غزل العـشق
بقلمي "أم علي ألاكبر "
البارت الرابع
راح ابوگ الي جان خيمه
وخلصت ايام الربه
راح تعطش للمحنه
وگلبك الهجران راح يعذبه
بعد ماتسمع البويه
لا لا ولا حجايه مهذبه ...
غزل بنبهار :-لعد انتي خالة رحاب؟
:- اي يمة اني عجل تعرفيني
غزل ببتسامة :-بابا دائما جان يسولفلي عليج ويكول مرة طيبة وحبابة وامي تكول هية مثل الاخت جانتلي وتسولفلي م̷ن جانو ميحبوهة شلوون انتي اداريهة
:-اي والله هية مثل اختي اني هم شبعت ضيم مثلهة
غزل بتفاجئ :-ليش خالة؟
:-يمة سوالف قديمة يرادلهة كعدة بس حسبي الله والنعم الوكيل نكعد واسولفلج جايج يمة
غزل ببتسامة :-الله كريم خالة
...
اخذت الجاي وقدمته للي كاعدين بـ الاستقبال رجعته ع السنك ولزمت راسي دايخة اجت يمي مرة عمو محمد صاحت على بتهة
:-هيام كومي يس ضالة كاعدة حدري ساعدي بت عمج مكسورة وتشتغل ضالات بس تكركن ادري جنجن اول مرة تكعدن
...كامت فاطمة مرت عمار هية وهيام واني كعدتني مرة عمي ..
:-حبيبة شبيج دايخة اخذتي الدوة
غزل بتعب :-خالة أي دووة ماعندي اخذه
:-لا خالة من وكعتي بـ المستشفى الدكتور انطة دوة لفهد ما انطاجياه؟
غزل :-لا خالة
:-لعد هسة اخابره اشوفه وين صار...هيام حدري انطيني نقالي اخابر اخوج ..جابتلهياه هيام وكالتلي خالة طلعيلي رقمة ما شوف بهل نقال شي
غزل :-اخذت التلفون بحثت لكيته مسميته فهود اتصلت عليه وانطيتهياه
📞:-الو هلا يمة هلا يبعد امك شلونك
.....لا يمة ما محتاجة شي ....بت عمك غزالة ....مابيهة شي بس داخت واريد الدوة اشربهة ....لا ماعدهم جهال بس اختهة وجاي تسبح ....ها عجل انتضرك بليل تجيبه ....اي يمة لا تخاف محد تطلع ...اي زين ...اي ميخالف....يحفضك ربي دير بالك على نفسك فهيد يمة ...الله وياك يمة
:-يكول ضال على بالي بس ماكدر اطب والبيت كلو نسوان تخف بـ اليل وعودك يجيبهم الج
بتسمت الهة. :-شكرا خالة تعبتج خطية واني م̷ن حركت كلبي على ابوية صحت بي
:-فدوة حبيبة مصار شي اني عندي عمار الجبير مرته وردة من الله حامل هسة بتوم وعدهة ولد اسمه محمد على اسم جده وقاسم خذ حلا بت عمتج خلاص حبابة بس ساعة الساعة تكب وتكوم تصيح ماعدهة خلفة وفهد ازوج ومرتو طلعت ماهينة وهووة ميحب النسوان الحيالة طلكهة وابنو صغير عمره سنة يمنة وهيام تنهدت وزوج ابوهم ومرتو الله ميحملهة كلهة تصيح الغوث ماعدهة بس بنية ريهام ..
:-الله يعينج خالة
.....
صبو العشة وتعشو واني مالي نفس وراهة هم جاي بعدهة بدة لبيت يفرغ ..تخربطت امي انطيتهة دواهة ودواهة مفعولو قوي وديتهة لغرفتهة وبقو يمهة مرة عمو علي ومرة عمو محمد الثانية ...صارت الساعة 12:00 بليل وبديت استاحش ..مريم راحت هية وامهة ورة ماخلصنة المواعين ..وبقينة بس احنة وبيت عمو علي ومحمد ...فرشت لمرة عمو محمد الثانية ومرة عمو علي وعمتي اخلاص بغرفة امي ومرة عمو محمد ام عمار رادت بـ الكعدة مال مطبخ صعدت فرشت للبنات كلهم بغرفتي وفاطمة مرة عمار خليتهة ع الجرباية لان حامل ونزلت يم ام عمار بـ المطبخ انام... طبيت أسبح لبست تراك اسود لان ماعندي دشداشة بعد سودة واني اسبح غسلت الدشداشة وشريتهة علمود الصبح البسهة ...طلعت مشطت شعري ولفيته وطلعت كعدت يم ام عمار ...ضليت اسولف وياهة انطتني ابن فهد اسمه موسى تربعت كدامهة وخلته بحضني.. تخبلت عليه يجنن فلتت القراصة م̷ن شعري شافته خالة ام عمار تخبلت علية وضلت تكلب بي ...شديته ذيل حصان ورفعته ليفوك ...اجت عسل تغار م̷ن ابن فهد موسى لان نايم بحضني ..وتداهر وخالتي تكلهة ابنهة هذا وهية تتخبل ...سولفتلهة عن دراستي وحياتي ونصحتني البس حجاب ..كاعد نسولف جان تصرخ عسل عموووو
....
رفعت راسي شفت فهد منتجي ع الباب وصافن ...رئسا سحبت الشال هوة مو محجبة بس عيب لان فاتحة بابا ..جريته على راسي وغطيته حاجته خالة ام عمار
:-فوت يمة فهد فوت
فهد :-يالله السلام عليكم
رديت بصوت خافت: وعليكم السلام
