كرونيك "حبيبي جدارمي "💕 نوفل ونورسين 💕 ؟؟

59

💖حبيبي عسكري💖
الحلقة 59...
عذبني كما تشاء واحرق روحي..فاني قد مت يوم منعتني عنك...
كانت في الكوزينة تحطلو في حليب وكرواسون..معجون...وجو دورونج....دخلتهملو..لقاتو يلبس
نوفل: رجعيهم راني جاي..
عاودت خرجت...لحقها شد الكرسي وقعد...
ياكل..وهي مقابلتو....
نورسين ماتحملتش..هذ العذاب..جات خارجة..شدها من يدها..
نوفل: اقدي تاكلي شوفي مع روحك..شينتي خلاص...
نورسين: نهمك الا شينت..
نوفل: ماتهمنيش بصح مادام عايشة معايا...تهميني...
نورسين: مالا خليني نروح...هكذا باش نولي مانهمكش..
ناض عندها
نوفل: حابة تروحي..
نورسين: ايه....
نوفل شاف فيها مليح..متاكدة..
نورسين: متاكدة..
نوفل: اوك...روحي...
خلاها وناض..
نورسين: بكل سهولة فرطت فيا باش يحلالك الجو مع سيليا .
نوفل: انت لي قلتي نروح...ومبعد ماهمكش مع من يحلالي الجو...
نورسين: كنت علابالي ماتحبنيش يجي نهار وتخليني..
نوفل خبط الباب: نورسين شكون الي باش يخلي خوه اه...تضربت بالرصاص تمديت فالفراش بحذايا ماشفتكش..
نسيت عملتك...وحطيتك في اختبار..وفي اول موقف فشلتي..
نورسين: انت كنت ماتحبش تشوفني...لاتي بسيليا نجي عندك تقولي شبيلة ماحبش يشوفك...مرة شاد يد سيليا..نعيطلك تكوبي عليا...وهي عندك..وزيد تسمعني لكلام الخايب
نوفل: تكذبي عمرك عيطتي..واصلا ماسقسيتيش خلاص....وحكاية منجد مانسيتهاش..
نورسين: تكذبني نوفل....
نوفل: وعلاش واش تكوني باش نصدق...
نزلت دمعتها...
نورسين شافت فيه...للحظة حس روحو غلط معاها....
نوفل: نورسين ماشي بقصدي...قرب عندها. سامحيني..
نورسين بعدت عليه حطت يدها على فمها وخرجت..ديراكت للشمبرة وقفلت الباب..
يطبطب عليها ماحلتش...
نوفل: نورسين حلي الباب لنكسرها....
حلت الباب ..كانت لابسة حوايجها...
نوفل: وين رايحة..
نورسين: العلاقة اذا انعدمت منها الثقة...ماكلاه نكملو فيها...
نوفل: نورسين بركاي من هبالك..
نورسين: راني مروحة..خليني..
نوفل: تخرجي من ماعدش ترجعي لهد الدار...
نورسين شافت معاه...شدتو من وجهو...لصقت في شفافو...بساتو قبلة نحات بها كل الشوق ليه......تجاوب معاها بكل جوارحو......لصقها في الباب تاع الشمبرا وكمل يبوس فيها. كلاو شفاف بعضاهم يحبسو يشوفو مع بعض ويزيدو يرجعو ...جبدت روحها تبسمت معاه.....مسحتلو شفافو..
نورسين: يوم ماتخلي ثقتك فيا كاملة...تلقاني...رجعتلك...
هزت حوايجها..هو مسمر بلاصتو..دورت شافت معاه..
نوفل: وين رايحة تقعدي..
نورسين: عند رهف...
خرجت وخلاتو..