هلوو حبيباتي ...
بارت لعيونكم..
بس شاركو صديقاتكم بل قصة 🌝💙
.......
ويـن اروح اني بهل ضهرية؟ اصعد نفرات ..لا لا يراد كل شوية اصعد وانزل ...أجر سيارة هم لا دنية ضهرية واني وحدي...فزيت على صوت احد يصيحني
غزل ...غزل
انداريد شفتهة جوارينة ام محمد درت الهة اركض
ام محمد :-شبيج يمة ليش وحدج بل شارع انتي وختج
غزل -خالة عفية وصليني المستشفى ماما وبابا سوو حادث ونقلوهم هناك واني حايرة وين اروح بهل ضهرية
ام محمد :-صدك جذب خالة نتضريني اجيب عباتي واصيح محمد يشغل السيارة
راحت ام محمد شوية اجت هية وابنهة وصلوني المستشفى وكالت خالة اني عِنـ.̷̷̸̷̐ـديّ دوام ضهري «ام محمد معلمة » راح اروح م̷ـــِْن تريدين ترجعين خابري علية ادزلج حمودي
-شكرا خالة ما قصرتي فضلج ه̷̷َـَْـُذآ دين بركبتي الاخر عمري
-صدك جذب خالة اني شسويت وروح اختي انتم عزيزين وغالين مثل اهلي
-الله يسلمج خالة
غزل
وصلوني والطريق كلة لازمة ايد عسل وانخة وادعي جفت دموعي ماكدر ابجي م̷ـــِْن الصدمة الصبح جانو شلوناتهم يربي طبيت اركض لازمة ايد عسل وامشي بيهة وعباتي على جتافي نازلة هية •اللّـہ̣̥ يسلمهة اجر بضهرهة جر واني حيل مضل بية عاد عطت بيهة
غزل بغضب :-عسل امشي عاااد شلعتي كلبي
فجئة اجاني صوت نبرته حاادة م̷ن وراية
-اذا مابيج حيلهة شكو خلفتيهة شو تكتلن نفسجن ع الزواج
جوابته واني عفاريت الدنية تطلع م̷ن عيوني -وانت شدخلك ناقصني اني عساس
غزل
سئلت اابنية الكاعدة يمكن موضفة عن هيج حالة كالتلي بصالت العمليات طبو م̷ن ربع ساعة ودلتني ع المكان رحت اركض وتفاجئت توقعت اني اول وحدة جاية شو لكيت ام لا اله الى الله هناية وكلهة زلم ولو وحدة لْـۆ ثنين نسوان كلت يجوز على غير احد
كعدت وبصفي عسل ولازمة ايدهة ومدنكة ابجي ابجي وامسح بدموعي ماريد احد يشوفني ضعيفة ومكسورة ماحب احد يعطف علية تنزل دمعة كبل امسحهة وعسل تبجي على بجيي لفيتهة علية صار وجهة بصدري واني مدنكة اجت مرة كعدت يمي مسحت دموعي ورفعت راسي ..بتسمتلي ..رغم الموقف لاكن بتسمتلهة لان دائما احب اجامل الناس وجتماعية حسيت بيهة شي من حنية امي
سئلتني المرة مبينة جبيرة بل عمر :-شو يخالة وحدج شعندج هينا عجل وين اهلج تاركين هيج ماسة وحدهة
جاوبتهة بصوت مخنوك -اهلليي؟
-اي يخالة من عندج هينا وتنتضرينه؟
-اه اه اهلي خالة انتضر اهلي بلكي يرجعولي
-عجل وينهم وهاي الفرخة الحلوة بتج
ابتسمت على حجيهة -خالة هاي اختي اهلي جوة جوة بغرفة العمليات منتضرتهم واشرت على الغرفة واختنكت مستحملت بجيت ..
شفتهة نصدمت واخذتني بحضنهة وضلت تمسح على شعري بعدهة باست عسل وكالت
-•اللّـہ̣̥ يطلعهم بـ السلامة ماعندج اخوان خوات بعد
غزل- لا والله خالة ماعندي بس عسل
-الله يحفضهة ليش وحدج؟
-خوال وخالات ماعندي وعمام هم ماعندي
-هااا يالله خالة اكوم انا هنا هم انتضر كرابتي شتحتجاين كولي لا يردج الة السانج
غزل ببتسامة خفيفة -شكرا خالة ما قصرتي...اشو هاي راحت مدري شكالتلهم وكلهم اندارو يباوعولي اني وعسل اووي اني خل احير بمصيبتي شعلية بيهم...
ورة ساعة كاعدين وماكو شي بعدهم مطالعين ...جان تبدي ملحت عسل
عسل بصوت عالي (مدري شوكت تتعلم تنصي صوتهة هل بنية) :-اكلج غزل والله مليت ومتتت عطش وين ماما وبابا خل نرجع للبيت هسة يجون وميلكونة
غزل بهدوئ-عسولة حبيبتي صبري شوية ويجون علينة بابا وماما ونروح واشتريلج مي
...شو هاي ضلت تصرخ
-اريددد مي كومي جيبيلي
غزل بغضب -عسل كتلج بعدين لتصيحين منا العالم
فجئة ...اجة ولد شاب م̷ـــِْن هذولة الناس يطلع عمره نهاية العشرين بداية التلاثين ..مد ايدة وحجة بصوت سامعته بس ماعرف وين
الشاب بحدة :-اخذي شربي الطفلة ماي راح تموت
اخذت المي عسل لزمته وخزرتهة وهزيتلهة راسي بمعنى بسيطة
انطيته للولد وحجيت :-اشكرك منريد هسة انزل اجيبلهة اني
شو هذا خزرني ويكول- متنزلين
غزل بنفس النبرة -ليش هوة بكيفك اخذ المي الحمدالله ممحتاجين صدقات ...ولزمت ايد عسل وشديت عليهة عاد هوة خلا وراح بس مدري احس شايفتوو اووو هسة اني شعلية ...بقيت افتر اروح واجي وساعة اكعد لحد ما طلع الدكتور ودكتورة ركضت الهم
غزل :دكتور اهلي شلونهم
الدكتور بحيرة: منو منكم جاي وية المرضة
...جاي اكول اني ندرايت اشوف رجال جبير الشيب تارس لحيته وياه هذولي الناس الجانو كاعدين
ابو محمد: اني ابوه
صدمة
صدمة
صدمة
الدكتور: حالة المريض ممستقرة منكدر هسة نقيمهة الة ورا 24 ساعة ...ولمريضة كدرنا ناحفض عليهة وع الجنين
نداريت للدكتورة
-دكتورة امي حامل؟
الدكتورة: اي نعم ْ ماما حامل وعمر الجنين 4 اسابيع حاليا حالتهة مستقرة
تنهدت بضيق -الحمدالله
غزل
جنت كاعدة وجة الرجال الكبير بل عمر يمشي على عكازة بس جان باين عليه الخير على ما اعتقد صاحوله ابو محمد
ابو محمد ببتسامة وهوة يمد ايدة الهة :-كومي جدي اعرفج على عمامج
غزل وهية تكوم ولازمة اختهة -جدو؟ اني ماعندي جد؟ عمامي؟ ماعندي عمام
..جتمعو كلهم فوك راسي رد حاجاني رجال يطلع اكبر م̷ـــِْن بابا بكم سنة
-لا عمي
احنا عمامج معقولة احمد ماحجالج عنة
يتبع ...ادري قصير بس تصبيرة ...
أم علي ألاكبر
أحبكم 🌹💜
