إغواء قلب (مكتملة)

التاسع عشر

في صباح يوم جديد ملئ بلأحداث الكارثية
استعد هو للذهاب الى العمل لعله يلهي ذهنه عن التفكير فيما حدث فرغم حطام قلبه الا انه اصر على التماسك حتي لا يثير سخرية من حوله وعندما انتهي من ارتداء ملابسة تناهي الى مسامعه طرقات خافتة على باب غرفته اذن  للطارق بلدخول لتتقدم فدوة اليه وعلى ثغرها ابتسامة هادئة لتقول بنبرةمترقبة :
- صباح الخير يا صقر
ممكن اتكلم معاك ؟

امأ لها وهو يرتدي سترته ويهندم من هيأته امام المرأه لتهمهم هي : -انت احسن دلوقتي امبارح كانت
حالتك صعبة اوي وخفت عليك

اجابها بجمود: انا كويس يافدوة متقلقيش

فدوة:مش هتحكيلي كان مالك وايه اللي عصبك اوى كدة وخرجك عن شعورك
تنهد هو بعمق وجلس بجانبها على الأريكة التي تتوسط الغرفة وقال بضيق : كنت مضايق شوية

رتبت هي على ساقه وقالت بخفة قاصدة التخفيف عنه : انا متأكدة ان اللي انت فيه دة وراه وحدة ووحدة زي القمر كمان بيتهئلي انا عارفاها
البنت اللي كانت في المكتب مش كدة اللي كان اسمها فتون صح...

زفر بضيق بعدما شعر بأن خنجر مسموم انغرس بقلبه عند سماعه اسمها وقال مدعي الثبات :

- الحكاية خلصت قبل ما تبتدي يا فدوة اتغشيت فيها بس انتي عارفاني مفيش حاجة هتأثر عليا
رمشت عدة مرات بتفكير ثم قالت وهي تربت على يده : ازاي اتغشيت فيها يا صقر دي كان باين من نظراتها انها بتحبك انا فهمتها اول ماشفتها صدقني... احنا بنات ونفهم بعض

هدر هو بعصبية : كل دة كان تمثيل علشان تلعب بيا

فدوة: طب وايه مصلحتها بس

صقر : مش عارف في شكوك كتير جوايا وخايف تطلع صح بس اللي اعرفه ان أكمل الصرفي عنده اجابة لكل اسألتي

رددت اسمة بتلعثم وبعيون زائغة بتوتر : أك ....مل ...ايه علاقته ؟

هتف صقر بغيظ : هو اللي بعتها ليا ومتسأليش عن السبب علشان انا وانتي عارفينو كويس

غامت عيناها وهمهمت وهي تشعر ان كل ما حولها يدور بها بعدما تفهمت الى ماذا يرمي بحديثه :
- قصدك انا السبب مش كدة علشان يبعدك عني
امألها بضيق ثم نهض عازم الخروج ولكن قبل ان يلتفت قال لها بنبرة صارمة غير قابلة للنقاش : عيزك تحطي في دماغك ان لو أكمل دة اخر راجل على وش الأرض مستحيل هتبقي ليه من تاني ليستأنف بتهكم تقصده: -واظن دة رأيك كمان ودة نفس الكلام اللي قولتهولي قبل كدة ولا انتي عندك رأي تاني
امأت له بضعف نافية بعدما انسلتت دمعة خائنة من عيناها ولا تعلم سبب لها
ليستأنف هو :
- انا سألت عن أسر واتأكدت من المعلومات اللي انتي عطيتهالي عنه  وعن دار الأزياء بتاعه اللي في باريس انا معنديش مانع تسافري في اقرب وقت وتشوفي مستقبلك وتبدئي من جديد الحياه اللي انتي اختارتيها بأرادتك واذا كان على امي انا هقنعها بنفسي همهمت  هي بثقة زائفة:
-شكرآ يا صقر على احترامك لرغبتي  انا اصلآ كنت جية اقولك ان أسر عايز يقابلك ويشرحلك كل اللي حابب تعرفه بس الحمد لله انك اقتنعت لوحدك امأ لها بتفهم وان كاد ان يخطو خارج الغرفة باغتته بسؤالها
الذي صدر منها دون ارادة ولا تفكير :
فدوة: انت ناوي تأذيه

التفت لها برأسه وقال بحزم  : -متسأليش ومبقاش يهمك وياريت تفكري في حياتك الجديدة وبس

امأت له ببسمة باهتة اغتصبتها على ثغرها لينصرف هو وتاركها خلفه تتمسك بلقلادة التي تحاوط عنقها  بقوة وهي تشعر بأنقباض قلبها وان شئ سيئ سيحدث
------------------------------
اما عنها تلك التي اطاح بها كبريائها مر عليها الليل بصعوبة بالغة فهي ظلت تتذكر كل ما بدر منه بحقها فقد تمادى كثيرآ وبعد ما حدث بينهم ليلة أمس واسفه الكارثي لها ادركت انها خنعت له وقللت من شأنها فما فعلت هي لكل ذلك  حتي يرفض أرجاعها لعثمته هي لم ترتكب اي ذنب بحقه نعم هي كانت ناقمة سابقآ لحبه لها واعترفت انها كانت مخطئة لكنها لم تخن ثقته بها قط تنهدت بضيق بعدما عزمت امرها ان تسترد ولو قليلآ من كرامتها التي اهدرها لتتناول هاتفهاوتطلب رقم ابن صديق والدها الراحل لمساعدتها
-----------------------------
في شركة العزازي
ظل يلتهم سجائره بشراهة وهو يجلس على مقعده ويتطلع الى الواجهة الزجاجية بشرود تام  بعدما استعاد جموده من جديد ظل ينتظر ظهور ذلك اللعين ليقتص منه ولكن منذ ليلة امس لم يعثر عليه  قطع ذلك الشرود اندفاع أكرم  بقوة اليه وملامحه لاتفسر ليلقي ملف امامه ويردف قائلآ
أكرم: زي ما اتوقعت ياصقر
عقد حاجبيه بأهتمام يحسه على الحديث

صقر: أتكلم  في اخبار  عن أكمل؟
هز أكرم رأسه بنفي واسترسل بضيق:  لأ..... بس جالي Fax من المستثمرين الأجانب بيقول اننا خسرنا Deal
وان فهد المجري هو اللي خده ليستأنف أكرم بشك :
-انا متأكد ان الوضوع دة في تلاعب لأن طول عمرنا مخسرناش حاجة زي دي علشان عروضنا اقل من كل السوق وفي احتمال كبير يكون العرض اتسرب لفهد اغمض عينه بغضب جامح بعدما تأكددت ظنونه من انها هي من سربت عرضه لأن لا احد كان يرافقه غيرها ضم قبضته بقوة حتي نفرت عروق يده

ليهدر أكرم بتسأل : مين غيري انا وانت كان عارف بلعرض اللي قدمته للمستثمرين
لاذ صقر بلصمت بعدما سكن الجحيم عيناه وشرد في الفراغ ولم يجيبه

أكرم:  رد عليا ياصقر مين يقدر يعمل كدة من وراك

زئر بغضب واخذ يمرر يده على ذقنه  وقال بعصبية
صقر: هي ...فتون يا أكرم
قاطعه اكرم :
-فتون ...يعني دة كان غرضها من الأول تأذيك في شغلك 
حانت منه بسمة هازئة وهو يتمتم  بعدم اتزان: تخيل انا كنت مغفل قد ايه وعرفت تضحك عليا

هز أكرم رأسه بعدم استيعاب وقال: انا مش فاهم حاجة لو أكمل هو اللي
زق فتون ايه علاقة فهد بلندل دة

اجابه صقر بفطنة  : لو أكمل قاصد يأذيني يبقي مش هيلاقي احسن من فهد المجري خصم ليا  علشان يتفق معاه عليا

تأفأف اكرم وهتف بأنفعال: نفسي اعرف عمل كدة ليه الندل دة و ازاي هانت عليه العشرة  دة انتو كنتو اكتر من اخوات  قبل عملته السودا واللي مستغربه ازاي استغل فتون علشان تعمل كدة

شعر صقر بأندفاع الدماء برأسه وان كل ماحوله يدور به  من شدة الغضب فك رابطة عنقه بأهمال وتمتم بضيق :
- مش عارف بس اللي اعرفه اني لازم الاقيها 

- متتعبش نفسك وتدور عليها.... انا عارف مكانها قاطعهم هو بشماتة
ونبرة تشع بلحقد بعدما دخل غرفة مكتبه

صقر: يا بجاحتك يا اخي جيلي برجليك ومش همك ؟؟؟

ابتسم أكمل بأستفزاز وجلس ببرود على المقعد وهو يرمقه بتشفي وهتف:
- وانت عايزني اخاف ليه وانا منتصر عليك انا نفذت  اللي كنت بقالي سنين بخططله

انقض عليه صقر ورفعه لمستواه من حاشية ملابسه بقوة وناوله لكمة عاتية نزف على اثرها بعدما هدر بغضب جامح :
- يا جبان عملت كدة ليه أكيد مش علشان فدوة بس انت قاصدت تخسرني شغلي ؟؟

ليحيل أكرم بينهم يحاول تهدئة الاوضاع ويهتف:
- اهدي يا صقر خلينا نفهم منه
ليوجه سؤاله ل أكمل
- ليه يا أكمل  عايز تأذيه؟

نفض يده بقوة وهو يبتسم بأستفزاز اثار غضب الاخر ليقول بوعيد : هو انت لسة شفت حاجة دة لسة التقيل قدام انا بس حبيت اجي ابشرك قبل ما البوليس يجي ويقبض عليك عقد صقر حاجبيه  ونكزه بقوة في صدره وهدر بغضب جامح :
- تقصد اييييييه ؟؟

حانت من أكمل بسمة ساخرة وهو يتمسك بصدره وهدر بغل : يعني شحنة المعدات اللي هتوصل النهاردة
متبلغ عنها ان جواها مخدرات و هيجو يقبضو عليك في اي وقت
بتهمة التهريب
ظل يدور حول نفسه كليث الجريح وهدر بقوة : شحنة ايه ومعدات ايه اللي هتوصل النهاردة اللي بتتكلم عنها

ليهمهم أكرم وهو يحيل بينهم ويمنع قتالهم الوشيك : يمكن يقصد الشحنة اللي انا استلمتها من يومين وودتها المخازن
ضحك صقر ضحكة ذات معزي  بعدما رمقه بأستخفاف وهتف : -معلوماتك مش مظبوطة يا أكمل يظهر في حد اشتغلك
جز اكمل نواجزه بقوة وهدر من بين اسنانه بوعيد : يا بنت ال......وحيات ابوكي ما هسيبك
ليبتسم هو ايضآ بأستفزاز ويستطرد قائلآ بغيظ : شكلها حبيبة قلبك مهنش  عليها تأذيك وادتني معلومات غلط بس هتروح مني فين ...
حين استمع لحديثه تلاشت تعابير وجهه وتهدجت انفاسه وعقله صرخ به يحاول ان يستوعب حديث ذلك اللعين

  ليستأنف أكمل  بعدما  أنتابه ضحكات هستيرية وهو يتمتم هازئآ منه بعدما شاهد انفعاله الواضح فهو خطط لكل شئ وتجنب كل الاحتمالات الواردة بشأن فشل مخططه فمازال الكثير في بجعبته

أكمل:  بس ياخسارة حبيبت القلب طلعت شمال وايه اقصي الشمال كمان جبتها ليك بعد ما شبعت منها ورملتها شوية فلوس وخليتها تلعب عليك ....لكمة قوية  اخري صدرت من يد صقر  بعدما تفاقم غضبه اطاحت بلأخر ارضآ ليهدر من بين اسنانه بغضب جامح وبصوت يرتعد له الأبدان  بعدما اعتلاه وقبض علي تلابيبه
صقر: كدااااااب ...كداااااااب
ليرمقه بغل  وهو يحاول ان يلتقط انفاسه

أكمل: لأ مش كداب انا قولتلك قبل كدة انك بتحب تاخد فضلت غيرك بس انت غبي ومفهمتش وعلى العموم لو عايز تتأكد انا بعتلك عنوان على تليفونك هتلاقيها هناك دلوقتي
ليصرخ أكرم به يحاول كبحه وتخليص الأخر من براثنه: -متخلهوش يستفزك يا صقر هتموته في ايدك سيبو دة ميستهلش.... سيبه يا صقر
هز صقر رأسه بعدم اقتناع واخذ
يكيل له عدة لكمات اخري بقوة أكبر  وهدر من بين اسنانه :
- ليه ..ليه رد عليا عملت كدة ليه دة  انا عمري ما اذيتك
جاهد  ان يلتقط انفاسه اثر لكمات الأخر له  وقال بحرقة وهو يرفسه ويبعده عنه  بعدما ناوله هو ايضآ لكمة عنيفة اطاحته
أكمل: علشان أمل فاكرها ولا .....لأ ليمسكه من حاشية ملابسه بقوة ويستأنف بحسرة :  انت كنت سبب في كل اللي حصلها
نفضه  صقر عنه واعتدل بعصبيه وهدر بقوة : انا مليش دعوةأمل كانت زي اختي وعمري ما فكرت أذيها

ابتسم أكمل ساخرآ  بعدما تحامل على نفسه و نهض ورد بسوء فهم :

- هي قالت انها كانت  بتحبك  وقالت ان انت الوحيد اللي يقدر يستر عليها بعد ما غلطت وفرطت في نفسها وعلشان كدة انتحرت ...هي كتبت كدة في مذكراتها انها هتموت نفسها بسببك لو متصرفتش

رد صقر بنبرة قوية هزت الارجاء :  -انا عمر ما كان بيني وبينها اي حاجة  واللي حصل مليش دخل بيه افهم متخليش الحقد اللي جواك يعميك عن الحقيقة

ظل يتناوب النظرات بينهم بضيق يحاول ان يكبحهم عن ثورتهم ولكن يكفي صمت الي هنا ليصيح أكرم موجه حديثه ل أكمل:
-أختك  منتحرتش يا أكمل
قاطعه صقر بحزم:
- أخرص يا أكرم متفتحش في القديم

أكرم بأصرار :لأ لازم يعرف انا عارف انك وعدت ثريا مامت اكمل ان سر أمل هيموت معاها لكن انا موعدتش حد ومش هسكت واستني لما واحد فيكم يموت التاني

عقد أكمل حاجبيه بعد استيعاب وقال وهو يوجه حديثه ل أكرم:انت بتخرف تقول ايه؟؟

ليهدر صقر من بين اسنانه بوعيد :
-انا ميهمنيش كل دة  ومش مضطر ابرأ نفسي قدامك بس اقسم بالله كل اللي عملته ما هعديهولك  يا أكمل و لو طلعت بتكدب عليا لهموتك بأيدي ومش هيهمني حاجة لينسحب بخطوات غاضبة بعدما سحب هاتفه ومفاتيح سيارته

ليتبادلو النظرات بينهم ويحمحم أكرم: ارتحت لما كسرته دة محدش وقف جنب اختك زيه ليستأنف وهو يقذف بوجهه الحقيقة التي ستكون كفيلةلتشعره بلذنب طيلة حياته:
-اختك اتلمت على شلة فاسدة وغلطت مع واحد فيهم وكانت بعد سفرك لوحدها محدش بيرعاها حتي امك كانت علطول مشغولة ومش فاضية ليها انت فهمت غلط  هي  حبت صقر زي اخوها  لأنه كان بيحاول يعوضها عن غيبتك  عنهاوحاول كتير يجبر  أهل الولد اللي غلط معاها يجوزهالو بس الولد اهلو سفروه بعد ما حسو ان صقر مش هيسكت.... اختك الفترة دي كانت مكتئبة و مش مظبوطة لغاية ما صقر عرف بلصدفة انها بتاخد cocaine  وحاول كتير يساعدها دة وصلت بيه انو خدها المصحة  بعد ما كتفها بلغصب علشان يعالجها بس هي في كل مرة كانت بتهرب وهو كان بيرجعها  لغاية المرة الاخيرة خدت جرعة كبيرة وكانت هي السبب في موتها ......امك اترجته علشان ما يقولكش ويخفي السر علشان تحافظ على سمعتكم وشكلكم قدام الناس وهو قدر دة وعمره ما حاول يقولك، حتي لما كنت ندل وسبت فدوة عمره ما سألك ولا عتب عليك هو ميستهلش منك كل دة
كان  أكمل يستمع له وقلبه يعتصر من الندم ارتمي على اقرب مقعد بتهاون وكأن يحمل على كاحله اعباء العالم اجمع ليتمتم بعدم اتزان وعيون غائمة:
- يعني انا كنت طول السنين دي
ظالمه.... وكل الأذية اللي اذيتهالو كانت غباء مني ..... وفدوة.... انا سبت فدوة علشان اوجع قلبه زى ما وجعني يعني انا كنت غلطان انا مش قادر اصدق انا حاسس ان عقلي اتشل ومش قادر افكر ولا استوعب

اجابه أكرم بثقة: انت عارف بعد اللي انت عملته دة صقر ممكن يعمل فيك ايه صقر عمره ما هيغفرلك واذا كان على فدوة بقى فيه مبينكم سد منيع عمرك مهتعرف تتخطاه
ليستأنف بحسرة قاصد ايلامه : يا خسارة  يا أكمل كان نفسي نرجع زي زمان يا صاحبي بس انت هديت كل جسور الرجعة وطلعت قليل الأصل
ليرمقه  بتخازل وأنصرف وهو يلعن غباء صديقه   وحقده الذي اعمي عينه
ليتتطلع أكمل لأثره وهو يشعر بخزى من نفسه وينهض بتهاون  عازم مواجهت والدته والتأكد من كل شئ...........

----------------------
اما عنها وصلت الي وجهتها لذلك العنوان المذكور بلورقة التي اعطاها لها أكمل في الوقت المحدد تنهدت بعمق وهي تطرق على باب الشقة واستندت برأسها عليه بهوان فكانت شاحبة كالموتي وعيونها غائرة من كثرة البكاء اما عن قلبها فهي تشعر انه يعتصر من الألم ولكنها كانت تواسي نفسها  ان تتماسك ظنآ منها انها لم يتبقي لديها الكثير للخلاص من تهديده والخنوع له
تأفأفت وهي تطرق من جديد  على باب الشقةوتنتظر فتحه لها لتهمهم بخفوت لنفسها :
فتون: هو ايه لزمة اجي هنا مكان عطهملي لما شفته... قلبي مش مطمن ربنا يستر لتناجي ربها بتوسل :يارب خلصني من الكابوس دة على خير انا تعبت اوي ونفسي ارتاح  ليقطع مناجتها
فتح الباب وأستقبال الخادمة بترحاب لها ثم أجلستها وأخبرتها ان رب عملها سيوافيها بعد دقائق امأت لها بتفهم وهي تجول المكان بتوجس  وبعد مرور عدة دقائق 
أتسعت عيناها وأنتفضت بذعر بعدما طالعته يتقدم منها عاري الصدر  وعلى محياه ابتسامة خبيثة ذات مغزي
لتهدر فتون بتلعثم: انت بتعمل ايه هنا ؟؟
ابتسم فهد بسماجة وعيون تقدح بلشر ورد بتهكم:
-دة بيتي يا قطة وانتي جيتي برجليكي لعندي

زاغت نظراتها وهي تحاول ان تهدء من روعهاوهتفت:
- يظهر اني غلطت في الشقة عن اذنك وان همت بلركض للخارج تمسك برسغها بقوة وهدر فهد بحدة:
-انتي فاكرة دخول الحمام زي خروجه انتي مغلطيش دة نفس العنوان اللي ادهولك أكمل الصرفي
عقدت حاجبيها وهي تحاول التملص من يده وقالت بعدم تصديق:

- قصدك ان أكمل  باعني ليك
هز رأسه يؤيد حديثها وهو يشملها بوقاحة وبطريقة مقززةاثارت اشمئزازها

لتصرخ هي به وهو يشدد أكثر على ذراعها ويحاول التودد لها :
-ابعد عني احسنلك انا مش كدة  رفع حاجبه بنزق وأضاف بسماجة وهو يسحب بليد الأخري الجريدة من على الطاولة القريبة منه وهتف:
- عليا انا امال لو مكنش صورك انتي والمحروس مالية الجرايد كنتي عملتي ايه شهقت بصدمة وهو يرفع امام عيناها الجريدة لتري صور لها مع صقر اثناء تواجدهم بليخت ويعلوها عنوان عريض
( فضيحة رجل الأعمال مع بائعة الهوا)
ليتحدث فهد  بلؤم بعدما شاهد صدمتها :
-بطلي يابت الشويتين دول مش عليا  وبعدين هبسطتك وهديكي فلوس مكنتيش تحلمي بيها بس انتي ريحيني  واسمعي الكلام
لتدفعه هي بقوة من منكبيه تحاول ان تتملص من قبضته لكن هو كسد منيع بلنسبة لها ظلت تقاومه بشراسة  حتي انها غرست اظافرها بوجهه واحدث جروح نزف على اثرها لعنها هو بغيظ وصفعها بقوة ثم انحني بظهره وحملها كجعبة على كتفه   وتوجه بها الى غرفة النوم  خاصته لترفسه هي بكل قوتها وتضربه بيدها دون انقطاع وهي تتوسل له بضعف
فتون: بلاش .....سبني ابوس ايدك
بلاش معنديش غير شرفي
ليهتف  هو ساخرآ وهو يشدد أكثر عليها : شرف ايه يا أم شرف عليا برضو لتصرخ هي بحرقة بعدما القاها على الفراش وتحاول ان تتملص من جديد ولكن هو كان ادهي منها وقيد حركتها بعنف وقام بتمزيق بلوزتها  وان كاد ان يستكمل دنائته تعالي صراخها  واستجمعت كل قوتها  ودفعته بعدما غرست اسنانها بقوة  واخترقت لحم ذراعه ،تلوي هو من الألم وسبها بألفاظ نابية  ولكنه لم يفلتها حتي يحقق ماسعى اليه لتزحف هى بصعوبة  و تمد يدها لتلك الڤازة القريبة منها  الموضوعة على الكومود وتخبطه بها على رأسه ليتأوه هو بقوة وتخور قواه لتزيحه عنها بصعوبة بالغة
تزامنآ مع طرق صقر للباب بقوة لكن دون جدوى و إن كاد ان ينصرف   استمع لصراخ يأتي من الداخل تأكل  القلق قلبه ثم قام بدفع الباب بكتفه  بقوة عاتية عدة مرات متتالية حتي قام بكسره ليركض يتبع الصراخ واذا به يتسمر  مشدوهآ مما وقعت عينه عليه
حاولت هي ان تعتدل بتعب اثر مقاومت ذلك الدنيئ  وان استقامت رأت صقر يقف امامها تجمدت اوصالها وتعالت انفاسها بذعر وهي تنظر لجحيم عينه وملامحه التي تشع بلغضب  ولا تبشر بلخير حاولت جاهدة ان تخرج صوتها لتدافع عن ذاتها
لكن هو ظل ثابت يتناوب بينهم النظرات بصدمةوان همهمت هي بأسمه بتقطع :
-ص....ق...ر
تفاقمت ثورته بعدما أندفع الدماء برأسه لينقض عليها ويرفع يده ويقوم بصفعها عدة صفعات متتاليه دون رحمة  غير مبالي أنها تحاول التقاط انفاسها لتدافع عن نفسها ولكن هو لم يعطيها فرصة لذلك في تلك الاثناء كان فهد تمالك نفسه  وقام يحاول ان يكبحه عنها  وهو يتعلق به  وهتف بلؤم:

- انت ازاي تتهجم  على بيتي كدة وازاي تمد ايدك علي الحتة الشمال بتاعتي اوعى ايدك عنها
دفعها  بقوة على الفراش والتفت لذلك البغيض الذي اثار حديثة غضبه وبشدة ليهدر: خايف عليها مش كدة

هتف فهد بمغزى وبنبرة متشفية: -طبعآ لازم اخاف عليها اصلها بصراحة الوحيدة اللي بتكيفني صريخها وهي معايا بيحسسني اني شمشون
أغمض عينه بقوةوتعالت انفاسه بغضب قاتل ثم كور قبضة يده حتي نفرت عروقه وقام بلكمة بقوة على فمه اللعين الذي تفوه بتلك الكلمات الطاعنة التي نخرت ضلوعه بصق الأخر الدماء من فمه وان كاد ان يرد له اللكمة تفادها صقر وظل
يتناوب بلكماته على وجهه بقوة عاتيةاطاحته ليعتليه صقر ويستكمل ما بدئه وهو يزئر بغضب جامح  رج الاجواء ليهتف من بين لكماته:

صقر : كنت ملاحظ نظراتكم لبعض  بس كدبت نفسي ياواطي كان لازم اعرف انكم كلكم العن من بعض بس وحيات امي لهدفعكم كلكم الثمن  بس بطريقتي ولو فاكر الصفقة اللي خدتها دي تفرق معايا تبقي غلطان واذا كان على الرخيصة دي فهي متلزمنيش  لينهض عنه بعدما بصق عليه وتوجه لها تلك  المنكمشة وتنتفض بذعر ونحيبها يتعالي بدون انقطاع
حانت منه بسمة هازئة على انهيارها الواهي بلنسبة له
بعدما نزل لمستوي جلستها وقبض على خصلاتها بعنف وهزها بقوة وقال بغضب قاتل  امام وجهها :
-  كان نفسي يطلع أكمل كداب بس للأسف  طلعتي وحدة حقيرة  ورخيصة لينفضها عنه بتقزز  ويستقيم لتصرخ هي و تهز رأسها بنفي  ودموعها تنساب بغزارةبعدما  أنزلقت من على الفراش  وتمسكت بساقه وهتفت بنحيب وبنبرة تقطع نياط القلب:
-لأ ....لأ ......    اسمعني صقر ....صقر  ....مظلومة والله ...صقر...... مظلومة أكمل هو اللي ..... رفسها بقوة
و غادر دون ان يعير اهتمام لحرف  واحد مما تفوهت به ولم يكترث لنحيبها وصراخها فقد اعماه غضبه لدرجة انه يشعر ان بداخله نيران تتأكله وكفيلة بأحراق الاخضر واليابس لتركض هي خلفه بعدما ضمت بلوزتها تحاول ان تستر ما كشف منها 
وهي تصرخ بأسمه وتركض خلفه  لكن هو انطلق بسرعة البرق بسيارته ولم يكترث لها لتسقط على الأرض وتنتحب بقوة دون انقطاع
---------------------
وصل أكمل الى ڤلة عائلته  ترجل من سيارته بخطوات سريعة الي الداخل
ليقف بمنتصف الردهة وهو يصيح بصوت جهوري على والدته 
أكمل : ماااااما انتي فين يا ثريا هانم ياصرفي
تدلت ثريا من اعلى الدرج ووقفت امامه وتحدثت بنبرة حنونة:
- في ايه يا أكمل يا حبيبي بتزعق  ليه ؟؟؟

أكمل بحدة : هقولك بزعق ليه ؟؟علشان طلعت غبي وعشت سنين مفكر ان أختي اتضحك عليها وانتحرت
زاغت نظراتها بتوتر بعدما ابتلعت ريقها لتجيبه مستنكرة:
-انت جبت الكلام دة منين
أكمل بحدةوصوت جهوري:مش مهم تعرفي المهم اني عرفت الحقيقة كدبتي عليا ليه حرام عليكي كل اللي يهمك شكلك وسمعتك مفكرتيش فيا مفكرتيش اني وقفت حياتي من يومها حرام عليكي
لتجيب هي بحزن بعد ما ادركت ان لا يوجد سبيل للأنكار أكثر:
- علشان خفت عليك قبل نفسي خفت تدور علي الولد وتقتله  ومستقبلك يضيع والناس كانت مش هترحمنا انا عمري ما كنت اتخيل ان امل البنت الصغيرة  اللي كانت بتنطط قدامي دي كبرت وقدرت تفرط في نفسها بلسهولة دي
أكمل بأنفعال : انتي السبب انتي اللي مكنش عندك وقت تفهميها الصح من الغلط
هزت رأسها بضعف وهي تتوسله بعيناها
ثريا: انا عارفة اني غلطانة وكل اللي وصلنا ليه بسببي بس والله من يوم موتها وانا اتغيرت وقطعت علقاتي كلها و كان نفسي ترجع تعيش معايا
زي الأول  لتنهار على اقرب مقعد وهي تنتحب بشدة و تستأنف :

-انا بعترف اني قصرت في حقها وعمري ما قربت منها وحتي مأخدش  بالي منها غير لما بان عليها اعراض الأدمان بس والله ياحبيبي حاولت كتير انا وصقر علشان اعالجها وارجعها لعقلها بس كان بعد فوات الأوان كان يستمع لها وهو يشعر بضميره ينهشه بقوة فحديث أكرم كان صادقآ تنهد بحسرة بعدما غامت عيناه بلدموع  ندمآ على فعلته بصديقه وانتقامه الأعمى منه فهو المخطئ الوحيد الان ..زفر بأنفاس مضطربة وهو يشعر بأمه
تسحب يده بين راحتها وترجوه بنبرة حزينة تقطع نياط القلب

ثريا: سامحني يا ابني والله ندمت انا كل يوم بدعي ربنا يسامحني  ويغفرلها ويهديك.... علشان خاطر امك يا أكمل ارجع عيش معايا نفسي تبقي جنبي خايفة اموت وانا لوحدي
انخفض لمستواها وقبل رأسها  وقال:

-  هرجع بس مش دلوقتي محتاج ابقي لوحدي ليغادر بخطوات متخازلة متجه الى منزله وتركها تدعو له بقلب اضناه الفراق بصلاح الحال

----------------------

لملمت شتاتها وظلت تسير بأنتهيار تام تحاول ان تمنع تلك الصرخات الموجعة بداخلها
ولكن الى متي  فقد عزمت امرها وتوجهت الى منزله قاصدة الاقتصاص العادل منه فهو سبب كل شئ
بعد ساعة من السير على الاقدام  وصلت الي شقته الذي احضرها اليها سابقآ بأول لقاء دقت الباب بقوة  وهي تحاول ان تلتقط انفاسها،  ليفتح لها  وهو يطالع هيأتها بصدمة فكانت ملابسها ممزقة وشعرها متناثر بفوضاوية اما عن وجهها فكان عليه اثار انامل طابعة على بشرتها  بالأحمر القاني اثر صفعات احدهم 
تراجع  عدة خطوات للخلف وأسقط نفسه على الاريكة بتأثر ووضع رأسه بين يديه دون ان ينبت ببنت شفة يشعر بلخزي من فداحة افعاله

لتصيح هي به بأنهيار وبنبرة حزينة تقطع نياط القلب:
- عملت كدة ليه حرام عليك دة  انا اترجيتك وانت وعدتني.... ليه يا أكمل كل الحقد دة ليه

ليهمهم هو بعد هطول عبراته بخزي :
-كنت فاهم غلط انو هو السبب في موت اختي يافتون

رددت قوله بضياع  وقهر من بين شقهاتها :
-أختك....... طب هي مامتت واترحمت ان يبقى ليها اخ زيك حقود انا ذنبي ايه تدمرني  وتذلني دة انا ركعت تحت رجلك وقولتلك متقولوش حقيقتي اترجيتك علشان متأذهوش تقوم تحرق قلبو وتظلمني حرام عليك عملتلك ايه علشان تبعني ل فهد انا قولتلك الف مرة انا مش رخيصة يا أكمل والله مش رخيصة ليه ....رد عليا ليه

زفر بضيق بعدما نهض وولاها ظهره فحديثها طعن بقلبه ليلعن غبائه وانتقامه الواهي الذي اطاح بكل من حوله ليهدر بندم :سامحيني يافتون انا كنت غبي ومش عارف هكفر عن اللي عملته ازاي بس اوعدك اني هعوضك
ردت بضياع وبعدم اتزان بعدما سحبت تلك السكين  الموضوع بطبق الفاكهة بأيدي مرتجفة واقتربت منه وهو يواليها ظهره : -انت فعلآ هتعوضني
ليلتفت بخفة تزامنآ مع طعنتها التي استقرت بصدره  لتصيح هي به بهستيرية :
- مفيش حاجة هتعوضني غير روحك ....روحك يا أكمل
تناوب نظراته بينها وبين السكين المغروس بصدره بألم ثم سقط بتهاون  طريح لأثارها............
--------------------
ڤوت لوسمحتم🙈🏃‍♀️🏃‍♀️