Binigyan mo 'ko ng pangarap kahit parang napakaimposible
Dahil sa katotohanang walang sapat na tiwala sa'king sarili
Subalit naniwala ka sa'kin,tila paniniwalang 'di na mababali
Hindi ka man lang nag-alinlangan,ni hindi ka nagbakasakaliBasta kumapit ka sa tiwala't naniwala ka sa'kin ng buong-buo
Mistulang ibinangon mo ang dating ako mula sa pagkalumo
Inalalayan,hinawakan sa kamay at hinila mo upang makatayo
'Di ka man lang nagdalawang-isip para sa planong gagawin moBinigyan mo 'ko ng pangarap na sabi mo'y kaya kong maabot
Hawak ang paniniwala at suporta mo naisantabi ko ang takot
Ang sakit kong kahinaan ng loob tila nabigyan mo ng gamot
At sa tanong na kaya ko bang talaga,pagyakap ang iyong sagotWalang boses na pagtugon ngunit sa pinapahiwatig ng yakap
Alam kong nasa tabi kita,kasama sa pagsubok na makakaharap
Kasamang aabotin ang lahat ng nais sa darating na hinaharap
Maraming salamat sa tiwala at sa binigay mo sa'king pangarap
BINABASA MO ANG
Isang Daang Tula
PoetryGinawa ko 'to para makaligtas sa pakiramdam ng pag-iisa,sa sandaling akala mo wala ka ng kakampi,sa sandaling malungkot at walang mapaglabasan ng sama ng loob,sa mga oras na masaya ngunit walang makasama upang magdiwang,Tanging tula at mga tugmang l...