بعد منتصف الليل

الفصل التاسع عشر

جاء الصباح محمل برياح ستقلب كل شئ معها وسيأخذ كل شخص مايستحق

جالسه ببرود وابتسامه خبيثة تشرب قهوتها وهي شارده
  الان الخطة تسير بالتمام كما خططت لها فهي من خططت ورسمت جميع الخيوط وكان البداية من مكتب سالم  هي من دبرت دخول جهاد اولا لتحضر ذلك الملف فهو لم يكن ملف كما قالت لها الغبية جهاد كما تسميها

فلاش باك

كانت جهاد تجلس مع نوران بالأسفل لتأتي قسم تنادي عليها عاوزاكي تكشفي عليا لاني حاسه ان داخل عليا دور برد
لتلتفت جهاد بارتباك لنوران التي لم تصدق ان قسم ستاخذ استشارة من جهاد ثم تتحدث نوران بنبرة ساخرة : ياخبر برد ودكتورتنا موجودة ليغادروا تحت نظرات نوران القلقة

في الجناح
جهاد بغضب : مقدرش اعمل كده عمو لو عرف مش هيعديها ثم ممكن جدا درج المكتب يكون بمفتاح
قسم ببرود : انتي قولتيلي لما دخلتي عليه ارتبك واخد الملف بسرعه ودخله في الدرج ومقفلش بالمفتاح يبقي الدرج مافيهوش مفاتيح كل اللي طالباه منك تجيبيهولي
جهاد بتفكير : ازاي عمو الفترة دي دايما في المكتب ومش بيخرج منه وكمان لو انا دخلت وحد شافني انا اول حد هيتشك في خصوصا ان واضح ان الملف ده مهم جدا واكيد هيلاحظ اختفائه
بسيطه عندي الحل بصي ياستي

وبالفعل نفذت جهاد كل شئ  كمان قالت لها قسم

كانت ليل جالسه تنتظر زين لتأتي جهاد وتجلس معها
جهاد بإبتسامه : لاقيتك قاعده لوحدك قولت اجي اعد معاكي
ليل ببرود : وياتري المرة دي مجهزة كلام ايه
جهاد متصنعة الحزن : صدقيني ياليل انا ندمانه جدا علي اللي حصل بينا وانا اقتنعت ان كل شئ نصيب وانا مكنتش هقبل اتجوز حد قلبه مع غيري كل اللي طالباه منك تسامحيني بس
ليل وهي تحاول تصديقها : وايه اللي يضمنلي انك بتتكلمي بجد
جهاد وقد وصلت لمرادها : تكلمي عمو سالم اني حابه اتنقل عنده بالمشفي بتاعه وهبعد تماما عن زين وهبدا معاكي صفحة جديده
ليل باستغراب : وليه تتنقلي انا كل اللي محتاجاه انك تثبتيلي انك اتغيرتي انا عمري ماهرضي انك تسيبي حلمك
جهاد باقناع : حلمي اني اشتغل مع عمو واسافر أمريكا معاه وهناك هكون حققت حلمي بجد وانا محرجة اتكلم معاه وكمان لان ماما اكيد هتعترض حبيت انك تلمحيله بالفكره هو بيحبك وهيسمعلك واكيد انتي عندك اسلوب في الإقناع احسن مني
لتبتسم ليل بصدق وهي تومئ لها لتبتسم الاخري بخبث

باااك

واضح انك سعيدة باللي حققتيه لدرجة انك ملاحظتيش اني بكلمك من وقت طويل كان هذا. صوت جهاد التي أتت لتجلس مع قسم عندما وجدتها وحدها ياتري بقي عرفتي ايه أهمية الملف ده وهتستغليه في ايه ولا طلع مالوش فايده
قسم وهي تنظر حولها لتميل علي جهاد وتتحدث بعنف : اولاصوتك ده ممكن يوصل للخدم ووقتها لو عرفوا سالم مش هيسكت يبقي متتنطقيش
ثانيا الملف ده انا بس اللي هستخدمه انتي اللي عليكي اهم خطوة لكن بعد ما انا انفذ خطتي فاهمه لتومئ لها جهاد بشر لا تعلم بأن السحر سينقلب علي الساحر قريبا

بمكتب سالم

كانت حالته تسوء مظهره الفوضوي أصبح واضح للعيان لا يدري أين الدفتر فكل من بالقصر داخل دائرة اتهام  قسم وليل وسوار عزيز خارج الدائرة لانه كان مسافر ولم يخبره احد بما حدث لابنته  المرعب هو أن يقع في يد أخيه كيف سيفسر  له مشاعره هل سيسامحه ليضحك سالم بكل بساطه يتمني ان يسامحه ومازال عشق زوجته بقلبه

لينتبه علي من دخل اليه دون أن يطرق الباب

كرم بغموض : دكتور سالم ياتري مبتروحش المستشفي ليه بقالك فترة ودايما عازل نفسك وموجود هنا قلقتنا عليك

سالم بارتباك : كرم مش وقت تحقيقاتك دي ياريت لو تروح تشوف شغلك وتبعد عني يكون احسن

كرم بنبرة مرعبه : منا بتكلم مع شغلي

سالم بتساؤل : قصدك ايه

كرم بغضب : للأسف يادكتور سالم حضرتك متهم بالتورط مع عصابة كبيرة جدا  بتاجر بالأطفال وبأعضائهم ومش بس كده ده المستشفي الام بتاعتهم تبقي مشفاك بأمريكا ياسالم بيه يا اللي ربتنا علي الشرف والأخلاق الحميده

لم يستطيع سالم التحدث من الصدمة كانت عيناه متسعه لتنقلب للون احمر كالدم ما هذا ايصدق ابنه ان بعد تلك السنوآت من الشرف والنزاهه انه سيكون  ذلك الجبان

كاد ان يتحدث  ليقاطعه دخول زين ببطئ ليشير لهم بيده ان لا يعلنوا عن وجوده مشيرا الي قلم بيد سالم في الحال علم كرم انه جهاز تصنت بحكم خبرته  هناك احد يستمع لما يحدث وسط زهول الاثنين سالم لايعلم ماذا يجري وكرم  استغرب من معرفه زين بالأمر
ثم يشير لكرم بالتكمله  : ليه يادكتور سالم مش لاقي حاجه تقولها
ليكتب زين شئ بورقة ويعطيها لسالم مضمونها ان يتحدث عن آخر مكالمة لجو  لم يستطيع أن يستوعب
هذا الكم من المفاجأت

سالم بارتباك يحاول ان يبدو طبيعا بدأ يسرد علي كرم ما حدث
انا من قبل المكالمة دي وجو كان كلمني بيحزرني من أمور بتحصل غريبه في المشفي ولازم اسافر طبعا انا  مهتمتش اني اسافر وبلغت مارك  وهو وعدني هيشوف الوضع ايه ويتأكد من استقرار الوضع وبعدها طمني ان كل شئ مستقر بالمشفي وانا اطمنت وكنت بتابع كل شئ من علي النت وكل الأوراق سليمه ومر شهر بعدها جو كلمني تاني وكانت دي اخر مكالمه بعد لما سمعته بيحزرني من مارك وبعدها صوت صراخ والمكالمه انتهت

كرم ببرود : ومحاولتش تسافر ليه
سالم بارتباك لاحظه أولاده : في أمر هنا مهم هنتهي منه وهسافر 

ليكتب زين لهم  بأن يكتفوا بهذا القدر من الكلام ويترك القلم كما هو  ويطلب منهم الخروج

كرم :انا طالع اوضتي واتمني ان كل اللي قولته ده يكون الحقيقه
ليتركه ويغادر ثم يغادر زين بصمت أيضا كما دخل تاركين سالم في حاله من الضياع وعلي حافه الانهيار ماهذا الذي تورط فيه ويحدث له

بالخارج
كان كرم ينتظر زين بالحديقه ليبتسم زين فاخيه لن يمرر ماحدث علي خير
زين : كلامنا مش هينفع هنا خالص في حد بالقصر علي تواصل  بالعصابة  ولوقت مانعرف لازم نكون حذرين جدا
هستناك الصبح عندي في المستشفي ليتركه ويصعد

بجناح زين
دخل ليجد الظلام اعتقد انها نائمة ليشعل الضوء ليجد الفراغ هو السائد بحث عنها بكل مكان لا أثر لها ليلفت انتباهه تلك الكلمه المكتوبه باحمر الشفاه علي المرأه امامه ( قلبك هيدلك علي مكاني) ليبتسم بعشق علي تلك المدلله ليغير ثيابه ثم يذهب لها

جالسه بنفس المكان خلف الساعه وهي تمسك بورده تملس عليها باصابعها شارده في حبيبها
ليأتي من خلفها وهو يجلس بجانبها بعدما قبلها قبله خفيفه علي شفتاها وقبل ان يبتعد عنها كانت هي من تجذبه بشوق تقربه منها دون ان يفصل القبله لتتعمق هي  ولأول مرة يشعر بخوفها بين يديه واحتياجها للامان ليقترب اكثر وهو يحيط يده حول خصرها ليتعمق اكثر واكثر في قبلته التي استمرت لوقت طويل واخيرا عندما شعرانها تحتاج الي الهواء تركها دون أن يبتعد عنها ليتحدث بهمس : غنيلي نفسي اسمع صوتك  

لتغني بعشق

(((انت الحب اللى اتمنيته واللى عرفت الدنيا معاه

حلم حياتى اللى استنيته واللى معشتش قبله حياه

قرب منى هتعرف انى بدوب فى غرامك وبموت فيك

قرب وانت لوحدك تعرف انى مليش احلام بعديك أول حب عرفته نادانى وخدنى ودوبنى فى لياليه

واللى لقيت فى عيونه مكانى واللى بعيش علشان ارضيه

لو بأديه اعيش من تانى اختار حبك وهدوب فيه)))))  

كان ينظر لها بعشق وهي تغني  حتي انتهت ليحتضنها بقوة وهو يتحدث : انا اللي هفضل احبك لحد اخر يوم في عمري دايما خليكي متأكدة من كده انتي مراتي وحبيبتي تحت أي وضع وتحت اي ظروف 
واثقه فيا يا ليل
لتترك حضنه وهي تنظر له بشك : انا بثق فيك أكثر من نفسي لكن كلامك مش مطمني يازين انا بحس بيك كأني بحس بنفسي حاسه ان في حاجه غريبه بتحصل وانا مش عارفه ايه هي ارجوك ياحبيبي ريح قلبي
ليحتضنها بقوة وهو يغمض عيناه يحاول ان يطمئنها    ليغير الحديث بمزاح :  عرفتي انا بقا كنت بمنعك تغني ليه علشان الاحساس اللي انا حسيته دلوقتي بعد ما سمعت صوتك انا اموت ولا اني اخلي حد غيري يتمتع بيه
لتنظر له بتساؤل : مش فاهمه تقصد ايه
زين بخبث : حالا هفهمك اقصد ايه ليقف فجأة وهو يحملها تحت ضحكتها زين بلاش تهور كده حد من القصر يشوفنا
زين بعدم اهتمام : اللي يشوفنا يقلدنا ثم انا الفترة اللي فاتت كنت مشغول عن مراتي حبيبتي لازم اعوضها الليله كان يسير بها وهو يحملها متجه الي جناحه
لتقابلهم نوران لتبتسم لها ثم تغمز لليل التي رأتها لتخفي وجهها برقبة زين وسط ضحكاته وزهول نوران فلاول مرة تري زين بتلك الحاله

لتلتفت وهي تتنهد بحزن وتحدث نفسها بصوت مسموع : هااا الحب ياما بيعمل المعجزات

وممكن يكون نقمة علي قلب صاحبة
كان هذا صوته الذي اتي من بعيد كانت واقفه تعطيه ظهرها لتتسمر بمكانها عندما سمعت صوته لم تتحرك ليأتي هو ويقف بجانبها ينظر في نفس الاتجاه التي تنظر له
كرم بنبرة حزينه : ممكن الحب يسعد صاحبه ويخليه   فوق في السما  وفي لحظة ممكن ينزله لسابع ارض
نوران بانفعال : الناس الجبانة بس هي اللي بتفكر كده لان الحب محتاج شجاعه وتضحية وقوة وارادة والأهم محتاج ثقة طبيعي اي اتنين بيحبوا بعض هيكونوا معرضين لمشاكل وممكن تكون مشاكل كبيرة هنا بقي دور الشجاعه في انهم يتمسكوا ببعض  ويثقوا في بعض ولو تطلب التضحيه يبقا كل واحد يفكرفي الطرف التاني وممنوع الانانيه
ده الحب اللي انا اعرفه ومن مفهومي لكن تسمحلي لو دي وجهه نظرك عن الحب يبقا  انت لسه علي البر إياك تفكر تاخد خطوة
كاد كرم ان يقترب خطوة منها لتبتعد هي عشرة   خطوات  قائلة بقوة وأنفعال : لا إياك تقرب
كرم وكاد ان يصرح بما يعذبه : نوران انا  ب...
نوران بعصبية بعدما فهمت ما سيقوله : لا لا
لتتركه وتهرب منه تحت نظراته الحزينه علي حالها

يتبع ############
Rehab ayman