#غزل العشق
#الكاتبة ام الاكبر
#لبارت_الواحد والخمسون ...
....
لزمتني
خية انتي حليوة وخافن يشوفونج ويطمعون بيج لبسي عباية وجواريب وجوة لعباية لبسي شي مستور
هزيت راسي واحمد الله سمعت كلام خالة ولميت جنطة
طلعتلي صاية لبستهة ولبست جواريب سود معاصم هم لبست ..لفيت شالي عدل لبسته اسود
طلعت عباية راس لبستهة وعندي جنطة صغيرة تلبس صفح خليت بيهة تلفوني
بدلت لعسل بسرعة موسى عفته ب تراكة .
فتريت بكل ركن ابيتي مامعلوم اذا راح اجع لو لا
طبيت ذكرت غراض فهد
تت المجرات لميت ساعات فهد والسبح مالته
شلت عطوره ضميتهم ب الجنطة
بكل زاوية الية ذكرى وية فهد فتحت كنتوري طلعت صور عرسنة ضميتهم بجنطتي مال مدرسة
يمكن اني لوحيدة لاخذت هلكد غراض فتحت الثلاجة اخذت النساتل للجهال خاف يجوعون ب الطريق
.ودعت لبيت ونزلت
ونزلنة ركض
الكل مبين علي الخوف
حجة صكر
-غزل انتي وياينة ب السيارة ..
خزرته حلا ..
دنيت صرت بسد فاطمة همستلهة
-عفية فاطمة اريد وياج
هزت راسهة
معليج انتي ويانة فهد وصة عمار عليكم ..
طلعنة من البيت
تحت بكاء عماتي على البيت لتربو بي من الصغر
طلعنة تلاث سيارات
سيارت عمار ...
وسيارة صكر
وسيارة عمو علي
بسيارة عمار
صعد عمو ابو عمار ليكدام وبصفه عمار يسوق
واني وفاطمة وريحاب وريام
كعدنة كوة
فاطمة بيدهة ابنهة
وريام بيدهة بت فاطمة
واني صارو بحضني عسل كاعدة على رجلي وموسى بصفحتي ...
فاطمة شهكت
خايبة خاف انتي حامل ومخلية عسل بحضنج تجعص بطنج ...
انطت ابنهة لعمة ريحاب
وخلت عسل على رجلهة وصار موسى بحضني
بسيارة صكر ..
صكر وليكدام كاعدة خلاص بصفه
وليورة حلا وزهراء اختهة وريهام
بسيارة عمو علي
عمو علي وابنه
وليورة
بتهم زينب وامهة ومرة ابو فهد
حضنت راس موسى لصدري
واقرة سورة الفاتحة لام البنين ...
مشت بينة السيأرة تحت الف كلمة يالله
تجيت راسي على الجامة واني ابجي
خانكة روحي حتى لا اطلع صوت
رعب رعب مو شلون مكان ...
عبرنة فرعين
وجانت اكو سيطرة
كل ضني سيطرة عادية عراقية
وكل مانتقرب منهم يزيد خوفي اكثر
عمار راد يطلع من غير طريق بس من ارتباكة والتوتر
مكدر
تقربنة واني اشوف لحاياهم العالية والمخربطة
دشداشاتهم السود القصيرة ..
طببت موسى جوة عباتي
وارجف رجيف
وماعلى لساني بس وينك فهد وين عفتني ورحت
