كرونيك "حبيبي جدارمي "💕 نوفل ونورسين 💕 ؟؟

80

💖حبيبي عسكري💖.
الحلقة 80
كاميليا: يما...اجري اجري تشوفي ..اجري
شبيلة: واش بيك واش كاين ..
كاميليا: هذا ماشي خالي نوفل
شبيلة: يعطيك الربح كامو..والله هو..واش يدير هنا شكون صورو
كاميليا: ههههه اختطاف عسكري لحبيبته الطالبة من المحاظرة..ياسلام على خالو..بصح واش بيها نورسين..مبدلة هكذا..
شبيلة: زيدي كملي قراي واش قالو
كاميليا: والو يما هذا ماكان....
شبيلة: اه يامرت فتحي جبتي لغنا بلازريعة...دوكا نوفل علاش يخطفها منين تقرا..اكيد صايرة حاجة نعيط ليما..تجي.
فاتت تعيط لامها .
.....
بلال: بابا...يما. .ارواحو عندي هدرة معاكم..
خليل: خير واش كاين..اهدر..
خيرة: حيرتني ياولد واش كاين.
بلال: شفت بنتك بابا..اربي بخصت بالرحمة. تاعي راهي فالفايسبوك تدور..
مروة طلت تسمع واش كاين
خليل: كيفاش فالفايسبوك تدور..مافهمتش
بلال: ربها..صابغة شعرها صفر..ولابسة لقصير قالك واحد عسكري خطفها منين تقرا
خيرة: اه..كيفاش خطفوها..
خليل: تهدني يامرا..فهمنا بلال شكون هذا الي خطفها..
بلال: راجلها هذاك نوفل ...بصح مافهمتش..واش داها تقرا..وعلاش يخطفها...
ارواحي انت قربي...
مروة: نعم..بلال
بلال: كاشما قالت لك اختك...
مروة: واش تقولي زعمة..
بلال: نخبط الرحمة تاعك هنا تموتي
خيرة: بلعقل ياولد...راك قتلتها
بلال: اهدري..انطقي
مروة: ماعلاباليش وماقالتليش.
خليل: مروة الا كاشما تعرفي قولي..ماتخبيش..
مروة: راهو...راهو نوفل طلقها.
بلال: اه..طلقها
خيرة: ياربي...واش نسمع. كيفاش وعلاش طلقها
مروة: ماعلاباليش والله ماعلابالي..
خليل: متاكدة. راك سور.
بلال: اليوم نقتل ربها..بهدلت بيا..تتصور فالفايسبوك..وزيد مطلقة...غدوة نروحلها ندفنها..
خليل:روح جيبها..شدها من شعرها وجيب راستها هنا...ترملت وزادت تطلقت..هاواش درت اخليل في حياتك..
مروة خرجت....ديراكت عيطت لنورسين...
مروة: الو نورسين...اسمعي بلا مامكثر الهدرة بلال شاف الفيديو تاعك فالفايسبوك مع نوفل
نورسين: واش من فيديو مروة...
مروة: الفيديو تاع الجامعة كما خطفك من لونفي.اسمعي حالف فيك..وراح جاي يديك عسي روحك..
كوبات عليها(ياربي خصني غير بلال...)...
خارج من الخدمة..كامل يشوفو فيه....يتهامسو..نوفل توسوس كاشما بيه..
راح ركب وديمارا.....للدار....
عيطتلو يماه..
صفية: نوفل وليدي واش راك..
نوفل: يما..لاباس وانت...
صفية: لاباس وليدي ..قلت نجوز انا وهيبة عندكم يامات للدار.
نوفل(اووف ماشي وقتك يما): اوك يما ارواحي....
صفية: نورسين راهي مليحة..
نوفل: ايه لاباس..
صفية: ايه ان شاء الله خاطر شبيلة تقول...شافتكم في هذ السايسبوك..تتصورو..
نوفل: كيفاش...فايسبوك...يما هي ومبعد نعيطلك..
طلع ديراكت عند شبيلة...
امين حل الباب: يشوف معاه ويضحك
نوفل: كملها انت ثاني .. اليوم كامل تضحكو كي تشوفوني واش كاين
شبيلة: جوز خويا....هذي زمان مازرتنيش..
مقابلو احمد وامين يتهامسو
نوفل: واش بيهم ولادك فيا حاجة تضحك
شبيلة: ياولاد نوضو..لحفاظتكم.. كملتها تضحك
نوفل: قالت لي يما قلتلها شفتيني فالفايسبوك ...واش حكايتو مافهمتش...
جات كاميليا: والله ياخالو راكم دايريين السوكسي هاك تشوف....مدتلو تلفونها شاف الفيديو..(اوووف ربي منين طاحت عليا هذ المصيبة): وانا نقول علاش الي يشوفني كامل يضحك..ناس مريضة.
شبيلة: خويا..واش بها نورسين تبان مبدلة في روحها وعلاش انت هزيتها هكاك..
نوفل شاف فيها...ناض حل الباب وخرج...
شبيلة: ايه تجي يما ولمخبي يبان

لبنات باقي 9 حلقات منحطهمش حتى نلقا تفاعل