : يلزمك في حاجة ده؟
تاي : لا ميلزمنيش، يلزمك انت؟
جيمين حضن نفسه بقلق منهم : ايه في ايه ؟ هتعملوا ايه؟؟
جونغكوك اصطنع التفكير وقال : ايه رايك يبقي مصيره زي السجارة الي رمناها من الشباك دي؟
تاي واقفه الرأي : تصدق فكره حلوه واهو الاوضه تفضى علينا
الاثنين بصوله بوعيد فـ جيمين بدأ يرجع لورا من الي رايحين ناحيته ينتقموا وهو بيضحك بتوتر وخوف : لا لا لا استنوا بس استهدوا بالله انا كنت بهزر مش بتكلم جد لا استنوا انتوا هترموني بجد من الشباك ولا ايه.. لا لا لااااا الحقونننااايي
---
تاني يوم الظهر..
أشعة الشمس كانت بتسلخ قفا نامجون الي بينقل شنطهم بمعاناه للعربية بره بتاعه جوني سباعيه الدفع إلى اتبرع انه يوديهم المطار بيها : حاطين ايه في الشنطة دي طوب!
وعلى بعد مسافة صغيرة تاي بيعاني هو وهوسوك مع نقل شنطة كبيرة بردو للعربية اكنهم بيشدوا ثلاجة خمسين قدم فحظهم ان الشنطة كمان علقت في الأرض ففضلوا يشدوا فيها بقوة لحد ما وقعوا جنبها على الأرض : اااه يا دراعي
هوسوك ماسك راسه إلى قلقست : ااه يا دماغي
يونغي معدي شال الشنطه الي وقعت جنبهم وسخر : عيال خرعه
جين واقف عند عتبه الباب بيتنفس الصعداء اكنه لسه خارج من السجن وهيشوف الحياة من جديد : ياااه اخيرا هنروح لشقتنا بعد صداع اسبوع كامل، انا مش مصدق نفسي يا لمبي، اخيرا الحريه هترجعلي تاني ياااااه.. - لف راسه لجوه وصاح بصوت عالي - ما تخلص يا إبني الطياره هتفوتنا!!
جونغكوك من جوه بصوت مكتوم : حاضرلحظهواحدهاخلصبسالحتهدي
جين رفع حاجبه : ايه ده؟ سحر اسود.. - صاح - يخربيتك بتقول ايه انت ؟!
جونغكوك بلع الي في بؤه و رد بصوت عالي : حاضر حاضر جاي
جين سأل نفسه بتعجب : بيعمل ايه ده؟؟
جوه كان الرد على سؤال جين حيث جونغكوك واقف عند السفره الي محطوط عليها أكل و بياكل وهو واقف بمعنى أصح بيلم الاكل لمعدته أي حاجة بيزلطها في بؤه اكنه مش هيشوف اكل لمده سنه ولازم يملى التانك علشان وقت الأزمات يبقي عنده مخزون كافي يساعده على البقاء وهم عاوزين يمشوا علشان ميتأخروش وده همه على بطنه بس والمصيبه انه بياكل ولسه جعان بردو، امه معدية من جنبه لقته بيزلط زي البلاعه فضربته على ايده وقع المعلقة : كفايه طفاسه سيبلنا حاجة ناكلها يا بعيد
الجده سانده على عصايتها بتكلم يونغي : ماشيين خلاص؟
يونغي : اه الحمد لله - كمل بصوت واطي - علشان نرتاح من وشكوا بقى
جونغكوك خد المعلقة تاني الي وقعت : استني بس يا ماما الحته دي وخلاص
صوت صياح جين من بره ليه خرم ودنه و سمع الصاله كلها : انت يابني آدم يلااااااااا
جونغكوك مركز في الأكل مردش عليه فـ امه عبرت عن انزعاجها من صوت جين : يا إبني ما تروحله خرم ودننا بقى تتكوا القرف هو انتوا مجيكوا صداع و مروحكوا نفس الصداع!
جين بصوت سمع البلد كلها : يلااااااااااااااااااا
جونغكوك كان هيشرق في الأكل بسبب صوته بس كمل عادي فـ جين اول ما لقاه مش بييجي قرر انه يدخله يشوف ايه الي مأخره فراحله وشد ودنه على طول : بقى انا عمال انادي بقالي ساعه وصوتي اتنبح وانت هنا بلاعة صرف صحي، ما خلاص بقى مش لازم تخلص مخزون البيت كله محسسني اني مجوعكوا! - بص حواليه لما لاحظ عدم ظهور جيمين - وفين التاني ده راخر
جونغكوك ببؤ مليان اكل : هناك بيودع امه
بص حواليه عينه وقعت على جيمين و أمه الي عمالين بيسحوا عياط سوا و توصيه قد كده اكنه مهاجر موزمبيق ومش راجع تاني فـ جين اتهجم : ايه الشلل ده، هو انا هلاقيها منك ولا منه!
جونغكوك : احسن احسن علشان اكل براحتي
جين : براحتك ايه انت لسه ناوي تكمل و هتلزق عندك! يلا في طياره هتفوتنا!!
جونغكوك تمام بإنزعاج : جاي جاي يوه!
جين مسك نفسه يسكعه قفا فشده من ودنه لتحت : وكمان ليك عين تعترض.. - ساب ودنه و زفر قايل بأمر - انا رايح العربية دقيقتين والاقيك عندي انت و الي بيسح و ينح هناك ده فاهم؟؟
جونغكوك اومأله بعدم اكتراث و سحب حته فرخه في بؤه مستمتع بيها، وجين راح علشان يشوف دخلو الشنط العربية ولا لسه فخرج بره لقى تاي و نامجون بيعانوا مع شنطه و يونغي واقف بيتفرج عليهم مش بيحاول يساعدهم حتى فـ زمجر من أفعاله و ارح دفعها معاهم لجوه مشطه العربيه وقفلها بشبه قوه وكل من تاي و نامجون مسكوا ظهورهم المتألمه من الشيل الثقيل
جين لف لـ يونغي وصاح معاتب ليه : وانت قاعد متفرج بس!
يونغي بلامبالاه : مش عاوز اتعب رقبتي و المسافه لسه طويله
لف على صوت هوسوك الي ظهر فجأه من وراه لقاه شايل شنطتين لونهم ابيض كبار شويه وشكلهم مليان و علي وشه ابتسامه سعيده : بصوا جبت معايا ايه؟ علشان نتسلى في الطريق
يونغي سخر متمتم : هو احنا طالعين القناطر
خلص جملته تزامناً مع خروج جيمين من البيت الي كان بيكفف دموعه بأيده فلما شاف الأكياس جري ناحيتها حضنها بسعادة اكنه شاف ابوه بعد غياب فـ جين دور عينه بملل و اردف : كلكو همكوا على بطنكوا بس.. آه صحيح فين الواد الي بياكل جوه هو لسه مجاش؟؟ - لف رايحله و بيزعق بقوه - يااااا جونغكوك!!!
دخل شده من ايده قبل ما يحط معلقه المكرونه في بؤه واردف وهو بيسحبه لبره : لازق مكانك مش عاوز ترجع ها.. يلااا
جونغكوك صاح بقهر على معلقاه : مكررووننتتااي
~~
في الطيارة لما طلعوها بسلام و كل واحد اخد مكانه على كرسيه وكل واحد قعد متفرق عن التاني وجنبه حد عمره ما شافه، قاعدين مستنيين وقت الإقلاع، يونغي جابها من قاصرها و نام في ساعتها علشان الي جنبه ميفكرش انه يرغي معاه اصلا، في حين جين اتدبس مع ست رغاسه رغي السنين مش بتفصل و بتلك بس وهو سايبها تتكلم : إلا قولتيلي بقي يا اختي بتستخدمي كريم ايه لبشرتك علشان تبقي منوره وناعمه كده؟
جين لف راسه ناحيتها ورفع حاجبه : اصلا؟!
هوسوك بيربط الحزام و بيتأكد ان كل حاجة تمام حواليه بيرفع راسه اتخض منوالراجل الي كان مبتسم بوسع ناحيته و عمله بيباي فـ هوسوك بيبايله بضحكه مرتعبه منه فـ الراجل شاورله يقرب فـ قرب بحذر : سمعت عن آخر أخبار الطائرات؟؟
هوسوك نفى : لا
الراجل بأنشكاح : انا اقولك.. ٣٥٠ ماتوا مره واحده في حادثه طيارة انفجرت في الجو بسبب عطل في الماتور، أما بقى مره انفجرت بردو بس كان علشان البنزين التسرب و مره غرقت بسبب مطبات هوائيه كتير وقعت الطيارة و افقدتها توازنها
هوسوك وشه انسحب لونه : طب شكرا مش عاوز اسمع خلاص
الراجل كمل ولا اكنه سامعه و بيشرح اكنه شيء علمي : بيقولك بقى ضحايا الانفجار ٢٠٠ منهم طلعوهم من الديل، و ٩٠ لقوهم محشورين في الماتور و الباقي متقطعين و متنتورين في الكابينه
هوسوك بلع ريقه بخوف : طب كفايه ارجوك علشان احنا طالعين بعد شويه
الراجل همهم و مسح على ذقنه : بيقولك بقى مؤخرا ان الطيارات بقت مش ولابد خرعه كده و بتنفجر بسرعه
هوسوك بدأ يترعب اكتر : مش كلهم مش كلهم متقلقش
الراجل : مش ده الي قالقني، انا بعد ما عرفت ان نفس نوع الطياره الي قالو ان في خطأ في صنعها نفس نوع الطيارة الي احنا راكبها دلوقتي بقى عندي فضول اعرف هل يا ترى هتنفجر بينا في الجو ولا هتقع في البحر.. همم ايهما أقرب؟
هوسوك صاح فيه بسبب الرعب الي عملهوله : يخربيتك انت أنت بتفكر!! يا جماعه يا جماعه حد يشيل الراجل ده جنبي !!!
الراجل : بيقولك بقى ان نوع الطيارات ده..
هوسوك قوععه بصياح : اسكتتت اسكتتتت، يا ريتني ما جيت انا عاوز انزل نزلونننااااي
جيمين حظه السيء بردو قعده جنب واحده فاكراه الدكتور النفساني بتاعها او صاحبتها الانتيم ونازله شكوى على ودنه زي الكراكه مبتفصلش كل الجمل ورا بعض وبتعيد نفس الجمل بطرق مختلفه ومش بتقول المشكله اصلا وهو ملان منها و عاوزها تخلص وتقول الي عندها ممكن تسكت : انا عندي مصيبه سوداء انا اعصابي تعبانه جدا انا مكتئبه انا هنتحر
جيمين بملل و ايده على خده وبنفس الوضع بقاله ساعه : ايوه ليه؟؟
البنت : قلب واجعني
جيمين : من ايه؟
البنت : انا في مصيبه كبيره
جيمين : عاوز اعرف ايه هي
البنت : مهي مصيبه كبيره اوي اوي
جيمين : يخربيت مصايبك
البنت : انا مش قادره انا مش عارفه اعمل ايه ولا اتصرف ازاي
جيمين : قوليهالي علشان اعرف اساعدك
البنت : ما انا خايفه اقولك لتقول عليا عبيطه وهبله ومكبره الموضوع
جيمين : قولي الأول علشان احكم
البنت : طب افرض حكمك هيزود حالتي اكتر
جيمين زفر : مش عاوز اعرف
قام يقف علشان بمشي فهي قعدته تاني : خلاص أقعد
فرك راسه الي ورمت والبنت مستمره فهو قال : اخلصي انا صدعت
البنت بتعيد من الاول زي الشريط : انا مش عارفه اقولك منين
جيمين ضرب ايده على وشه جاب آخره : قولي وخلاص
البنت : ما انت ممكن متحسش بيا
جيمين : قولي علشان أعرف
البنت : انا عندي مصيبه سوداء اوي
خبط جبهته بقوه : يادي النيله
نامجون بقى كان قاعد جنبه واحد غلس وحشري اوي مدخل عينه في الموبايل بتاعه بدون اي خصوصيه فـ نامجون بصله بطرف عينه على أنه يحس على دمه مثلا و يبعد لا بالعكس شاروله على الشاشه وقاله : على فكره نوع السماعات دي حلو انا جربتها ممكن تجيبها هتنفعك
نامجون دفعه بخفه بكوعه علشان ياخد راحته : طب بعد اذنك سنه بس
حرك راسه بعدم تصديق من الي حصل ورجع يقلب تاني في الصفحه فجأه حس بظل على الموبايل فلف راسه كانت راس الي جنبه لزقت في موبايله بردو وشاور على الشاشه : إنما ده بقى هيبقي احسن لو جبته ثق في رأيي
تاي بقى كان قاعد جنب واحد شكله مخيف زي بتوع العصابات ورغم انه كان مغمض عينه الا انه كان عامله قلق ليه طول القاعده و مش مستريح وعاوز يجري فبلع ريقه بخوف وكان قايم يقف بحذر : طب استأذن انا بقى..
الراجل فتح عينه و رقمه بحده مخيفه : اقعد!
رجع قعد تاني على طول بخوف وحضن نفسه : حاضر
في حين جونغكوك كان قاعد وراه عيل صغير كان كل شويه يخبط برجليه في كرسي جونغكوك بيلعب و جونغكوك يسكته لان الضربات بتسمع في ظهره من خلال الكرسي : بس يا بابا
الولد ضرب الكرسي تاني : بس يا حبيبي
الولد ضرب بشكل أقوى فـ جونغكوك قامله : بس يلاااا!!!
منع جونغكوك انه يدي الولد بالبوكس يعلمه الأدب هو صوت كابتن الطيارة الي صدى في الطيارة كلها..
" بسم الله الرحمن الرحيم، حضرات الساده الركاب الكرام السلام عليكم ورحمة الله وبركاته أما بعد.."
جين بتعجب : ده داخل يخطب مش يقول تعليمات
" معاكم كابتن الطائرة الطيار ماهر ماهر ماهر الشديد اوي الطيار الي هيطيركوا فوق السحاب و يركبكوا الجو بعون الله، احنا هنكون طالعين على سرعه عاليه محدش يقولي سرعه كام لو لطريق فاضي هدوس واجري، بالصلاه على النبي كده احب أوجه تعلمياتي لركاب الطياره، اه مهو اصل كل حاجة بالنظام والي مش هيلتزم هفتح الشباك وارميه في الجو، بالنسبه بقى لموضوع الأطفال واحناعارفين ان الأطفال احباب الله بس ده ميمنعش ان اي عيل هيفكر انه يخبط عليا الباب و يجري هحدفه هو وأمه من الشباك بردو لأن انا بتخنق من العيال.. ابنك تخليه تحط باطك يا وليه علشان بصوا متضايقوناش ، اما بقي بالنسبه للمعلم الي احنا بنقوله اربط الحزام و هو عاملي فيها فاندام و بيرفض يربطه.. لا اربطه يا اخويا اربطه انت مش راكب تاكسي ولا حاجة اربطه بدل ما نضيع كلنا؛ كله يربط الحزام يا جماعه ارجوكم، اما بقي بالنسبه للي مش بيقفل تليفونه او كده فكل واحد يتنيل يتقفل تليفونه حالا بدل ما نضيع كلنا بردو، و رساله للي بتحط كحل وتاخد سيلفي من شباك الطياره لا اقفليه ياختي هي مش ناقصه بدل ما تتكحل في وشنا كلنا ، بإذن الله ربنا معانا كده وكل واحد يقول ادعيه السفر و ادعيه ما قبل الموت و اسمعوا كلام المضيفه ارجوكوا مش عاوز غتاته هي مش ناقصه ومحدش يضايقها انا بقول اهو.. (كلم المضيفه) مساء الفل يا شوشو.. وأخيراً احب أوجه رسالتي للساده الركاب و اقولهم رحله سعيده و استمتعوا بالملاهي.. يا عدوواااايي "
وفجأه طلع بالطياره اكنه بيطلع بعربيه سباق خلا كل الركاب يصوتوا : عاااااااااااااااااااااااااا