إغواء قلب (مكتملة)

الفصل العاشر

في اليوم التالي
استقلو اليخت الخاص به وبرفقتهم ستيف ومارك منذ بداية اليوم لم تعيره اي اهتمام وصبت كامل انتباهها الى الطبيعة الخلابة من حولها فرغم كل شئ هي ليست بهذا السوء لتسترق رجل من امرأة اخري فبعد تصريحه لها قد اصابها بخيبة الأمل ولكن قلبها اللعين يصرخ بين ضلوعها ويحسها بأن تضرب بكل شئ عرض الحائط
طوال رحلتهم لم يخلو الأمر من بعض الابتسامات المجاملة والردود المقتضبة التي كانت تخصه بها عندما يوجه لها حديث ظلت تعبث بخصلات شعرها بشرود الي ان تناهي الي مسامعها نباح غريب افذعها صرخت بقوة ونهضت وقفت أعلى مقعدها
وهي تصيح بعدما شاهدت كلب ضخم بلقرب منها
فتون:لا لأ والنبي ايه دة كلب بجد لا انا اكيد بيتهيألي ايه اللي هيجيب كلب هنا الحقونيييي... كان هو بلجهة الاخري يتسامر مع ضيوفه ويستعدون للغطس الى ان التقط صياحها ليستأذن منهم بلباقة ويعدو اليها وان وصل لها انتابته ضحكات هستيرية لهيأتها فكانت تلوح بيدها وتقفز فوق المقعد بطريقة بهلوانية وكأنها فقدت صوابها همهم هو من بين ضحكاته:
-انتي جبانة ليه كدة دة..ليو ...حد يخاف من ... ليو....
رمشت بعدم فهم ثم صرخت بهستيرية:
-مين ليو انت عايز تجنني دة كلب ... كلب وبدل ما بتضحك ابعده عني احسن هنط في الميا واجيبلك مصيبة
صقر:لا وعلى ايه ...اقترب خطوات حذرة نحوه وأخذ طوقه بيده ثم مرر يده على رأسه بحنان و تحدث بنبرة هادئة :
-دة كلب الكابتن اللي سايق اليخت انا اصلآ كل ما أجي هنا لازم اخليه يجيبه معاه انا بحب الكلاب جدآ علشان مخلصين ليستبدل نبرته للمكر وهو يستأنف:
- تدفعي كام وادخله جوة هدء روعها قليلآ بعدما شعرت بوجوده الضاغي الذي يشعرها بلأمان ولكن عندما تفوه بجملته الاخيرة بنبرة غريبة عليها ولم تعتادها منه رفرفت اهدابها بعدم استيعاب وتمتمت
فتون:يعني ايه مش فاهمة
ابتسم بهدوء وهو يرفع حاجبه بمكروقال:
-يعني لازم مقابل علشان مسبهوش عليكي
شهقت بذعروهي تلوح بيدها بلا عندما رأته يحل يده من طوقه بتباطئ وهتفت:
-اللي انت عايزه هعمله والله بس مشيه من هنا
صقر:اعتبر دة وعد
صاحت بنفاذ صبر:
-ايوة وعد واللي يرجع فكلامه يبقي عيل خلاص مشيه بقا امأ لها برضا وهو يسحبه الي الداخل لتزفر بأرتياح وتجلس من جديد ليأتيها هو بعد دقائق بعدما بدل ملابسه الي شورت قصير خاص بلسباحة
صقر : متيجي تغطسي معانا مهو مينفعش تبقي هنا وتقعدي القاعدة دي
-ايه بحر لأ دة انا بغرق في شبر مية ومبعرفش اعوم كلو الا كدة
همهم صقر بمكر : خلاص هجيب ليو يقعد معاكي يونسك
هزت رأسها بقوةوهتفت بذعر:لا لا لالا والنبي
ابتسم بهدوء واردف بعدما جلس بجانبها : انتي وعدتيني تنفذي اللي اقولك عليه
هزت رأسها بعدما زاغت نظراتها بترقب لحديثه ليستأنف هو:
- عايزك تواجهي خوفك وتنتصري عليه
ردت بعدم فهم : يعني عايزني اعمل ايه
صقر: تنزلي الميا
هزت رأسها برفض قاطع و ردت بأندفاع : لأ بخاف
عقد حاجبيه بدهشة من ردت فعلها ليحاول ان يسايرها : انتي ليه جبانة كدة وفي حاجات كتير بتخافي منها
غامت نظراتها وقالت بنبرة متألمة : يمكن علشان عمري محسيت بلأمان وعلطول كل حاجة ببقي فاكرة انها بتقويني بتهد فيا وتضعفني
نبرتها اصابت اوتار قلبه و اجتاحه رغبة قوية بعناقها وضرب كل شئ عرض الحائط لكن أكتفي بسحب كفها بين راحتيه بحنو وقال بنبرة حنونة :
-انا معاكي متخافيش تنهدت بخفوت بعدما نظرت له بأمتنان ومسحت تلك الدمعة الهاربة من مقلتيها بظهر يدها
بطفولة لتستكمل مغيرة مجري الحديث :
- بس انا عمري ماجربت أعوم
رد هو بعدما شملها بدفئ عيناه وشدد على كفها أكثر :
-انا هعلمك خلي عندك ثقة فيا
هزت رأسها بطاعة وهمهمت بحرج
وهي تؤشر على ستيف ومارك المنشغلين بمعدات الغطس:
- خيفة يضحكو عليا وانا بضبش
ابتسم بهدوء ورد بأصرار كي يبث بها الطمأنينة
صقر:قولتلك انا معاكي متخافيش وبعدين هماهيعملو Diving اول ما اليخت يوقف ومش هيركزو معانا امأت له بتفهم
بعدما شعرت بتوقف اليخت بلمارينة الخاصة بلجزيرة لتشهق بسعادة وهي تصفق بيدها بطفولةوهتفت :
-انا مش مصدقة انت جبتني هنا بجد
ابتسم هو على طفولتها وقال بنبرة هادئة : انا وعدتك وانا عمري ما أخلف وعد لتضحك هي بسعادة وتهتف بعفوية :
-انت احلي مستر صقر في الدنيا
تنهد بعمق فهو يكاد ان يفقد قدرته على الاحتمال أكثر ليجذب يدها بخفة ويتقدم بها نحو مأخرة اليخت
لتستوقفه هي معترضة :
-هنزل البحر كدة بهدومي لازم اغير
هز رأسه برفض قاطع وقال بأصرار:لأ كدة حشمة وانا مفيش حاجة في قاموسي اسمها مايوه
رددت هي بذهول:حشمة ايه... بس يا مستر صقر والنبي استني... لم يعيرها اي اهتمام وجذبها خلفه
شهقت بقوة بعدما سحبها داخل المياه تعلقت هي بذراعه و ظلت تدفش بلمياه بذعر الى ان افلت ذراعه من قبضتها وجذبها من خصرها اليه ويعتلي ثغره بسمة هادئة وقال بنبرة هادئة:
-متخافيش وسيبي نفسك للميا ولازم يبقي عندك ثقة انها هتشيلك امأت له وهي تتلوي بين يده وهتفتوهي تتصنع الثبات:
-انا مش خايفة وبعدين انت قافش فيا ليه كدة اوعي ايدك هز رأسه بلا ورفع حاجبه بمشاكسةوقال:
-لو سبتك هتغرقي وتغرقيني معاكي، وأيه قافش دي انتي عليكي مصطلحات غريبة
مطت فمها وقالت بحرج : والله بقا الكلام بيطلع لوحده
هزرأسه واردف بهدوء :
- احسن حاجة تبقي تلقائية وتتكلمي من غير تفكير وعلى فكرة بتبقي شبه الاطفال
ردت هي بخفة : انا شبه الاطفال ....طب بقولك ايه طالما شبه الاطفال يبقي تجبلي عوامة اتشعلق فيها والنبي
هز رأسه بيأس وقال :
-تبقي لسة خيفة
لتجيبه بثقة زائفة :
-انا مبخفش بس يعني الاحتياط واجب
- اتسعت ابتسامته ليستأنف بمكر وهو ينظر خلفها بنظرات ثاقبة يشوبها العبث :ايه اللي بيتحرك هناك دة ... صرخت هي بقوة وقامت بأحتضان رأسه بذعر وقالت بعفوية :
-متسبنيش ياصقراناخايفة
عند نطقها بأسمه دون القاب سارت قشعريرة بجسده ألهبت كافة حواسه ومازاد الأمر عليه سوءآ هو تشبثها به بقوة
والتصاقها بجسده بشكل مهلك بلنسبة له ليتمتم هو بتحشرج :
-متخافيش كنت بهزر لتبتعد عنه وهي مازالت متشبثة بين ذراعيه وتنكزه برفق بصدرة وتصيح بهستيرية :
-حرام عليك قلبي كان هيقف من الخوف
ليضحك هو ملئ فمه ويقول بعبث :
-شفتي بقي انك لسة خايفة
هزت رأسها ب لا وهي تطالع ضحكته المهلكة لقلبها واستأنفت بنبرة هادئة ارجفت قلبه : انا مبقتش اخاف وانت معايا بحس اني مطمنة بيك انا عمري ما حسيت كدة مع اي حد
ابتلع ريقه ببطئ مميت تأثرآ بحديثها . ورفع يده لا اراديآ يزيح خصلاتها التي تعوق رؤيته لتلك اللألئ الفضية التي اسرت قلبه وعندما تشابكت نظراتهم ساد الصمت لثواني وتحاكت عيناهم بلكثير لتحمحم هي بخجل: مش هتعلمني بقا
سعل بخفة بعدما تدارك ان الأمر يتعدى قوة احتماله وهدر بتحجج حتي يفض هذا القرب المرهق له:
-هااا لأ خليها مرة تانية علشان منتأخرش عليهم زمانهم مستنينا امأت له بأنصياع ليسبح بها ويصعد من جديد على متن اليخت غافلين عن تلك المركب الشراعية القريبة وذلك الوميض المنبعث منها
--------------------------
بعدما ابدلو ملابسهم اصرت عليه ان يصطحبها داخل الجزيرة ،كانت في قمة سعادتها وهي برفقته تناست كل شئ وظلت تركض تارة وتضحك تارة اخري فكل شئ غريب عليها وهي لم تعتادو اما عنه ظل يسايرها وهو يتأمل سعادتها البادية عليها بقلب يرتجف وعيون غائمة بلمشاعر وظل يجاهد كي يظل ثابتآ وحين اتي موعد الغداء كان يضع الطعام بصحنها ويؤشر لها بعينه ان تتذوقه ويكتفي فقط ببسماته الدافئة لها دون حديث وعند انتهاء رحلتهم ودعو ستيف ومارك وذهبو للفندق لتكسر هي ذلك الصمت وهم يسير في الرواق المؤدي لغرفهم
فتون: انا اتبسطت اوي النهاردة
امأ لها بثبات ولم يعقب لتستأنف من جديد:
-معاد الطيارة امتي بكرة
صقر بأقتضاب : الساعة ٦
هزت رأسها بتفهم وقالت بنبرة هادئة :
- تصبح على خير يامستر صقر
ظل يدعي الثبات ورد : وانتي من اهله
لتستأنف بخفة :طب مش ناوي تخلي الشمس تطلع واشوف ضحكتك قبل ما أنام هز رأسه بيأس وابتسم لها بهدوء لتبادله الابتسامة وهي هائمة به وتمتمت بخفوت رغم انه كان هامس ولكنه التقطه لأنحصار عينه عند شفتاها:
-الدنيا بتضحكلي جوة عنيك
وعند تفوهها بتلك الكلمات كانت كفيلة ان تفقده ماتبقي من ثباته سحبها بقوة دون وعي بعدما فتح باب غرفته واسندها بزاوية الغرفة وحاوطها بذراعيه ليهمس امام وجهها بنفاذ صبر ونبرة ملتاعة :
-انا مش قادر يافتون سامحيني وإن همت بتذمر ودفعه بصدره جذبها اليه بقوة من مأخرة رأسها وابتلع كلماتها المتذمرة بجوفه بعدما تناول شفتاها بنهم شديد وكأنه يتدهور جوعآ ،بث بقبلته شغفه وتوقه لها وعندها شعر انه يرفرف بأجنحة العشق في سمائها غير عابئ بضرباتها الضعيفة على صدره ولا محاولة أنفلاتها منه مرر يده حول خصرها ،حاول ان يثبتها ويهدئ من حركاتها الزائدة بين يده وليتعمق بقبلته أكثر وبحميمية مبالغ بها وعندها شعرت ان ساقيها لم تعد تحملها وان مقاومتها ستنعدم همهمت بهمس وبأنفاس متقطعة من بين التحام شفتاهم
- ممممم.........ص ق ر ... أبعد
همهمتها بأسمه انتشلته من ثورته
وكانت كفيلة بفقدان صوابه لكنه اغمض عينه بقوة وحاول ان يكبح رغبته وان لا يتمادي أكثر بعدما ابتعد عنها قليلآ لتصيح هي به وتدفعه لأكثر من مرة بصدره وتهدر بأنفاس متقطعة :
-انت اتجننت ازاي تعمل كدةابعد عني ليتمسك بيدها التي تدفعه بهاوحاول ان يتدارك الأمر ثم وضع جبهته على منحدر انفها وتحدت بتحشرج اثر ثورته
-شششششششش اهدي يا فتون انا فعلآ مجنون ومعرفش عملت كدة ازاي ،ومش فاهم انتي بتعملي فيا ايه ..... ثم رفع عينه الدافئة لها وتحدث بضياع:
-انا حاسس ان عقلي بيتشل و ببقي حد تاني معرفوش وانا معاكي
لتهدر هي بشراسة بعدما دفعته عنها بكل قوتها :
-انت فاكرني ايه ؟مش انا اللي تفكر تتسلي بيها
اجابها بنبرة صادقة نابعة من قلبه : انا عمري ماعملت كدة مع حد غيرك و انا مش كدة انا مش من الرجالة الحقيرة دي بس غصب عني سامحيني انا بشر وقربك مني تعدي حدود مقاومتي
ابتسمت هي بسعادة وتراقصت دقات قلبها وكادت تصرح له بمشاعرها ولكن تذكرت تواجد امرأة اخري بحياته لتباغته بسؤلها
- بتحبها
عقد حاجبه بعدم فهم لتستأنف هي:
-بتحب خطيبتك تحمحم وتلجلج بعدما ابتلع ريقه بتوتر يحاول صياغة الكلمات المناسبة لكن عجز لسانه عن الرد وعندما طال صمته تنهدت هي بعمق وهدرت:
-انا هرجع أوضتي سبني امشي هز رأسه بعدم اتزان وفك حصار يده من حولها لتنصرف هي وتتركه يهيم بأفكاره التي اطاحت بعقله وأشعرته بتأنيب الضمير من جديد
---------------------
في اليوم التالي ظل كل منهم ملزم غرفته الي ان حان موعد عودتهم وحين استقلو الطائرة وحان وقت الاقلاع تمسك هو بيدها ليطمأنها دون حديث وهي لم تعترض فهي بحاجة لدعمه لتتغلب على زعرها الدائم ولكن ما اثار حنقها انه لم يتفوه بشئ ويتحاشي النظر لها واذا تحدثت يرد عليها بأقتضاب شديد
تمت رحلتهم وقام بإيصالها الى منزلها بسيارته التي تركها سابقآ بلمطار
ظلو فقط يتبادلون النظرات الخاطفة وقبل وصولهم بقليل اتتها رسالة من أكمل يخبرها ان تأخره قليلآ عن موعد الحفل الخيري التي تقيمه والدة صقر ،تحمحمت هي بعد توقفه بلسيارة امام بنايتها
فتون:شكرآ علشان وصلتني امأ لها ببرود وهو يشعل احدي سجائره لتهتف هي بغيظ:
- مش عايز تقولي حاجة انا مش شايفة مبرر لساكتك دة
لم يعيرها انتباه والتزم بجموده زفرت بأختناق وقامت بسحب تلك السيجارة المشتعلة من فمه والقتها من نافذته وهدرت بغيظ :
-كفاية سجاير انا هتخنق ودة كمان غلط عليك
مرر يده على ذقنه بنفاذ صبر فهي تعدت حدودها معه كثيرآ وهتف بحدة:
-اتفضلي انزلي علشان متأخر
امأت بحزن وعيون تلتمع بلدموع
وتمتمت :
- خايف اوي تتأخر عليها مش كدة على العموم اجابت سؤالي وصلتني ابتلع ريقه وهو يستمع لنبرتها الحزينة التي ارجفت قلبه
وان همت بلهبوط من السيارة امسك رسغها يستوقفها وهدر بعصبية:
- بحترمهاوبقدرها وعمري ما هكسر قلبها وعلشان كدة وجودك جنبي بيشوش تفكيري ويلخبطني ومعرفش ليه متسألنيش لأني معنديش اجابة واللي حصل أمبارح دة كان غصب عني
كلماته اعتصرت قلبها لتستأنف بتلقائية دون تفكير:
-لو وجودي مضايقك كدة انا ممكن اسيب الشغل ومش هتشوف وشي تاني ليستوقفها صقر بحدة :
-فتتتتتتتتون قولتلك مش هتسيبي الشغل
ردت فتون بأصرار : بس انا هبقي مرتاحة لما اسيبه لوسمحت متعارضتش
فرك ذقنه وهو يفكر يريد صياغة الامر لعقله لكن عقله يأبي الانصياع لرغبات قلبه
ليجيبها بأنفعال :خلاص بس بعد ما تخلصي الشغل اللي اتعطل بسبب السفر امأت له بضيق وخرجت من سيارته وهي تستشعر انها فقدت اخر امل لها معه لينطلق بسيارته بسرعة فائقة اجفلتها
----------------------
في ذلك الحفل الصاخب الذي يضم العديد من رجال الاعمال وغيرهم من الشخصيات المرموقة والصحافة والعديد من المصورين الذين ينتظرو ذلك الحدث العظيم ليتهافتو على الاخبار الحصرية
وقفت هي بطلتها المبالغ مبها كعادتها ترحب بهم وبرفقتها ابنه شقيقتها التي اصرت عليها بأرتداء ذلك الفستان ذو اللون الاحمر الملفت زفرت فدوة بسأم من تلك الاجواء وبكل ثانية تتطلع لساعة يدها تنتظر قدومه الى ان مالت عليها خالتها بخفة وتحدثت من بين ابتسامتها المجاملة للجميع:
-هو فين صقر الناس زهقت وهتمشي
فدوة : مش عارفة ياخالتو انا كلمتو تليفونه مقفول زمانه جي
في هذه الاثناء دخل اكمل وبرفقته صديقة له وتدعي نيرة
الى الحفل لتسقط عينه عليها تقف بزاوية وتتحدث مع خالتها لتتسارع دقات قلبه وهو يطالعها بذلك الثوب الذي افقده اخر ذرة تعقل به لتهتف نيرة قاطعة نظراته الهائمة لمالكة قلبه :
- ايه دة يا اكمل انت قولتلي هتخدني حفلة قولت هنسهر في Nightclub ونرقص للصبح جايبني حفلة خيرية
اكمل : بقولك ايه مش احنا صحاب ولازم نقف جنب بعض
نيرة : اكيد
اكمل : يبقي الله يخليكي اسكتي وكلها ساعة بلظبط ونمشي وهوديك Nightclub اللي تختاريه بعدها اتفقنا
نيرة : اتفقنا بعد لو زهقت قبل الساعة همشي
امأ لها وهو يرمق تلك الواقفة بلزاوية بفستانها الصارخ بعشق ولكن هي لم تنتبه له بعد فهو علي استعاد ان يفعل المستحيل ليلوذ ببعض الوقت بجانبها
زفرت هند بنفاذ صبر فقد بدء المدعون بلأنسحاب لتوجه حديثها لفدوة:
-اتصرفي اعملي اي حاجة الاعلام في كل حتة وهنتفضح
فدوة: يا خالتو اعمل ايه ؟؟؟
هند : اطلعي قولي كلمتين عقبال ما يجي وهخليهم يشغلو موسيقي ويستعدو
انصاعت لها بمضض وهي تصعد تتحدث بلميك بتوتر :
فدوة:مساء الخير يا جماعة شرفتونا
ساد الصمت بين الجميع وانتبهو لها بترقب لتستأنف
فدوة: ممكن نبتدي زي كل سنة هنختار اسم واحد من اكتر حد ساهم معانا الليلة وهرقص معاه
ليصفق الجميع بترحيب وتلك الطفلة الصغيرة التي تحمل الوعاءالذي به قصاصات بها الاسماء تتقدم نحوها لتسحب فدوة ورقة واحدة وتشكرها ثم تقوم بفتحها لينتابها صدمة عارمة من محتواها ابتلعت ريقها بتوتر وهي تتطلع لمحيطها فكل الانظار عليها تنتظر تفوها بلأسم لتهدر بتقطع : الاستاذ..... اكمل... الصرفي......
------------------------------

ڤوت لو سمحتم 🥰🥰
البارت الجاي هيبقي 🔥🔥🔥🔥🙈