كرونيك "حبيبي جدارمي "💕 نوفل ونورسين 💕 ؟؟

56

💖حبيبي عسكري💖
الحلقة 56
دخلت....لقات سيليا تم..قاعدة وسطهم...شادة يد شبيلة...تبكي معاهم..
نورسين( دخلت شفت سيليا..قلبي حسيتو..فار بالدخان..هي الي مرتو ولا انا..ماعملوليش حساب. اكيد شكون انا...وحدة ماشي من جوهم..ولا من طينتهم... انا لغريبة بينهم..بصح مانروحش حتى اذا قالي هو مانحتاجش نشوفك ساعتها نروح..علابالي زعفان مني)
شافتها سيليا قربت منها: ملعونة...كون ما انت مايصرالوش هك....فتي حياتو خربتيها..
نورسين ماردتش عليها...شافت مع هيبة الي موالفة...تحسها جونتي معاها...حتى هي تحس في عينيها لوم...ماقدرتش توصفو....
منجد يحكي مع كريم وعامر..وعينيه عليها..حست بنظراتو ضايقوها...رجعت ..خرجت...
نوفل بدا يفيق.....( كي حسيتها غابت بين الناس.. ماعدتش نشوف قدامي..ياربي وينك نورسين...) سمعتو الممرضة يهدر: وينك نورسين..
خرجت بلغتهم بلي فطن..
دخلت عندو صفية...وبناتها
صفية: اللطف عليك ولدي فيا ولا فيك ياعمري..
ماشي قادر يهدر..غير بسيف
نوفل: بعيد الشر عليك امي..
شبيلة: يايما على خويا....هذ الرقدة ماتواتيكش
هيبة: سمعينا شبيلة..
نوفل: ويني نورسين...
صفية: راهي برا ولدي ماتقلقش...دوك تجي..
شافوه وخرجو...
بقا يستنى فيها ماجاتش..
فجاة حس يد تحطت عليه...تبسم.: جيتي حبيبي..
سيليا: تمسح على شعرو راني هنا ياروحي ماتخافش...
سمعت بلي فاق راحت عندو...شافتها قاعدة جنبو ويدها..على يدو...شدت البكية وخرجت....
تلاقات منجد
:نورسين...ماتبكيش راه بخير
نورسين: ايه حمد لله..
منجد: نوصلك تروحي...
نورسين: ايه حبيت نروح..
منجد: اطلعي....
طلعت معاه بلا ماتخمم..
وصلها حطها لبرا ...دخلت باب لاسيتي...وصلت للدار....فاتت (طول ترمات في فراشو وتبكي.....بكات خرجت كل مكبوتاتها...حتى هزها النوم).

الصباح كانت شبيلة وكريم عندو في السبيطار...دخلو...لقاوه فاطن...
شبيلة: حمد لله على خويا راك منور...
كريم: اوو حضارات .. اليوم تبان بخير..
نوفل بقا يشوف مع الباب..
كريم: واش كاشما تسنا .. مافرحناكش
نوفل: لالا خويا كريم...نشوف الا جات معاكم نورسين
شبيلة: بوه عليها...البارح كامل مابانتش هنا
كريم: علاه تكذبي شبيلة الطفلة قتلت روحها بالبكا...
نوفل: حسيتها البارح كانت قاعدة حذايا
شبيلة: سيليا هي كانت معاك..حتى لليل مسكينة خلاص باش راحت...
نوفل: ونورسين..ويني علاش ماجاتش..
شبيلة: مانعرف..مافتناش عندها
نوفل: كريم...كيفاش تخليها وحدها..
كريم: والله ماتولهت نوفل..البارح شفت منجد راح يوصلها
نوفل: منجد واش يدير هنا..
شبيلة؛ يكثر خيرو جاء ووقف معانا..
توجع نوفل وعدل روحو وجا نايض..
كريم: وين رايح هبلت
نوفل: مروح للدار...
شبيلة: راحت عيطت للطبيب..
جا ومنعو من الخروج..لحقت صفية وهيبة ودخلو صحابو عسكر خدامة معاه....يهدرو وهو ماشي علابالو واش راهم يقولو في عالم اخر..يخمم فيها ماشي مطمن لروحتها مع منجد