إغواء قلب (مكتملة)

الثالث عشر

👆فدوة

ظلت تتقلب في فراشها طول الليل تنتظر سطوع الضوء بفارغ الصبر فكادت افكارها تطيح بعقلها هي سأمت كل شئ رغم محاولاته العدة معها ولكن هي لن ينطلي عليها اسبابه الواهية لتركها فيكفي ما نالته منه من خذلان وبعد ذلك العرض الذي عرضه عليها أسر قلب موازينها وجعلها تنظر الي حياتها بمنظور اخر زفرت بقوة وهي تنهض من فراشها وقامت بروتينها اليومي عازمة ان تزور صديقتها وتخبرها بكل ما يأرقها
بعد وقت قليل من وصولها الي هناك وبعد ان تناولو الفطور سويآ انسحبت والدتها لتتركهم بمفردهم وعندما طال صمتهاهدرت مي بسأم: اتكلمي يافدوة مش هنفضل طول اليوم قاعدين كدة

ردت هي بدهشة : هو باين عليا اوي كدة اني عايزة اقول حاجة

هزت مي رأسها بنفاذ صبر وقالت بأندفاع : انتي هتشليني يابنتي يعني جيالي الساعة سبعة الصبح ومصحياني من احلي نومة وبتقوليلي شكلي باين عليه........ اه ياستي باين ....اتكلمي بقي
تنهدت فدوة بعمق واسترسلت بتوتر : أكمل يامي
هدرت مي : مالو سي أكمل مش كنا قفلنا السيرة دي
قصت فدوة كل شئ على صديقتها وبعد ان فرغت كل ما بجعبتها صرخت مي بها بحدة :
- انتي اكيد مجنونة انتي فرحك اخر الشهر
اغمضت عيناها تحاول ان تلملم عزيمتها وقالت بأندفاع تقصدته : انا مش عايزة اتجوز صقر
صرخت مي بها بعدما قبضت علي ذراعها وهزتها بقوة : بتقولي ايه .......انتي عايزة تسيبي صقر علشان البني ادم دة انتي محرمتيش

غامت عين فدوة وهي تسترسل بنبرة ضعيفة يشوبها الألم : يامي افهميني انا مش هسيب صقر علشان أكمل انا زي ما قولتلك قبل كدة وهفضل اقول لغاية اخر يوم في عمري اكمل حكايته خلصت والجرح اللي هو جرحهولي مستحيل تداويه كتر السنين ...افهميني .... انا زهقت يامي كل حاجة حواليا بتضغط عليا خالتو وتحكماتها وأكمل ومطارداته ليا وصقر وجوازي منه اللي مش قادرة اتخيل ان هيتقفل عليا انا وهو باب واحد وانا عمري ما حسيتو غير اخويا الكبير انا عايزة اهرب من كل دة واشوف مستقبلي بعيد عنهم انا نفسي ابقى حاجة غير اللي هما فرضوها عليا افهميني يامي وساعديني اخد القرار محتجاكي تقويني مش تكسري فيا زيهم
كانت تتحدث ودمعاتها تنهمر دون انقطاع وكأنها كانت تدخرهم لسنوات من الكتمان اقتربت مي منها وأحتضنتها بقوة وقالت بنبرة حنونة :
- أعملي اللي انتي شيفاه صح يافدوة ملكيش دعوة برغباتهم هما اعملي اللي انتي حباه وشيفة انك هتلاقي نفسك فيه دي حياتك انتي متسمحيش لحد انو يتحكم فيها اكتر من كدة واتأكدي اني هبقي معاكي في اي قرار تاخديه طالما بعيد عن سي أكمل دة..... امأت فدوة لها وقالت وهي تمسح عبراتها :
-انا جيلي عرض حلو اوي في باريس وحسة ان هحقق طموحي هناك واعمل اللي مش عارفة اعمله هنا انا هكلم صقر وانا متأكدة انو هيفهمني ويدعمني
قالت مي تحاول ان تشد من ازرها : كلميه يافدوة انا متأكدة انو مش هيقف في طريق مستقبلك
شددت فدوة اكثر من احتضانها وقالت بأمتنان: لو سافرت هتوحشيني ياقطر ومش هعرف اعيش من غيرك ... تنهدت بعمق وقالت بنبرة يشوبها الألم والندم : -كل اللي بحبهم بيسبوني مجتش عليكي
خرجت فدوة من احضانها ونظرت لها بأنتباه بعدما تفهمت مغزى حديثها : هاشم هيرجعلك يامي دة روحه فيكي وانتي عارفة

ابتسمت ببهوت وهمهمت وهي تحاول ان تكون ثابتة وان لاتنهار وتزيد الامر على صديقتها فيكفي ما بها : عارفة ....لتستأنف مغيرة مجرى الحديث : عادي يادودو متشغليش بالك وبعدين في برامج كتير على Social Media نقدر نتكلم طول النهار والليل صوت وصورة كمان
يعني مش هتخلصي مني ليبتسمو الاثنان معآ بعدما عزمت فدوة بخوض المعركة وانتشال ذاتها من كل ذلك
---------------------
في شركة العزازي
احضرت هي قهوته الصباحية ودخلت اليه بطلتها الخاطفة للأنفاس فكانت ترتدي فستان فيروزي يضاهي لون مياه البحر الصافية المشابهة بنقائه قلبها المتيم به ورفعت شعرها على هيئة كعكة منمقة بعدما تركت خصلاتين على وجهها لتهمهم بحنان
بعدما طالعته منهمك بلعمل
- صباح الخير يا صقر
رفع رأسه من على الورق الذي بين يديه ونظر لها بأعجاب شديد وعلي ثغره ابتسامة هادئة وهتف : -صباح الخير ايه الجمال دة ليؤشر لها ان تقترب، أبتسمت بخجل ووضعت القهوة على المكتب وأقتربت من مقعده ليتمسك هو بيدها بحنان ويرفعها الى فمه و يلثمها بهدوء مهلك وتحدث بعدما رفع عينه الدافئة لها :مش عارف كنت عايش ازاي من غيرك يافتون
تنهدت هي بعمق وردت:
-انا بموت فيك ياصقر انت تعويض ربنا ليا عن حاجات كتير اوي اتحرمت منها
نهض مقابل لها وأستند بكفيه على المكتب بعدما حاوطها وهدر بخفوت :

-ليه ديمآ بحس انك مريتي بتجارب صعبة ومأثرة فيكي اجابته فتون بصدق :
-انا من يوم ما شفتك ونسيت كل حاجة وحسيت اني اتولدت من جديد اوعي تسبني ياصقر ولاتتخلي عني مهما حصل ليجذبها اليه بحنان ويحتضن رأسها بصدره ويقول بعشق وهو يقبل مقدمة شعرها : انا عمري ما أقدر اسيبك دة انا روحي فيكي ومصدقت لقيتك بعد السنين دي كلها رفعت رأسها له وتسألت بنظراتها ليبتسم هو ويستأنف :
-متستغربيش ايوة انا شفتك من سنين
هتفت بعدم استيعاب : ازاي شفتني فين فاهمني ياصقر

قال بمشاكسة : دي مفاجأة هبقي اقولك بعدين
امأت له وخرجت من مرمي يده وقالت : مش هعطلك اكثر من كدة كمل شغلك وانا هروح على مكتبي
هتف هو بأعتراض: ماشي بس مش قبل ما تديني بوسة قلبت عيناها بتذمر وقالت قاصدة غيظه : لأ .... احنا اتفقنا قبل كدة مفيش الكلام دة
رفع حاجبه بمكر وقال بثقة : انتي عارفة اني اقدر اكسر الاتفاق عادي بس انا مؤدب وبستأذنك ابتسمت بعدما هزت رأسها بلافائدة وأستأنفت : بوسة واحدة من خدك
زفر بيأس وقال : ماشي ... إمري لله
لتقترب منه بحذر وتقف على اطراف حذائها مقابل له وان مالت على وجنته التف هو بخفة تزامنآ معها لتسقط قبلتها على فمه بخفة وان حاول ان يستغل قربها ويتمكن من تقبيلها دفعته بقوة وصاحت بخجل : انا مخصماك انت ضحكت عليا احنا متفقناش على كدة
ابتسم بأتساع على طفولتها وقال وهو يتصنع الندم : حقك عليا مش هعمل كدة تاني رفعت نظراتها له وتسللت ضحكة عفوية على ثغرها بعدما شعرت انه يسايرها لتقول بمكر وهي ترفع حاجبيها : بتخدني على قد عقلي مش كدة
هز رأسه ساخرآ ورد بمشاكسة:حبيبتي مش لما القيلك عقل الاول
فتون: يعني انا مجنونة
اقترب منها وشملها بدفئ عيناه وقال بهدوء وهو يكبح رغبته بشدة في ان يدفن وجهه بثنايا تلك العنق الذي افقده صوابه منذ دخولها : ايوة مجنونة بس احلي مجنونة شفتها في حياتي
ليمد يده بخفة ويسحب رابطة شعرها وحرره ليسقط بأنسيابية على ذراعيها ليميل عليها و يهمس بأذنها:
- لو شفتك رافعة شعرك كدة تاني متلوميش غير نفسك ساعتها مش هبقي مسؤل عن اللي هيحصل
اغمضت عيناها بقوة من تأثيره الطاغي عليها و هزت رأسها بأنصياع، ليتنهد ويأمرها بصرامة حتي يفض ذلك القرب المهلك بلنسبة له :
-روحي بقا اعمليلي قهوة بدل اللي بردت دي علشان اعرف اركز في الشغل
فتون: حاضر من عيوني يا حبيبي شعر هو بأن بتلك الكلمة أشعلت نيران مستعرة به ليهتف بنفاذ صبر بعدما جلس من جديد خلف مكتبه:
-حبيبي ..... حرام عليكي ارحميني
روحي من قدامي علشان انا على اخري يافتون
ابتسمت هي بعذوبة فلأول مرة يراودها مثل تلك السعادة المطلقة وانسحبت بعدما حملت فنجان القوة وذهبت لتستبدله
----------------------
عزمت امرها ان تخبره بقرارتها وتمنت من الله ان لا يعترض طريقها ويدعمها مثلما يفعل دائمآ تنهدت بتوتر بعدما وصلت الى شركته وحاولت جاهدة ان ترتب الكلمات بذهنها قبل وصولها الى مكتبه اغمضت عيناها بعدما تمسكت بتلك القلادة برقبتها التي يهئ لها انها تمدها بلقوة ودلفت الى مكتبه دون استأذان كان هو يجلس على مقعده الدوار موالي لها ظهره يتطلع الى الحائط الزجاجي بشرود حتي انه لم يشعر بدخولها اليه
ابتسمت بمكر واقتربت بخطوات حثيثة اليه ووضعت يدها تخفي عينه
تنهد هو بخفوت ثم وضع يده على يدها فوق عينه وقال بخفة : انا عارف ان نهايتي هتبقي على ايديكي تعالي بقا ...ليجذبها بقوة مواجه له لتتجمد كافة حواسه من المفاجأة فهو ظنها فاتنته ليتمتم بتوتر : فدوة
عقدت حاجبيها بدهشة من حديثه فهي لم تعتاد على ذلك منه وتسألت بخفوت بعدما راودها الشك : انت عرفت منين انو انا ولا انت كنت مفكرني حد تاني
ابتلع ريقه بتوتر وقال بنبرة جاهد لتكون ثابتة بعدما اختلج كذبة مناسبة : لأ ابدآ يا دودو دة انا عرفتك من ريحة Perfume بتاعك تعالي اقعدي استجابت له وجلست مقابلة له لتقول هي بتردد : كنت زهقانة وقولت اعدي عليك علشان نتغدا سوا ضيق عينه بشك وقال: عليا انا برضو دة قوليلي مالك وايه اللي شغلك اوي كدة مخلكيش صبرتي لغاية ما ارجع البيت
مطت فمها بأمتعاض وقالت بطفولة :
-هو انت علطول قافشني كدة بصراحة اه في موضوع كبير وعايزة اقولك عليه ب.... قاطعهم صوت فتون وهي تحمل فنجان القهوة الذي طلب منها استبداله :
-بدلتلك القهوة يا ح........
توقفت الكلمات بحلقها بعدما طالعت فدوة تجلس مواجهة له وتنظر اليها بأنتباه لتزوغ نظراتها بينهم وينتابها التوتر ليحمحم صقر يحاول يتدارك الأمر : هاتي القهوة يافتون وشوفي فدوة تشرب ايه تعمد التفوه بأسم الاخري حتي ينبهها ابتسمت فتون ببهوت وقالت بنبرة جاهدت لتكون ثابتة : اهلآ بحضرتك تحبي تشربي ايه؟
شملتها فدوة بنظراتها المتفحصة بعدما غزى الشك قلبها لتقول بنبرة هادئة : ولا حاجة شكرآ لتباغتها بسؤالها :انتي بتشتغلي هنا من كتير اول مرة اشوفك
تناوبت النظرات بينهم وان همت بلرد قاطعها صقر بحدة وهو يوجه حديثه لفدوة: مش تحقيق يافدوة سبيها تشوف شغلها ليؤشر لفتون بلأنصراف لتضع ما بيدها على المكتب وتنصاع اليه
ساد الصمت بينهم لدقائق لتهمهم فدوة بنبرة يشوبها الشك:
- لو مكنتش اعرفك كويس كنت قولت في حاجة بينك وبينها
فرك ذقنه بتوتر ورد متلعثم: -فدوة ... ....انا.. قاطعته هي بتسرع :
-متقولش حاجة ياصقر انا عارفة ان انت بتحبني بس يمكن بشكل مختلف بحكم ان انا وانت اتربينا مع بعض وانا منكرش اني بحترمك وبقدرك وعارفة كويس معزتي عندك وان ارتباطنا كان علشان نرضي خالتو
أغمض عينه بخزي من نفسه ولكنه حاول ان يبدو ثابتآ امامها ليهدر بنبرة هادئة اجادها: ملوش لازمة الكلام دة يافدوة

تنهدت هي بعمق وباغتته بسؤالها
-انا كنت جية اصلآ علشان كدة
نهض صقر بعصبية من مقعده وجلس مقابل لها وهتف بعدم استيعاب :
-مش فاهم يعني ايه ؟؟
فركت يدها بتوتر وقالت بنبرة ضعيفة خوفآ من ردة فعله : يعني انا بحلك من ارتباطنا
ظل صامت ويحدجها بشكل مريب اثار ريبتها الى ان رفعت عيناها له وهتفت بأصرار : انت عارفني يا صقر بخاف على زعل خالتو وعارف ان كل اللي حصل
قاطعها صقر بحدة :
- ايه اللي اتغير يافدوة
اخبرته بتوتر : انا طول عمري بقدرك زي اخويا وحتي بعد ارتبطنا مفيش حاجة اتغيرت وفكرة الجواز رعباني
فرك ذقنه بقوة وهتف بتوجس : -يعني عايزة تسبيني علشان انا زي اخوكي ... مش علشان أكمل مش كدة.... هزت رأسها بنفي قاطع واسترسلت بأصرار :
-لأ مش علشانه أكمل دة لو اخر راجل في الدنيا مستحيل افكر فيه تاني ولا ارجعله
نهض بقوة وولاها ظهره وقال بنبرة صارمة وهو يشعل سيجاره : -أكيد في سبب غير دة يافدوة انا عارفك كويس مستحيل تاخدي قرار زى دة من فراغ
ردت هي بتوتر : بصراحة عايزة اسافر جيلي عرض كويس في باريس
مرر يده على وجهه بضيق وتطلع للفراغ بأفكار متضاربة
تنهدت هي بعدما طال صمته وقالت :
- انا متأكدة انك مش هتعارضني وهتقف جنبي زي ما بتعمل على طول.. طول عمرك سند وظهر ليا متخزلنيش المرة دي علشان خاطري
نظر لها وهتف بجدية : انتي عارفة معزتك عندي ...ومش معني انك تنفصلي عني ان ميهمنيش أمرك
ردت هي بأندفاع: عارفة والله وحاسة بحرب الأفكار اللي جواك بس دي رغبتي انا مش بحملك مسؤلية حاجة انت عمرك ما قصرت معايا في حاجة حتي لما كنت بتتشغل كنت بتعوضني عن غيابك لوسمحت ياصقر افهمني
تنهد بعمق وهتف بهدوء : امي مش هيعجبها الكلام دة ومش هتقتنع بسهولة
ردت هي بثقة: انت هتبقي معايا وهتساعدني مش كدة ياصقر امألها بهدوء واستأنف : هحاول يافدوة وطالما دي رغبتك مش هقدر امنعك
ابتسمت بسعادة وقالت بأمتنان : -ربنا يخليك ليا طب يلا نروح نتغدا مع خالتو وعمو محمد دة كتير بيسأل عليك بس انت يا أما مشغول يا أما مسافر
صقر: فعلآ عندك حق انا مقصر معاه جدآ بس انا والله مش ساكت على موضوع سفره برة دة علشان العلاج دة فيه دكتور الماني اتواصلت معاه وبعتله report بحالته ولسة مردش عليا بس انشاء الله خير
فدوة: ربنا يطمنا عليه دة عمو محمد دة طيب اوي ياصقر
ابتسم هو بهدوء ونهض وهو يلملم أغراضه الشخصية وقال لها بنبرة رزينة :
- طب يلا علشان منتأخرش عليهم لتبادله الابتسامة وتتعلق بذراعه ويهمو بلخروج وإن مر من امام مكتبها وجدها منشغلة بلعمل ولكن وجهها كان متخبط بحمرة لم يعلم سببها اهي غضب ام شئ أخر ليهمهم هو بثبات : انا ماشي يافتون الغيmeeting بتاع الاقسام وياريت تروحي انتي كمان رمشت بأهدابها عدة مرات بعدما نهضت بأحترام وهي تجاهد ان تبدو ثابتة امامهم : تحت امر حضرتك يا مستر صقر
امأ لها بضيق و أنصرف اما عن فدوة أبتسمت بمغزى بعدما تناوبت نظراتها بينهم وادركت ان قرارها سيكون ايضآ لصالحه وذلك ما خفف عنها شعور الذنب لتركه
--------------------------
زفرت مي بضيق وهي تفتح باب شقتها التي كانت تجمعهم سويآ فبعد انصراف صديقتها من عندها قررت ان تذهب لشقتها تحضر بعض من اشيائها وتعمدت ان تتواجد في الوقت الذي هو به بلمشفي ظلت تخطو بخطوات ضعيفة وهي ترمق كل ركن بلشقة بأشتياق
وتمر امام عيناها ذكرياتهم معآ تنهدت بعمق وهي تتطلع لتلك الأريكة الذي كان ينام عليها اثناء عدم تواجدها معه وتذكرت تلك الكلمات التي كان يخصها بها (مقدرتش ادخل أوضة نومنا وانتي مش معايا ) ظلت تتسأل تري هل ما زال كذلك بعد كل ما حدث ابتسمت بتألم بعدما فرت دمعة من عيناها حصرتآ على ما توصلت لها حياتهاثم رفعت ذلك القميص الملقي على الاريكة بأهمال واستنشقته بأشتياق تام وهي تضمه لصدرها بقوة لثواني معدودة ثم وضعته من جديد بعدما قبلته وتوجهت الي غرفة النوم وعندها توقفت كل حواسها بصدمة عارمة لم تجد غرفتها التي تعودت عليها بل وجدت اخري بتراث احدث حتي طلاء الغرفة تم تغيره بلون اخر شهقت هي بقوة واجهشت بلبكاء بحرقة بعدما ادركت انه تقصد ان يمحي ذكرياتهم معآ ليفاجأها هو بخروجه من المرحاض عاري الصدر ويحاوط خصره بمنشفة ويجفف خصلاته بإخري لتوليه ظهرها وتمسح عبراتها وتحاول ان تستعيد ثباتها
ليصدمه هو وجودها امامه ويهمهم دون ان يعايرها اي اهتمام وهو ينتقي ملابس يرتديها : خيررر ايه اللي جابك؟؟
التفتت له وقالت بثبات اتقنته بعدما شعرت ان هيأته تلك بعثت بها القشعريرة وتداركت اشتياقها له : جيت اخد بقيت حاجتي اللي هنا دة لو معندكش مانع
حانت منه بسمة هازئة وقال ببرود : حاجتك انا لميتهالك وكنت هبعتهالك عند مامتك مكنش ليه لازمة تتعبي جنابك

تنهدت بخفوت تحاول ان تكبح رغبتها بلبكاء من جديد بعدما افحمها بفعلته لتهمهم بنبرة مهزوزة :
كتر خيرك يا دكتور انا هاخدهم
وأمشي
وإن كادت تخطو مبتعدة عنه باغتها بسؤاله الذي تعمد غيظها به :
هاشم : مقولتليش ايه رأيك في أوضة النوم الجديدة ؟؟
التفتت له بعيون غائمة وقالت بنبرة ضعيفة يشوبها الكبرياء : -انت فكرك لما غيرتها انك كدة محيت كل حاجة تخصني انا متأكدة اني لسة جواك
ضحك هو بملئ صوته الرجولي ساخرآ منها ورد بلا مبلاااه : ايه الغرور دة ... ...انا غيرتها علشان العروسة الجديدة مينفعش تدخل على عفش قديم ميصحش

لوهلة شعرت ان كل شئ يدور بها وتلك الكلمات تتردد بأذنها بلا انقطاع لتهمهم بضعف وعدم استيعاب : انت هتتجوزها فعلآ ياهاشم
اجابها بثقة دون تردد: وايه اللي يمنع اني اتجوزها انا اكتشفت ان في حاجات كتير اهم من الحب يا مي وكل الحاجات دي لقتها في نيرة

ابتسمت ببهوت وردت بنبرة متألمة يشوبها الندم : وانا.......وانا ياهاشم خلاص حكايتنا خلصت حكمت عليا وريحت ضميرك

اجابها بحزم قاطع : ايوة خلصت وانتي اللي خطيتي نهايتها بأيدك
نكست رأسها بندم وان كادت ان تتحدث قاطعها هو بعدما اقترب منها بهدوء ارجفها ورفع بأنامله رأسها اليه لتتشابك نظراتهم وهمس بخفوت مثير امام وجهها :بس دة ميمنعش ان لو نفسك فيا انا مستعد
رفعت غابات الزيتون خاصتها اليه بخزلان وقالت بعدما انسلتت دمعاتها دون ارادة : متعملش كدة ياهاشم بلاش تحاول تشوه صورتك في عيني ...انت مش كدة

ليهدر بصياح ونبرة غاضبة امام وجهها: لأ انا كدة ومش هكون غير كدة من هنا ورايح وخليكي متأكدة ان هاشم اللي تعرفيه مبقاش ليه وجود وضعت يدها على وجهها بعدما تزايدت شهقاتها وتراجعت عدة خطوات للخلف بعدما اصابها ذلك الدوار اللعين الذي يراودها منذ ايام وجلست على طرف الفراش بضعف تحاول ان تكبح دمعاتها لكن دون جدوى

ليأتيها نبرته القوية التي يشوبها القسوة التي لم تتعود عليها منه:
- ممكن تتفضلي علشان عايز البس علشان متأخرش على نيرة وياريت توفري وصلت الصعبنيات دي مش هتدخل عليا
رفعت نظراتها اليه وقامت بمسح عبراتها بعصبية وانصرفت دون ان تتفوه ببنت شفة اما عنه بعدما تأكد من خروجها من الشقة زئر بغضب وقام بتكسير كل شئ داخل تلك الغرفة اللعينة
----------------
داخل قصر العزازي
تجمعوا على مائدة الطعام يتجاذبو اطراف الحديث بينهم وبين الحين والأخر تحسه فدوة بعينها على الحديث مع خالتها لكنه لم ينصاع لها
لشعوره بلقلق عليها من ذلك القرار المتسرع حتي وإن كانت هي احلته من ارتباطهم تظل هي ابنة خالته التي تربت على يده وتعني له
مالت هي على اذنه بتذمر : متكلمها ياصقر انا عمالة اغمزلك من الصبح
وانت مش فاهم
هز رأسه بهدوء ورد عليها بخفوت حتي لايلفت نظر والدته : انا قولتلك هحاول بس لما اتأكد الاول من صاحب العرض واعرف تفاصيل ومش معني انك حلتيني من خطبتنا اني اسيبك تسافري من غير ما أكون مطمن عليكي

تنهدت هي بقوة ومطت فمها بطفولة وقالت بخفوت مماثل : بس انت وعدتني
هز رأسه لها، وقبل ان يجيب قاطعتهم هند بتهكم: ايه عمالين تتوشوشو ولا عملين اعتبار لحد خلاص الحب مقطع بعضه
اعتدلت فدوة بجلستها ونكثت رأسها بحرج ليهدر محمد عم صقر بنبرة هادئة يشوبها الطيبة : -سبيهم ياهند براحتهم كفاية انهم قاعدين وسطينا ومونسنا ليؤشر لصقر بدعابة ويهتف :
-كمل يا ولد وشوشة ملكش دعوة بأمك
ضحك صقر بأتساع وهو يقول: -والله انت راجل سكرة ياعمي ربنا يخليك لينا
نهضت فدوة وقبلت عمه من وجنته بقوة وقالت بأمتنان : انا بموت فيك ياعمو يا بخت خالتو بيك دةأنت اكيد مدلعها

لتهدر هند بصرامة : بنت احترمي نفسك واتفضلي كملي اكلك امأت لها بحزن وهدرت بعدما شعرت بلحرج :
-لأ انا شبعت وهطلع أوضتي عن اذنكم لتنصرف
ظل هو ينظر لأثارها بضيق ليهدر موجه حديثه لوالدته:امي ليه بتعامليها كدة فدوة مش عيلة صغيرة علشان توجهي فيها علطول هي مغلطتش

تنهدت هند بسأم وردت بلامبلاااه:
-متكبرش الموضوع ياصقر هي معندهاش اعتراض على طريقتي ولا تكون اشتكتلك

اجابها هو بحدة : امي انتي بتستغلي انها مبتقدرش تزعلك و بتفرضي عليها تحكماتك

هتفت هند بسخط : انا بتحكم فيها علشان هي كل قرارتها غلط ولا نسيت

صقر: سبيها تغلط وتتعلم من اخطائها هي مبقتش صغيرة

ردت هند بتأفأف : يوووه انت مالك متحامل عليا ليه ومحموق اوي كدة

ليقاطعهم عمه : اهدو يا جماعةوانتي ياهند انا شايف ان صقر عنده حق فدوة مش صغيرة

هتفت بعصبية وبأندفاع دون تفكير : بردو هتقولي مش صغيرة دة ناقص تقولي اسلمها ميراثها كمان تتصرف فيه ما خلاص هي كبرت عليا ،وعندما تلقت تلك النظرات المشدوهة تداركت زلفة لسانها لتزوغ نظراتها بينهم بتوتر
،حانت منه بسمة هازئة على ما تفوهت به ليستأنف صقر ساخرآ: -دة كل اللي يهمك مش كدة يا أمي حتي اصرارك عليا ارتبط بيها كان علشان خوفتي تطالبك بميراثها ويضيع من تحت ايدك لما تتجوز واحد تاني مش كدة رفعت رأسها له بجبروت وهدرت بحقد: -اصلآ دة حقي انا انت عارف ان بابا كان بيفضل امها عليا وبيديها اكتر من حقها
ليستأنف عمه بخفوت لم تلتقطه : -ليه حق ما انتي طماعة وعيزة تكوشي على الدنيا كلها
نهض صقر بعصبية وقال بنبرة صارمة غير قابلة للنقاش: انا ندمان اني سمعت كلامك وأرتبطت بيها بس انا كنت فاكرك بتعملي كدة علشان بتحبيهاوبتحاولي تعوضيها عن يتمها بس الظاهر كان ليكي حسابات تانية ياهند هانم ياعزازي انا كنت غافل عنها على العموم انا وهي فسخنا خطوبتنا ودي رغبتها هي ،وانا غصب عني وعنك لازم نحترمها وميراثها هترجعولها على داير المليم ولو مش عايزة انا هديهولها من نصيبك في الشركة
لتعترض هي بقوة وتصيح به: انت اكيد اتجننت مستحيل طبعآ

قاطعها هو بصرامة وبنبرة قوية : -امي انا اللي عندي قولته وانتي عارفة اني مش بتناقش في قراراتي
يا تديها حقها يا أما انا هتصرف عن اذنكم انا طالع اطيب خاطرها لتنظر هي لأثره بغيظ فهي تعلمه تمام المعرفة لايحيد عن قراراته

ليقول عمه بعدما نهض من مقعده : ياريت هم الدنيا كلها فلوس ياهند مكنش حد غلب وبعدين انتي نقصك ايه دة خلاص مبقاش في العمر باقية الحقي اعملي لأخرتك واعملي حساب انك هتقفي قدام ربنا وتتسألي عن مال اليتيمة دي رجعلها ميراثها ياهند

صرخت هي به بغضب بعدما ازاحت الصحون بيدها واوقعتهم على الأرض: انت عايز تنقطني انت كمان انتو ايه اللي جرالكو
هز رأسه بيأس وانسحب وهو يدعو لها بصلاح الحال
-------------------
ڤوت لوسمحتم🌸🌸