17

9.5K 173 1

بواسطة Ffifi1915

بقلم Ffifi1915

حبيبي عسكري💖
الحلقة17..
الحب حين يزورك..كالغريب الذي تتصادفه...غريب عنك...ولكن يشدك أن تقلب في تفاصيله..وحين يسكنك.. الحب ستتقلب انت في تفاصيله...وفي كل مرة إما يعلقك او تتعلق به..وإما تريد انصرافه كماجاء...لكن هيهات ان يعود القلب كما كان..فالمكان لذي يداس لايعود الى اصله..
غشو واصل لاخرو....ظغط الخدمة عليه..وزادتلو هي...علابالو بروحو غلط..وتسرع كي رقد معاها. وعلابيها يبعد فيها عليه...ماحابش يطيح فيها..ويجي نهار مايقدرش يوفي بوعدو.. يكسرها او يحطمها ....
صباح اليوم التالي...كي العادة..ناض متوخر..السبت ومكاش خدمة....لقاها ماناضتش..الفطور مادارتوش...لبس وخرج..
ناضت من وراه...شابعة رقاد...فاتت غسلت..وحطت تفطر( تعود ت على الدلال سي نوفل..من اليوم هك تعيش...وانا نشبع رقادي...مانزيد نكسر راسي بك)....
دارت شوية في الدار...عدلت فيها..شافت لقات عندو حوايج موسخين غسلت تاعها..وخلات تاعو...
وقت الغذا لقاتو رجع.....قاعدة في شمبرتها تستنا فالكارثة..ماطيبتش لغذا...ستنات يعيطلها..بالاك يدير مشكل. ستنات مع الاخر والو..خرجت..شافت بابا شمبرتو مقفولة...علابالها راه الداخل(ياربي راح يجلطني..ببرودتو..)..فتحت لفريجيدار لقاتو معبي.. جبدت تفاحة وقاعدة تاكل..قابلها خارج..في يدو ساشيات...
نوفل: رايح عند شبيلة...وجدي روحك مبعد نخرجو..
نورسين ماردتش عليه...
كملت تاكل...بعد مدة جا..
نوفل: مازال مالبستي.. قلت لك نخرجو..
ناضت تتمايل قدامو..ماعينيش نخرج..
نوفل' الله لايجعلك خرجتي...
نفخت فيه وراحت...خبط الباب وخرج...
بعد شوية سمعت تطبطيب..هذا خاطي هو...لوكان راه فتح بالمفتاح .
راحت تحل..
نورسين: شكون..
شبيلة: حلي شبيلة ..راني
حلت الباب جات تسلم عليها ذزتها..
شبيلة: انت زعمة مرا..وعندك راجل...
نورسين: واش كاين شبيلة..علاه عليك هذ الهدرة..
شبيلة: علاه عليا.. ماشفتيش روحك..ماتحشميش...مرا قدك ماتغسلش قش راجلها حتى يجيبهم ليا نغسلهملو..
نورسين: وقتاش جابهوملك...ماقاليش اغسليهم..
شبيلة: علاه حتى يقولك. انت وحدك تعرفي..راجلك واش يحب ..وواش مايحبش..واش يخصو وغيرو..علابالي كنتي مزوجة من قبل يعني عندك تجربة..
نورسين تحملت كلامها وردت: ودوكا واش تحبي..
شبيلة: والو راني رايحة..جيت نبهك برك...راكي هكذا تخسري في راجلك...عديمة مسؤلية..
خرجت شبيلة..خبطت نورسين وراها الباب( هكذا ياسي نوفل...تخليني تحريشة لست شبيلة..) دخلت بيتها تبكي....حتى داها النوم...
نوفل يحكي: بعد الي صرا معاها...رجعت للدار متاخر..هكذا مانلقاهاش..مانيش حاب صدام معاها....دخلت للدار ...لقيت الطواقي محلولين...قفلتهم. عديت على شمبرتها..كانت راقدة..بحوايجها..وباب البالكون محلول...قفلتو..هذي واش بيها ترقد بلا ماتقفل..وماتحسش بروحها....قدمت منها نعدلها في الفراش..رمات يديها لرقبتي..ودورتهم عليا..هزيتها بين يديا رجعتها للكوتي لاخر...حسيت بها كي طلقت يديها..غطيتها وكنت خارج..شفت الكوتي الي كانت راقدة فيه..مبلول..عرفتها بكات...بالاك صح قسيت عليها...وممكن غلطنا في زوج. لكن كاينة حاجة سمها مسؤلية...وهي بدات في عنادها...ماطيبت فطور. ولا غدا حتى حوايجي ماغسلتهمش..ماعلابالهاش بلي قد ماتعمل انا نعمل اكثر منها...
فات لشمبرتو...بدل حوايجو... غسل عليه...ورقد