بعد منتصف الليل

الفصل العشرون

بمشفي زين العابدين

يجلس بمكتبه وكرم علي الكرسي المقابل له
كرم بغضب : بتخبي عليا يازين ده انا اخوك من دمك
زين بهدوء وتفهم : بلاش دراما ياكرم انت عارف ان ده مش بأيدي واكيد انت عارف طبيعة شغلك يعني الحاجات دي طبيعية جدا في شغلك واكيد كان هيجي وقت مناسب تعرفها
كرم بتفهم : والموضوع ده هيفضل لحد امتي
زين بتنهيده : لغاية ما العصابة ورئيسهم اللي بيحركهم يظهر ويتقبض عليه
كرم : لكن ده ممكن ياخد سنين الموضوع مش بالبساطه دي هتفضل طول الوقت ده مخبي علي ليل

زين بخوف علي ليل : مقدرش اقولها اروح اقولها ايه المخابرات جندتني معاهم علشان اساعدهم في القبض علي أخطر مجرم تجارة الأعضاء ولا اقولها ان عمك متورط في قضية كبيرة ممكن ياخد فيها إعدام وسمعة علية الحكم اللي تعبنا علي ما كبرناها كلها هتبقي في الأرض مستحيل ياكرم

كرم بتفهم : حاسس بيك يازين وانا ايدي بايدك لازم نعرف كل شئ بيحصل انا مش ساكت
زين بنبرة غامضه : الأول شئ لازم نعمله هو اننا لازم نعرف مين اللي وصل القلم مكتب بابا

بالقصر قررت قسم ان تنفذ خطتها في الليل بعد أن ينام الجميع

وبعدما نام الجميع نزلت قسم واتجهت لمكتب عزيز لتضع بالدرج بعض الورقات التي قطعتها من الدفتر في قلب الورق الموضوع علي سطح المكتب

لتخرج بسرعه قبل أن يراها احد
ثم دخلت حجرتها لتغلق الباب وتضحك بصوت عالي دليل علي انتصارها غافله عن تلك العيون التي كانت تشاهد كل شئ وتصوره بكاميرا الموبايل

في الصباح كانت ناريمان تجهز الفطور هي وسوار ونوران تساعدهم بشرود في وضع الأطباق
سوار : طمنيني علي غرام يارب تكون بخير
ناريمان بابتسامة راحة : غرام دي النسخه التانية مني بجد اكتر شئ اتمنيته من ربنا انها تكون بخير هي وأخواتها والحمد لله ربنا استجاب لي دعائي ربنا جعل نصيبها مع زوج صالح بيحبها وبتمني سعادتها ده اكتر شئ مريحني
سوار بابتسامة صادقة : اكتر شئ يفرج اي ام انها تشوف بنتها سعيده بتحسي انك قدمتي رسالتك وارتاحتي وبالاخص لما تسلميها لرجل يحميها ويصونها رينا يسعدها هي وليل وباقي بناتنا يارب

كرم من بعيد : وانا ماليش نصيب من الدعوات الجميلة دي
كانت نوران تضع الأطباق علي الطاولة لترفع نظراتها علي صوته لتجده يبادلها النظرات بلهفة تظهر بوضوح

لتتولي ناريمان الدعاء له هذة المرة تحت ابتسامته
كرم بمزاح : الشخص المناسب في الوقت المناسب هعتبرها رسالة من ربنا

لتضحك سوار وناريمان عليه

مش تضحكوني معاكم

سوار بصراخ عزيز مش معقول بتجري عليه تحتضنه باشتياق ليبادلها العناق : انا لسه مكلماك من ساعات قليله مقولتليش انك هتيجي
عزيز بحب : كنت حابب تكون مفاجأة علشان اشوف النظرة دي في عيونك تنظر في الأرض بخجل
كرم بمزاح : والله عيب لما يكون عمي الرومانسي الأول والوحش اللي مكنتش اتخيل انه يقع عاملي فارس علي حصان وانا حظي كده كان يتحدث وهو ينظر لتلك العابثة التي تتجاهله ليتأفف
جلس عزيز معهم علي الطاوله لتأتي جهاد بعدهم بدقائق وتتناول طعامها بأريحيه اقلقت والدتها التي لاتعلم ما الذي تخبأه ابنتها وقسم التي نزلت بهدوء أيضا وسالم الذي رحب باخيه وجلس بشرود وأخيرا زين وهو يمسك يد ليل ليرحبوا بالجميع لتجري ليل علي والدها تعانقه بحب واشتياق ابوي وسط غيرة زين الواضحه ليجلس وليل تجلس بجانبه ليتناول الجميع افطارهم في جو اسري وسط مزاح كرم والقاء تلميحاته الواضحه لتلك الصامته فقد توعد لها ان يعرف الخلل ويحاول ان يحله فبعد أن علم بمشاعره ابدا لن يتركها او يسمح لها بالبعد اكثر من ذلك