كرونيك "حبيبي جدارمي "💕 نوفل ونورسين 💕 ؟؟

18

حبيبي عسكري💖
الحلقة 18

صباح الخير أيتها الحياة التي نسيت كيف تكونين..صباح الخير أيها الكون..حتى الطيور لاتزور صباحي..وكيف تحط على هذه الكآبة التي تتآكلني....
جات خارجة...قابلها يحل في الباب...شاف معاها... وهبط راسو..عاودت دخلت..ستناتو حتى دوش وغسل..ورجع باش خرجت..
دخلت موراه للدوش كي العادة..كي يخرجو منو يخلي ريحتو..الي تعشقها..وتتمنى تدخل في ذرات تكوينها. كملت الدوش لبست...وخملتو...خرجت لقاتو يلبس في الصباط..
نورسين: ماتروحش قبل ماتفطر..
نوفل حرك راسو بايه..
فاتت لكوزينة..حطت الفطور وعيطتلو....قابلها في الطابلة..عندهم مدة ماكلاوش مع بعض...
نوفل: ماتزيديش ترقدي وتخلي الدنيا مفتوحة..
نورسين: داني نوم ونسيتهم..
نوفل: كاشما مانجيب اليوم..بالاك تجي يما وهيبة..
ايناس: لالا والو...الا اذا انت حبيت تزيد حاجة..
نوفل: نجي للغذا ونجيب واش يخص...
ناض من الطابلة.ناضت معاه...تطل عليه من الكوزينة براسها..يلبس في لافيست تاع الكومبا. .حط الكاسكيط ودور شاف غير راسها عيطلها..
نوفل: نورسين..ارواحي..
خرجت تلعب بصباعها..
نورسين: ام
نوفل: بكيتي البارح...
نورسين : لالا.
نوفل: ماتخبيش عليا...دخلت وشفتك..ماحسيتيش كي هزيتك ورقدتك في الكوتي لاخر..
هبطت راسها: حسيت..
نوفل طلعلها راسها: ماتزيديش تبكي....ماكاش حاجة تساهل...
عينيهم في عينيم بعض...
شادة دمعتها بسيف..بلحظة شافها هابطة على خدها...جبدها ليه ودكها في حضنو.....
مافهمت والو..تجاوبت معاه...دورت يديها على جنبو..كانت قد الكمشة عندو...لحظة ثنيناتهم محتاجينها...ولكن يظهرو في العكس...عاودت جبدت روحها..
نورسين: راح عليك الحال تتوخر على خدمتك...
قرب باسها من حذا فمها..وخرج..
قفلت الباب وتكات عليها( ياربي عاوني..مانيش حابة نضعف قدامو...يعمل فيها عمايلو..وفي لحظة يقرب مني ننسى كل شيء...اعطني القوة يارب...ماتخلينيش ضعيفة ومذلولة...علابالي العشق..هذا غلطة...وغلطة ثمنها راح يكون غالي)...
....
حط نظارتو..ركب سيارتو.عدل لمرايا...تكا على الكرسي...
(علاش يانورسين..مانقدرش نقاومك....فيك سحر مالقيتوش في مراة أخرى...شفت بنات وعاشرت منهم الكثير...حبيت سيليا..ولكن انت مختلفة. .زعافك وضحتك..ماتشبهش ليهم..وكي نتفكر انت كنتي مرت صاحبي نهبل....نحس راني نغلط..ولكن الغلطة هذي اكيد ثمنها غالي)...
ديمارا....وخلاها في دوامة...وهو دوامتو كانت ماشي قل منها....
دخلت لبيتو ترمات في سريرو....تحك في نيفها على مخدتو..تشم في ريحتو...الي تعشقها...كما الهواء ولات.لها هذ الريحة...تتدفا بغطاه...وتتعاود في لحظة الي باسها...
تغني طايرة في السما...حطت لغذا على النار...وجدت كل شيء فاتت تلبس...شافت من ومن..رمات يدها لروب فالغوج..جبدتها حطتها على السرير...نحات بيجامتها..دارت كريم دوكور بريحة الورد الجوري...لبست ملابسها الداخلية. .زادت الروبة..مزيرة عليها ..جاتها تحفة .طويلة ومستورة.....عدات ليسور على شعرها. من اللور..بوكلاتو من قدام...دارت مكياج خفيف...وحطت بارفان(Gucci)...
وباقية تستنى..
فات للمارشي هز القضيان وهو راجع عيطتلو شبيلة..
نوفل: وي شبيلة...
شبيلة: خويا نوفل يعيشك فوت لمدرسة احمد جيبو منها..دوكا يخرج11:15 واحد ماكان في الدار وانا رايحة عند نورسين..
نوفل سمط عليها : اوك ..اوك راني رايح نجيبو..
كوبا معاها..اوف منك ياشبيلة نعرف عمايلك....
ديمارا...شوية ووصل للمدرسة..بقا يشوف في الاولاد.احمد ماكانش...دخل للمدرسة فات لقسمو. لقاه قاعد وهي في مكتبها..شافاتو جرات ليه..
سيليا: نوفل..ماشي مصدقة عينيا كال سوربريز..
نوفل: جيت ندي أحمد..
احمد هيا نوض
سيليا: نوفل من فضلك...خلينا نحكو ...من نهار تزوحت مانيش نشوفك...توحشتك..وماقدرتش على فراقك...
نوفل: راني نعيطلك..ودوك خليني نمشي..ماراناش في بلاصة تاع ااهدرة...
هز احمد وخرج.....
سيليا عيطت لشبيلة: الو شبيلة..راح جاء يهز احمد..ماعبرنيش خلاص كاني ماشي موجودة..
شبيلة: اصبري عليا...سيليا..ونخليه يرجعلك...نوفل تعرفي طبيعتو ماشي ساهل ومايهبش يفسد هيبتو قدام الناس ..وزيد ياك قالك نطلقها بعد مدة....خلاص ماتكسريش راسك..
كوبات معاها...وصلت للدار
طبطبت حلت عليها نورسين..
شبيلة: واش حوالك مرت خويا..
نورسين: لاباس...بخير..
شبيلة: وين رايحة..كاشما عندك عرس...
نورسين: لالا..علاش لازمني عرس باش نتهلا في روحي..
شبيلة: انا قلت..الا على جال خويا..مايحبش المكياج...كل لبنات الي عرفهم..زين طبيعي..وطول ووقفة...
ماعرف واش عجبو فيك..
نورسين: انا نعدل لروحي ماشي لاي واحد...ودوك سامحيني عندي شغالات...
شبيلة: تفضلي.. .
بعد مدة لحقت امو وهيبة..سلمو عليها..ودخلو فاليزاتهم( ياربي هذو راح يقعدو معانا)؟؟
وصل نوفل ومعاه احمد..دخل للكوزينة...شافها واقفة...تقص في السلاطة...دورت عندو تبسم وغمزها...عاودت تبسمت معاه..فات سلم على امو..واختو..نحا الكومبا..لبس سريفاط فلبلونوي..وتريكو نفس اللون...
حطو لغذا...ودايرين يحكو...
الحاجة صفية: تبارك الله عليك بنتي طيابك تخفة...
هيبة: صح نورسين.مع انت صغيرة وتعرفي تطيبي..
شبيلة: كان حاجة القش ماتعرفش تغسلو..
خزر فيها نوفل: شبيلة..سكتنا..
خافت وسكتت خوها لكبير وكلمتو ماتزيدش عليها..
احمد: خالو اليوم دخل لقسمنا...هكذا لولاد يغيرو..مني ويخافو
نورسين: ههه وعلاش يغيرو..
احمد: هو جاء بالكومبا كي يشفوه يخافو منو ويغير و خاطر عندي خالي عسكري يقتلهم كون يضربوني..
ضحكو..كامل..
شبيلة: سيليا كانت تم..احمد
احمد: كانت تم..ماما وهدرت مع خالو..وقالها ماشي هنا الهدرة..
صفية وهيبة شافو في بعض..
نورسين عارفة وعملت حالها ماشي متولهة..شبيلة ترمي فالأسهم...ونوفل شاد في روحو عليها...
كملو غذاهم....فوتو عشية مع بعض وزادو تعشاو وسهرو
شبيلة: هيا ماما تروحي عندي..تباتي
نوفل: يما وهيبة يباتو هنا....
شبيلة: مالا انا نروح...
سلمت عليهم بقاتهم بالسلامة وراحت...
هيبة: ميتة بالعيا راني حابة نكسل بدني..
نوفل: حطو حوايجكم في هذي الشمبرة ترقدو انت ويما هنا...
نورسين حلت عينها( ياربي وانا وين نرقد)
دخلت صفية حلت لخزانة تحط حوايجهم..
هيبة: نورسين هدا قشك؟
نورسين جات عندها: ايه حوايجي..
قاطعها نوفل: خزانتي معمرة..وعلابها نورسين تحط حوايجها تم
..ماشي مشكل نلقاولك بلاصة
هيبة: خلي برك على يومين..نخليهم في الفاليزا..
نوفل: خودي راحتك...
نورسين فاتت جبدت بجامة داتها وراحت مع نوفل...