#غزل_العشق
#ام_الاكبر
#البارت_ألاخير
...........................
غزل :
لميت شتاتي الي تطشر ب الكاع وية دفعتي اني والعباية ..
طب وركع لباب ..
لتفت اباوع صعدو على صوت لصياح
الكل موجود
بيهم نضرة شفقة وبيهم نضرة تشفي وحقد وية كل نضرة ..بشماتي ...
شفت نضرة رحاب جانت نضرة عطف يقابلها عمي بنفس النضرة
ونضرة صكر وكأنما يكول
ها شفتي هذا الراهنتي عليه ..
نضرة البنات وحدة وحدة ...
هجمت عليه حلا وهية تكول
كتلتي ابني !!
دفعتهة
جريت نفس طالبة الصبر من ربي ..
مو اني القتلته
عذابب الضمير قتله ...
خليت ايدي ب الكاع استند عليهة ...
شفت ايد نمدت الية ...
رفعت راسي شفت موسى ...
الكل تعبت وياهم بهاي العائلة
الا موسى الوحيد الجازة تعبي ...
حضنت ايده استندت عليه وكمت
لميت عباتي ...
اخذت ابني من ايد عمتي رحاب ...
نزلت بخطوات كلها خجل ...
عضبت على شفتي
ونزلت دموعي. ..
واني الجنت متوقعة كلشي خلص وراحت ايام الاهانات ...
كعدت حسب طلب عمة رحاب يمهة ب المطبخ ...
كعدت يمهة ب الكاع ...
موسى اخذ اخوه من ايدي وخلاه بحضنهة
وعسل نايمة على رجلي ...
محد تقربت
بس فاطمة وريام ...
سلمن وكعدن ...
شفت بايد ريام طفل ..
باوعتلهة وبتسمت
ابنج !
هزت رايهة اي
قابلتهة ببتسامة
وكلمة
مبروك ولو متأخرة ...
سرعان ماصاحت عليهن اخلاص وكامن كلهن
بقينة اني وعمة رحاب ...
وسئلت عن احوالي ..
حجيتلهة شي مختصر ...
بس شفتهة تختلس لنضر لفهد لبحضن موسى ..
واكو كلام مترددة تحجي ...
توني احجي وياهة وطبت اخلاص ...
ها غزيلة ..متسلمين ؟؟؟
السلام لليعرف ب الاسلام ..
الي ميعرف ب الاسلام ويتهم وحدة بشرفهة وخيانتهة ويا حماها هذي مموسلمة والسلام حرام بيهة ...
هزت ايدهة
والله وتعرفين الحلال والحرام عجل وهاذ النغل منين جبتيه ...
نتفضت من كلتمهة على ابني ...
احترمييي نفسج ابني مو نغل ..ابنكم ماجيبته من الشاااارع
لزمت خاصرتهة وضحكت ضحكة اشبه بضحكة مخلة للادب ...
لعد 4 اشهر انتي هنا ومو حامل جنتي شوف شوف سبحان الله من طلعتيي من البيت يلا دريتي بنفسج سبحان الله
