Pasensya ka na,kinakabisado ko lang ang bawat mong galaw
Alam naman nating limitado pa ang oras na kasama ko'y ikaw
Bilang pa ang sandaling maaari kitang mamasdan at matanaw
Kung kaya't maging sa bawat pagyakap tila ayaw ng bumitaw
Paumanhin kung mistulang tinutunaw kita sa bawat pagtitig
Napakasarap lang kasi talagang pagmasdan ang aking iniibig
Namumukod-tangi ka sa aking paningin dito sa ating daigdig
Ang bawat mo na pagngiti dulot sa aking damdamin ay kilig
Patawad kung lagi kitang inaasar,ang ganda mo kasing pikon
Masasabi kong ikaw na talaga ang nais ko sa habang panahon
Sagot sa bawat kong hiling at sa mga dasal ko'y s'yang tugon
Babaeng kaytagal ng ambisyon na sa buhay ko'y inspirasyon
Pasensya ka na kung bakit sa sobrang saya ako'y natatahimik
Paumanhin kung minsan 'di nagsasalita tila nauubosan ng titik
Patawad kung minsa'y napapangiti na lang ako't walang imik
Sobrang saya talaga sapagka't natugonan mo aking pananabik