كرونيك "حبيبي جدارمي "💕 نوفل ونورسين 💕 ؟؟

تابع 27

💖حبيبي عسكري💖
تابع للحلقة 27
وصلت للدار...علابالها راح تلقاه هنا...صونات....فتح ودهش كي لقاها..شافت معاه...كي عادتو لابس شورت ومن فوق عريان...ريحتو سابقاتو
نوفل: نورسين.....رجعتي...
ماهدرتش معاه..شافت فالارض..تفكرت دمها وين كان يسيح..
فاتت تحوس على تلفونها..هزتو..وجات خارجة..
نوفل: نورسين...قدم ليها ويشم في شعرها..
نورسين: بعدني...مابقا كلام بينا ..
نوفل: من فضلك سمعيني...
نورسين...علابالي غلطت معاك...ومن حقك تحاسبيني...ولكن ماتخلينيش..
نورسين: انت الي خليتني وذبحتني بكلامك...أنت يانوفل.انا قداش من مرة قلت لك ماتخلينيش...شحال من مرة لمحتلك بلي راني قابلة نكون معاك..وانت كانت عندك مجرد نزوة....وفوق هذا تتلاقا بها...
بعدني ومن اليوم...ماتوقفش في طريقي...
نوفل: حصرها ليه...نورسين..نعشقك..فقت بحبي ليك متاخر..وراني واجد نكون معاك كما تحبي...
نورسين( ماتضعفيش يانورسين...مايغركش كلامو..ماتنسايش خسرتي ولدك وهو السبب.وزيد قالها بصريح العبارة انت كنت شهوة فرغها وخلاص)...
اول مرة ماشي خايفة من قربو...الي كان يزلزلني...جسمو قدامي دخلني فيه....وقرب مني... حط شفافو عليا...ماتجاوبتش معاه..رديتو. بعيد عليا..
نورسين: عندك تزيد تعاودها...وتطلقني..نوفل..
اعطيني حريتي...خلاتو وراحت..
نوفل : نورسين.....ارجعي نورسين...
هبطت الدروج تجري..زربت تطلع باش توصل.للدار...لقات شبيلة في الدروج..
شبيلة: وين كنتي نورسين...هبلتي تخرجي بلا ماتقولي..
نورسين ماجاوبتهاش وطلعت...
دخلت لبيت كاميليا..
حلت تلفونها وعيطت لمروى..