💖حبيبي عسكري💖
الحلقة 67
وصلو...للجامعة قارا قدام الباب ...ماهدرش معاها...
نوفل: انزلي كي تكملي عيطي...نورسين: نكمل على الزوج....
نوفل: اوك ...نستناك على الزوج...
نزلت....شافت فيه عينيه ..قدام ماشي مقيمها....
نزلت...ديراكت ديمارا....حست بوجاع قسملها قلبها.....خايفة تحكيلو....ومايصدقهاش ...ولا يلومها علاش ركبت مع منجد..نوفل على قد حنانتو معاها...على قدر كبير من الصعوبة ماشي باش يقعدو ويتفاهمو......دخلت..لقات رهف...سلمو على بعض..
رهف: نورسين مالك..تباني ماراكيش مليحة...
نورسين بدات تبكي..
رهف: يا نورسين...حبيبة...باينة بك شيء كبير..
نورسين: نقدرو نروحوبلاصة نحكو فيها..
رهف: اوك..هيا نروحو للجردان نقعدو في لكراسة...راحت معاها فاتت شراتلها قرعة ما. حلت وعطاتها تشرب...
رهف: نورسين. احكي حبيبة نسمع فيك خيتي..
نورسين...حكات لرهف..علة منجد واش عمل معاها...
رهف: يا نورسين..كل هذا صرالك..الخامج مايحشمش...
نورسين: المشكل مانقدرش نقول لنوفل..مايتقبلهاش...وزيد علابالي..يغلط معاه..ومعايا...مايصدقنيش ممكن..راني خايفة نخسرو..
رهف: لازمك تحكيلو..نورسين....لازم....
رهف: خايفة ماعنديش الشجاعة..نحس روحي مغلوبة ..على امري...شيء يسكرلي فمي....ويقيدني كي نكون معاه...
رهف: والا بقيتي مغلوبة في امرك..تخسري نوفل...وتندمي نورسين...
بقات تقنع فيها....يحكو..وصل وقت باش يدخلو يقراو...
نوفل فات عند امو...يحب يطل عليهم...قعد عندهم شوي وخرج...بما انو مازال كونجي..
صونا تلفونو...نومرو مايعرفوش..
نوفل: وي...شكون معايا .
خاليدة: صباح الخير مسيو نوفل....ماعقلتنيش
نوفل: نو...شكون ذكريني
خاليدة: خاليدة...الي كانت عندي نورسين في الاقامةمن قبل..
نوفل: اختصري..واش تسحقي.نورسين فيها شيء..
خاليدة: وي حبيت نتلاقاو ونحكيلك على نورسين عندي حاجة ممكن تهمك..
نوفل: تكلمي نسمع...
خاليدة: لالا......لازم نتلقاو...الهدرة طويلة. ومانجمش نفهمك مليح..
نوفل: وين..نجيك.
خاليدة: بعد نص ساعة...ارواح هزني ..من مكتب البريد في الشارع******
نوفل كوبا عليها...ديراكت للعنوان...الحاجة الي تخص نورسين تخصو...وكل تفصيلة تعنيلو.....حبها يرقد في كامل روحو....اسمها يزعزعو...ورجولتو..قدامها تزيد...وقوتو...يحب يخرجها معاها في حركات...حب..ودلع...الشيء الي صرا بينهم مؤخرا..ماشي قليل...شاغلو بالو....وخاليدة ممكن عندها طرف خيط..او شيء يبدا منو...
وصل..قارا..خرج تكا على الطونوبيل يستنى فيها...
حط نظراتو....زينو قليل وين تفوت طفلة وماتشوفش فيه....راجل مرغوب في عيننين الشابات...حتى المتزوجة...تكحل عليه ممكن تتمنى ولدها يشبهلو......
وصلت شافاتو من بعيد...لابسة جوب ميني بيض ..بوت فورير من فوق ...تريكو نوار ...
خاليدة: ياربي....واش فيها لوكان حبيبي وخارجة معاه قي رنديفو....ياشحال يقتل...التحضينة..فيه جنة..والرقدة معاه..تنسينيني ام أهلي.....بقلاوة..ياناس ..عسل يقطر ...