الحلقة 13
///بقلم هاجر صباح///
في بعض الاحيان تحدث لنا اشياء نبكي حزنا لانها حصلت لنا (ارضوا بما قسمه الله لكم) كل شي يحصل فيه حكمة لكم
______________________________
.
.
.
بدلت لبسة مالت حوامل مثل الجبة بس عريضة ورحنه اني وشام للدكتورة اخذنه رافد حتى تكشف جنس الطفل وهم اي شهر دخلت لان ما حاسبة جان رافد متلهف كلش يعرف جنس الطفل
رحنه سوينه تحاليل طلع عندي فقر دم والطفل نازل
شوية سوتلي سونار فحصت نبض الطفل سمعت النبض دمعت عيوني معقولة رح اصير ام!! وطلع
جنس الطفل كالت الدكتورة:ماما حتجيج
بنوته ...فرحت كلش كتبتلي مثبتات وكالت: انتي بشهر السابع يعني لا تتحركين هواي لان الطفل نازل
رحنه شفنه رافد يروح ويجي شافنه من بعيد اجه
ركض هاا بشرو..
شام:رح تجيك بنوته تخبل ..
رافد:الحمممد والشكر الك ياا رب ..
شام:بس عدها فقر دم ولازم ترتاح..
رافد:غير النهار كلة ما تكعد بس تريد شي وصخ حتى تنضفة يلا تعالي حبيبتي لزم كتفي ومشينه وصلنه للسيارة صعدت بالصدر وشام كعدت ليورة..
وهو راح للصيدلية يجيب الدوة ...
رافد:
جنت كلما يمر يوم اني وسمارة سوة يزيد حبي الها واتعلق بيها اكثر كل يوم احسها الهوة الي اتنفسة ما اكدر اعيش بدونها من صارت حامل كلش فرحت
كأن اول طفل يصير عندي جنت طاير بيها اروح للدوام واحسب دقيقة دقيقة حتى ارجع ما اتعلقت بمرة مثلها رغم عندي اثنين بس جنت احترمهن
وانطيهن حقهن الشرعي مو كحب لا كحق عليه
وواجب بس سمارة من شفتها وتزوجتها كلشي تغير بحياتي من ارجع اطير بيها ما اخليها تشتغل ابد
مرات شام تكلي عاركنها ضحى وهديل واروح اعاركهن هي ابد ما تحجي او تشتكي من شي بس شام تكلي شام صارتلها ام واخت الكبيرة الها
ترشدها للطريق الصحيح رغم هية واعية ومثقفة بتفكيرها رغم صغر سنها ومن بدت تكبر بطنها دائما اشاقيها واتلمس بطنها تمنيت يصير عندي بنية كون
تشبهها والحمد لله تحققت امنيتي وطلع جنس الطفل بنت رحت تحاسبت وي ابو الصيدلة وجبتلها العلاج ...
سمارة...
صعد رافد بالسيارة اخذت منه العلاج جان هواي كتلة:عود صدك هاذا اشربة كله لو امووت ايعع يموت هاذا مر كلش..
رافد:مو بكيفج هاذا طفل واله حق عليج تقبلين يصير بي شي لو يموت..
فزيت"اسم الله شبيك رافد ليش هلحجي"
"اي لعد اخذي علاجج واسكتي"
شام:معليك خوية اني اشربها غصب عنها "
ضجت كلش ..وصلنه نزلت على كيف احس بطني طابوكة متت منها كوه امشي شوكت اجيب وارتاح..
لاكتنه ضحى "اي حضوض بسرعة حبلت جا مثل حضي اثنين كوة صارو"
شام:صلي على نبيج شبيج الحمد لله على نعمة العقل ...خزرتها ضحى ودخلت
دخلت للغرفة نزعت الجبة والشال واخذت ملابس طبيت سبحت وطلعت لبست دشداشة وردية بيها ورود بيض دا انشف بشعري حسيت واحد شبكني درت رافد هاا حبيبي جوعان..
رافد:كلش جوعان اريد اكلج ..
سمارة:'خجلت اا اروح اصبلك واجي صبيت مركة بامية وتمن (رز) بصينية وزلاطة وخظرة ودخلت للغرفة لكيته متمدد وبس بالشورت اجه اكلنه سوه
كتلة:رفودي حبيبي شصار على شغلة البيت..
رفع راسة "والله دورت ولكيت بيت كلش حلو ومرتب وجبير مساحته 600 متر وبي حديقة"
"اهاا وحامد هم لكيتله بيت"
"اي لكيتله بيت قريب عنه فرق فرع واحد بس تجيبين نشيل "
"ان شاء الله"..
اذن رحت صليت صلاة المغرب ردت اسوي عشه بس شام مقبلت سارة وضحى دا يسون رجعت الغرفتي تمددت ااااخ يابة ظهري موتني هستوني غفيت
سمعت طكطكة الباب فزيت لكيته رافد شايل صينية الاكل ...حبيبي ليش جبتها جان كلتلي اني اصبلك .
"عادي عمري اني جبتها مصار شي اني وياج واحد"
ابتسمت وكعدت اكل كملنه شلت الصينية وغسلت المواعين لمحت حمزة يباوعلي من الاستقبال خزرته ودخلت للغرفة لكيت رافد ما موجود بدلت دشداشة
قصيره لفوك الركبة لون سمائي ومكيجت حمرة حمرة طوخ وخليت كحلو وعطر ترست الغرفة دخل هو ضل يباوع لتقاسيم جسمي"شنو هلنظرة ترة ما
اقبل اني عندي رجال لتتحرش بية يولد"
رافد:اشك عيونه ليباوع للبوتي امووت عليج جوعان اريد اكلج بوسني بركبتي ...ووووو
مرت الايام ...
سمارة :"رافد حباب اريد اروح الاهلي والله مشتاقتلهم صار هواي مرايحتلهم "..
رافد: "خوش لعد بدلي وخلي نروح ما دام الساعة ١١
بدلت بسرعة ودطلعت للسيارة صعدت كال"الحمرة شوي طوخ مسحيها"
سمارة:"برطمت ويين والله قليلة "
رافد:"كلت مسحيهاا وخلص"
سمارة:"اهوو ما اروح بطلت"
عاط"كلللت مسحيييها لا اجي افرك حلكج"
انصدمت اول مرة يصيح علي مسحتها حيل فركت حلكي ودرت وجهي على الشباك حرك السيارة وهو جهة احمر دم ما تحمل بجيت بصوت عالي
وكف السيارة ودار وجها علية كال"اسف كلش اسف والله مو قصدي بس لان ضايج اليوم" حظني واني زيدت بالبجي كال"هسة شمسويلج ليش هلبجي هاذا
صايرة حساسة ام غزولة" ابتسمت مسحت عيوني انطاني كلينكس كال "مسحي خشمج مو تدمريني مخاط"
ضحكت وضربته على كتفة "عابت" يلا حرك سيارتك.
حرك السيارة عدلت مكياجي بالمراية وصلنه دخل هو سلم على بابا دخلت اني هم سلمت علي وبست ايدة..
شعلان :شلونج بوية شخبارج ليش هيج كاطعتني لا تنشدين لا تسألين...سمارة:"لا والله بس هلتشوف بطني شكبرها وما اكدر اجي والله اعذرني بوية"
شعلان : تعالي دخلي ارتاحي يبعد ابوج " دخلت للاستقبال..لكيت زينب تمسح بالكاشي
زينب :لك هلاااااا مستر بطيخة شلونج صايرة جنج بطريق ..
سمارة بوستها "اهووو بدة تصنيفج شسوي ما بقة شي واجيب" بعد بس ٣ ايام وادخل بالتاسع سمعت رافد صاح:سمارة محتاجة شي ...جاوبته لا سلامتك حبيبي وطلع..
اجة بابا " كعد يمي شلونج شخبارج"
سمارة "والله الحمد لله ما بقة شي واجيب"
شعلان "الله يكومج بالسلامة بوية اي شي تحتاجي بس دزيلي خبر اجيج "
سمارة " الله يحفظك الي ويخليك سند وخيمة النا"
زينب"تعالي كعدي كعدت وسلمت على ماما جانت تصلي ..
سمية:هاا يمة بطنج كبرانه كلش من تصير عندج الم دزيلي واحد من الولد اجيج خاف شمام ما تعرف..
سمارة:شنوو شسمها شمام شنو ماما شاام خرب لو تسمعج هههههه..
سمية:اندري شام شنو هل اسم لعد المسميها شكد يحب سوريه ...
زينب:يلا حظرت الغدة اني تعالن كعدت ما اشتهي كليت شوية ...سمية:ولج اكلي يلفااهية غير عندج طفل ببطنج خطية حرام عليج ..جبرتني اكل شوي وحسيت معدتي انكلبت بسرعة ركضت اتقيئ ..
زينب:هاا سمورة ناخذج للمستشفى..
سمارة:لا حبيبتي عادي لان ضغطت على نفسي بالاكل غسلت وجهي متت حسيت الهوة انكطع شربت مي ..
سمؤة:عاادي يمة غير حامل طبعا تتقيئ وتلعب نفسها هسة ترتاح تعالي فرشيلها هنا فرشتلي زينب وهي مرعوبة تمددت وظهري موتني ااخ يمة سمعت صوت الباب راح بابا فتحة سمعت صوت رافد استغربت طلع جايب الدوة الي لان ناسيته اجه دخل كال"سمورة شوكت اخذج كتله تعال باجر " راح واني ضليت
اسولف وياها لحد الليل فرشت ونمنه لنص الليل فزيت على الم كلت هسة يروح عادي شوي وشفت.....يتبع
(بنات تنزيل البارت يعتمد على التفاعل رجاءا بنات صوتو وتفاعلو لان دا اتعب والله)