Sana pwede pang makabalik sa mga alaalang pinagsaluhan
Sa mithiing pinagplanohan,sa mga pangarap na pinag-usapan
Sa mga pangako at sumpaan,sa mga tampuhan at suyuan
Subalit paano nga ba kung ako mismo nagawa kang sukoan
Unti-unti kong pinaramdam sayo na 'di na kita kailangan pa
Ugnayang na meron tayo ay dahan-dahang binibitawan na
Umaasta man ako na parang meron pa ang totoo'y wala na
Umiibig ka na lang mag-isa subalit inaakala ko lang pala
Kung kailan kasi bumitaw ka na saka ko lamang napagtanto
Kung kailan wala ka na sa piling ko saka ko naramdaman 'to
Kung kailan malayo ka na saka ko pa nakita ang halaga mo
Kung kailan malabo na ang lahat saka lang nalinawan ako
Obligasyon ko nga palang ingatan,pasayahin at mahalin ka
Obligasyong 'di nagawa ng maayos pero sana'y patawarin pa
Obligasyong 'di ko nagampanan at mas pinili kong paasahin ka
Oras na marahil ng karma ko at hindi ka na mapapasaakin pa
YOU ARE READING
Isang Daang Tula
PoetryGinawa ko 'to para makaligtas sa pakiramdam ng pag-iisa,sa sandaling akala mo wala ka ng kakampi,sa sandaling malungkot at walang mapaglabasan ng sama ng loob,sa mga oras na masaya ngunit walang makasama upang magdiwang,Tanging tula at mga tugmang l...
