بعد منتصف الليل

الفصل الثامن

هناك لحظات تمر خلال رحلة حياتنا من المستحيل ان تكون عرضه للنسيان بل ذكراها حي في قلوبنا

&&&&&&&&&&&&&&&&&&&&&

بعد تلك الليلة التي قضوها معا الي ان طلع عليهم الصباح لم تستيقظ الا متأخرا من النوم لتتذكر الاحداث وتبتسم بقلب احب و عشق لتفيق علي رساله علي هاتفها لتبتسم انها منه لأول مرة ((( مساء الخير ياكسلانه اكيد نايمه لسه ... عاوز اقولك اني كان نفسي اشوفك قبل مااروح المستشفي مقدرتش انام كل ما اغمض عيني اشوفك انتي واتخيلك انتي وصدقيني الوضع ده مش هينفع النهارده بليل هكلم عمي عزيز بعشقك ياوردتي ))))))

وها هي لم تتركه غير بضعه ساعات وقد اشتاقت له لترتدي ثيابها وتنزل

القصر كان خالي ولكنها لمحت والدتها جالسه في الخارج

لتذهب بابتسامه مشرقه لوالدتها الجالسه بالحديقه مستمتعه بالجو والهدوء

ليل بمشاكسه : ايوة بقي يابخته اللي واخدك مننا ومخليكي سرحانه كده

سوار بحب : هو في حد غيره اخدني حتي من نفسي

ليل بحالميه : للدرجه دي يامامي حتي بعد ما اتجوزتوا انتي وبابي وجبتوني لسه بتفكروا كده والحب قوي بينكم

سوار بعشق : انا وباباكي اللي بينا لا عشق ولا حب دي مرحله اكبر بكتير من المشاعر دي عارفه كل ما بيمر علينا العمر حبنا بيزيد مش بيقل عارفه يعني ايه لما بيتأخر عليا او الشغل ياخده مني في اقصي درجات انشغاله يبعتلي رساله تصبرني
وبنزعل كتير لكن متأكدين ان زعلنا مش هيطول لأننا منقدرش نفضل زعلانين من بعض وقت طويل ولو حصل وخناقنا طول وده بيكون قليل لكن مستحيل ينام بعيد عني لازم ياخدني في حضنه ولا مرة من يوم ما اتجوزنا نام بعيد عني

كانت ليل تنظر لوالدتها بحب لتكمل سوار

سوار : انا بقولك الكلام ده دلوقتي لانك مبقتيش صغيرة لتكمل بنبرة ذات مغزي وفكراني مش واخدة بالي

لتتحدث ليل بارتباك : وو.. وواخدة بالك من ايه يا مامي
سوار : من حالتك اليومين اللي فاتوا سرحانك الكتير وهو مش موجود وزعلك امبارح لما مجاش عيد ميلادك بس شكل المود اتغير  عنيكي اللي بتلمع من الفرحة
لتكمل سوار بسعاده : انا عمري ما هلاقي حد احسن من زين ولا عمري هطمن عليكي مع حد غيره. زين راجل ويقدر يحميكي ويحافظ عليكي وناجح في شغله ده غير اهم شئ الحب اللي بشوفه في عنيه وقت ما بيشوفك و العذاب اللي بيبان وهو بعيد عنك اتمني اشوفك سعيده ياحبيبتي وافرح بيكي

لتجريد٠ ليل وتجلس علي قدم والدتها وتحتضنها بحب

تأتي ناريمان من بعيد مبتسمه : مساء الخير

ترد عليها سوار وليل وتجلس معهم مبتسمه خير ايه الحب ده كله لتبتسم سوار وترد : ليل بتدلع ياستي وانا مقدرش اعترض
ليل بتذمر كده ياست ماما انا بردو مش هقوم عاجبني قاعدتي كده ليأتي والدها من بعيد
عزيز بجديه زائفه : بنت ياليل ايه اللي مقعدك كده قومي بسرعه ماما زمانها تعبت
لتهمس ليل في اذن والدتها : ايوة ياست ماما ده خايف عليكي وغيران كمان طيب مانغيظه شويه