كرونيك "حبيبي جدارمي "💕 نوفل ونورسين 💕 ؟؟

30

💖حبيبي عسكري💖
الحلقة 30
ناضت...دخلت للدوش...غسلت..ورجعت تلبس..شافت في حوايجها..جبدت سروال كلاسيك مزير...وقصير من تحت..زادت معاه جيلي قري ..وتريكو نوار..
كاميليا: راك شابة...
نورسين: ميرسي..عليك
كاميليا: خليني نضفرلك شعرك..طويل يجيك يهبل..
نورسين: ههه اوك...
بعد ماكملت كاميليا شعرها
..دارت نورسين شوية بوردو في شواربها..لبست صندالة عالية..في الباج..حطت ريحة(kenzo) تفكرت بلي نوفل عجباتو ريحتها اخر مرة...
خرجت لقاتهم يفطرو قعدت معاهم..
شبيلة: كريم ماتنساش توصي على الكاطو...اه
امين: ماما كاشما عندنا حفلة
شبيلة: هيه عيد ميلاد كامو..
كاميليا: عيد ميلادي؟ ياخي مازال..
قرصتها شبيلة..: واش بك نسيتي..
كاميليا: اه ايه..ماما والله مافي بالي...
نورسين: كل عام وانت بخير...
كاميليا: يسلمك..مرت خالو...
كريم: خفو راح الحال.....
زربو ...كملو وخرجو....رايحين للطونوبيل...تلاقاو بنوفل كما راح يركب..شافهم عدل كاسكيط تاعو..ومستغرب..
نوفل: صباح الخير كريم...
كريم كاميليا احمد وامين: صباح الخير..
كاميليا: خالو لعشية عيد ميلادي ماتنساش..اوك..
وركبت تبسم معاها...وفات يهدر مع نورسين..
نوفل: واش حوالك نورسين..
ماجاوبتوش...
وين رايحة..
نورسين: ماشي شغلك..
شدها من يدها: لسانك طوال نورسين...سالتك جاوبي..
تدخل كريم: نوفل الناس تشوف فينا..ماشي هنا تحلوها..القضية
ركبت نورسين..
كريم: لعشية ارواح لعيد ميلاد كامو..لاعيد ميلاد لاوالو.. حجة .باش تتكلمو برك
راح كريم..ونوفل ركب في سيارتو..الطريق حرقها..راح للكوتي لاخر ويستنا شاف سيارة كريم تبعها....
بعد مدة نزل لولاد يقراو..وكمل بها للجامعة...
كريم: وصلنا نورسين....بالتوفيق..
نزلت ودعاتو ...
جاات داخلة في الباب....سمعت صوت يعيطلها .
منجد: اوو نورسين صدفة شابة لقيتك هنا...
نورسين: سمحلي ماعرفتكش..
منجد: انا منجد ولد عم نوفل
نورسين : اه .منجد ..رحت من بالي...
منجد: راني نشوف فيك لهنا..
نورسين: جيت نسجل...راح نبدا نقرا
منجد: راك روطار تبالي...بصح ماشي مشكل نقدر نساعدك..
نورسين: انت تقرا هنا...
منجد: لالا عندي خدمة ...هنا..
صوت سيارتو كي قارات خلات الكل يتلفت...الغبرة طارت للسما...
نوفل: نورسين واش راك تديري معاه...جبدها وردها وراه..
منجد: بعقلك ولد عمي سقسيتها واش راهي تدير هنا حبيت نعاون هذا ماكان..
نوفل: روح تلعب بعيد..منجد..ماتقربش من حاجتي..
منجد: اوك صاح..عملو جام بيدو وراح...
نوفل: وانت حاطة روحك بلا راجل اه..واش موقف ربك معاه..
نورسين: ماتسالنيش...خليني ندخل..
نوفل: ندخلو كيف كيف...
نورسين نفخت عليه...ومشات ...زرب لحقها نحا الكاسكيط..حس روحو الناس كامل تشوف فيه....
لبنات عينهم قلوب..
خالدة: ياربي واش هذ البقلاوة..شوفي حياة...الرقدة على هذاك الصدر تنحي هم الدنيا..اووووو
حياة: بقلاوة ..بقلاوة..والكومبا زادت في الكور تاعو النص...
خالدة: راه جاي عندنا..شوفي مسيني قريب نغشا..
نوفل: من فضلكم هذا قسم الحقوق..
خالدة: ا...ايه هو..تفضل..
نوفل: وين يسجلو..
خالدة: منا...فوت منا...وروح منا...ميلت راسها وهي تهدر..
نورسين: خلاص يعطيك الصحة فهمنا...
نوفل شاف فيها بطرف عين تبسم ومشاو..
حياة: عميتيها خاليدة..بنتي موقفك زفت...
خاليدة: ادا قلبي معاه..هذ البقلاوة..ياو نتزوج به لاشتا بلا عقد...نرقد معاه..نورمال..يامحاين قلبي..صدرو ي...........الدنيا
حياة: سوفاجة..بلعي..
خاليدة: امشي ..امشي والله نتبعوهم....شفتي هذيك الي معاه ماشي خير مني....جاياتك بقلاوتي
..منجد: هكذا ياسي نوفل..ماعليه..انت بديتها...تردني صغير قدامها...كون مانعفصش عليك ماشي انا منجد سلطان