#غزل العشق
#الكاتبة ام علي الاكبر.
بارت 39
أزهري من جديد واثبتي لهم
أن الذبول خرافة الضعفاء !
...........
دخلنة بغداد
شفت القوس
بغداد ترحب بكم ...
رغم ما التبريد جان يشتغل بس فتحت الشباك
تجيت على الجامة
فززني صوت حيدر ابن خالي
سدي الجامة مو فاتح التبريد
هزيت راسي نافية
طفي اريد هوة طبيعي
فعلا استجاب الرغبتي وطفاه
اللللله ياهوة بغداد
اللله ياهوة ديرتي
الللله يابيتنة القديم
اللله يالمتنة العصر على الجاي والكليجة
اللللله نزلت دمعتي
اووووف يابغداد
طلعت منج مكسورة بابوية بس جانت امي وياي
ورجعت رجعت بس شلفايدة
رجعتلج وامي مو ياي
رجعت واني مكسورة ومذلولة وحدة طاعنين بشرفهة
تمشي بينة السيارة واني صافنة ع المناطق لحد مفتنة البنوك
اللللللله يامنطقتي اللللله يابيت ابوية
اللللله ياضحكت امي وطبختها بيهة
ومرينة من مدرستي
جانو البنات دا يرجعون لبيوتهم
لو كلشي طبيعي
لو ابوية مامات ذيج الساعة
لو مرحنة للانبار
جان هسة اني وياهن كاعد اطلع من المدرسة
وطلع على غير اتجاه
ويينن ويننن خل انزل بيتنة
ندارت علية خالتي
لا ماما عوفي غير وقت نجي لبيتكم هسة نروح لبيتي
وفتنة من شارع فلسطين
شكد حلوة ايامي قبل
جنة من نضوج نجي نتمشة ب شارع فلسطين
صح ماشتري شي
بس عندي تسوة الدنيا طلعتي وية اهلي
لو يوم واحد ارجع وياهم لو ساعة وحدة يكفيني
وصلنة كدام بابين
وثنينهم الابواب لونهم جوزي
اشرت هذا بيت خالج حسن واني بيتي اشرت على الي بصفه هذا بيتي
هزيت راسي ونزلنة
فتحت باب بيتهة
جانت بنية يطلع عمرها 17 هيج مبينة جاية من المدرسة مدنكة تنزع حذائهة
ندارت اجتي تركض من شافت خالة حضنتهة ماماااا حبيبتي
يروح امج
بعدت شافتني
انتي غزل موو ؟؟
هزيت راسي اي
اجت ركض حضنتني قوي حبيبتي اني بنت خالتج اسمي زمرد
هزيت راسي اهلا وسهلا بيج حبيبتي
ودنكت على عسل تبوس بيهة
طبينة طرمة متوسطة يعني مو كلش كبيرة
وباب على جهة اليمين
وممر على اليسرة
راحت خالة على جهت اليسرة ب المرر
ورحنة وراهة
باب فتحته ب القفل
وفتنة
محد ب البيت
اخذتني زمرد وصعدنة ورحنة لغرفتهة يعني مو غرفتهة وحدهة مبينة مشتركة
لان بيهة تلاث اسرة
