كرونيك "حبيبي جدارمي "💕 نوفل ونورسين 💕 ؟؟

20

💖حبيبي عسكري💖
الحلقة 20.
ناضت قبلو..زربت لبست..فاتت للدوش دوشت بلخف..لقات الحاجة صفية ناضت..سلمت عليها فاتت للشمبرة جبدت روبة ..وسيشوارها..فاتت للدوش لبست وشيحت شعرها..
فالكوزينة الحاجة صفية قاعدة نورسين حطت القهوة ولحليب على النار..
صفية: واش حوالك مع نوفل يابنتي..
نورسين: لاباس ماما...
صفية: ساعديه يابنتي...راه ولادي ترباو مع بوهم تربية قاسية..فرض عليهم حكم عسكري. ومع هذا كان يحبهم وعمرو مانقص عليهم شيء..
نورسين: الله يرحمو ويطول عمرك..
نورسين: تعيشي يابنيتي. نهار قالي نوفل راح يتزوج بك مانكذبش عليك الا قلت لك فرحت...ولدي الوحيد في الذكور يتزوج بوحدة مانعرفوهاش...وزيد ارملة..ماتغيضكش يابنتي ولكن هذا واقعنا واي ام...في مكاني نفس الشي راح تخمم.
نورسين: عندك حق..ماشي ساهلة
صفية: وقتها خبرني انك انت مرت المرحوم سامي...كان كي ولدي حتى هو....يجيني للدار ويبات عندي... كان صاحبو تاع الصح...كي سمعت به مات حزنت عليه
نورسين: الله يرحمو..ماما ومنين يعرفو بعض سامي ونوفل..
صفية: علاش ماحكالكش نوفل..
نورسين حركت راسها بلا..
صفية: تعرفو على بعض في العسكر كي سامي جاء يجوز العامين تاعو..نوفل عاونو..وعطالو تسريح باش مايدخلش..ومن يومها بقاو صحبة...سامي وقف مع نوفل حتى هو..ورما روحو للموت في جالو...ماعندو باش يرجع دين المرحوم....وانت امانة ولازم يحافظ عليك...
نورسين: واش من دين هذا نسمع يقولي عليه..بصح جامي صارحني به..
صفية: سامي ونوفل كانوا يروحو يخيمو...ومرات يباتو في الجبال...نوفل كان راقد وسامي ناض يحوس على عواد يشعلو النار..كي رجع لقا لفعة قدام رجل نوفل..ياخي قريب تقرصو. .رمى روحو فوق نوفل..اللفعة كبشت في سامي...
قعد قداش يوم فالسبيطار ماحطينالوش خلاص لحياة...
نورسين: تتذكر انو سامي مرة حكالها هذ الحكاية...وكتب ربي وعاودت سمعتها...
نزلو دموعها.....وناضت للحليب..
هيبة: راكم مبكرين...
صفية: صباح الخير بنيتيد.ازربي باش نروحو عند ختك..نهزوها ونشوفو الطبيب
نورسين: شكون مريض..
هيبة: انا...هههه راح يدوني للسبيطار عندي تحاليل...
نورسين: ربي يجيب الشفا..
صفية: ماتقلقيش روحك يابنتي..رانا مانجوش حتى لعشية...
كملو فطرو...وراحو يلبسو ..ناض نوفل فات للدوش..شوية وخرج...فات للكوزينة.. لقاها تغسل فالمواعن..
نوفل: ويني يما وهيبة..
نورسين: يلبسو رايحن للسبيطار...
نوفل: ام...وانت واش تديري
نورسين: كي العادة....
نوفل: نجي نروحو نتغذاو..
نورسين( ههه هذا واقيلا كي رقدت معاه مخو تبدل): كما تحب..بصح الا ماجايش قولي باش مانبقاش نستنى..
نوفل: نجي...غمزها وناض..
كمل يلبس صادفاتو امو وهيبة. سلم عليهم وخرجو مع بعض..
فاتت للشمبرة..ديراكت لبلاصتو كي العادة تمرغ وجها في مخدتو..وتشبع من ريحتو...تحضن لمخدة.. وتكبس عليها...( نعشقك حبيبي نوفل..) دورت عينيها للسقف: واخرت هذ العشق..وهو ماشي حاسس بيا....اخرت كبرياؤ.. وضعفي...حبيت سامي عامين..وكنت نظن بعدو مستحيل نحب راجل..وين يبان حبي لسامي..معاك يانوفل...أقسم ان عشقك..زلزال اذا ماتحركت نبضاتي.. انهار بداخلي ركام الشوق...اه يانوفل)