كرونيك "حبيبي جدارمي "💕 نوفل ونورسين 💕 ؟؟

86

💖حبيبي عسكري💖
الحلقة 86
اليوم عيد الميلاد...الدار مزينة لعشيا قربت تلحق.....مدام انفال تجري....من ومن ماتحب حتى حاجة تنقص...
نورسين تلبس....شعرها بابيليز...مع لونو الذهبي جاها حطة..مكياج...فار فوق عينيها وفي اخر عينها نوار....لبست غوب فاار بفونت من قدام. .وترونسبارونت من فوق...زادت اكسسوارات فالارجونتي..خفاف رشت بارفان(انطونيو بانديراس) تاع ليل ومناسبة للسهرات ...
نوفل في شمبرتو...عدل روحو بيا....لبس الكومبا كما قالتلو نورسين...رش برفانو....وخرج. صفية وهيبة يشوفو معاه هذا وين ماشي في هذ الوقت الروايح...والكومبا زادت فيه النص...جسمو واقف...وعضلاتو بانو مزيرين فيها....
صلات على النبي ودعاتلو....باس جبينها وراح....
بعد مدة الناس بداو يوصلو انفال مازالت تلبس...روب كحلة طويلة....خصرها الضيق بان....ضهرها عريان...فوسيل ومكياج بلون عيونها......طالون أحمر...نازلة ...شافاتو داخل كوستيم كلاسيك مزيرلو...جسمو طراسا اللحية...وطلع شعرو...تلاقاو يسلمو على بعض
منجد: كي عادتك تخطفي لعقل..
انفال: وانت زادة...تفتق..
جوز يدو على ظهرها العريان..غمزها وراح..كملت تسلم على الحضور.....نزلت نورسين....مسيو محسن يتامل فيها....بوبية من السما نزلت..حورية ...يتمنى تقبل بعرضو...
منجد سلم على نورسين وفهمها بلي بلال ماعادش يدور بها اعتذرمنها.. وحكالها بلي راه مع انفال...نورسين تمناتلهم السعادة...انفال رجعت لها ضحكتها....وتبدلت في هذ ليام...كي قربت من منجد

دخل بكل قوتو...ريحتو وصلت عندها غمضت عينيها( حبيبي) .
جرات عندو...قابلها يتفرج معاها
نوفل: راني ناكلك هك نورسين.
نورسين تبسمت وسلمت عليه..حست بانفاسو على خدودها...
بعدت منو...
نورسين: سامحني جبتك بالكومبا بصح كاين واحد حاب يشوفك ووعدتو..
جرتو من يدو..
نورسين: تيمو شوف شكون جبتلك
تيمو: فرحان بحفلتو دور يشوف: يا نولسين هذا لعسكلي لكبير
نورسين: وعدتو نجيبك باش يشوفك نوفل هذا تيمو الي اليوم عيد ميلادو..
نزل نوفل عند تيمو...باسو...
تيمو: انت تاع نولسين...ماتزيدس تبكيها..راني نضربك
نوفل: هز عينيه ليها
وعاد يهدر مع ثائر: نوعدك مانزيدش نخليها تبكي..
ثائر:وعد اضلب كفك في كفي لاجل مع لاجل..
ضرب كفو مع كف ثائر الصغير...هزو باسو ورجعو..
شاف منجد بعيد...ضاقتلوو نورسين انتبهت وين يشوف
نورسين: نوفل...خلاص خلينا منو..راه مع مدام انفال وطلب مني السماح على عملتو..
نوفل: كلب يجي نهار ويخلصها
نورسين: لالا نوفل وعدني ماتقربش منو...راهي انفال تحبو ورجعتلها لحياة بسبتو..
وزيد راه مد لبلال دراهم باش مايتعرضليش..
نوفل ساكت مالقا مايدير غير يسلم امرو...
تلمو على الطابلة يغنو لتيمو..قطع القاطو..ودا هداياه...
اغنية كلاسيكية..هادية كل كوبل مع بعض....
منجد مع انفال...والحاضرين كل واحد وحبيبتو.
نوفل مد يدو لنورسين ل...دورت يدها على رقبتو...شدها من خصرها لصقها فيه ..يشم في شعرها..احساسهم كبير..عيونهم على بعض...شافت فيه ودخلت راسها في حضنو...يتلمس في ظهرها...وهي تزير في روحها عندو نساو وين راهم...واستسلمو لاحساسهم..منجد وانفال ماشي قل منهم..ثنينهم في عالم المشاعر والاحاسيس...
خلصت الاغنية...صفقو لهم...
تفرقو يكملو السهرة...
شدها من يدها مشا بيها لاقرب شومبر موجودة...
نوفل: ماتوحشتينيش..
نورسين: توحشتك..اكيد..
نوفل نحا فاست الكومبا..
نورسين: واش راك تدير...
نوفل: نوريلك كيفاش توحشتك..
نورسين بعدني شدها ورماها للسرير..
نورسين: ماتمسنيش حتى تديرلي عرس...
نوفل: عرس؟
نورسين: ايه..نحبك تخرجني عروسة...ونروحو شهر عسل..ومبعد نسمحلك تلمسني..
نوفل: وعلاش تصعبي نورسين.خلي اليوم يفوت ومبعد
نورسين ناضت لالا....نحب العرس..والفواياج وكورتاج كبير .
ناض عاود يلبس..اوك ..وواش تحبي تاني..
نورسين: والو..هدو برك ودورك امشي نخرجو..الناس برا عييب..
باسها من شفافها...وعدل روحو وخرجو....
كملو الحفلة....مشات معاه تودعو....
تكا على سيارتو وجبدها راقدة في حضنو
نوفل: وجدي روحك...نعيطلك ونتفاهمو على العرس
تخربش في صدرو ومزير عليها داخلة في وسطو: نوفل ماتطولش توحشت نرقد عندك..
نوفل: نوعدك حبيبي....نجيك في اقرب وقت...عاود زير عليها ضوء القمر يرافقهم...تتمنى الزمن يحبس عند هذ اللحظة..وتبقا في حضنو للابد...