جميلة انتي كجمال قلبكِ❤
///بقلم هاجر صباح///
الحلقة1*****
بغداد.....الطارمية ..... 7:30ص
سمارة:جانت غرفة ضلمة كعدت كلي نشاط واني ميته حرر ...صباح الخير
سمية :صباح النور
سمارة:وين زينب
سمية:دتنضف وسهاد دا تسوي ريوك
سمارة:اهاا شنو شغلي اليوم علية المطبخ مو
سمية:لا روحي ساعدي زينب بالتنضيف بين ما يكمل الريوك واني علية المطبخ رح احظر مواد دولمة للغدة...
سمارة :صار ..صباح الخير
زينب،سهاد:صباح النور
سمارة:اكلجن ترا طكت روحي بربجن ابوي شفكر من جابنه هنا غرفة وحدة و٥نفرات تنام بيها من غير البنات يجن زعلانات هنه وجهالهن..
زينب:لا تتعافين رحم الله والدي الشيخ انطانه غرفة لو ما هو جان احنه هسة بالشارع وابوي منين يجيب اشو حتى اخو ما عدنه واحنه 6 بنات شيلحك علينه ما صدكنه ضحى وزهراء وميعاد تزوجن...
ونوب البارحة مارة للسوك ضحى وشفتها خطية تبجي تكول فلس مينطيني منين اجيب اني وجهالة كاتلهم الجوع كاضيها بس يكبسل وينسى روحة موتني ...
سمارة:لا بربج بس لا تجي
زينب:لا ما تجي تعرف من اجت حالنه تبهذل هل ساكته
سمارة: الله كريم تفرج متضل هيج
رحنه تريكنه واني كلش متضايقة بيتنه عبارة عن غرفة صغيرة ومطبخ وحمام افف شوكت نخلص يا ربي...
صارت الساعة ب ١٢ الظهر كمت صليت وكعدت اكتب واشخبط اعدل خطي ... اجت امي كالت
سمية:ابوج تأخر خطية سمارة ما تروحين توديلة غدا
سمارة: ماشي هسة اوديلة
سمية:بس للتتاخرين
سمارة:ماشي
جبت سفرطاس(مثل العلبة)خليت بيها دولمة وماعون زلاطة وبجيس خبز بدلت تنورة طويلة لونها اسود وقميص ابيض وشديت شعري ذيل حصان ورحت تمشيت جان قريب كلش دخلت جان الجو كلش حار فجأة طلع بوجهي رجل جان تقريبا اربعيني باوعت اشو هاذ صفن علية وتقرب اني خفت كلتلة: بابا شعلان هنا؟؟ ما حجة كررت علي
كال:احم انتي شتصيرين منه اني صاحب المعمل
جاوبته:اااني بنتة تكدر تنطي هل اكل؟
كال:اي انطيني اني اوصلة اله انطيته ورجعت بسرعة..تلكتني سهاد:شبي وجهج ينطي الوان ووين جنتي؟
سمارة:اا وديت الاكل لبابا
اهاا يلا لعد روحي درسي ...رحت درست واني افكر يا ربي شبي هاذ احاجي بس صافن اهوو هسة اني شعليه خلي ادرس واسكت...
كملت دراسة واني راسي انفجر شهل لعبان نفس دراسة صعبة بس احاول افهمها فرشت ونمت للمغرب كعدتني زينب :كومي ولج صلي وتعالي ساعديني نسوي عشة.. كمت صليت ورحت بالمطبخ لكيت امي كاعدة تثرم وتسوي كباب
سمية:صحي النوم رح اكمل ثرم وانتي كلي الكباب..
سمارة:يمة فدوة ما اتحمل عليج الله خلي ننتقل محد يقبلها تره غرفة وحدة وبيها ٥ نفرات وتعرفين ضحى والبنات شلون كل فترة وحدة زعلانه..
سمية :ولج وين نولي منو يتحملنه احسن نبقى بشارع نجدي على الاقل اسمة بيت يسترنه ونكعد بي مو هاي زينب ما تحجي ليش بس انتي متعافية..ديلا كومي كلي الكباب راح يجي ابوج..
كمت اني اسوي زلاطة وذبيت التكلا على زينب تسوي..زينب:لتحجين هيج سمارة يعني ابوي منين يجيب بربج هم خطية يطلع الفجر يجي باليل على مود العيشة يركض وميت تعب ...
سمارة:يابة ابتليت بعد ما احجي كملت تكلى...
لليل اجه بابا تعشينه ونمنه مشت الايام بين الدراسة وبين البيت والشغل واني
استمريت اودي الاكل لبابا و كل مرة يقابلني الشيخ لو يصفن ويختلق حجي بس اني ابد ما ارد ولا منطيته مجال ودائما ارجع خايفة من صفنته علية ومرة رحت كال:شنو اسمج انتي
جاوبته :اااسمي سمارة بس انطي هلاكل اريد ارووح ااني
رافد: اهاا زين شكد عمرج مبينه صغيرة...مجاوبت رجع حجة: زين سؤال ليش انتي هلكد حلوة؟ وعيونه ذبلت' اني هنا متت خوف بسرعة خليت الاكل بالكاع وركضت للبيت قربت الامتحانات جنت ثالث متوسط شلته من بالي رغم الخوف بعدة بكلبي ونظراته الي ما ارتاحلها ابد ركزت بدراستي بعد كم يوم وتبدي امتحاناتنه...فجأة
وسمعنه دكت الباب راحت سهاد تفتح الباب :يمةة اجتت ميعااااد
راحت الها امي:ها خيرج شكو شبيج تبجين
ميعاد:يمة بعد ما اتحمل ولج يمه يخووووني كداااام عيني ااااخ الله وطلع متزوج علية يمةة بعد ما ابقى ويا
سمية:ولج هو يا رجال ما يخون ويتزوج على مرته هو مقصر بمصرف
ميعاد:لا ممقصر بس شنو الفايدة ممقصر بالمصرف ومتزوج عللية ولج زنيبة جيبيلي مي يبس حلكي الله ليوفقة
زينب:اي هسة اجيب واجي
زينب: هو هاذ هم حظنه لان محد يطلع النه الكل تنهش بلحمنه لان ما عدنه سند اااخ يا دنيا تفتر على الفقير...
سمية:يمة ما الج غير بيتج ورجلج كلهم يتزوجون ٢ و٣ كعدي وسكتي وتعرفين حالتنه كوة مدبرين اللكمة ما نكدر نتحمل كومة لحم عضم بني ادم ثكيل ما الج غير رجلج
ميعاد:يمة جا شيصبرني اني ما اتحمل والله وحدة تشاركني
سمية:ولج يمة تجاهلي ضربي ميت نعال اهم شي موفرلج مصرف ...
ميعاد:والله ما اعرف شكلج خلي ابقة يوم يومين وخلي هو يرجعني شسوي امري لله
سويت عشه طماطة وبتيته ولبن وخبز واكلنه تعشينه ونمنه نمت بالزاوية ويمي منا زينب ومنا ميعاد وابنها وبابا وسهاد ماما نامت بالمطبخ لان متكفي الغرفة مرت يومين سمعنه دكة الباب بلليل راح بابا فتح الباب طلع زوج ميعاد رحب بي بابا ودخلة دخل
محمد:السلام عليكم
ردينه:وعليكم السلام
محمد:يابة اني جاي على ميعاد واني احبها ومدللها وهي تبقى الاصل جاي ارجعها تبقى هي ام بيتي
ميعاد:محمد ام بيتك وتتزوج عليه ليش شمقصرة وياك
محمد:والله ما مقصرة بس بعد صارت المهم ترجعين لو لا
سمية:اييي ايي ترجع يلا يمة روحي وي رجلج
لمت غراضها ميعاد وراحت
سمية:امدا حظجن بيا طينه واكع تعالن يلا ولجن نعست
سمارة:يمة اريد انام باجر اكعد من الصبح اقره فرشتلهم ونمت...
كعدت الصبح تريكت وكضيتها راسي بالكتاب متت تعب حتى غده متغديت صار المغرب واني بعدني ممكملة المادة صاحت امي علية :ولج سماارة صخيمااان تعالي اتزقنبي موتي روحج حسبالك راح تصيرين دكتورة تعالي اكلي لا اكوملج بالصوندة ...سمارة:اهوووو هسة اجي رحت صليت وارتاحيت اكلت شويه ورجعت اقره لل١٢ كملت بالف يا الله حظرت ملابس المدرسة ونمت ..كعدت واني كلش متوتره وخايفة انسى المادة بدلت وراجعت المادة صارت الساعة ب 7:44 كلت البابا يوصلني جانت المدرسة قريبة كام يوصلني ويروح يرجعني ويكمل شغلة وهكذا خلصت الامتحانات باخر يوم رجعت اكمز
سهاد:شبيج جنج مطي تكمزين
سمارة:'غير طالعة عليج ما تنجبين غير خلصت امتحاناتي
سهاد:خاب شوف هاي والله مال كتلة هو ثالث سهل
سمارة:اي مبين من رسبتي بي
سهاد: اهووو صارتلي العالم انيشتاين كملت مرحلتج وصرت ثاني كلية وانتي ثالث وموته روحج وصعب وصعب لو توصلين سادس شتسوين
سمارة:بله ما توخرين مني لا اكوم اسحلج خربتي واهسي
يمةةةة خلصت امتحانات واخيرااا
سمية:صدكك واخيرا تعالي لعد غسلي المواعين
سمارة:هاي عود صدك من خرب حظي اي والله حسبالي راح تحتفلون
سمية :عليمن نحتفل شنو عرس ابوج وما ادري
سمارة :اروح انطمر احسلي ما منكم امل نمت كعدت الظهر ساعة 12 صليت ودخلت المطبخ اساعدهن
كاعدة اسوي زلاطة للغدة فجأة طب بابا تفجأنه لان مو من عادته يجي من وكت سمعت بابا صاح ماما وحجه وياها نوب صاح:سمارة
تركت الشغل من ايدي رحت وكلبي مدري ليش يدك بسرعة جني مسوية مكسورة كتله:ها بابا
شعلان:كعدي هنا اريد احاجيج
كعدت وضربات قلبي تسارعت وجانت اخواتي وامي كاعدات كال:الشيخ خطبج مني اليوم
سمارة:انصدمت كلش بلعت ريك بتوتر وخوف كتلة ااي وششكتلة؟؟!!
شعلان:والله شكلج بس ......يتبع
السلام عليكم شلونكم حبايب حابة اوضح الاسم سنا الدُجى معناه:لكل ضلمة هناك خيط ضوء او خيط امل طبعا اتمنى تعجبكم القصة وتستمتعون بيها والقصة حقيقية100/100 مع اضافة من الخيال احبكم❤ الكاتبة هاجر دمتم بخير لتنسون التصويت⭐🌟