جـابـر مـا دريـت شصار..... بالطف ونواحيه
ومـا تـدري بخدر زينب.... راح ومشت مسبيه
يـجـابـر من دهتنه الخيل.... ريتك حاضر بهالدار
تـعـيـن مـودعـة حيدر.... مابين النهب والنار
مـن خـيـمـه لـعد خيمه... تلم أيتامها وتندار
ونـوبـه إلـي ترد ردود... عليّه ولعد حالي تعود
وانــا بــحــجــر الأجــل مـمـدود
أعـالـج وانـزع بـروحـي.....بالشدات مبليه
يـجـابـر كـربله هذي... بصوت الحزن ناديها
وانـشـدها وتسولف لك.... علينه وشنذبح بيها
خـوفـي عليك لا تنصاب.... من تسمع محاچيها
لاچن كـون تـتـورع.... لا تـفزع ولا تجزع
گـلـبـك خـاف يـتـگـطـع
مـثـل بـالدهر من گطع.... علي الأكبر نواضيه
يـجـابـر مـا تناشدها.... تصيبك كربله بسهام
تـطـفـي شمعة وجودك... مثل شمعة عرس جسام
وخـوفي يندهش حالك.... وتصرخ صرخة الأيتام
مـن جـارت عليها الگوم... مثل زينب تظل تحوم
نـوبـه تـعـثـر ونـوب تـگـوم
وتـتـحـيـر بـهـالـوادي.. وتنصاب بمراميه
يـجـابـر حـن على حالي... وناشد كربله وياي
شـلـهـا ويه الطفل عتبه... وماتسجيه شربة ماي
جمرة عطش (( عبدالله )) .... تشب وتنطفي بحشاي
خـوفي بالنحر ينصاب... مثل نحر الرضيع صواب
گبــل حــرمــلــه وهــالــشـاب
يـجـابـر شـفـت نشابه..... بدم الطفل مطليه
يـجابر وارد اسولف لك... خايف يندهش نوعك
وسـهـم الـعلگمي يرميك.. ودم تتفجر دموعك
والـخـيط ضلوع حسين.... خوفي يخيط ضلوعك
بـس بـالـنـوح سـاعدني.... يجابر لا تناشدني
عـلـى بـويـه حـسـيـن تـضـهـدنـي
جـانـه الـمـهـر مخضب.... بدم جروح راعيه
يـجـابـر مـا چنت حاضر تشوف إشلون مرينه
عـلـه نـوگٍ هـزل چنه إنودع إجسوم أهالينه
مـفـجـوعـيـن مسبيين فوگ السبي إمچتفينه
وآنه إبسلسله مشبوگ ... وإبچبدي يمس الطوگ
والــشــامــت حــده بــالـنـوگ
إو عـاف إجـسوم أهالينه ... على التربان مرميه
يـجـابـر والـدرب كله عالناگه چنت مطروح
ثگل الگيـد ضـاهـدني إو ماردني ثجيل النـوح
تـغـيـب الروح من جسمي والجسمي ترد الروح
يـجـابـر سلمت أمـري... لله إو مدرع إبصبري
إو مــن نــوحـي إنـكـسـر ظـهـري
يـجـابـر لو ردت آثار ... شوف إضلوعي محنيه
يـجـابر وأرد أسولفلك مصيبه الگلب منها إيذوب
خـايـف ما تشاگفها إو تگع من الرمـي مصيوب
طـبـتـنـه عـله إبن إزياد فتحت للشماته بوب
وإبـديـوانـه وگفـتنه ... إشلون إسهام صابتنه
مــن تــســمــع مـصـيـبـتـنـه
يـجـابـر يـنـفگد صـبرك ... إو تتغير معانيه
يـجـابر بعد جـور الشام وإسهامه التفگس العين
خـايـف تـنـرمـي بيها إو تصبر ما إلك تمكين
تـشـاهـد زينب إبديوان توگف وإحنه متگيدين
إو لا مسلم إليدخـله ... إو لا واحــد من المله
يـصـد لـيـزيـد وإيـگـلـه
إشـفـاف إلچان يـلـثمها ... محمد ليش مدميه