مرت الايام وزين يهتم بعمله
بينما ليل تحاول التعويض عن مافاتها في الدراسه والاستعداد الامتحانات
غرام تبدأ بتجهيزات حفل زواجها بعدما اقنع مصطفي والدتها واعمامها
مصطفي : انا طبعا عارف ان خطوبتنا تمت في فترة قصيرة جدا لكن الحقيقة انا من قبل الفترة دي وانا معجب بغرام اكتر من سنتين لكني كنت متردد اصرح لها لحد ما وصلت لأخر سنه كنت خايف تضيع مني
اللي عاوز اوصله لحضرتك اني سواء فترة خطوبة قصيرة او طويله فغلاوة غرام واحدة انا اوعدكم اني هحافظ عليها وهتكون في عيني
ليومئ سالم وعزيز براحه لتتحدث ناريمان بسعاده وانا موافقه يامصطفي ومتأكده ان غرام معاك هتكون بخير
ليبتسم مصطفي بحب لغرام الخجوله
وها هو اليوم جاء والقصر يستعد لحفل اخر
في جناح العروس
نوران بتذمر : وليه جيتي علي نفسك ياست غرام وعملتي الفرح قبل الامتحانات بشهر ما كنتي عملتيه اول يوم امتحانات عادي بقي ماهي كوسه
ليل بمرح : سيبيها يانوران هي مش خسرانه حاجه هي اتخرجت خلاص الدور والباقي علينا احنا
جهاد بغضب وابتسامة صفراء لليل : والله اللي اعرفه انك مش مجبورة تفضلي معاها مضايقه ومعطباكي عن المذاكرة اتفضلي و احنا اخوتها معاها
نوران بغضب من طريقه اختها فها قد مر وقت طويل يجب ان تتأقلم علي ان ليل اصبحت زوجة زين : ليل وبتنجح بامتياز مش خايفه من الامتحانات وزين بيشجعها وده كفيل يخليها تبقي معيده مرة واحدة لتقاطعها ليل بكلمات فهمتها جهاد : خلاص يانوران سيبيها هي عارفاني كويس لما بيكون في حاجه في دماغي انا بعمل ايه
لتتذكر جهاد بعد ان تجمع زين والعائله ليحتفلوا بفوزه في مباراة الملاكمة لتتركه ليل للحظات لتأتي وتقف امام جهاد
دون مقدمات
ليل : ابعدي عن زين ياجهاد لانه بيحبني و مستحيل يشوف حد غيري وحركاتك وطريقتك وكدبك عليا علشان توهميني انه بيقضي معظم الوقت معاكي مصدقتوش انا بمزاجي هعديه المرة دي وان كنتي مفكره اني ضعيفه لا انا الحاجه اللي تخصني ممكن اعمل اي شئ علشان احافظ عليها زين خط احمر
جهاد بغضب : انا هروح اقول لخالو انك بتهدديني
لتنظر ليل لها ثم تشير علي الحائط بجوارها لتقول ادي حيطة اتنين تلاته اربعه شوفي اي واحدة مناسبة ليكي واخبطي راسك فيها
لتتركها بنفس البرود وترحل تحت نظرات جهاد المصدومة
يقطع شرودها دخول والدتها لتري غرام تلك العروس الرقيق
كانت ناريمان تحتضن ابنتها ليدخل خالها سالم وخالها عزيز وكل واحد منهم يقف في اتجاه ليأخذوا يدها ليسلموها لفارسها ذهبوا ليسلموا غرام لزوجها
YOU ARE READING
بعد منتصف الليل
Romanceحل الظلام والناس نيام والسكون في كل مكان معلن عن اقتراب منتصف الليل عندها تبدأ عقارب الساعة بالتحرك لتقترب وتقف عند الرقم اثني عشر معلنة عن بدء منتصف الليل وهذا ماحدث عندما دقت الساعة العملاقة المخيفة بصوتها المرعب الموجودة في منتصف حديقة قصر ( آل ا...
