يالناگص
احساسك ..
يلي ماعندك جبير....
يلي تصلح تكسر بواهس هلك...
ضلمة الخواطر ..للي بعيونه اسير...
سودة تصبح شمسه..جن صحرة بفلك..
مآآنة مثلك ..انه كل روحي ضمير..
انه خيط برسيم منكع بسد الحنك...
لا بية اشكي لا عتب لا وين اطير...
لو بيه جنح شاهة اشرد بنص التفك ....
(منقول)
كاعدة بغرفتنة الجديدة جانت غرفة امي وابوية قبل عرفتهة م̷ـــِْن دخلت امي للغرفة وطكت بجي
نفسهة غرفت نومهم بيهة صاج تصميمهة قديم بس بعدهة جديدة
جرباية ام النفرين وكنتور ابو الست بوب وميز مراية وزاوية
ومفروشة بحصيرة ...
وصورت ابوية وامي مال عرسهم معلكة بل حايط
ماذكرهة اني هاي الغرفة لان م̷ـــِْن رحنة لبغداد جان عمري 2 ونص هيج شي
ملابسنة بعدهم بل سيارة بل جنط عود بعد شوية انزل اشوفهم
ذكرت البيت اول مطبينة. مضيف مفصول عن البيت وحمام وطرمة كبيرة وحديقة م̷ـــِْن الجهتين
بعدين ممر طويل وباب تفتحين الباب استقبال مجهز باثاث ملكي
نوب طلعين م̷ـــِْن الستقبال صايرة عبالك كعدة بنص البيت مفتوحة ع البيت ڱڵـه.
فارشي مدادت ومخاد وانتي كاعدة بهذا المكان تشوفين بعد اربع غرف وحمام
الي عرفته وحدة م̷ـــِْن لغرف لعمتي وعمي ابو عمار
والثانية الجدي
والثالثة لبنات عمي ابو عمار وبنات عمو علي
والرابعة للضيوف او الخطار
ومطبخ تركي جبير وحلووو
م̷ـــِْن المطبخ تفوتين اكو مطبخ حار يسموه
ودرج تصعدين فوك هم حمام اول غرفة غرفة عمو علي ومرته
الثانية لفاطمة وعمار
والثالثة النة اني وامي
والرابعة لحلا ورجلهة
والخامسة لمرت عمي محمد الثانية
واكو طابق ثالث بعد ريهام كالت ه̷̷َـَْـُذآ الفهد خاص بي جدي بانيه خصوصي الة
بس الي عرفته عبارة عن سويت كامل يعني حمام وغرفة وصالة ومطبخ بس هيج شكلي ...بس ياكل جوة ..
نزلت لكيت فهد يخلي غراضنة ع الدرج علمود يصعدهم ..
صاح
:ام فيصل (الي عرفته ام فيصل مرة فقيرة تجي كل اسبوع تنضف تنضيف كامل للبيت وفهد ينيطهة فلوس) حدري صعدي الغراض لغرفة ام غزل
ندار علية
:خاتون ساعديهة مرة جبيرة لتخافين اضافيرج اذا منكسرن اني اكرضهن الج
حجيت بداخلي اوووف شكد مكروه
كمنة نصعد اني وياهة وهية دكول قربان الج شكد حلوة ومعدلة
ضحكت ع سوالفهة كالت صعدي يمة نامي ورتاحي بين ماحضر العشة
