ليلةّ أحزان وعزاء
موكب أملاك السماء
نازل إيشيع علي ، نازل إيشيع علي
قُلْ هوَّ ربْ الخليقة ، ابصوت قُدسي يعتلي
ياملائكتي ابسمائي ، إسمعي القول الجلي
هالتي النوريه منها ، عله جناحج إحملي
وانزلي ابهيئة مواكب ، شيّعي يله علي
أنتظري هِسه بالسمه
خل تجيكم فاطمه
تمشي ماتسرع علي ،، تمشي ماتسرع علي
**********
ياجلالةّ نعش أبيض ، هالملايك شايله
نعش شايل ريحة الله ، بس علي يستاهله
وكأني وبخيالي ، أمر من رب العُلا
بالنعش ها ياملائك، خلوا تُربة كربله
التُراب أيكون بي
من التَل الزينبي
سورته اتروع علي ،، سورته اتروع علي
**********
امغيرة السبعه العظيمه ، لونها لون الدمه
كولشي يصرخ واعلياً ، صرخة جداً مؤلمه
أمر رب الكون ميكائيل ، بطباق السمه
مدّ جناحك للحبيبه ، خلي تصعد فاطمه
النزله صعبه ابــهالوضع
هوايه يلجمها الضلع
نازله اترجع علي ،، نازله اترجع علي
**********
وصـلوا الدار ابو الحمله ، والصدى القُدسي عله
ها ياإسرافيل حضر ، بيدك لحيدر چفن
راح جبرائيل يم حسين وادموعه جرن
مره يرجع بالمدامع ، يحظن ابجنحه الحسن
منحني وگلبه جمر
ايدور اعله أُم الخدر
گلبه متگطع علي ،، گلبه متگطع علي
**********
أقحوان الحزن عطره ، بدمع زينب يختلط
الحور آيات الرزية ، اباب بت حيدر تخط
كل ملك نازل يعزي ، لزينب ابعود السبط
لازم ايمر لابو فاضل ، منه يستأذن شرط
بيا علامة ينقبل !
ايبوس جف ابوالفضل
ابظله وتودع علي ،، ابظله وتودع علي
**********
شالوا ابعز و مهابه ، لحيدره ذاكه النعش
من احرورتها المدامع ، بالجفن ماظل رمش
علي هذا الــ عالترايب ، صعبه جسمه ينفرش
علي يستاهل أكيداً ، مگبرة يم العرش
كل موالي من الشغف
ابگلبه سواله نجف
نور بس ايشع علي ،، نور بس ايشع علي
**********
كلمات الشاعر : حاتم صبري الكاظمي