كرونيك "حبيبي جدارمي "💕 نوفل ونورسين 💕 ؟؟

12

💖حبيبي عسكري 💖
الحلقة 12
دخل لشمبرتو. نحا حوايجو..لبس شورط ..ومن فوق عريان...
نوفل: عندك حق يانورسين..هذا ماسموش زواج...واش ندير ياربي...سيليا وعدتها عمري مانكون لغيرها...زواجي مع نورسين...باش نخليها تهرب من دارهم..امانة تاع سامي...لازم نفاتحها في الموضوع...نعطيها دراهم وتروح تعيش ...وحدها.
.
.......بعد ليلة طويلة عليهم الاثنين...
ناضت متوخرة شافت فالساعة لقاتها 7.خرجت..صابتو فالكوزينة..يحط فالفطور..
نورسين: داني رقاد....ومانضتش...
نوفل: ماشي مشكل...خذي راحتك...
نورسين راحت غسلت....ورجعت قعدت مقابلاتو....
نوفل: عندي هدرة معاك..نورسين..
نورسين( اول مرة ينطق اسمي): تفضل...نسمعك..
هز راسو شافها تشوف في عينيه....مقدرش ينحي عينيه..منها..
نورسين: نسمعك..تفضل..
نوفل: والو...كنت راح نسقسيك كاشما تسحقي..
نورسين: والو...
ناض خارج....
نورسين: ماعليش تجيبلي بيتزا..
نوفل تبسم حرك راسو وراح...
.....
كملت فطرت....خملت الكوزينة..وحطت لغذا على النار...دخلت لبيتو ...لقاتها نقية..مرتبة...ريحتها تخليها تتبسم وتتنفس بقوة...هزت حوايجو تاع الرقاد..شمتهم..وطواتهم فالخزانة...
خرجت...كملت شغلها فات الوقت..شافت مع الساعة...قرب يجي...فاتت عدلت روحها..لبست روب قصيرة وطلعت شعرها..ذيل حصان...
حست بالمفتاح كي تحرك..قلبها ماعرف لاه يضرب...الباب تقفلت..شافاتو دخل...حط القضيان على الطابلة...
نوفل: هذي البيتزا تاعك....
نورسين: فيها فرماج..
نوفل: ايه فيها..
نورسين: خليه حتى يبرد..نحب ناكلو ماشي ذايب..
نوفل: اوك..نغسل ونجي..
لمت القضيان ...هو دخل يغسل..نحا الفاست تاع الكومبا بقا بتريكو دومي مونش في لقري..مزير على يديه...
رجع ...قاعد فالطابلة...يشوف فيها كيفاش تتحرك...روبتها قصيرة فخاذها الكل يبانو...
نوفل: بردتلك البتزا..
قربت منو تطل عليها..صدرها جا في وجهو..
نورسين: خليها تزيد نص ساعة...مازال الفرماج ذايب فوقها..(الفرماج الي قدام وجهو يانورسين..واقيلا ماشفتيهش😂😂)
نوفل: اوك..كما تحبي..
فاقت لروحها زربت بعدت عليه...
نورسين: ياربي الملح ويني...
وين درتها انا
نوفل: نجي نحوس معاك..
نورسين: نسيت وين خبيتها...
ناض يحوس معاها...
شافها فوق الرفوف...
جبدها وعطاهالها..
نورسين: ياي..اخيرا..
قربت منو باش تديها...
عينها في عينو..
طلعت راسها عندو..مالقات روحها غير باساتو من رقبتو..شيء فيه خلاها تعمل هذي الحركة...عينيه المغروسين في عينيها جذبوها بقوة....ريحتو..الي تذوبها..وعضلاتو...شيء اخر...يخلي مخها ينحرف..في جهة ثانية..
نوفل مسمر مكانو..الجاست الي دارتو..خلاه يتبسم...شاد روحو عليها....هي امانة صاحبو..مازال ماحب يلمسها...مايحب يقرب ليها ديما عامل حواجز...بينهم..
عينهم مازالو في بعض..
نوفل متبسم: عجباتك...
نورسين: شكون هي
نوفل حط يدو على رقبتو ': هذي..
نورسين حطت عينها في الارض جات رايحة..
شدها من يدها..هزها فوق البوطاجي...باش تجي قدو..
نوفل: نهدر معاك جاوبيني..
نورسين: سامحني...نوفل..دورت وجها بعيد..
نوفل قرب شفافو منها...وفجأة عاود جات في بالو صورة سامي..
حطها للارض...وراح..
نورسين: انا دابة..بقرا....
طفات على الغذا ودخلت شمبرتها...سمعها كي دخلت جرا للباب..
نوفل: سامحني يانورسين..مانقدرش نخونو...سامحيني...راني نتحكم في روحي..على جالك..مانحبش نعمل معاك حاجة ومبعد نخليك ونروح عليك...
هي حالتها اكثر منو..تشوف للباب وفي بالها الف حاجة( علاش ياربي...انا هنا...هذ الانسان..بكل غموضو وقوتو..سحرني في لحظة..نسيتك ياسامي..وتجرأت نبوسو...واش درت انا واش يخمم هو دورك)
حلت الباب لقاتو خارج..
نوفل: راني راجع للخدمة.
نورسين: ماتغديتش..
نوفل: ماعليش خليه للعشا..وانت كولي لبيتزا تاعك تكون..بردت.
حركتلو راسها هي فاتت لكوزينة وهو خرج