كرونيك "حبيبي جدارمي "💕 نوفل ونورسين 💕 ؟؟

39

💖حبيبي عسكري💖
الحلقة 39
كمل يلبس.. بزربة...فات عندها....حط يدو على شعرها..
شاف عينيها يترمشو..عرفها ماشي راقدة...علابالو خايفة..منو..
راح جاب قطن..وشاش..ودوا حمر...رجع عندها
نحا عليها..الغطا...يمسحلها جروحها.....مرة على مرة..يسمع منها.. آه. وشادة البكية بين شفافها..
.يتفكر كي عيطت على سامي..قسمتلو قلبو...في وقت صعيب عيطت عليه..استنجدت به...قاساتو ...بزااف... صعيب يتقبلها..وهو الي زعمة تزوجها باش يكون سند ليها...
كمل يحطلها دوا....طفا الضوء وراح...
حست عليه خرج...خرجت البكية الي كانت مخبية..دوا حرقها...كملتها تسعل...
سمعها تكح.....راح للكوزينة...يعملها تيزانة...بالقارص..شد تلفونو عيط لهيبة...باش غدوة يعاود يروح عندها....
..
خاليدة: وين تكون راحت...ياربي وين.
حياة: وانت علاش مالحقتيهاش..كي خرجت..
خاليدة: قلت لك حياة لحقتها ..وهي وكانها طارت..
حياة: ام لحقتيها...ولا قعدتي تتمعشقي مع منجد..مافعمتكش كي عاد عاجبك نوفل..واش تديري بمنجد
خاليدة: لجديد حبو ولقديم لاتفرط فيه.. نعيط نقولو..علابالي يقوم عليا الدنيا ..
الو..منجد..عندي خبر ماشي مليح..
منجد: ربك قولي.. وجهك ديما يجيب غير الشر..
خاليدة: علاش تسب فيا..ياربي..هذيك نورسين خرجت من عندك لقيتها ماكاش..
منجد: عاودي. عاودي واش معنى ماكاش..
خاليدة: ماعلاباليش حوست عليها ..في بالي رجعت للاقامة..كي جيت مالقيتهاش .
منجد: تحوسي عليها..ترجعيها..ولا ماتفراش معاك...نخليهم يحاوزوك..من الكابة..وينحولك الشمبرة..
خاليدة: خلاص بلا ماتهدد نلقا حل..
كوبات عليه تفوه وجه..ن""""
روح ت"""" يان""
حياة: ام.لقديم لاتفرط فيه ..
خاليدة: قودي من وجهي انت ثاني ..ذزتها..وخرجت..
......
شبيلة: عيط تراه لنوفل..سقسيه على هذيك الهم..
كريم: كون لقاها راهو عيط...
شبيلة: تعرف نوفل...مايعيطش...هات انا نعيطلو..
كريم: هاكي..تموتي على الاخبار..
عطاها تلفونو ..صونا ماجاوبهاش..
شبيلة: هاك..ابرد تهنا مايجاوبش..
كريم: واش بي الفاظك شبيلة...تبدلت معايا...اه..انا لي قلت لخوك يزوج بها...انا لي قلت لو..خليها تهرب..علابالي فيك ماعجبكش الحال على سيليا..
شبيلة: معلوم مايعجبنيش...يخلي سيليا..بنت العز والدلال. وبتزوج بهذيك..الهم وزيد كانت متزوجة ومطلقة...
كريم: نوفل اعترفلي بلي نورسين كانت فيارج...
شبيلة: كيفاش؟ انبو سيبل..ياخي كانت متزوجة من هذاك صاحبو الي مات..
كريم: نوفل ماراحش يكذب..والعاليم الله..
حكت فمها بيدها...طلعت حاجبها..لازمها تعرف القصة..قلبها كلاها. .وماتنجمش تقد بلا ماتفهم واش صرا..
....
صفا التيزانة..دارها في بول...حطلها السكر..ومشا لبيتها..
نوفل: نورسين...عدلي روحك تشربي تيزانة سخونة..
مازالها تسعل... ..ناضت .تقعدت عاونها..جبدت يدها..منو..خلاها على راحتها..
نوفل عطاها البول..شدتو عليه..عينيها مبلولين باينة كانت تبكي..
جبد كرسي وقابلها...
نوفل: نورسين...ماشي قصدي نضربك ...بصح خرجتيني من عقلي...يومين غايبة...
قبل مايكمل ردتلو صوتها فيه بحة...وبالكاد يتسمع: ماحاسبتكش نوفل...ودورت وجها الجهة الاخرة..
ذز الكرسي...ناض قاعد بحذاها...نورسين علاش عيطتي سامي..
نورسين ماردتش...( نعرفك ماتبردش يانوفل حتى تعرف)
ماعلاباليش عيطت وخلاص...كملت تشرب..اي..ياماما.
نوفل: واش بيك..
حرقتني التيزانة...
وين وريني نشوف .
نورسين؛ تحرق...ودموعها سبقوها...تحرق هنا...حطت صبعها على شفتها...
قرب منها ...عدا لسانو منين دايرة صبعها...تسمرت بلاصتها..نوفل: خلاص دورك تروح...
هبطت راسها..وكملت تشرب بشوية.. وهو يتفرج معاها كملت تشرب...عطاتو البول...عاونها تعاود ترقد...طفا الضو وخرج..
فات لشمبرتو.....نحا تريكو ...وفات في الفراش.....جات صورتو كي ضربها وهي تعيط..
تنفس بالااه وحاول يرقد