كرونيك "حبيبي جدارمي "💕 نوفل ونورسين 💕 ؟؟

25

💖حبيبي عسكري💖
الحلقة 25
وصل عندها كانت قاعدة في كافي.. رجل على رجل. سروال بلون سليم..وفيست غوز..دومي مونش...نواضر وشعرها صفر مطلوق....
سيليا ناضت تسلم عليه..ذزها وقعد...
نوفل: اختصري ماعنديش الوقت..
سيليا: واش بك نوفل...علاش تبدلت عليا هك..
نوفل انا سيليا الي تعشقها...انا حبيبتك الي حاربت الناس كل علاجالي منهم ابوك..
نوفل: الله يرحمو..خلينا من هذ المقدمة. واش تسحقي مني..
سيليا: وكانك ماشي نوفل...الي نعرفو..قلت لي عندي دين في رقبتي.. نتزوجها باش نخرجها من دارهم...ومبعظ نطلقها ونعاونها تعيش...وحدها.
اما انت نسيتني..خلاص وماتسألش عليا..
نوفل: سيليا...ماشي وقتو هذ الكلام صبري عليا...وان شاء الله تتوضح الامور..
سيليا: ان شاء الله ياعمري..ماتصورش شحال توحشتك...قربت عندو..تمس في وجهو..بعد منها..
..
سمعت الباب تصوني...ناضت بسيف..تجر في روحها السطر قاتلها...تفكرت كلامو باش ماتحلش الباب ..خافت..
نورسين: شكون..
شبيلة: حلي أنا..
نورسين: سامحيني شبيلة مانقدرش نوفل نبه عليا مانحلش..
شبيلة: شبيها هذي. حلي ام الباب نورسين تحاوزيني من دار خويا..
عيطتلو فالتلفون....تشكيلو منها..سمعت الهدرة معاه..عرفتو مع سيليا..
شبيلة: حلي نورسين..راني عيطتلو وقالك حليلي..
حلتلها الباب..تشوف معاها من تحت لفوق..
شبيلة: مال وجهك..تقول هربتي للغسال..
نورسين: تعبانة..وكرشي تسطر. حوست على تيزانة مالقيتش..
شبيلة: نقول لنوفل يجيبلك...
عيطتلو ماهزش .
شبيلة: ماهزش عليا. الظاهر متلهي مع سيليا...
نورسين سمعتها وقلبها خبط..
سيليا..واش يعمل مع هذي سيليا...
شبيلة: بوه عليك..ماشي في بالك..نوفل كان خاطب سيليا قبل مايجن ويقول نتزوجك..وقف في وجه بابا على جالها...
نورسين: هذي نفسها معلمة ولدك..
شبيلة: هيه..بروف تاعو تاع لفرونسي..حطة وكلاس...وطويلة وشابة...
شافت فيها..: ياي نورسين..راك صفرا مقطرة..
خلاتها نورسين...وراحت لشمبرتها شدت دمعتها وتكات على سريرها..سكاكن في كرشها يقطعو...وغصة في قلبها...
نوفل عاود عيط لشبيلة..قالت لو بلي حتاجاتو يجيب لنورسين تيزانة راهي مريضة...
نوفل سمع كلمة مريضة..جن ديجا خلاها ماش مليحة..وسطر في كرشها...
بزربة شراها...ورجع...
حلتلو شبيلة الباب...
نوفل: وين راهي...
شبيلة: واقيلا في الشمبرة هات نغليهالها..
دخل عندها..لقاها ممدة..
نوفل: نورسين ..لابس..
بعدتلو يدو..عدلت روحها وناضت عينيها حمر..
نوفل: واش بيك كنت تبكي...
نورسين: وانت واش يهمك نبكي ولانضحك..نمرض ولانفرح...ماشي لاتي..رجع للكنت معاها..
نوفل: علاه هذ الكلام نورسين..واش قصدك..
نورسين: ااصباح تحاسبني علي حليت الباب..لولد عمك..ونسبت أنت روحك..كنت تتمعشق مع حبيبتك سيليا..
نوفل: اخ منك شبيلة...لسانك مايفوتش لحلقك..
نورسين جات خارجة..قريب تطيح شدها..
نورسين: بعدني ماتمسنيش...نعرف نمشي وحدي..ماتزيدش تحط يدك عليا..
نوفل: اووف..خلاص..كرهت مليت..حاجة ماترضيك.نجيك بالحسنى ماتعجبكش ..نزعف ونتغشش مايعجبكش...
بدات تبكي...كمل كلامو واش نديرلك قولي...شوفي لروحك قاعدة كي لولاد الصغار...انا نحتاج مرا....ماشي وحدة في كل مرة تبكي أكبري..شوية حسي بروحك وبالمسؤلية..
شبيلة قربت تسمع عاجبها الحال..عيطت لسيليا تبشرها بلي قامت بينهم...
نورسين: مالا خليني نروح...خليني نرجع منين جيت
شادة كرشها بسيف تخرج الهدرة..
نوفل: لالا غير هاذي ماتزيديش تعاوديها لمروح ماكاش..
نورسين: علاش مانروحش ..ولا في جال عملتك معايا شادني..اه..
قرب منها شدها من يدها
نوفل: الي صرا يالالا صرا برضايتك...وانت طلبتيه...وانا علاش نقول لالا. كانت شهوة وفرغتها..بصحتي...وانت عمرك ماتحاسبيني ..
شافت فيه ومشات شدت كرشها .وعيطت..دور يشوف فيها الدم يسيح مع فخاذها..دم وكانو شلال...شدت الباب وطاحت حذاها تتوجع
جرا ليها....وعيط لشبيلة