كرونيك "حبيبي جدارمي "💕 نوفل ونورسين 💕 ؟؟

79

💖حبيبي عسكري💖
الحلقة79
.وصلت للخدمة علابالها متوخرة..فاتت ديراكت لمكتبها ..هزت دوسيات وراحت عند مدام انفال ..لقاتها قاعدة مع منجد وراجل اخر.
نورسين: مساء الخير عليكم...
انفال: جيتي نورسين...اقعدي....
منجد عينيه يتحركو معاها...انفال شافت فيه...عرفتو بلي مهتم بها...مالغري اخر مرة..كانت انفال في حجرو وسمحتلو يدنا ليها..وبرغبتها...ضايقت من نظرات منجد....لنورسين.
انفال: مسيو منجد..راني قلت للسي محسن..على المابل الي نجيبوه..نوعيتو والحاجة الي يدومنديها تحضر..
محسن: انا علابالي بهذا كامل...وعلى بيها قصدتكم..الافتتاح تاع ..الشركة تاعي نحب الحاضرين يدهشو
منجد: خليها علينا..مسيو محسن...كل شيء يكون سوبير كما تحب...واكثر..
انفال: نورسين تقدري تروحي...
نورسين: ماعليه مادام..
محسن: بالنسبة للسومة ماتهمنيش..راحة العميل هي الاهم عندي
..نحبو يلقا شركة وين يرتاح ويخدم بكل قوتو..
منجد: معلوم..هذا هو...
انفال: اكيد مسيو محسن..
سامحوني ندير اتصال ونجي..
خرجت مدام انفال .. وخلاتهم..
محسن: منجد هذ السكريتيرة جديدة.. ؟
منجد: نورسين. ايه جابتها انفال تعاونها
محسن: وجها مناسب وجسمها مع بعض التعديلات هذا واش نحب
منجد: مافهمتش...
محسن: ماركة جديدة...راني نخمم فيها..تاع غوجالافر . .واتونو بنفس اللون..العارضات الي عندي...سماطو...وكل مرة نجيب من برا...لازمني بنت بلاد و زين جزائري اصيل.
منجد: ههه ماشكيتش نورسين تقبلك....
محسن: نشوف...نسيي معاها زهري ..انا نروح...المهم نستنا فيكم تبداو...
انفال: سامحني مسيو...راك رايح..
محسن: ايه..مدام وبيناتنا تلفون ومادابيا ماتطولوش لان الافتتاح منا على 15يوم يكون...
منجد: ان شاء الله..
خرج معاه..لقا نورسين واقفة تهدر..مع لبنات..عاود شاف فيها من تحت لفوق. ..تبسم لها..ردتلو...منجد يشوف في محسن..عينيه كلاو نورسين..
وصلو للباب ورجع...
فات عند انفال...
انفال: قولي منجد...نورسين تعجبك؟
منجد: علاش..تسقسي..
انفال: شفت كيفاش راك تشوف فيها وزيد نهار جات في ذيك الحالة ..قالت بلي انت بستها بسيف عليها..مع انك ولد عم راجلها...
منجد: وانت واش يهمك انفال..
انفال:منجد..انا ماشي وحدة رخيسة ولا من عاهراتك...صح سمحتلك توصل ليا وتعيش معايا لحظات..ولكن انا مانحوسش على شهوة نقضيها وفرات..نحوس على راجل يسندني ونسندو..
منجد: وانا ماشي هذا الراجل ..انفال..وماتحاسبينيش منا وفوق .
خبط الطابلة وراح...
انفال: حقير...كامل نفس الطينة.. جبدت سيجارة تطفي بها غضبها منو..