#غزل _العشق
بارت ال 18
كملت
القصة لعسل
غزل لعد نروحلة ب لكي يرجع بابا
هزيت راسي وكمت
دك تلفوني رسالة ب الفايبر جان بوكتهة اكثر برنامج مشتهر الفايبر
وقليل عدهم
باوعت مكتوب الفهد اني مسجلتة هيج
كاتب وينج
توني كتبتلة هلو فهد
بس دزيتلة اتصل على الرصيد
جانت ساعة ب الوحدة ب اليل توني انام جاوبت بصوت نعسان
هلو فهد
ها شلونج
هلو بيك الحمدالله وانت
جر حسرة وكال
خو ما احد مضوجج منا منا
لا ابد
تعاي اكلج صدك شون ترجعين بوحدج
ضليت امتمت
مو مو
بوية هو شنو المو
مو تعبانة جنت ودايخة كلت بس ابقة خاف اتخربط
ها يصير خير
سكت ورجع حجة
تعشيتي ؟
اي
جذابة
هوة شنو الجذابة فهد
نتر
وشبيججج تنترين روحي نطمرييي
وسد الخط
باوعت جايتني رسالة على الرصيد من رقم غريب
مكتوب بيهة
(( هاي عيون لو دجلة وعليهة مچلجل الزيتون ))
كتبت منو ؟؟
كلبت ب التلفون حسيت راسي يوجعني وثكل راسي
ونمت
مر يومين
الجمة والسبت
وهدوء
السبت العصر لابسة دشداشة بنفسجي سادة وبيهة نقشة كلش نازكة وشال بنفسجي بي ورد ابيض ووردي
جنت كاعدة ب الهول اني وريام وفاطمة
وعسل
كبالي كوب الجاي
ومسوية بي تشريب مال صمون وخليت علي شكر
وموسى بحضني اوكلة
صااح عمار اخو فهد الجبير
ياا الله
تفضلي حجية تفضلي
رفعت راسي مرة جبيرة بس بحيلهة يطلع عمرهة ب الستينات بس قوية يعني تمشي على عوجيتهة
وفوتهة عمار
فاطمة وريام كامو ييسلمون
جان بيدي موسى شلتة وكمت
وصلت الهة
سلمو البنات
وصلت الهة اريد اسلم
شو هاي شافتني وخنزرت
جان دكول ها نويرة
بعدج
شو ميلي من وجهي لا بارك الله بيج
جيبي فهيد الصغير اخذت موسى
ندارليي وصرخ
واني حتقىت نفسي شنو نويرة شنو بعدج شنو تدعي علية
وجت عمة رحاب
هلا هلا عمة شونج ودنكت على المرة بوستهة
وجن كلهم سلمو وكعدو
نزل من حضنهة موسى واجة لحضني كاعدة اني ب الكاع ومخلية ادية بحضني
صاحت نويرة
مرفعت راسي نزتني فاطمة
رفعت راسي
نويرة وصمخ مو احجي وياج
وردت عمتي
هه لا عمة هه هذي مو نويرة
صغرت عينهة
اجل منهي انة اكول نويرة سمينة وضخمة هذي منهي
ها عمة هاي غزل
شو تعاي لية
جنهة زهرة
كمتلهة صرت كبالهة
ايي والاه هذي زهرة
لاعمة غزل
اشو تشبهين زهرة
شتكربلج
صفنت
باوعت بعيني
هذي هذي بنتت محمد
مهو ؟
ايي عمة بجرة غزل
صرخت لحجية
يمة يمة ياريحت لغوالي
تعاي لية خل المج
وقتربت منهة سحبتني حضنتني وتوون
ونزلت كعدت ب الكاع
يمةةة ي محمد يا يمة يمة وين رحت يمة طبيت للبيت وصحت وين ابني
وتبجي وتصرخ
تشبهين زهرة
اهي وينهة امج
صفنت بوجهة
ماتعرفبني مو ماتعرفيني
انة عمت ابوج اخت جدج دحام
ها حبيبتي بستهة امي فوك
وندارت على ريم كلتلهة
ريمة جدة صيحي مرات عمج
كامت ريم تصيح على امي
ونزلت امي لابسة عباتهة وربطتهة
اول مرة امي تنزل
دكت لباب وكالت السلام عليكم
وطبت امي
دنكت على المرة باستهة وباست راسهة
شونج عمة
وحضنتهة المرة
وكامو يبجون ثنينهم
وتصرخ المرة
عافج عافج وراح الي تمناج وعادانة عافج
ندارت علية
انة عبالي مرت فهيد نويرة عبن شفتج شايلة فهيد ( هية تسمي موسى فهد الصغير )
باوعتلي
يمة يمة شحلوج جا شبي فهيد اعمة
ونظارت على حلا
هااا بت خلاص ماحبلتي
دنكت ونترت لاااا شوكت ما الله يكتب
غمتهة وندارت على فاطمة
هااا جدة فطوم بطنج شبيهة
دنكت وكالت تؤم ان شاءالله
يا صلاوت يا محمد
باوعتلي
يوم الالج
دنكت
وجة موسى ب الباب
صااح
اممممه ويضحك
ويروح ويجي يضحك
الحجية كالت
انةةة امك يعباس
يصيحلج يمة
يمة يمن كون صدك تصيرين امة
وضحكت
شني هاي لحلا شني هاي لخدود
يمةة يافهيد
كلش حبيت الحجية محبوبة
وبيومهة امي تونست جوة
ساعة تبجي وساعة تضحك
وتعشينة سوى
غسلنة لمواعين اني وفاطمة
بقن كاعدات الحجية اسمهة حجية نوال
تصير عمت ابوية وعايشة ب البصرة عدهة أحفاد واحفاد احفاد
صارلهة سنتين مجاية ف متعرف بطلاق فهد وجنة كاعدين ورة العشة
كالت يمة غزالة
ها بيبي
ملخت خدودهة ب الشقة
وج يمة جدة جدة مو بيبي
وسحبتني
حضنتني
وهمست
انة امك يفهد عساك بهل نعمة
سحبت روحي منهة مستحية
وسئلتني
هااا ستحيتي
سويت نفسي مفهت
شنوة ليش هو شكو وضحكت
ملعوونة بس مفتحة ومتمنيتج لواحد
كالت عمتي رحاب
هاا عمة رايدتهة لحميد اخذيهة
نترت بيهة بيبي نوال
رحيبةةة رايدتهة لواحد تعرفي لا تلوفنهة وطممنهة بيناتجن
مثل اول نوبة انتي وخليصة وهزت بديهة شون تهزين طفل عبالك
بينجن بينجن جبتنهة منجن وبيجن وطممتنهة سوة ودفنتنهة سوة
ردت عمتي رحاب
اهو عمة مو بكيفي بكيف الولد
ردتهة
اييي يم الولد كعدي وسكتيييي
وندارت علية
مشتهيتج الة مشتهاه
كاعدة بين فاطمة وريام اني
نتستني فاطمة
الحجية ماتكعد منحرفة
وطكيناهة ب ضحكة
وندارت علينة اني وفاطمة
هااا ولجن شكلتن علية
لا بيبي وضربتني بخفة على رجلي ب غوجيتهة
لا لا جدةةةة
عفية اريدنج هيج
وجة جدي
وراحت باست راسة وايده
وتالي اليل نسحبنة وحدة ورة وحدة
وكفني صوت جدي دحام
غزالة
ونداريت
ها جدي
تعاي بوية عندي جلمة راس وياج
كامت بيبي نوال
ووكفهة صوت جدي ابقي خوية
والبقاي توكلو
كلهة ندارت
وصعدن كلهن
ووكعدنة ب الاستقبال همة يسمونهة ربعة او ديوانية
سبجتة بيدة وحجة
بوية شنو ردج
ها جدي رئي بشنو
بفهد
هه شبي فهد
صرخ غزلللل
فزيت وكعدت عدل نعم جدي
احجيلي شني لمايخليج توافقين
ووابن علي يلح بموضوعج
حجيت
جددي ثنينهم ارفضهم
ضىب عوجيتة ب الكاااع
وصرخ
غزللللل ماعدنة غيررر خيااار عجل ولد عمومج ثنينهم وارفضهم
ماااعدنة لو هاذ لو هاذ
وحجت بيبي نوال
اهو شنو الموضوع اخوي
وحجالهة
وكالت
الزوم تختارين واحد منهم
دنكت وحجيت جديي افكر
صرخ
لااااا
نطيتج صار سبوعين تفكرين
مو جدو والله وخنكتني العبرة
وبجيت
جدوو والله بعدني صغيرة ماريد
احجي واشهك
رفع راسة صااح صبرك ربيي
ورحت يم رجلة
كعدت
جدوو ابوس رجلك لا تكسرني واني يتيمة لا تجبرني
وكام وصرخ
بسسسسس انةةة مسئول عنج انةة انطيتج لفهد
وكعدت نهاااريت
وطبت عمتي رحاب
ماتاخذ فهد عميي هية كوة لا لولد يريدهة ولا اهي تريدةةة
وصرخخخ
رحيبةةةة طلعي منهة
لا عمي مادخل بس انة حاجية وية اخوي اخذ بتة
ندار عليهة عاكد الحاجب
اهووو متو الكالج تروحينننننن
وصرخ
احددد كايلج اخذتي شوور احد
احجييييي
هزت راسهة ودنكت
دحكييي رحاب انتتيييي وييي اخوج تحليهةةة انة مالي دخل
عبنج انتيي الحاجية مو انةةةة
وصرخخخ علية وندار
بسسسس
كومييييي انتي صعدييي
وصعدت اركض لفيت راسي وشبعتنت بجيي
اجت امي تريد تعرف شبية مكدرت للستة الصبح من التعب ثكلن عيوني ونمت
حسيت امي تخلي ايدهة على كصتي وحركتني
يمةةةة بنيتي غزالة شبلاج واجة نار ..
يتبعععع
تعويض
والله تعبانة وبية مابية كتبتة ان شاء الله ما اكون مقصرة
ام علي الاكبر
·♥♥