[ الثلاجة من إيطاليا و الغسالة من فرنسا ]
___________
اليوم التالي / الساعه 7:30 الصبح
كوك و جون بيتاوبوا في الصاله على الكنبه جنب بعض بيبصوا في الفراغ من كتر النعاس
نامجون بنعاس : هو انت معرفتش تنام انا كمان ولا ايه؟ كوك اتاوب بشده و اردف : تاي بيشلت جامد اوي.. اوي
نامجون اتنهد : الحال من بعضه.. شخير جوني عملي ثقب في الأوزون قصدي ثقب في طبله وداني
جين طلع فجأه : بلا طبله بلا رق.. قوم البس يلا عاوزين نروح الورشه علشان نشوف صرفه في العربيه دي
نامجون بصله بصدمه : الساعه سبعه الصبح يا ابني!!!
جين و هو بيتني كم القميص : كل ما كنا بدري كل ما كام احسن
نامجون بعدم تصديق : هو احنا في طابور المدرسه!!
جين اتنهد و حط ايده في وسطه و شاورله : قوم يلا
فضل يأفأف و يدبدب في الأرض بعدم رضي و جين وراه بيفكره انهم نازلين : يلا بسرعه قبل ما حد يصحى تاني
كوك إلى كان نام بالفعل و هو قاعد ، بعد دقايق جين الإ بيلف ورا نامجون إلى لبس هدومه و بيزن : يلا يلا يلا
نامجون سد ودمه بأيده و جين وراه سحب مفاتيح العربيه التانيه و خرجوا بره الشقه قفلوا وراهم و مع قفلخ الباب كوك نزل على الجنب مدد على الكنبه نايم في سابع نومه مش حاسس بأي حاجة حواليه
بعذ ساعتين..
كوك بدأ يصحى من النوم على حاجة بتلعب في وشه مش عارف ايه هي و ثقل عليه غريب ، فتح عينه بالتدريج لقى تاي قريب منه جدا و نايم عليه بكل ثقله بس مشفش القلم الأسود إلى فى ايد تاي بيلعب على وشه بأشكال مختلفه
كوك بصوت ثقيل متعجب : انت بتعمل ايه؟!
تاي رفع عينه لما انتبه لكوك إلى بيبصله و اردف بنبره مرحه : سوورربررااييززز
كوك : سوربريز.. لغات اوي يعني ! الله يرحم ابوك كان بيستحمي بالخرطوم في الجنيه
تاي دور عينه و قام من عليه و قفل القلم و لوح بيع قصاده : على العموم انصحك تبص في المرايه لأن ديكور وشك اتغير بفضلي انا
مفهمش و بصله بتعجب ف تاي اتحرك بعدم اهتمام و ببطء ف نو راح مادد ايده لموبايله فتح الكاميرا الاماميه بص فيها للحظات اتصدم بعدها رفع رأسه لتاي إلى وقف مكانه و اردف بابتسامه هبله : ايه.. عجبك ؟؟
رمي الموبيل و قام بغضب من على الكنبه و جرى وراه في الشقه و تاي بيضحك : كيم تااايييهيييوووننغغغ
.
تحت قدام العماره..
نزل جين من العربيه ورا نامجون إلى نزل بالفعل : اسمعني بس مفيش حل تاني غير كده!!
نامجون بانزعاج بصله : بقولك ايه .. اخرج من دماغي
جين : طب افتح الباب
جون بتشويش : ايه؟؟
جين : علشان اخرج من دماغك
و بدأ يضحك بشده على النكته السخيفه و نامجون بصله من بعدم تصديق.. يعني شرف هم في ايه و هو بيقول ايه
بدأ يتذمر طول ما هو طاله السلم لحد ما فتحوا باب الشقه سمعوا أصوات زعيق كتير و اول ما دخلوا لقوا كرك و تاي بيجروا ورا بعض في الصاله و جيمين متربع في النص حاطط ايده على خده بيتفرج عليهن و عمال يقول : الكليه.. الكليه يا جدعان.. الكليه يخربيت الكفرا!!
جيهوب بيجري ورا ييرين إلى ماسكه الكوتش بتاعه إلى عجبها شكله و مش عاوزه تديهوله و هو متأخر على الشغل اصلا : جززممتتييييي
أم جين خارجه من الطورقه بتتكلم في التليفون : ايوه ايوه.. لا متقوليش حاجة الا لما تتأكدي و لو بعد شهر و بعدين لو خايفه علي السفر خليكي مكانك عادي انتي عارفه انها هتخليهم ييجوا في الاجازه و ساعتها ابقى اتكلمي براحتك
جوني بيقلب في موبايله بملل في وسط كل الهلومه دي ، يونغي خارج من المطبخ وقف جنب جين و نامجون المصدومين من المشهد و في ايده فنجان قهوه مضبوط و رايق ولا حاجة هتعكر مزاجه : صباح الخير.. ايه الاخبار؟
نامجون بصدمه : ايه الي بيحصل ده؟؟
يونغي : لا عادي ده الطبيعي انتوا عارفين.. المهم هتروح الشغل النهارده و لا نضربه اجازه؟! الصراحه انا عاوز اجازه
جين بصله بصدمه : يونغي عاوز اجازه!!! دي نهايه العالم دي ولا ايه؟!!
يونغي مداهوش رد و دخل جوه و هو بيشرب ، كوم حاس بيعدي من قصاده بيجري علشان يحاول يمسك تاي راح شده من قفاه لورا خلاه تكنه بيجري على الهواء و وقفه قصاده : روح البسوا اتأخرتوا على الجامعه.. و ابقى تعالى عدي عليا اديك مفاتيح العربيه احنا مش نازلين النهارده
عينه دمعت من الفرحه : اخيرا هسوق.. ياااااييييي
طلع يجرى على جوه يلبس و نسي خناقته مع تاي ، جيمين نزل من على الطربيزه و راح ناحيه يونغي باسه في خده بخفه و اردف قبل ما يدخل جوه : شكرا يوني
يونغي شرب من قهوته و اردف للي دخل : اي خدمه
ييرين بتجري و مش شايفه قصادها بالجزمه بتاعه جيهوب راح يونغي خبطها بالكتاب في رأسها وقفت مكانها ف سحب منها المواشي رماه ل جيهوب إلى كان بيجري وراها إلى مسكه على طول في حضنه و لبسه : شكرا هيونغ
في ثواني كان بره الشقه اصلا لأنه متأخر ، ييرين تصنعت أكن نفيس حاجة حصلت و عدلت شعرها الوهمي المتطاير و رجعت دخلت جوه تاني
نامجون مصدوم : انا عايش في بيت مجانين
تاي الي فجأه لقى نفسه بيجري من اللاشيء خرج بره للصاله : هو انا بجري ورا نفسي و لا ايه؟!!
.
.
في العربية..
واقفين في اشاره حمراء بقالهم حبه حلوين بسبب إصلاحات في الطريق و مش هتتفتح قبل ثلث ساعه او حاجة زي كده ف كان الجو ملل جدا و كويس ان لسه على المحاضره ساعه يعني هيلحقوا يحضروا اكيد
تاي نفخ و طلع من شنطته ورق متدبس في بعضه و سأل : جبت العصير إلى قولتلك عليه؟؟
كوك من غير ما يبصله حتى : جبته
تاي سكت شويه بعدها أردف : عاوزين نبقى نروح محل بيبع هدوم سبورت زي بوما أو كده علشان عاوز سويت شيرت و مش لاقيه في اي محل عادي.. ابقى فكرني
كوك بتملل : حاضر هبقي افكرك
تاي : شكرا كوكي
كوك : عفواً
جيمين فجأه طلع من الكنبه إلى ورا و سند على الكرسين بتوع كوك و تاي : انا دايما كده قاعد ورا و انتوا قدام.. انا حاسس ان انا خارج مع بابا و ماما علشان قاعد ورا دايما!
تاي كتم ضحكته و أردف بتمثيل : تحب نشتريلك حاجة يا حبيبي؟؟
كوك عاش معاه الدور : تحب نعدي نشتريلك حاجة المدرسه للسنه الجديده يا صغنن
تاي : تحب تاكل؟
كوك : تحب تشرب؟!
تاي : تحب تدخل الحمام بالمره؟!
عبس و دور عينه بانزعاج : شكرا يا ماما
كوك و تاي ضحكوا عليه و هو فضل عابس ، بعذها بدقايق..
كوك بنفاذ صبر : ففف يووه بقى هو الطريق ده هيتحرك امتى بقى؟!!
جيمين بيلعب ورا علي الكنبه في فونه : لما الإصلاحات تخلص في الطريق
نفخ تاني و حرك صوابعه على الدركسيون بوتيره منزعجه بسبب الانتظار الطويل و هو بيكره الانتظار اصلا ، تاي بص في الورق شويه بعدها أردف فجأه : انا عندي فكره نمشي بيها الملل إلى احنا فيه ده
جيمين بحماس : ايه ايه قول
كوكي بتملل بيكتم حماسه : ايه هي ؟
تاي بحماس و سعاده : معايا سيناريو لـ مشهد تدريبي مش تبع المسرحيه بس المفروض كنت اعمله مع بنت من زميلاتي في المسرح بس اليوم خلص و معرفتش فـ ايه رأيكوا حد يمثل معايا و حد فيكو هيبقى البنت
جيمين و كوك في نفس الوقت : مش انا
جيمين رجع ورا على الكنبه معرباً عن رفضه الفكره، تاي عبس و أردف : ليييه طيب!!!!
كوك بانفعال : انا مستحيل اقوم بدور البنت اببدداااا.. كل العضلات إلى فيا دي و تقولي بنت!!! الدور ده ليك احسن صدقني بسبب بطنك إلى عامله زي الحامل في الشهر الأول دي!
جيمين : و انا اصلا مش بغرف امثل ولا ليا في التمثيل اسطفلوا انتوا الاثنين ما بينكوا و انا هتفرج بس
تاي عبس علشان يجذب عاطفه جونغكوك و قعد يرمش كتير : كووككييييي
كوك بتصميم : مستحيل!!
عبس اكتر و انتحب بصوت عالي : لييييييه؟؟!؟
كوك : ده الي عندي مش عجبك مش شوف غيري
تاي : مهو جيميني مش بيحب التمثيل ولا عارف يمثل!
كوك : يعني انا الي اعرف!!
تاي عابس ببراءه مصطنعه : بس انا بتمثل على جينو كتير علشان تاخد منه فلوس و انا مش بقوله علشان ا..
كوك عينه قعدت توسع مع كلامه و فجأه قاطعه : خلاص
تاي ابتسم بوسع : هتعمل دور البنت؟؟؟؟
سكت شويه و بصله رد رد نهائي : لا
تاي انتحب تاني : ييوووووه بقاااااااااه
كوك بعدم اكتراث : مش عجبك.. متمثلش اصلا!!!
تاي نفخ و اتكتف : عندي جدا
جيمين بيحاول يهدي النفوس ف راح طلع قدام سند على كراسيهم : يا جدعان استهدوا بالله مش كده و بعدين كوك اول مره يمثل و يوم ما يمثل اكيد مش هيمثل دور بنت او واحده ست.. لكن تاي انت المفروض عندك الموهبه اصلا يعني تقدر تمثل بكل الأشكال و تبرع فيها.. مش كده ؟!
الاثنين اقتنعوا بكلامه فـ تاي اتنهد بقله حيله : طيب خلاص ماشي.. بس التزم بالنص!
كوك مدله ايده : فين النص؟! بيتكلم عن ايه اصلا؟!
تاي مدله الورق : بيتكلم عن واحده و خطيبها بيتخانقوا على مين الي عليه ايه في الجواز
كوك تنح و ثبت مكانه فـ تاي سأله ببلاهه : ايه؟؟
كوك بصله بنص عين و متكلمش سحب منه الورق و بص فيه و تاي قعد يرغي على دماغه : و بما اني حافظ الدورين ف انا مش فارقه معايا اتقمص انهي شخصيه المهم اوك تديني الاحساس علشان اخرج نفس الممثل إلى جوايا و متدمرهاش بتمثيلك إلى مش ولا بد منه و كمان لازم تحفظ النص كويس غلشلن تعرف تقول و اـ
رمي السيناريو عليه علشان يسكت : خلاص حفظت
تاي بتعجب : ازاي!
بفخر بصله : ده انا احسن واحد في أي حاجة يا ابني انت متعرفش لقبي الجديد ولا ايه هه
تاي دور عينه على كلامه فـ جيمين مد ايده و سحب السيناريو من حضن تاي : انا بقى هبص على الكلام و انتوا بتقولوا هشوفه صح ولا لا
.
.
# في الجامعة
شيون ماشي في ساحه الجامعه وشه عليه علامات انزعاج عمال يفكر في حاجة شاغله باله و مركز في إلى بيفكر فيه جدا مش واخد باله من الي راسي وراه عليه علامات شر و ناوي يسرعه بعد لحظات
" هو انا ليه بقالي شهرين بحلم بنفس الكابوس ده ففف يااااااااااا هتجنن"
نعكش شعره بـ انزعاج و إذ فجأه حس بضربه قويه من ايدين اثنين كسرتله ظهره كان هيتكفي على وشه من قوه الدفعه : شييوونننييييي.. المحاضره هتبدأ ما تجري!!!
لف بأندفاع للي دفعه بقوه و سرخ في وشه : انت مجنون!!!!
مينجي عمل نفسه من بنها : ففففف ليه رده فعلك أوفر هو انت ليه دايما كده؟!!
نفخ و حرك ايده ما بين حواجبه بيحاول يخفف الصداع : مفيش.. بس في حاجة شاغله بالي بقالها فتره و مش عاوزه تروح
بفضول كبير : ايه هي ها قول قول قول ها ها ها؟؟؟
بصله بغضب و علامات غصب فوق رأسه فـ مينجي سأله ببلاهه : ايه؟!
نفخ تاني و ملامحه ارتخت شويه : بقالي شهرين بحلم بنفس الحلم بنفس الشخص معرفش ليه!!!
مينجي : بـ مين طيب؟!!
شيون : بنت عمي اللزقه
مينجي سكت شويه و نقط فوق رأسه من الفراغ بعدها اردف : اتأكدت من نفسك طيب؟
ملامحه ظلمت لما فهم قصده و اردف بنبره مظلمه : انت عاوز تموت؟!
ضحك بخوف و نفى بأيده : لا لا مش عاوز هه هه مين عاوز يعني لا طبعا مش عايز
بصله بطرف عينه و شده من قفاه : يلا نلحق المحاضره
.
.
في العربيه..
تاي : انا عاوز الثلاجه تبقي من إيطاليا
كوك بصدمه : ليه بتجمد الهواء!!!
تاي بصله و نفخ : ماليش فيه بنت عمي جابت الغسالة من فرنسا يبقى انا لازم اجيب الثلاجه من إيطاليا و اغيظها ها
اتكتف في آخر الجمله و كوك نفخ بغضب : يا رب على التخلف.. الصببررر
تاي : ماالليييشششش فيييييييه
جيمين ورا ماسك السيناريو بيقرأه و متابع كلامهم بعينه
كوك : بقولك ايه خرجني من دماغك.. لما تبقي تتجوز ابقى خلي مراتك تجيب الثلاجه من إيطاليا مش كنت المسؤول عنك انا ايه ده!!
تاي اتكتف : مالييشش فيييه يا اما هقولك لـ مامتك على النصبايه بتاعه جين اوما إلى عملتها عليها
كوك بصله بصدمه : انت بتعايرني!!! اه بتعايرني و اصلا عرفت منين؟!!
تاي بفخر : طرقي الخاصه
كوك : طب اولع انت و طرقك الخاصه بقى
جيمين من وراهم : اااَمم يا جماعه.. الكلام ده مش في السيناريو اصلا!
تاي بدأ ينفعل : بقولك ايه كفايه اني سكت لما كسرت مديلتي المفضله إلى جيت بيها من بلدي
كوك : قولتلك وقعت مني بالغلط انت مش عاوز تصدق و بعدين بقى علشان تبقى عارف انا كسرتلك كمان الساعه إلى باباك جايبهالك من آخر سفريه ليه ها
تاي شهق و أردف بانفعال : طب على فكره بقى.. انا كسرت دراع البلاي ستيشن فور بتاعك من اسبوع و خبيته علشان متقعدش تدور عليه
كوك فجأه ملامحه اتبدلت و بصله بـ حده : ايه؟؟؟
تاي اتكتف و اصطنع عدم الخوف مع انه من جوه كل الاجهزه يتخبط في بعضها من الرعب : زي ما سمعت
كوك انفعل : ده انت ليلك ابوك سوداء
تاي انفعل بأفوره : ما انت الي مش عاوز تجيب الثلاجه من إيطاليا!!!
كوك : و ربنا ابعتك لأمك احنا فيها اهو
تاي : محدش يقدر يخدني من جينو اوومماااا اببدددااااا
كوك : و ربنا هحرقلك شعرك إلى فرحان بيه ده!
تاي رمي شعره بوهميه لورا : مش هتقدر اصلا هه
اتعصب ف مد ايده شده من هدومه ناحيته و أصر على سنانه : اقسم بالله ماسك نفسي اني اتغابي اسكت بقى
شد هدومه منه بصعوبه : اوعي كده شيل ايدك دي - انفعل بشده - امال لو بنتعمل كده داوقتي هتعمل ايه بعدين!!!
ابتسم بإستفزاز : انت لسه مشوفتش حاجة
تاي : و تلله لأقول لمامتك
كوك : لا خفت تصدق
تاي : هقولها بردو ها
جيمين : يا جماعه أهدوا في ايه! انتوا خرجتوا من النص و هتخسروا بعض بسبب المشاحنات إلى ما بينكوا دي!
اكنه هواء معدي ولا اي اعتبار ليه اصلا و تاي كمل : طلقني ماليش دعوه.. انا اروح اقعد عند امي بكرامتي
كوك : طب كويس انك عارف انك من غير كرامه معايا
تاي انفعل : تف من بؤك!!!
كوك : اتتففووو
تاي : انت بتف على وشي!!!!!
كوك : و قال ايه عاوز لما تخلف ولد تسميه على اسم سمعته في مسلسل قديم.. فتحي قال.. انا ناقص شلل!!
تاي : مش لما ترويني شطارتك انت الاول و الله شلكك هتكسفنا في الاخر اصلا و نيجي نزفك احنا و امك لولوي
جيمين : ياااا يا جدعان!
تاي شد منعلي رقبه كوك الوشاح الخفيف بقوه كان هيكسرله رقبته و راح ربطها دماغه من فوق خلا كل شعره كره و بقى عامل زي بتاعه الفجل و ربع على الكرسي و بدأ يندب * مع احترامي ليها طبعا *
كوك باستنكار : مالك بقيت عامل زي قامطه ستي كده ليه
تاي بيتحول حاليا و بيخبط على رجله : انا مش متعتع من هنا الا لما تجيبلي الثلاجه من إيطاليا و ممكن تعدي على فرنسا بالمره تجيب النجفه من هناك
كوك بدأ يتحول هو كمان : لا ده انت اتجننت بقى! ناقص تقولي هدهن حيطان بيتي بـ سبايك الذهب
تاي : اه ليه لا
كوك : اه ليه لا ايه - سرخ في وشه - انت اتجننت يا ابني
تاي سرخ في وشه بالمقابل : مش كفايه اني ساكت انك بتنام معايا في نفس السرير و مش مديني حريتي!!!!
كوك : انت الي داخل عليا يا متخلف ده سريري انا!!!
اتربع و سند ظهره على الكرسي : هو كده بردو زانق عليا
كوك مسكه من هدومه و شده : شكلك وحشك ضربي و عاوزني اغير ديكور وشك مش كده!
تاي شده من هدومه هو كمان : اه اضربني اضربني مهو مفيش حد عارف يلمك حتى امك
كوك : متشتمش في امي!!!
تاي : امك قرعه
و فجأه نزلوا في بعض خناق و ضرب و شتيمه على اللاشيء ، و جيمين في النص مش عارف يوفقهم ازاي و خايف يدخل ايده ما بينهم لـ تتقطع بسبب خناقه القطط السعرانه دي
آخر ما زهق راح زعق فيهم : بااااسسسس بقاااااااااه
تاي : هتجيب الغسالة قصدي الثلاجه بردو
كوك : و انا هتجيبلي دراع بدل إلى اتكسر
جيمين مسكهم من هدومهم و زقهم بعاد عن بعض لورا : بس يا جماعه بس اسكتوا شويه!!!
تاي اشتكى ل جيمين : بص بيعمل و يقول ايه؟؟
كوك : و انت عجبك إلى بيعمله ده!!!
جيمين : يا جدعان انتوا اخوات الله يخربيت الكفرا.. ثلاجه ايه و غساله اايه!! الله يخربيت القرف انتوا زي بعض فوقوا ياباي عليكوا ايه الخرا ده اسكتوا بقى شويه!!
بعد كل الزعيق ده كان وشه احمر و شعره متنعكش و بيتنفس بقوه فـ تاي بص ل كوك و اردف : شكله هيفرقع صح؟؟
كوك : اه باين عليه كده هيطق
جيمين راح وقع على الكنبه ورا مغمى عليه من برودهم
كوك فجأه داهم تاي بـ بوكس : خدي دي
.
.
في الجامعة
تاي في التدريب المسرحي على المسرحيه إلى آخر الاسبوع و المخرج هيموت منه لانه كل شويه يغلط في نفس الجمله و يعيدوا تاني من الاول : يا ابني يا ابني ركز بقى طلعت عين امي قول الجمله صح لله بقى!!!
تاي : سوري يا استاذ اصلي عندي برد - مسح على منخيره مكان البوكس إلى اخده من كوك لما كانوا في العربيه و همس - اه يا مناخيري منك لله يا كوك الكلب
المخرج : خلاص يلا من الاول.. حسام كويس انت لسه واصل.. تعالى خد مكانك بدل يزيد لأنه عنده محاضره
يزيد إلى قدام تاي شاورله : سلام يا فؤش
تاي رفعله ايده و هو نزل من على المسرح : سلام
تاي تمتم بينه و بين نفسه : فؤش ايه! هو فكرني محمد فؤاد!!
الولد وقف قصاده و مد ايده : انا حسام البديل
تاي رد السلام : هلا يا بديل
المخرج : يلا كله ياخد موقعه.. ثري تو وان.. اكشن
الولد اخد مكانه و تاي وقف استخبي ورا الستاره لحد ما يطلع في دوره، الولد : سوف نستولي على المكان مهما كلفنا الأمر
تاي دخل فجأه باندفاع ممثل الدور : لا لن يحدث ذلك ابدا في وجودي - لفه ليه و شده من هدومه - بل نحن من سوف نستولى الكامحه - الجامعه -
الولد استغرب : الكامحه .. مين ده ؟؟
المخرج : اسستتوووببببب
تاي دبدب برجله في الأرض : اعمل ايه طيب أنا في السكام ده!!! - زكام -
الولد : سكام!!
تاي : اه سكام
المخرج نفخ و إني الورق على الكرسي وراه : اعملك ايه طيب علشان تنطق أن الجمله صح بقالنا ساعه نعيد فيها و المسرحيه بعد يومين!!!!
تاي : هاتلي تليفيلي - دليفري -
..
تاي ماشي جنب مينجي بيحكيله أحداث الأسبوع : و جوني و ييرين نونا زعلانين من بعض بسبب غطيان الطرابيزات بتاعه الفرح
مينجي بيعمل نفسه بيفكر : يعني ملاقوش حاجة غير دي يتخانقوا عليها
تاي : ينطبق عليهم المثل.. تيجي في الهيفه و تتصدر هم بقى اتصدروا للهيفه
خلص الجمله من هنا و لقى نفسه لبس في عمود النور بكل وشه و مينجي بص جنبه لقاه لابس في العمود مقدرش يمسك نفسه من المنظر و وقع ضحك على الأرض بقوه لأن منظره زوفت خالص
تاي مسح على مناخيره إلى اتأذت تاني و بقى مخنف : اااخ يا منناخيني - مناخيري -
و مينجي مات على نفسه ضحك اكتر بعد ما سمع خنفرته في الكلام فـ تاي بصله بـ حده علشان يسكت بس زادت الطينه بله لأنه كل ما يبص في وشه يفتكر يفتكر منظره يقع ضحك اكتر من الاول لدرجه ان دموعه نزلت
تاي نفخ و دور عينه مسح على مناخيره : اه بتوجع اوي
في الناحيه التانيه جيمين إلى المفروض كان بيسأل على الحمام لقى نفسه تاه و دخل في ممر تاني آخره أوضه لوحدها جذبه الفضول انه يدخلها فـ فتح الباب على الاخر و بص بادهاش و همس : وااااو
كانت الاوضه كلها مليانه رسومات فنيه معبره أعجب بيها من اول نظره و وقع في حبها فـ رجله شدته جوه علشان يبص بتمعن أكبر ، قطع تامله إلى استمر دقايق من غير كلل و لا ملل : ده لوحه الاميره ديانا لو كانت في القرن ال 18 و نظام الحكم ساعتها ازاي أثر عليها و دي تعتبر من أهم اللوحات إلى رسمتها في الفتره دي
جيمين بص للي وقف جنبه و سأل : هو انت الي راسمها؟
الشاب ابتسم بخفه و حط ايديه الاثنين ورا ظهره : ايوه
الاثنين فضلوا يتأملوا في اللوحه بصمت لحد ما قطع الصمت ده جيمين إلى بصله و قال : انا عاوز اتعلم!
..
مينجي لـ كوك : جبت المعدات؟؟
كوك : ايوه.. كله موجود
كانوا في كافيتريا الجامعه وقت الاستراحه، جيمين قاعد سرحان و بيلعب في خصلات شعره بشرود تام، جنبه تاي الي بيحاول يحط كانز العصير الساقع على مناخيره علشان متورمش و اول ما يتألم يبعدها على طول، شيون جنبهم بيستمع لحوار مينجي و كوك بـ شويه تملل
مينجي : كده تمام اوي.. تحب نبدأ من أمتي؟؟
كوك : عادي في أي وقت بس احسن لما للي عندنا في البيت دول يرجعوا بلدهم علشام نبقى براحتنا
مينجي : اوك.. و انا هعمل اتصالاتي
كوك : معتمد عليك
تاي الي لاحظ سرحان جيمين سأله من ألم مناخيره : سرحان في اى؟؟
جيمين خارج نطاق الخدمه مش سامعه اصلا ف تاي ربت على كتفه ف اتنفض و بصله : سرحان في ايه؟؟
نفى بسرعه و توتر من غير سبب ف تاي استغرب : لا لا م م مفيش حاجة
نزل ايد تاب من على كتفه و قام وقف شد شنطته : انا هروح المدرج عبال ما المحاضره تبدأ.. باي
مشي تحت نظراتهم المتعجبه لـ تصرفاته فـ سأل كوك بتعجب : ماله ده؟؟
تاي رفع كتافه بعدك معرفه : مش عارف
.
.
# بعد الظهر
- شقه الأتراك -
بيضرب ايده في بعضها بعدم رضي و قعد على الكنبه : اف اف اف هم الناس الي قصادنا دول مجانين ولا ايه؟؟
شالت رأسها من المجله : مالهم يعني؟!
بصلها بعدم تصديق : صوت سريخ و رزع و رقع طول اليوم تحس انهم في أوضه تعذيب
رجعت المجله : مالناش دعوه بقى هم حرين سوا
كوراي : و بعدين شكل كده عندهم ضيوف
ناريمان : خليك في حالك متحشرش مناخيرك في إلى مالكش فيه
كوراي : ما انا لازم ابقى عارف مين الي بيدخل و يخرج من العماره.. حراسه أمن داخليه يعني
ناريمان : خليك في إلى انا فيه و انت ساكت و خلاص
نجمي طلع من جوه : هي فين فوطه الحمام؟؟
ناريمان شاورت على إلى قاعد قصادها : هو كالها
..
في منور العماره قدام باب شقه المصريين
إبراهيم بيحسس على الكلب الكبير الأسود الي مطلع لسانه و بيتنفس بصوت عالي : لا حلو.. هينفع في مهمتنا
وراه سلوى و وراها بناتها الاثنين خايفين و سليم ماسكاه في حضنها فاكره انه خايف بس هو مش فروق معاه اصلا
الكلب هوهو بصوت عالي و نطق صاحب الكلب الأساسي : شوف حضرتك عاوزه لحد امتى علشان ابقي ابعت مندوب يرجعه المزرعة تاني
إبراهيم بيحسس على رأس الكلب و مبسوط بيه اوي : سيبه معايا لآخر الأسبوع و لو فيه مد هقولك اكيد
صاحب الكلب : اكيد طبعاً يا ابراهيم باشا.. استأذنك انا بقى و لو عوزت حاجة كلمني
إبراهيم : تشكر يا حبيبي
صاحب الكلب مشي و سلوى سألت إبراهيم بتردد و خوف داخلي : ا ا هو الكلب ده هيقعد فين؟؟
آسيا ماسكه في ذراع امها برعب :' لا يا ماما بليز متخليهوش يدخل عندنا الشقه بليز لا
منه ماسكه في الدراع التاني : لا علشام خاطري بلاش.. انا مش عاوزه اجاي يفتكر اني جبانه انا اما صدقت اصلا
سلوى نكزتها : هو ده وقته
سليم : انا عاوز يقعد معايا في اوضتي
سلوى غطت بؤه بأيدها : اسكت يا واد
إبراهيم ماسك الكلب من السلسلة : هنحطه في البلكونه النهارده و من بكره الصبح هطلقه في الجنينه علشان محدش يقدر يقربلها ولا يدخلها الا احنا
سلوى : طب ما احنا كده مش هنقدر بردو! قصدي إلى تشوفه يا حج كلنا تحت أمرك
إبراهيم تزل لمستوى الكلب حسس عليه و تمتم بصوت مسموع : يا انا يا انتوا يا سكان العماره الحوش دول
..
في شقة السباعي
تاي قعد جنب نامجون إلى كان بيشوف حاجة في ورق الشغل قصاده : نامجون هيونغ!
رد من غير ما يرفع عينه : ايه.. عاوز ايه ؟؟
تاي : انا عاوز اتعلم انجليش و ابقى فلونت زيك كده ممكن تعملني بليز
رفع رأسه و بصله : انت و انجليش و فلونت في جمله واحده؟؟!!
تاي اومأ بثقه : ايون
جون سكت لحظات بعدها فجأه وقع ضحك على نفسه بشده و تاي مش فاهم : انا عاوز تتعلم.. هاهاها نكته حلوه اوي هاهاها لا لا مش قادر
تاي بصله بطرف عينه لحد ما عدي جين و وقفه انتحب : جيينوو هييونغغ
جين : ايه يا حبيبي
تاي شاور على نامجون إلى واقع ضحك : بيضحك عليا علشان قولتله انا عاوز اتعلم انجليش و ابقى زيك و طلبت منه امه يعلمني و دي كانت النتيجه
جين : انا هربيه استنى عليا
جين راح قلع الشبشب إلى فى رجله و نشن على اتجاه نامجون خبطت في جبهته طيرت راسه لورا فـ تاي مستحملش و وقع على نفسه ضحك على منظره و جين بص بـ فخر لـ نفسه و نامجون بيمسح على جبهته بألم
جوه في واحده من الأوض.. يونغي قاعد على السرير ماسك موبايله مش باصص فيه، رافع حاجبه بتعجب للي رايح و جاي في الاوضه بقاله عشر دقايق و مبيتكلمش
يونغي : انت هتفضل كده كتير؟؟ ايه يا ابني فيه ايه؟!!
جيمين مردش عليه و فضل رايح جاي و فجأه في لمح البصر كان قصاد يونغي جنبه على السرير : يونغي هيونغ.. انا هاوز اقول حاجة.. بس مش عارف ابدا منين
رفع حاجبه اكتر : محسسني انك مقدم على خطوبه حد!! ما تنطق يا ابني!!
جيمين : حاضر حاضر هنطق اهو
رمي موبايله جنبه و اتكتف : ها اتفضل
بلع ريقه و أتردد الف مره قبل ما يتكلم : اصلي.. اصل يعني.. اصلي كنت بفكر اني.. ااه اقولهاله ازاي دي.. يونغي هيونغ اناااا.. اننااااا
يونغي : انت ايه خلص!
جيمين : ا ا انا اننااااا انا بـ..
ييرين و جوني في الاوضه التانيه ماسكين في بعض تقطيع و خناق بس المرادي على شكل الكراسي
ييرين : انا قولت الكراسي تبقى بلاستيك قوي و لونها ابيض علشان تليق على أجواء الفرح الساحليه ماليش فيه
جوني : و انا قولتلك ميت مره مفيش العدد الكبير ده من الكراسي و مفيس منها غير حديد اسود!!!
ييرن بتسرخ : ماليش دعوه!! مش كفايه أن غطيان الطرابيزات بقت لون مختلف! كمان هغير في الكراسي!! طب بلاهه فرح احسن بقى
جوني : و الله ده الي موجود مش عجبك اضربي نفسك
كملوا خناق و سريخ قصاد كوك متربع على السرير قصادهم بيتفرج على الخناقه لايف و ايديه على خده : طب ما تجيبوا كراسي خيش احسن!
الاثنين هبوا فيه فجأه : اخراااسسس!!!
سرخوا فيه اتخض و اتنفض و رجعوا يكملوا خناقه تاني فـ قام و هو بيتذمر : انا قايم اصلا تشه
خرج بره الاوضه إلى كلها زعيق وقفه هوسوك فجأه : كوك.. بقولك ايه ما تيجي تساعدني بما ان محدش فاضيلي ها؟؟
اومأله و مشى معاه الاوضه التانيه ، بدأت الأوضاع تهدي شويه مابينهم : ييرين.. خلاص يا حببتي هعملك إلى انتي عاوزه بس اهدي شويه يا ماما صحتك مينفعش كده!!
ييرين : مممم صح عندك حق - ابتسمت - صافي يا لبن
جوني ابتسم : خلاص احنا كده تمام
ييرين ابتسمت و ساد الصمت ما بينهم فـ أردف جوني : سووو.. ؟؟
قربت هي منه و لفن ذراعه حوالين رقبته و هو شدها من وسطها و كانوا هيحظوا بـ لحظه رومانسيه فجأه طب عليهم جيمين قاطعه بقوه : ايه ده اخيرا اتصالحتوا؟؟؟ يا فرج الله
الاثنين بصوله بصمت لأنه قطع اللحظه فـ هو اردف : اعتذرتوا لـ بعض؟؟
جوني : تصدق الحته دي تاهت عننا!!
..
ام جين بصوت عالي بيسمع في الشقه كلها : يلا يلا يا ولاد الاكل جاهز و محطوط على السفره عمايل ايديا وحيات عنيا يلا كلو بسم الله
جين إلى أحد كرسي و قعد : انتي هتذلينا ولا ايه؟ كفايه اني اصلا تنازلت و سبتلك المطبخ بتاعي بـ أدواتي
ام جين قعدت : يا شيخ اتلهي.. ادواتك دي اصلا لدى بتقول عليها من فلوسي و خيري عليك
جين شوحلها فـ هي قلعت إلى فى رجلها و هددته : اتأدب انا لسه امك
تاي عينه لمعت : ياااييي مكرونه شرايط و دبابيس فراخ!!! اكلتي المفضله ياااييي.. شكرا اووممااااا
* جعت T-T *
ربتت على شعره و حطتله في طبقه الاكل : انا عملت ده علشانك علشان تعرف بس غلاوتك عندي ازاي وكمان - حطتله جنبه كوبايه عصير - وده عصير المانجا إلى بتحبه.. طلبتهولك مخصوص
حضن ذراعها بانبساط و هي ضحكت على سعادته الطفوليه، جين دخل الشوكه في طبقه بحقد و تمتم : ذل
جيمين مد لـ جوني إلى قاعد جنبه كوبايه عصير و قاله : اشرب من دي علشان ييرين نونا شربت منها
جوني إلى كان هيشرب رجع في كلامه و وقف : ها؟؟
جيمين حمحم و اردف : في اسطوره تاتا كانت بتحكيهالي أن لما حد بيشرب من نفس كوبايه الشخص الي بيحبه يبقى معناه أنهم هيعيشوا حياه سعيده لكن لو الكوبايه اتكسرت يبقى ببيذل على البؤس في الحياه الجايه
ام جين إلى كانت بتغرف قعدت مكانها تاني و أردفت بسخريه : و الله محدش هيحرق دماغكوا غير جدتكوا دي قسما بالله بأفكار المجانين إلى هي فيها دي - بصت ل جونغكوك - إلا صحيح يا ولا فين السبا و الزفت إلى قعدت تكلمني عليه ده و انت اخدت الفلوس و مشوفتش من وش امك حاجة!!
كان هيشرق في أكله بس قال بسرعه : لسه لسه اصطبري
تاي مال على ودنه و همس بخبث : تحب اقولها أن فلوسها اتفرتكت في كاميرات الكانون و الإضاءة ها
قعد ينغزه بـ كوع ذراعه علشان يسكت : بس بس اسكت
تاي : ول تحب اقولها كمان على الـ..
بصله بـ حده : اسكت!!!
تاي ابتسم بثقه و قرب منه ف بقوا في مواجهه بعض : يبقى هتدخلني معاك في فيديوهاتك!
كان هيتكلم ف تاي وقفه : ولا تحب اقولها؟؟
نفخ بخنق و دب الشوكه في الطبق كل بغل و تاي اصطنع اللاشيء بعدها مال عليه و همس تاني : بلاش بذل ما اخليك تقولي هيونغ كمان ها
دي الشوكه تاني و حشر الاكل في بؤه بغل أكبر، جين نبه : حاسب يا ابني كل براحه الاكل هيقف في زورك كده
نامجون : انا شايف ان موضوع إلى بيقول عليه جيمين ده خرافات و خزعبلات عواجيز مش اكتر مالهاش اي لازمه في أي حاجة في الحياه اصلا
جيهوب : و الله نظريه مش بطاله يلا يلا اشرب
ييرين : راعو أن انا هنا
يونغي بيدعي على الجده : منك لله يا شيخه جننتي الفرده السليمه إلى فينا
جيمين بيشاور لـ جوني على حرف الكوبايه إلى نو اصلا مستعجب من الأمر : يلا اشرب من هنا من نفس الحرف علشان اللعنه قصدي الخرافه تتحقق
كوك باعتراض : ايه يا جماعه نظام الدراما المتخلف ده!!
ام جين ضربته على راسه من ورا : اسكت انت - بص لـ جوني و ييرن - اتشجعوا كده عاوزاكوا تجروا ورا بعض
ييرين مستنكره : نجري ورا بعض ايه!! هو احنا حراميه!!
جيهوب مال على كوك و همسله : هتيجي النهارده معايا بليل مش كده؟!
كوك لفله اومأ و همس : ماشي بس ابقى فكرني
تاي دخل في النص ما بينهم فجأه : بتقولوا ايه ها ها؟؟
كوك و جيهوب زقوه لورا : يا عم غور بقى
.
هوسوك واقف قصاد باب الحمام بيخبط علي إلى جوه : يووننغاااييي اطططللعععع مش قااادددرررر همممووتتت
يونغي بكل بردو بدء لحظات فتح الباب بصله بصمت ف جيهوب زقه بره و دخل هو قفل علي طول و يونغي حرم رأيه بيأس و خرج بره للصاله
تاي قاعد على موبايله على الكنبه و جيمين بيحاول يتكلم معاه و هو مطنشه أكبر تطنيش : انت سامعني اصلا!!!
تاي مش هنا اساسا فـ راح مسك الشبشب و راح ناحيه تاي هدده : انت قد انك تتجاهلني كده!
تايد رفع عينه لفوق بصمت و رجع للموبايل تاني فـ جيمين هدده بالشبشب تاني : ازاي تتجاهل كلام صاحبك كده و ولا أكني بقول حاجة و مش عامله اعتبار
تاي بصله بصمت تاني و رجع للموبايل ف جيمين اتنهد بغضب و راح حادف الشبشب كان هيجيي في دماغ يونغي بس هو وطى في الوقت المناسب فـ جيمين شهق برعب لأنه كان هيبقى في عداد الموت حالياً
أم جين شايله فنجان القهوه بتاعها قعدت قصاد المسلسل جنب بنتها فـ تاي سأل : هو جين و نامجون هيونغ راحوا فين؟؟
ام جين و هي بتشرب من القهوه : معرفش قالوا إنهم رايحين مشوار
اومأ بالإيجاب و فجأه سمعوا أصوات فزعتهم خلتهم يبقوا متعجبين من تحت في الشارع عاليه جدا و حد بيزعق - بلطجي : إلى هيفكر يعدي من الحته دي هعوره و اتعور إلى خلفوه و الي يعرفوه!