#غزل_العشق
بارت 26
شي بية رتخة ورد جمد
خالتي ؟؟
واني منيلي خالة
حسيت نفسي بمسلسل او فلم هندي
شو جنة عايشين بوحدنة
لا خوال ولا عمام ولا خالات ولا عمات
منين طلعو كلهم هسة
لو هسة يلا عرفونة مثلا
نترت نفسي من حضنها ضلت جامدة تابوعلي ودموعهة تجريي
ؤجعت جرتني لحضنهة
مطوقة اديهة علية ومدنكة راسهة تهمس بأذني لهجتهة بغدادية
افهمج كولشي بس صبري علية فاجعت زهرة بعدها ممصدكتهة
سكتت وكعدت رجعت بمكاني
اباوعلها
سبحان الخالق صدك يخلق من الشبه اربعين امي وكاعدة
بس بعدني شايلة بكلبي
الله يعلم يجوز حتى خوال عندي ومادري
اوووف يايمة
اشوفج ضليتي طول عمرج تنوحين
ثاري اهلج مشايفتهم
صبو عشة لنسوان والزلم
هية متعشت
ولا اني
لمرية لبصفهة تعشت
كمت للمطبخ
اجتي خالتي وراي غسلت
نطت رحيبة
غزل اخذي خالتج لغرفتكم خلي ترتاح
هزيت راسي
صعدت وصعدت ورأي هية ولمرة الي جاية وياهة
فتت للغرفة
عسل مسوية لفة دا تاكل
وكاعدة
من شافت وياية احد ستغربت ختلت بورا ضهري
طبت شافت صورة امي وابوية معلكة كامت تنوح
واني كلبي خلصان
سديت لباب وكلت الهم
تفضلو
كعدنن ب الكاع
همست خالتي
من هاي لبنية لوراج
دنكت سحبتهة من ورة ضهري
عسل
اختي
سحبتهة تبوس بيهة وتبجي
خترعت عسل
كعدت
اجت كعدت وراي
همست خالتي
تعرفيني يمة ؟
هزيت راسي لا والله ليش اكذب عليج
مسحت دموعة ب الكلنكس البحضنهة
انة خالتجن زينب
اخت امجن
وهاي مرت خالجن هدى
هزيت راسي كتلهة
اكو بعد ناس ماعرفهم لو كل يوم صدمات
رفعت راسهة شنو مفهمتج
لا فهمتيني منو انتي شنو خالتجن وكبل امرة عرفنة عدنة خالة
هزت راسهة حقج
اي طبعا حقييي نترت
شي بداخلي منكسر
شنو عدنة اهل ومندري
احنة طول عمرنة مكطوعين من شجرة محد سئل علينة لا بفرحنا ولا بحزنة هسة جاية تكولين اني خالتجن على اي اساس
فكت عينهة منصدمة من ردت فعلي
بسس طيني مجال افهمج
عبست وجهي احجي
وبدت تحجي
اني خالتجن الوحيدة احنة جنة
2 بنات وولد واحد
خالج حسن اكبر واحد بينة اكبر من ب 12 سنة
وراه اني زينب اكبر من امج بسنة
وامج جانت اصغر وحدة
ابونة متوفي من جنة صغار وببس بيبتج جانت عايشة
امج جانت للمدللة مافد يوم احد كاللهة لا ابد شتريد يوصلهة لمكانهة
وجانت جوارينة مرت عمج رحاب جانت هية وامج الروح ب الروح
وجوهة كرايبهة من الانبار
خطابة وقبلت
امج جانت وياهة خطوة بخطوة رغم كل وحدة من طائفة
ب خطوبتهة ب نيشانهة بمهرها وبحنتهة وبعرسهة
ذاك الوكتتت امجج جانت شابة توهة 17 سنة
وشافت ابوج صارت بيناتهم نضرات واعجاب
ابوج الي هوة اخو العريس الي زوجتة ريحاب
مرت ايام امج بس تتصفن ولان اني بعمرها سولفتلي عليه
وجان اخوي حسن كلش متشدد
كتلهة مراح يقبل بي لان غير طائفة
وب الفعل
اجة ابوج خطبها جايب وياه كومة مشاية
مقبل حسن
وجة مرة ثانية هوة وابو
وهم مقبل خالج
ب المرة الثالثة اجة ابوج وحدة ومقبل حسن هم
بيومهة تعارك هوة وامج لان هية كالتلة اني اريدة وصلت بيه كطعهة موتهة كتلهة
المهم
خنس الموضوع
وفد يوم بليل امج عتذرت من خالج و راحت بوست امي ونامت يمي ليل كلة تبوس بية
وراحت الصبح للمدرسة
ومجت بعد
لمن ما افتح كنتورها الكاهة ماخذة ملابسها ومستمسكاتها ممخلية شي بس ذهبهة عايفتة
ومن درة حسن اعلن للكل زهرة ماتت
وراح هداد لاهل ابوج
طلع ابوج ماخذها وشارد حتى اهل ابوج ميعرفون وين ماخذها
