انتجة ع الباب وهوة مجتف ادية ...
جلة صوتة وحجة .
وين ؟شنو وين اريد انزل ..
مو قبل متفهميني الوش خدج احمر وتردين تبجين ؟..
رئسا بجيت بصمت ..درت وجهي مسحت دموعي
افااا تنزل دمعتج وابن عمج موجود ؟
تفاجأت من كال هيج
كمت ابجي ب الزايد. ..سحب ايدي وكال
حدري نتريك وسولفي انة ادريج ما متريكة
ماشتهي ماريد
لا اهو مو بكيفج انة ماحب اكل بوحيدي يعني مو لخاطرج لنفسيكعدت تجيت ضهري ع التخم وهو ياكل كال سولفي
شسولف ،؟
منهو ضربج تكسر ايدو ان شاءالله كولي وانة اخذلج حكج
لا عفية اسم الله لا تكول هيج
جان مدنك من كتلة هيج رفع راسة
شهل طيبة لبكلبج تكفي العالم كلو
انتي عندج رفيجات ؟
ايي بس بعد ماكدر اشوفهمجنتي تحجيلهن كلشي ؟مو
لاا جنت احجي لبابا كلشي يصير بيومي او يضوجني او حتى يفرحنيدحكي عندي اتفاق وياج يعني مثل المعاهدة ؟
معاهديش ؟
انتي كل يوم الساعة 11 بليل كاعدة ؟
اي اصلا اضل كاعدة لتلاثة للاربعة
خوش عجل تجين نكعد هنا برا تحجيلي واحجيلج بس ها انة مو فهد بساعتهة تخيليني عمي
وانت ؟
انة شني ؟
متحجي يعني اذا بس اني احجي مااجيههههههه ملعونة هم انة اسولفلج تفقنة ؟
تمام اتفقنة ..
عجل حدري جيبي ورقة وقلم
ليش.
جيبي ومعليج عايني ذاك هو دفتر وعلي قلم جافجان دفتر خشبي ابو السيم لحد لان اذكره وفوكاه قلم جاف اسود جبتة وكعدت
شك ورقة خلاهة ع الدفتر كتب بجهة وحدة من الورقة بس ملاها تقريبا
اليوم شكد ب الشهر
3/20نطاني الورقة وكلبهة
يلا كتبي
زين بس خ اشوف شكتبت انت ؟ابد بعدين نقراهن سوة
اوك ...
كتبت :
الى ابن عمي فهد من بعد اليوم المصادف 3/20 بتوقيت 11:30 صباحا
ان اكون اخت لك ورفيقة وان اشاركك فرحك وحزنك ومراح اضم شي عليك ابدا
وان اكون صادقة وواضحة معك
ابنت عمك غزل ...طبكت الورقة وخليتهة ب الدفتر
امانة لا تفتحهة نفتحهة سوةماشي بس شو كتبتي شوي ،؟