تململت هي بأنزعاج بعدما استمعت لصياح امها وهي تحسها على الأستيقاظ ولكن هي لا تعلم ما أصابها فهي اصبحت عاشقة للنوم في الأونة الاخيرة وبكثرة ولا تعلم السبب اعتدلت بتكاسل داخل فراشها وهي تشاهد والدتها تزيح الستائر عن الشرفة لتهمهم بنعاس وهي تحجب الضوء عن عيناه بيدها
-حرام عليكي يا ماما النهاردة الجمعة يعني يوم اجازتي سبيني انام شوية كمان
هنية بتوبيخ: قومي يامي وبطلي كسل انا مش عارفة هو انتي مش بتشبعي نوم ولا ايه دة احنا بقينا العصر ويلا علشان عايزاكي تساعديني وتعملي صنية بسبوسة حلوة كدة ناكلها مع الشاي
مي بتأفأف : بسبوسة ايه بس يا ماما ورحمت بابا ما قادرة اصلب طولي وهموت وانام تاني
هنية : يا بنتي الله يهديكي قومي علشان جيلنا ضيف ولازم نرحب بيه
هزت رأسها بلامبلاااه وسحبت وسادتها من جديد ووضعتها على رأسها بعدما قالت بسأم : مليش فيه انا عايزة انام وبعدين هيكون مين اللي جاي يعني
هنية : هاشم
رمشت بأهدابها بعدم تصديق ثم نهضت بسرعة متناهية من على الفراش وهي تهتف بسعادة بعدما مسكت كفي امها : بجد يا ماما هاشم جي النهاردة هو اللي قالك جي يصالحني مش كدة
هزت هنية رأسها وهدرت بأمل : لأ يا بنتي انا اللي عزمتو قولت تاخدو وتدو مع بعض في الكلام يمكن ربنا يهديكم وتريحو بالي
اطرقت مي رأسها بأحباط وهمهمت بحزن : ما أحنا بنشوف بعض في المستشفي وعلطول بيتقصد يجرح فيا يعني ايه اللي هيتغير
قالت هنية وهي تواسيها : معلش يا حبيبتي مسيره يرجع بس هو محتاج وقت يداوي كرامته اللي انتي مرمطي بيها الأرض
ابتسمت مي وهتفت بأمل : يارب ياماما
هنية : طب يلا علشان تعمليلي البسبوسة اللي بيحبها وتلحقي تجهزي عيزاكي تتشيكي على الأخر
امأت لها مي وقبلتها من وجنتها وانطلقت الى المطبخ تعد الحلوى خاصته التي يعشقها
------------------------
عند وصول اكرم الى قصر العزازي استقبلته هند بأمتعاض وقصت عليه ما بدر من ابنها وبعد حديث مطول منها انسحب اكرم الى غرفة صديقه طرق عدة طرقات متتالية وعندما يأس من فتحه للباب هتف بنبرة جهورية :
أكرم : ياصقر افتح حصل مصايب في الشغل ولازم يكون عندك علم بيها طب مش عايز المعلومات اللي طلبتها مني انا جبتلك الملف بتاعها زي ما قولتلي وحين تفوهه بتلك الكلمات فتح صقر الباب بقوة وسحب من يده الملفات وظل يتفحصهم بهمجية ليهمهم إكرم متسأل بحذر بعدما شاهد الحطام: -نهار ابيض..... انت دغدغت الجناح بتاعك يا مفتري ايه اللي حصل لكل دة يا صقر
عاد صقر الى الداخل من جديد وجلس على طرف الفراش ليتبعه اكرم ويجلس بجانبه ويهمهم بقلق:
YOU ARE READING
إغواء قلب (مكتملة)
ChickLitعذرآ ايها الرجل انا لست كماتظن فانا استطيع ان ارقص علي صخب قلبك بدلال مفرط يفقدك صوابك و يشعل حواسك بلهيب محرق يستمد وهجه من كلماتي المحمومة لا تستهن بي وبحرب أنوثتي الضارية فلا تنخرط ورائي فانا لست بائعة هوا كما تظن انا فقط مغوية.. اقتباس 🔥 صيحات...
