#غزل العشق
#الكاتبة ام علي ألاكبر
بارت الخامس والاربعون ..
انکسر صوتها ، واضطرت إلى السكوت لحظة کي يعود "الفتات إلى الالتئام "
_________________________
غزل :
كاعدة العصر دتصلت علية فاطمة
الوو ها فطوم ..صديقتي ؟منية ..ماكلتلج شسمهة ؟..اوك هسة نازلة
خابرتني فاطمة تكول صديقتج هية وامهة جوة ينتضرج جايات عليج
لفيت شالي ونزلت
طبيت للاستقبال
السلام عل..
وسكتت
نصدمت من الشفته لا هية صدمة لا هية خوقة لا هية رهبة مو منهن لا من الحجي الراح يحجنة
اخذت نفس غمضت عيني ماخذة نفس
رفعت راسي
السلام عليكم ..
وعليكم السلام ..كامت مرة بيضة شوية مربوعة
مليانة يعني كصيرة الحاجب مشمور تاتو وياهة رقية
كامن وكفلي ..
رحت عبرت رقية رحت على امهة ..
بوستهة شلونج خالة ..
بوستني فدوة ال الله عين النبي تحرسج الحمدالله وانتي
بخير كعدت ..
رقية من شافتني كعدت هية كعدت
شلونج غزل
درت وجهي على امهة جاوبتهة من ورة خشمي .بخير
باوعت ع الكاعدين .
ريحاب همزين ب السوك هية واخلاص
مرة عمو علي كاعدة ومرة ابو فهد هم كاعدة
هلا هلا كاعدات اباوع ب الوجوه اريد اشوف فاطمة ماكو
كمت وكفت
حجت المرة
وين وين يمة بعدنة ماشفناج
بتسمت ابتسامة مسطنعة هسة اجي خالة ..
طلعت ركض لكيت فاطمة ب المطبخ تحضر الضيافة
لزمتهة من ايدهة لحكيني فاطمة لحكيني
خلت ايدهة على صدرهة
يمة الرحمان شبيج فززتيني شكو
فاتت حلا اثناء منحجي
جريت فاطمة رحنة للمطبخ لحار
ولج تصخمت هاي رقية جاية وياهة مرة
لطمت على وجهة
خرطت خدهة
عزة لعزاج غزيلة امشينة امشينة قبل لا يحجن شي ي الغبرة عايفتهن وكاعدة هنا
طبيت وفاطمة طبت وراي
هم نفس الشي عافت رقية وباوست لمرة
اباوع الرقية عيونهة صارت بكصتهة
قدمت الجاي فاطمة
وهنة يسولفن ب اشياء عادية وفاطمة ربطا وياهن
سكتن شوية
فاطمة كالت للمرة
عفوا ام منو حضرتج ؟
انة ام مرتضى ..
اهلا وسهلا بيج ..
