بعد منتصف الليل

الفصل التاسع

كان يتحدث مع والده ويخبره بقراره ليسعد والده بذلك القرار
سالم : انا حقيقي مبسوط بالقرار ده انا عمري ما هلاقي انسب ولا احسن من ليل بنت اخويا ليك بجد انا كنت حاسس

كاد زين ان يتحدث ليقاطعهم صوت صراخ قسم تدخل الجناح مندفعه لتتحدث بصوت عالي لاول مره : صحيح اللي سمعته ده بنت سوار من بين كل البنات متختارش غير بنت سوار مستحيل اوافق لو اخر واحده في الدنيا

كان زين يقف يستمع لها بمنتهي البرود بدون اي رده فعل
ليقاطعها سالم بغضب : وانتي مالك انتي تدخلي في اختيارات ابنك ليه هو قرر هيتجوز مين وهيرتاح مع مين ليه الرفض القوي ده من ناحيتك

قسم وهي تنظر لزوجها بحقد دفين منذ سنوات اذا خرج سيفتك به وبها ولكنها تحاملت علي نفسها وقررت ان تهدأ حتي لا تخسر ابنها
تجاهلت حديث سالم لتنظر الي زين قائله : زين انت ابني وانا امك ومن واجبك عليا تطيعني الجوازه دي مستحيل تتم

زين بنفس البرود : اقدر اعرف ليه مستحيل
لترتبك قسم وهي تقول : لأنها ... لأنها مش مناسبه ليك انت زين سالم الحكم من اشهر الجراحين الشباب ومستقبلك كبير تستاهل بنت وزير مش حتتة .... قاطعها زين قبل ان تهين ليل امامه
انا مسمحلكيش ياامي تهيني اللي هتبقي مراتي ولا يمكن اسمحلها تتعدي حدودها معاكي انا قررت وانتهي الموضوع ليل وبس هي اللي هتكون مراتي وانا وبابا هنتقدم لها بليل واتمني انك تشاركينا اللحظه دي لانها تهمني ولو سمحت مش عاوز اسمع اي مناقشه في الموضوع ده تاني ليتركهم ويخرج بكل هدوء

لتنظر لسالم بحقد بدأ يظهر عليها لطالما كانت تسيطر علي نيرانها بداخلها وتكبت معاركها الداميه اما الان فعندما يمس الموضوع اولادها هي ابدا لن تصمت

سالم : انا من زمان ملاحظ كرهك لسوار لكن مش عارف ايه السبب قولت يمكن السنين هتغيرك اكتشفت انك لسه زي ماانتي

قسم بغضب وكره كتمته لسنوات : انت اخر واحد تتكلم عن التغيير كنت اتغيرت وحبيتني او كنت علي الاقل اتغيرت ونسيت حبك ليها وخيانتك لاخوك

لتتركه وتخرج ليشحب وجهه وهو يجلس علي الفراش بوجه ابيض باهت كلماتها اصابته في مقتل انها تعلم كل تلك السنوات تعلم وتكتم الامر وتصبر ها هو يعلم سبب بعدها هاهو سبب جفائها

بالاسفل كانت ناريمان جالسه مع بناتها
غرام : يامامي مصطفي مستعجل علي الجواز كان بيقولي مفيش داعي اننا نستني اكتر من كده هو جاهز
ناريمان : الكلام ده مينفعنيش يا غرام لازم نتأكد من اخلاقه ومن معدنه واصله ونطمن اكتر انتي بقالك كام شهر بس مخطوبه مش سنين ثم انتي مستعجله علي ايه اتمتعوا بحياتكم دلوقتي علي قد ما تقدروا وبلاش يأثر عليكي
غرام بأدب : يأمي ياحبببتي انتي عارفه بنتك كويس انا عمري مابحكم قلبي لوحده وخصوصا في المواقف دي لكن فعلا مصطفي شاب طموح ومجتهد وبني نفسه بنفسه من غير مساعده من حد واهم حاجه انه بيحبني