غزل العشق

بارت ٥٧

#غزل_العشق
#الكاتبة_ام_الاكبر
#البارت السابع والخمسون ...

ملاحظة احنة هسة ب الاحداث بسنة 2014
هنا غزل عمرها صاير 16 سنة
.......

غزل ... 

وطلع الكل من البيت جانت راحة مابعدها راحة اسبوع كامل اني مرتاحة ...حتى اكعد بنشاط اسبح واكمل انزل انضف لبيت واطبخ فاطمة اول ايام سوتلها زعلنة وبعدين قبات ب الامر ونزلت تعاوني ...

وتجي ريحاب تتوسل خل يرجعهم ..
وهوة اصلا بعد الصار كاره كلشي ب الدنيا
تالي ليل يجي يكلي

نوميني وخلص ...
واخر يوم تقربلي واني اوصي ماريد طفل بعدني ما متجاوزة صدمت زينب
سبوع استقر وضع لبيت وقرر فهد يلتحق ..
بيومهة ملخت روحي دكيت لطمت
اخذ جنطته وطلع ...

وبدة لبيت يصير وحشة ...
من فاتحة انوبة وبعد ماداومت ..
ردت ارتاح فترة يلا ارجع لحياتي لطبيعية ..

ولتحق فهد ...
ضليت بغرفتي انول على كد التهي ب الشغل او اكل وبس ..

عسل وموسل انومهم يمي ع الجرباية
وتالي ليل اقفل لباب علينة

البيت صار وحشة بشكل مو طبيعي خاصة بعد مالتحق فهد ...

اول عشرة ايام جان على اتصال دائم وياية. وكتله شوكت تنزل وجان جوابة

((ماكدر غزل شتباكات ماكدر اعوف لولد وحدهم ))..

عفته على امل ان ينزل لسبوع لجاي ...
ومدري شبية اربع وعشرين ساعة نايمة ...

نمت ...
بين الغافية والصاحية اسمع صوت صريخ قوي يدوي ب البيت دوي ...

فزيت خليت ايدي على صدري
اعوذو بالله من شر الشيطان الرجيم. .

وخيال يخطف كبالي ...
لزمت لحاف بادية حيل ...

ولميته على صدري ...
مشيت ايدي على عسل ..

نداريت شفت راسهة مفصول من جسمهة ..
صرخت ...

وفزيت واني بفراشي نايمة
غمضت عيني ....

لحمدالله والشكر حلم ...
بص بعدهة الرهبة بية ...

سراحية مي بصفي ...
صبيت ب الكلاص ..
شربته مرة وحدة من الخوفة ...

والهبطة صعدت الراسي خلت عيني ترف ..
نزلت رجلية ع الكاع ...

كمت شغلت الضوة. ..
باوعت الساعة ب 9 بليل ...
حيللل نايمة من العصر ورايحة علية الصلاه ..

توجهت للحمام الي بغرفتي . 
توضيت وطلعت ...

فرشد سجادتي وكفت اصلي ...
رجلية متعيني ...

وكفت كوة ...
كبرت وبديت اقرة سورة لفاتحة ...

بسم اللله الرحمان الرحيم مالك يوم ..
قطعته استغفرالله غلطت . .
الحمدالله رب العالمين الراحمان الرحيم مالك يوم الدين اياك نعبد واياك نستعين اهدنا السرا...