كلمات لطميات باسم الكربلائي وغيره من الرواديد ٢

١١٨.تجرحني نسمة هوه

كلمات الشاعر : ناظم الحاشي
تجرحنی نسمة هوه
بـ دموعي خدي ارتوه
من عیني نزلن سـوه
روحی و دمع وحساس
یهواک یهواک بالانفاس
*-*-*-*-*-*-*-*-*-*-*-*-*-*
وداني اغله البشر هناك محطة سفر
واني بقلب مجروح
ماتت خديجه ومتت عن روحي اتعذبت
ومفارگ اعظم روح
ويايه عاشت عمر بين الحزن والصبر
بين الدمع والنوح
هيهات ترجع بعد واليوم اشوف الجسد
فوق الارض مطروحوياها غاب الوفه
غابت ترى العاطفه
عده المكارم صفه
مضرب مثل للناس
*-*-*-*-*-*-*-*-*-*-*-*-*-*
ياهو اليعوف الورد ويريد منه ابتعد
انسه العمر ونساك
ومنين اجيبن بعد مثلك حبيب وسند
وانت القلب يهواك
يالغالي يوم الغبت لو بيدي اموتن متت
حتى اندفن وياك
صار الورد يندفن والدنيا غابت حزن
صارت بعد عيناك
موسم خريف ابتده
فات الورد موعده
فوق الثره انوسده
خد القبل ينباس
*-*-*-*-*-*-*-*-*-*-*-*-*-*
لو مااشوفك عدل وقبالي وجهك يهل
لاتضن يجيني العيد
يالبيك ابدل الزغر و كلما يطول العمر
بعدك عمر مااريد
يالودعتني بألم اتمنى موتك وهم
بس الوهم شيفيد
ايامي بعدك عدد وبروحي جرحك شهد
مايسوه وانت بعيد
انت العمر بكمله
من أخره الا أوله
بروحي الك منزله
مثل النفس تنقاس
*-*-*-*-*-*-*-*-*-*-*-*-*-*
يلا ودعتني ورحت غيرك حلم ماشفت
للموت اعد ايام
مات بحياتي الأمل وتيتمت من الأهل
لو عدو الايتام
طبع اليوادع محب ميت بعد ينحسب
ويعاشر الا ألام
للماي ماينتظر صايم يگضي العمر
لو فطرت الصيام
واليفقد الجوهره
يتحمل شما جره
وحبابه تتعذره
يجرح مرار الكاس
*-*-*-*-*-*-*-*-*-*-*-*-*-*
عام الحزن من يمر تجري المدامع جمر
وتذكر الاحباب
وذكر خديجه ويصب دمع وجرح بالقلب
ينزف وابد ماطاب
واليوم اهلن دمع والعشره اصابع شمع
شاعله للغياب
من جرح عام الحزن مامر نام الجفن
ونكشفت الاسباب
أول سبب ضد علي
عن لا يصير الولي
وخطر سبب يعتلي
اسمه ويظل نبراس
*-*-*-*-*-*-*-*-*-*-*-*-*-*
انظر جرح امتي ينزف تحت رايتي
ليش المذابح هاي
ليش الورد ينقطع عن النهر ينمنع
ويموت يم الماي
ليش البقيع انهدم حتى الحجر ماسلم
خل نشترك بالراي
مارادو المنتظر يبدي العدل لو ظهر
يدرونه ضدهم جاي
غصبن ع العادته
نكحل نظر شيعته
لاماتضل غيبته
ويحارب الا أرجاس
*-*-*-*-*-*-*-*-*-*-*-*-*-*
هذا الزمن قد شهد مثل السقيفه واشد
ضد شيعة الكرار
موت وقتال وفتن ونشوف عاد الزمن
بالخانوا المختار
رجعو داعت الكفر واهل الغدر والمكر
ونكشفت الاسرار
والشيعه عانت قهر تتأمل المنتظر
للشيعه ياخذ ثار
للمهدي متخالفه
ونوقعه عهد الوفه
تحمل عقيده وصفه
كل شيعي رفعت راس