كرونيك "حبيبي جدارمي "💕 نوفل ونورسين 💕 ؟؟

2

لميس بن طالب
💖حبيبي عسكري💖
الحلقة الثانية..
قاعدة في بيتها...حسها غايب من الدار...تحسها جماد ماشي انسان..البسمة ماتعرفش طريق لشفاهها...عيونها ذابلة والحزن غشاها...
دخل خليل عندها....
خليل: بنتي ..نورسين اقعدي نهدر معاك..
نورسين دورت عندو علابالها كي العادة كاش خطابة جاوها...
نورسين: راني نسمع...
خليل: راهو خطبك واحد...اليوم
قبل مايكمل كلامو..
نورسين: ياك قلت مارانيش حابة نتزوج..خطوني ماتفهموش انتوما...
خليل: يا بنتي اسمعيني للاخر..ومبعد اهدري..
في برا الشمبرة خيرة وبلال يتصنتو على حديثهم
خيرة: راني قلت لك محال تقبل نعرفها..
بلال: اصبري يما...كي يقولها بابا شكون هو...تقبل انا علابالي...
.. ..
خليل: يابنتي الي خطبك...يقول راه صاحب المرحوم سامي..
تلفتت ليه...بنظرة استغراب : وشكون هذا..صاحب سامي..ماقالش اسمو...
خليل: نظن نوفل...بصح اسم عايلتو مانعرف...
عادت بها الذاكرة للوراء تتفكر في هذ الاسم ماشي غريب عليها..ولكن كيفاش فات في حياتها...نسات...
نورسين: وهذا صاحب سامي واش يسحق مني...
خليل: راني قلت لك جاي يخطبك...قال بلي المرحوم وصاه عليك...وعندو دين مع سامي...
نورسين: هذا واحد يكذب ماكانش منها خلاص هذي لحكاية...
هنا تحلت الباب ويدخل بلال...
بلال: اسمعي ماعندنا ماراح نديرو بك...ياتزوجي...ياوالله نرميك للكلاب..
نورسين : بعدني...ماتمسش فيا...ماترميش يدك عليا...مانتزوجش...والي تديروه ديروه...
بلال: نقتل ربها بعدوني..
خليل وخيرة يشدو فيه...
خليل: ياولدي ماشي هكذا...اصبر عليها شوية تخمم.
خرجوه وهو يهدد فيها ويحلف...
نورسين تبكي وتعيط: علاش ياسامي...علاش رحت وخليتني...يايما..طلي عليا...يايما...
..........
وصل للاوتيل..حط التلفون فوق الطابل دونوي...زاد مفاتح السيارة..فك ازرار الشوميزي...وزاد تاع الدرعين. .نحا صباطو....لاسانتور تاع السروال...هز منشفة فات للدوش...
حل المرش عليه ( انا واش راني ندير...مانعرف عليها حتى شيء...غير انها كانت زوجة اعز رفيق...عندي...تخليت على سيليا بدون مبرر وجيت لهذ المدينة نخطبها....آه ياسامي...ماننساش بواش وعدتك..لان دينك مهما عشت محال نخلصو)
💕قبل عام💕
نوفل: قليل وين نلقا صاحب كما انت خويا سامي....رميت روحك للموت في جالي...
سامي: ماتقولش هكذا نوفل...الموت راه كل يوم قدامنا...مهما نهربو منو راه نطيحو فيه..
نوفل: ربي يقدرني ونقدر نردلك خيرك....
سامي: نوفل...الا مت ولاصراتلي اي حاجة...نورسين امانة عندك...
نوفل: شكون نورسين..
سامي: هههه خطيبتي...بصح راك تعرف قريب العرس..
نوفل: ربي يطول عمرك صاحبي..ونفرح بك وبولادك..
سامي: اه ياصاحبي راك تعرف حالتي...المهم تهلا فيها يانوفل...باباها ومرت باباها ماتنجمش تعيش معاهم..وعدني..حط يدك على قلبي ووعدني
نوفل متاثر بكلام سامي..ولكن وعدو...وماكانش علابالو بلي هذ النهار راح يجي صح..
خرج من الدوش.....رش البرفان على روحو...طلب لعشا..وكمل يلبس