سلمت نفسي المعاناتي
وامتلأ مركب خطيئاتي
ياترى تكفي اعتذراتي
ويلي ويلي
مبقه غير اعتذراتي و سؤالي
ايست وذنوبي اوسع من خيالي
وين اروح وعشعش الموت اعله بالي
واعرفت بالماله اول ماله تالي
حيرتي والدمعه سجابه
فكرت منهو الادك بابه
ضايع وملتني حسراتي
ويلي ويلي
الليله جمعه وصحبتي مروا علية
ادري بيهم قصدوا ارض الكاظميه
ودي امشي لكن العلة خفيه
بيش اواجهلي امامين و زجية
ساعة لن فارس اجه ينادي
انصحك تمشي لابو الهادي
وابتده يمسحلي دمعاتي
ويلي ويلي
قلي امشينه و قره ودموعه تجري
والعجيبه تفاجئت يقرالي شعري
مدري اطيح اعله الوجه مدري اعله ظهري
واني كل هذه وافكر شنهي عذري
موقف يهد الرواسي مر عليه
حيرتي من فوق مهري ابلا ايديه
مدري اطيح اعله الوجه مدري اعله ظهري
وانه كل هذه وافكر شنهي عذري
مانشف دمعي عله ادموعه
من ذكر زينب حنه ضلوعه
هيج ابصوته جراحاتي
ويلي ويلي
استغربت منه وبده يقرب الية
قلي غفران الذنوب ابهالمسية
لو ردت ترضي النبي و حامي الحمية
الطم وانحب عله الراحت سبية
لو ردت تسال عله الزهره هالمسه موجوده بالحضره
قررت اوصل لمولاتي
ويلي ويلي
قلي يم باب المراد ابرز هويتك
قله اني المذنب ونادم اجيتك
ابخنصر احسين ودمع زينب نخيتك
حاشى ارجع منكسر ترضه حميتك؟
سلم وصيح بدمع سايل اقسم اعليك بابو فاضل
واعترف كثره اسائاتي
ويلي ويلي
كتله يا وجه السمح عالي مقامك
انته منهو و غرقتني باهتمامك
املكت عقلي بسكوتك و بكلامك
قلي اني المهدي و مولاك و امامك
رايتي بالطف تناديني كل مسه زينب توصيني
بالسبي لاتنسه ثاراتي
ويلي ويلي
بس درت وجهي اختفه هاي المصيبه
لني بالحضره و مواكبنه العجيبة
واسمعت ابو الهادي ونحيبه
ماكو غربه يكول بس زينب غريبه
من اجت تنظر لابو الاكبر
والشمر من يكطع المنحر
والاشد مسبية عماتي
ويلي ويلي
على المسموم يا ويلي على المسموم
انا من طوس اجيتك والقلب دامي
مثل جدك لكيتك منجتل ضامي
صحت يحسين شفت حسين گدامي
انا المسموم واعرف ونة المسموم
يبو عمر الورد ذبلت رياحينك
جرح قلبي يبويه ابطول عشرينك
متت ضامي تريد اتواسي لحسينك
تواسيك الزجيه يال متت محروم
يتربيت السمه عرفوا بتربيتك
حفروا بيرهم لمن كبر صيتك
ينفذون الجريمه من وسط بيتك
حقد وام الفضل تتكلف الملزوم
ثلث ايام مرمي والشمس تصهر
مثل. جدك لجن ماكو گطع منحر
ولا خيل التدوس ابصدرك وتعثر
ولاسلبوا اعيال وسلبوك اهدوم