#غزل_العشق
البارت 35
بقلمي (ام علي ألاكبر )
..........
صفنت عليه .شنو شتقصد
هز راسة سهلة سهلة تعرفين ليوم
كام طببهة للغرفة وقفل لباب
اني كاعدة ع القنفة
اجة تمدد وخلة راسة على رجلي
عقج وجهة متئلم
مرغليلي راسي
خليت اطراف اصابيعي على كصتة واحركهم بشكل دائري
وارتل باالمعوذات على راسة
كمت اتثاوب واتي ارتل على راسة
فهد انت محسود
هز ايدة عليمن لاحكيني بعربانة مكسرة شو جبت عمري اركض وماملحك على دنياي
جر ايدي خلاهة على شعرة
مسديلي على شعري
كمت اح ك شعرة باطراف اضافيري
غمض دا يغفي يفتح ويسد بعيونة
من النعاس
اخر شي غمض عيونة وراسة ثكل عرفتة نام
كمت دا اكوم وجلب برداني
وين؟؟
هنا بس امسح لبيت وانضفة لكاع صارت كلهة شعر
جرني عليه
ورتبكت اني مدري شصار بية
اشرلي بعيونة
نامي
ماريد انام
ميخالف بس نوميني
صفنت متعجبة على جرئتة
من يحجي هيج رئسا كلبي يكوم يوجعني واحس عبالك اركض بسباق
سحبني
تمددت ع النص راسي متجيتة ع اليدة نال قنفة
اجة دحس نفسة يمي
المشكلة القنفات صغار متكفي
فهد لقنفة راح تنكسر بينة
صاح استغفراللللله حتى لقنفة شادة وياي
جر كوشة ذبهة ب الكاع
تمدد ب الكاع
واني بعدني ع القنفة لزم ايدي
ردت اسحبهة
خزرني
خنست
شوية وجرني من ايدي وكعت فوكاه
عيونييي تسعت نايمة كلي علة صدره وهوة يفتر من عيني اليمنة لليسرة
يفر عينة وية محور عيني
كتلة
فهد
هااا هم الكاع متكفي
صرت بصفة
خلة راسي ع المندر
همس رخي روحج ليش هيج خايفة
واني احس الدم صعد لوجهي
اول مرة يحجي بهدوء ويجر الكلمة لان منعس رغم هذا صوتة بعده رجولي
ردت اكوم
رجع سحبني
يهمس ويباوعلي عيونة تتوسل
بس انام بس انام وهذا هو صار يومين منايم
قهرني كلش جوة عيونة حمر وصاير عنده هالات مبين منايم
دنكت خليت راسي ع المندر بصف راسة وتمددت ب الكاع
فتح ايدي
ودنك نام على ايدي
رعشة سرت بكل جسمي
غمض عيونة متقرب
وخله راسة على صدري
نفسة حار يجوي
كعديني ب 5 العصر
اخذ نفس استنشق عبالك جان ممنوع عليه الهوه
