[ نـصـبـايـة جـونـغـكـوك ]
___________
# اليوم التالي / الساعه 6:30 الصبح
جين ماسك طاسه و معلقه في ايده بيخبط بيها على الطاسه و ماشي بيدور بين الاوض : اصحوا يا نايمين النهارده يوم جديد مش عاوزين تأخير.. اصصححوووواا
يونغي حذف في وشه المخده من أوضه نومه لجين إلى راقب في الطوره خبطت في وشه : هو انت مسحراتي ما تسكت شويه بصوتك ده مش عارفين ننام
جين نزل المخده و كمل عادي جدا تخبيط و راح عند سرير تاي و كوك : اصحوواا يلا الوقت هيفووتتنناا
تاي بيتقلب و حد رجله على كوك و اتذمر بنعاس : انا و كوكي نايمين بعد 3 سيبنا ننام شويه
جين راح شد من عليهم الغطا : حد قالكوا تسهروا - حط الله و المعلقه على الأرض و شدهم من ايدهم وقفهم بصعوبه - قوموا قوموا بدل ما اكهربكوا و احط ايدك في سلم اللمبه العريان قووووممم
شد تاي بأيد و التانيه كوك دخله الحمام قفل عليه و سند تاي عليه بصعوبه حط ايده ورا ظهره يسنده لأنه بدأ يروح في النوم تاني في حين جيمين قام قعد على السرير بعين مفتوحه و التانيه لا مش عارف يفوق و يونغي قام بيشتم في جين و الي خلفوه
جين اتنهد من تاي الثقيل : انت كلت ايه و ياريته بيبان عليك يخربيت ثقلك أقف عدل بقى ظهري اتكسر - بيخبط على باب الحمام - جونغكوك خلص.. جونغكوك - صوت شخير جاي من جوه - انت نمت!! - سرخ - جيون جونغكوك!!!!
سمع صوت حاجة بتقع و صوت كوك : د ديه صاحي صاحي
اتنهد و عدل تاي الي نام عليه : خلص علشان لسه في ناس وراك كتير في طوابير حضرتك
شد تاي وراه و رجع الاوضه تاني شد الغطا من على جيهوب و زقه وقع على الأرض ف اتخض : قووومم حالا
نفخ و نعكش شعره على الصباح ده : طيب طيب - تمتم بتذمر - هو احنا في معسكر ايه ده!
شد جيمين من ايده معاه بره إلى كان فاضل في الاوضه و جيهوب وراهم و كل ده و تاي نايم على كتفه مسحول معاه ، قعد جيمين على الكنبه و راح ناحيه نامجون بيصحيه : قوم يلا صباح الخير
نفخ و حط المخده. على راسه ف اردف جيمين لما بص في الساعه : الساعه 6 و نص لسه نصحى بدري كده!!
ام جين إلى صحيت من الخبط الكتير و بتتذمر : ايوه يعني ليه نصحى بدري هو احنا ورانا حاجة انتوا شوفوا مصالحكوا و احنا هنا براحتنا
ييرين إلى قماشه النوم متعلقه على رأسها من فوق بتتاوب : ايوه صح احنا مالنا
جين قوم نامجون قعده بالعافيه : قوم يلا كفايه نوم هلاقيها من الصغيرين ولا الكبار - سرخ بصوت عالي - جيون جونغكوك اطلع من الحمام بقى!!!!
جوني إلى بعين نص مفتوحه : انا فين
جين :في الجنه يا عين امك.. تاي اتعدل بقى الله
ام جين : بردو محاوبتش على سؤالي احنا مالنا
جين : علشان انا مش هقعد اعمل الفطار ميت مره هي مره واحده بس و كلنا هنقعد سوا علشان مش هسيببكوا المطبخ انا و بعدها عاوزين تناموا لحد ما اجي بردو انتوا حرين لكن مطبخي لا خط أحمر
أصوات تذمراتهم خرجت و هو سحب تاي معاه للمطبخ وقفه قصاد الحوض فتح الحنفيه و مسك ايده ملاها مياه و ذلقها على وش تاي الي شهق من بروده المياه و فتح عينه بسرعه اترعش بعدها و بس لجين بنص عين
جين : اغسل وشك هنا و وفوق و علشان تفوق اكتر أملا مياه في الغلايه علشان القهوه و الشاي و حطها عبال ما اروح اشوف الي مات في الحمام ده و جاي
مستنهوش لما رد و خرج ف تاي اتنهد و كمل غسيل وشه بعين شبه ناعسه و نشف وشه بالمناديل خد كيلو و تقريبا ده انتقام لجين علشان صحاه بدري و رمي المناديل في الزباله و دور عينه في المطبخ بيدور علي الغلايه
مسكها و حط فيها مياه بعين بدأت تقفل تاني و حطها على الرخامه و بعين بتغمض بيدخل في الحلم بيمد ايده يحط الكوبس في الفيشه و لسه هيدخلها جوه إذ فجأه الغلايه تفرقع في القنبله و البراد يطير بره القاعده و ينزل تاني و طبعا تاي من الخضه راح مسرخ و رمي الفيشه بسرعه وقع على الأرض لورا
جين من بره لما سمع صوت الانفجار اتفزع و راحلها جرى : تاي!! - دخل المطابخ لقاه قاعد على الأرض ماسك قلبه من الخضه إلى حصلت ف نزله على الأرض و قعد يتفحص وشه بأيده بقلق - انت كويس صح محصلكش حاجة مش كده؟!!
تاي اومأ بتردد و أم جين واقفه عند الباب بتحرك رأسها بعدم رضي : تؤ تؤ تؤ.. الأم الحنونه.. مش للدرجاي يعني مع ان تاي حبيبي و كل حاجة الا يعني الموضوع عادي
تاي عبس لما لقى منها الرد ده بعدها دخل نامجون بفرع لأنه كان في الاوضه و راح لتاي قومه من على الأرض و تفحصه بعينه : انت كويس ها؟؟.
اومأ بعبوس و شاور ناحيه إلى بتطلع دخان : بس فرقعت
نامجون نفى : لا ولا يهمك عادي تتعوض لكن انت لا الحمد لله ان محصلكش حاجة
جيمين بيزق إلى متجمعين عند الباب و دخل في وسطهم و وسط جين و نامجون بص لتاي و حضنه : الحمد لله لسه قطعه واحده
ييرين بسخريه من عند الباب : ايه يا جماعة مش للدرجاي هو كان في مهمه قوميه يعني!!.
جين بغضب رد عليها : لا بس كان ممكن تعمل نار و تمسك فيه تأذيه ولا حاجة تيجي في عينه أو وشه بلا غباء
طلعت صوت ساخر و دورت عينها قطعها جيهوب إلى دخل من وسطهم راح ناحيه تاي الي وقفوه بمساعتهم لأنه من الخضه مش عارف يتلم على روحه و مسك خدوده بقلق بيتفحصه : انت كويس صح؟
جوني : ايه يا جدعان مش للدرجادي!!!
جونغكوك إلى جه و سند جنبه على الحيطه وراه : تحب اخلي حاجة تفرقع في وشك و تحس بالشعور!
جوني دور عينه و لف خرج بره و التانيين بيتطمنوا على تاي اكنه عيل صغيره و هم أولياء أموره ، يونغي بقى إلى نام و هو فاتح الحنفيه و راسه صامده على الحيطه يعني اي حركه كده ولا كده هيقع رقبته هتتكسر و كمان بيشخر
.
بعد نص ساعه / على السفره..
جين بيأكل تاي في بؤه زي الأطفال و خدوده اتملت : كل كل علشان تتغذى بدل ما انت رفيع كده امك لما تشوفك هتقول عليا ان انا مجوعك.. كللل
ام جين من الناحيه التانيه بتاكله بردو و المطلوب منه أن بؤه يستقبل كل الاكل ده في نفس ذات اللحظه : كل يا حبيبي علشان ترم عضمك ده انت هش خالص
تاي بؤه مليان من الجهتين و بيحاول يتكلم : مشعارفاتنفسكفايهععع
جونغكوك بتعجب : بيقول ايه ده؟؟
يونغي : بيقول انه مش عارف يتنفس و ابقى قابلني لو سمعوا منه حاجة هيفضلوا يزغطوا فيه زي البطه كده
جيمين عابس : انا عاوز حد يأكلني زي تاي اشمعني هم مهتمين بيه و انا لـاـ
قاطعه يونغي إلى حطله بيضاء مسلوقه في بؤه يكتمه بيها : تعرف تاكل دي و تسكت خالص! انت عاوز تبقى بطه بلدي زي صاحبك.. لا.. يبقى تاكل و انت ساكت
جيمين اومأ بسرعه و بيحاول يبلع البيضاء بصعوبه ، تاي : اااهتخنتاوييالهويكفايهبقيهموتكفايه
جونغكوك : تستاهل حد قالك تقعد في وسطهم ، حسن و ان جين بيطلعوا غيظهم من بعض في تاي تقرييا و هو الضحيه و مش ملاحق
ييرين بسعاده : انا بكره هروح اخد الفستان من عند طنط هويان من تخت متحمسه اوي كمان النهارده هنزلها علشان تأكد على المقاسات يااااييي
كله اتذمر و مداهاش وش من كلامها ف عبست ، نامجون نطق اخيرا و هو بيحط الجرنان على الطربيزه بعد ما قرأ فيه : بيقولوا ان درجات الحراره هتزيد عشر درجات كامله بدايه من يوم بكره احد نهايه الأسبوع
جوني بتنهد : هنتشوي يعني
ييرين بتنفخ : اوف ياااا و كمان مفيش تكيف!!
جين بصله بحده : أجرى يا بت ، حد قالك تيجي عندنا!!
ام جين : عوض الله علينا عوض الصابرييينن
يونغي : اللهم قوي إيمانك يا حجه َ.. العمره الجايه امتى؟
رمته بالبيضه المسلوقه إلى متقشرتش خبطت في جبهته : لما تموت أن شاء الله
بصلها من غير ملامح : مش قبلك يا ست استيتا - كبيره في السن بزياده يعني -
طلعت صوت ساخر و مسكت التوست إلى فيه جبنه و حشرته في بؤ تاي : كل كل علشان تكبر شويه
نامجون باستنكار : يكبر عن كده يروح فين!! يخبط في النجف بقي و هو ماشي مش كده
جين : اسكت انت و كل وانت ساكت علشان منتاخرش عن الشغل
جيمين و هو بياكل : صحيح احنا هنروح النهاردة الجامعه ازاي.. مواصلات بردو ولا مع بعض؟
جين و هو بيحط الشوكه في بؤه : هتروحوا مواصلات المره دي كمان لحد ما نشوف صرفه في موضوع العربيات ده لأن معادي في المدرسه بقى بدري عن يونغي و جون
جونغوك رزع الشوكه و اتافاف : و هنفضل في الشحططه دي بقي لحد امتى ؟؟ قولتلكوا نجيب عربيه جديده!!
جين بصله بسخريه : بس يلا اسكت نقطني بسكاتك
يونغي ضربه على راسه من ورا : معندكش تمييز يلا ابدا
تاي بلع إلى فى بؤه كله اخيرا ف اتنفس بقوه : اه اخيرا بؤي فضي كنت هموت بجد اـ
و لسه مكملش الجمله لقى حاجات بتتحشر في بؤه تاني من الي قاعدين جنبه ، جيهوب إلى كان بيلعب في الطبق مش بياكل و بيسمع ليهم بصمت : يا جماعه انا عاوز اقولكوا على حاجة..
كلهم بصوله بصمت لأنهم استشعروا جديه الموقف من نبره صوته ف رفع عينه بتردد ليهم و اردف بتوتر و تردد : انا كنت بقالي فتره مش كبيره بفكر في الموضوع ده و كنت عاوز آخد رأيكوا قبل ما أقدم عليه يعني
جيمين بصله بشك : هيونغ .. ناوي تتجوز؟؟
ضحك بخفه و نفى : لا لا جواز ايه مش كده
يونغي باهتمام : امال ايه؟؟
اتنهد و ساب الشوكه تقع في الطبق و كمل : انتوا عارفين ان انا معايا شهادة تجاره و عامل ماجستير زي نامجون و يونغي و الصراحه كنت عاوز استغل الشهاده دي
نامجون بتساؤل : تستغلها ازاي يعني؟!
اتنهد تاني و اردف : بفكر اعمل دكتوراه و ابقى دكتور في الجامعه على الاقل شغلانه احسن و الطف من الكافيه ده
صمت غريب ف حس بالرفض بالفكره : ا ا ه انا قولت انها فكره وحشه بردو
نامجون بدهشه و حماس : فكره وحشه ازاي ده انا كده بتوظف دماغك و شهادتك صح برافو عليك
ابتسم بسعاده تاني و أشرقت ملامحه ف كمل تاي لما بؤه فضي : بليز هيونغ اعمل الدكتوراه في أقرب وقت علشان عاوزك تدخل عندنا الجامعه تدرسلنا بدل الدكاتره الاغبيه إلى بيدونا دول
جيمين أيد تاي : دي هيونغ هنتبسط سوا اوي و نروح و نرجع سوا
تاي اتحمس زياده : و ممكن نغيب براحتنا و منحضرش الامتحان و نتشاغب و محدش هيعرف حاجة
جين سكته انه حطله سندوتش في بؤه : كل ده في نفس واحد ازاي كل بس - بص ل جيهوب و ابتسم - هوسوكي.. كلنا واثقين فيك شد حيلك و احنا معاك لو عاوزنا في أي حاجة هنقف جنبك اكيد
ام جين و ييرين و جوني مزهريات كبيره اوي في وسطهم ، جونغكوك اخيرا اعرب عن رأيك بابتسامه واسعه :أنا واثق في قدرتك هيونغ انت قدوتي في الحياه
يونغي بابتسامه : ابدا علي طول و اول ما تتعين وعد مني هجيبلك عربيه من مرتبي في الشركه
جيهوب دموع السعاده بدأت تنزل و يعيط من كميه المشاعر الجياشه إلى حاسس بيها حاليا : و الله يا جماعه انا مش عارف من غيوكوا كنت عملت ايه انا مبسوط اوي
و يعيط اكتر ف كلهم اتأثروا و قاموا حضنوه حضن جماعي و المزهريات قاعدين مش فاهمين حاجة
.
الساعه 7:30 الصبح
كله جهز علشان يروحوا مشاويرهم و حالهم ، جين بيدي لكوك الفلوس : دي مواصلات رايح و جاي و دي فلوس زياده علشان لو احتاجت حاجة ماشي و نفس الحال مع جيمين و تاي الفلوس تتصرف كده ولا كده انت حر
دور عينه بملل و خد منه الفلوس : حاضر يا مامي
ضربه علي راسه من استهزاءه بيه و مشى من قصاده
جيهوب بيفتح الباب الشقه و خرج منه : انا نزلت سلام
تاي خارج من الطورقه لقى جيمين جاهز هدومه و متشقلب على الكنبه راسه لتحت متدلدله و رجله فوق على الحيطه و بيلعب في موبايله بالشقلوب فـ سخر من وضعه : تحب اجيبلك دكتور نفساني؟!
جيمين اتذمر : تااايييي
يونغي طلع فجأه من ورا تاي خد حق جيمين : أظن أن الناس كلها عارفه مين فينا إلى محتاج دكتور نفساني هنا
تاي لف و سأله بغباء : مين؟؟ انا مش عارف؟!
طلع صوت ساخر و مشى من جنبه : احسن
تاي فضل لحظات بيحاول يهم قصده لحد ما فجأه استوعب ر اخد باله انه اتهان دلوقتي ف سرخ بعدم رضى و انزعاج : يااااااااااا
ضحكوا عليه بخفه إلى كانوا واقفين في الصاله ، جين خرج من الطورقه بيتأكد انه اخد كل حاجة في جيبه و سحب شنطه شغله بيكلم أمه و اخته و خطيبها على عجل : عندكوا كل حاجة في الثلاجه ممنوع تستخدموا الغاز و ياريت متطلعوش بره الشقه ولا تعاملوا مع الجيران اصلا احسنلكوا يعني و لمصلحه عقولكوا
نامجون بيفتح الباب و بيخرج مع يونغي : يلا هنتأخر
سرمغي قفل الباب وراه : جبت المفاتيح
نزلو و جين لسه بيخلص تعليماته للي كسلانين و بيناموا و هم واقفين ر اصلا ثلاث اربع الكلام مش مسموع و لما خلص اتنهد و سحب مفتاح العربيه التاني : يلا باي بقى اشوفكوا الظهر و لو فيه حاجة كلموني باي
قفل الباب و فصل الثلاثي الصغيرين إلى سحبوا نفسهم ورا جين ، إلى فضلوا واقفين متنحين شويه و حسوا البيت فضي بس بعدها اتذمروا و كله رجع السراير تاني
.
الثلاثي عدوا من جنب جين إلى بيفتح باب العربيه إلى ورا بيحط حاجته و أردفت تاي : باي هيونغ
قفل باب العربيه و أردف بصوت عالي علشان يسمعوه : خدوا بالكوا من نفسكوا
جيمين من بعيد : ديه هيونغ
مفيش ثواني و كانوا في التاكسي رايحين الجامعه
جين إلى اتنهد و دخل مكان السواق حايز يدور العربيه مش بتعمل صوت اصلا ف أتعجب و جرب تاني فضلت تكحتصو المترو واقف ف بدأ يتوتر و يتعصب
نزل من العربيه فتح الكبوت ملقاش حاجة قفله و رجع حاول يدورها بردو مستغلتش ف ضرب ايده على الدكسيون بغضب و نفخ : هو يوم باين من أوله - فتح الباب و نزل من غضبه و نده عالي - يا اشرررااافففف
مفيس لحظات و جه البواب بهروله وقف قصاده : خير يا استاذنا حصل حاجة؟؟
جين : و ييجي الخير منين بوشك ده! - شاورله على العربيه - شوف البتاعه دي مالها مش انت بتفهم فيها يلا علشان انا متأخر على الشغل منكوا لله
اومأ بتردد : حـ حاضر يا استاذ جين
راح بهروله عند الكبوت فتحه تاني و جين واقف جنبه بيراقبه يشوفه هيعمل ايه وبعد لحظات طلع راسه ل جين و أردفتق : مش عارف اقول لحضرتك ازاي بس..
جين : ايه!!!
اتنهد و اردف : بالصلاه على النبي كده.. العرييه دي محتاحه عمره
جين اتصدم بسخط : ايييه!!
أشرف مكمل شرحه : واضح ان في حد ساقها من غير ما يكون في مياه كفايه ف المترو اتحرق
انهار و خبط العربيه حس انه هيعيط : طب و دي اقعد تتصلح في قد ايه دي؟؟
رفع كتفه بعدم معرفه : الله اعلم العلم علمك
شد شعر راسه إلى ورا : يالهوي طب انا اعمل ايه دلوقتي
أشرف : حضرتك ممكن اوقفلك تاكسي ياخذك نروح بيه الشغل و انا هودي العربيه دي عند الميكانيكي نشوفلها حل تمام كده؟!
جين اتنهد بقله حيله : طيب طيب.. هو يوم باين من أوله فعلا.. اتكل انت على الله و المفاتيح اهي و لما اجي قولي عملت ايه فيها
خد منه المفاتيح و اردف : اكيد يا باشا
.
.
# في الجامعة
قبل معاد المحاضرة بدقايق، جيمين ماشي في الدور بيدور علي تاي الي فجأه اختفى من غير احم ولا دستور فجأه لقى نفسه مسحوب من الجنب في كورنر
جيمين بس تنفس بقوه من الخضه : في حاجة يا دكتور؟!
المحاضر اتنهد و حط ايده على كتفه بشبه ف انفض حس بحاجة غريبه بس اتطمن لما ربت على كتفه بخفه اردفله : امتحان اعمال السنه بتاعك جاهز وقت ما تحب تمتحن هو على مكتبي أو اقولك انت شاطر ممكن اديك الدرجات من غير امتحان اصلا هه هه
قال كده لما افتكر تهديد يونغي الجديد ليه ، جيمين ملامحه أشرفت بشده : بجد يا استاذ؟؟ بجد انا بشكر حضرتك جدا جدا متتصورش فرحتني قد ايه اتا كنت شايل هم الدرجات دي لاني عاوز اجيب تقدير كويس السنادي و اي درجه هتبقى في صالحي بجد شكرا اوي
ضحك بخفه للي نطق كل في نفس واحد من غير ما يفصل : اهدى أهدى متشكرنيش انا معملتش حاجة
اومأ بسعاده و ربت على كتفه تاني : أجري يلا علشان المحاضره هتبدأ و اكيد مش هتبقى حابب تتأخر
اوماله بسرعه و شكره و جرى على مكان المحاضره فـ المحاضره اتنهد براحه : الحمد لله خلصت من كابوسي
تاي بيمشي في الجامعه بيدور على جيمين بعد ما راح للمسرح بيقدم السيناريو للمؤلف علشان هيعدل عليه لان فيه مسرحيه هتتعمل في الجامعه آخر الاسبوع و هينافسوا بيها الجامعات التانيه و تاي ليه دور أساسي في المسرحيه دي فـ ربنا يستر انا متخوفه من الي هيحصل على المسرح من دلوقتي
مينجي في نص الجمعه بيجري ناحيته : تيييتتووووو
تاي وقف مكانه بسبب الصوت و أردف للي وقف سند على ركبته من الجري قصاده بتنفس : انت فاكرني أحمد السقا! ايه تيتو دي !
طلع صوت ساخر : انا غلطانلك اصلا ، كنت واحشني قولت اشبرق عليك بس طلعت متستاهلش تشه
طنشه و سألو عينه بتدور في المكان : شوفت جيمين؟؟
اومأ : كان بيجري ناحيه المدرج يلا احنا كمان علشان المحاضره بعدها هنبقي نعدي على كوك و شويه ناخدهم
تاي اومأله و سحبوا و جريوا : يلا
كوك قاعد جنب شيون في احد المدرجات الخاصه بمبناهم مستنيين المحاضر ييجي :و زي ما انت شايف كده كل يوم على الحال ده مصاريف رايح جاي يعني انا عندي رخصه علشان العب بيها مثلا! ولا ايه مش فاهم!
شيون بتفكير : طب مفكرتش تقترح على جين هيونغ تشتروا عربيه صغيره و لو حتى بالتقسيط تتحشر فيها انت و تاي و جيمين و خلاص
اتنهد بيأس : قولت قولت كتير بس كل مره المشكله مشكله فلوس و انا حتى حاولت اخلي امي تبعتلي حواله علشان مينفعش يتحمل مصاريفنا بنسبه 100% بس هي طبعا رفصتت و قالتلي اني عملت في نفسي كده و ماليش عندها حاجة الا لما اكون في وسطهم
شيون : ممم لا مسأله عويصه فعلا
رزع راسه على المدرج من قله النوم : دمااغغااييي
شيون بعد تفكير لحظات : أظن اني عندي حلك
.
.
# في المدرسه
عند جين إلى رمي نفسه على مكتبه في أوضه المدرسين و بيحمد ربنا انه معندوش اول محاضره لأنه مفيهوش نفس بسبب انه ملقاش تكاسي توديه المكان فـ اضطر يروح المترو إلى فضل يجري تايه رايح جاي و دخل و خرج من أبواب غلط و جه الشارع بتاع المدرسه كله جرى
لوكاس بيضحك عليه بخفه : انت كنت بتجري من بيتكوا لهنا ولا ايه؟؟
رفع رأسه من على مكتبه و أردف بغل : خليك في حالك
لوكاس : ايه الي حصل طيب!
قعد عدل و اتنهد : العربيه عاوزه عمره و شكل الموضوع هيطول و احنا في اكتر وقت محتاجين فيه العربيه ده احنا كنا محتاسين و فيه عربيتين عندنا دلوقتي الحوسه رأت و لا امي و ييرين إلى عندي في البيت دول ااخخ راسي اتقلبت
ضحك بخفه : استنى بس علي نفسك كل ده و مش بتقولي.. طب حتى كنت اساعدك
رفع رأسه بسخط : كنت هتجيبلي عربيه مثلا؟!
لوكاس : لا كنت هقولك علشان متتأمرش انهم كانوا عربيتين و متضايق! غيرك معندوش ربع نقل حتى
جين : انت حاس تقطمني ولا جاي تهديني!! - نفخ و سحب التليفون من جيبه - اسكت اسكت انا مش ناقص
لوكاس رفع ايده باستسلام انه مش هيقول حاجة و هو طلب نمره ' يونغي' و حط الموبايل على ودنه..
بتنهد : ايوه
- ( بتعجب ) مال صوتك؟
اتنهد تاني : وصلتوا الشغل؟؟ كويسين يعني؟
- اه وصلنا من شويه * بص جنبه كان نامحون بيرمي اساتك على قفا الموظفين و يعمل نفسه من بنها - و كويسين إلى كد ما * بص قصاده *وبعدين إيه السؤال ده
حرك القلم في ايده : اصل العربيه باظت قبل ما اتحرك بيها من البيت و عاوزه عمره باين و شكل الموضوع هيطول... انا بس بقولك علشان تبقى تعدي عليا تاخذني لما تخلصوا شغل لاني مش هقدر اتبهدل تاني زي الصبح
- اه اكيد مفيش مشكله
نهى المكالمه : طيب سلام بقى
جين اتنهد و قفل السكه و بص لـ لوكاس إلى بيبص في كل حته : كنا بنقول ايه ؟؟
لوكاس ابتسم بخفه و أردف : كنا بنقول انك نحس و يومك زفت على دماغك
رماه بالقلم بسبب حقارته : نذل
.
.
# في الشركة
يونغي لما قفل السكه مع جين اتنهد بيأس على حالهم و كلم نفسه : يعني احنا كنا ناقصين مصايب كفايه أكبر مصيبه عندنا في البيت تشه
لف راسه لقب نامجون فيه بيحدف اساتك على قفاهم ف راح شد استك و حدفه بيه بحذر ف طرقع على رقبته و نامجون مسك رقبته من ورا بسرعه و لف لقى يونغي بيبصله بانتصار : شوفت بتوجع ازاي؟؟
نفخ بانزعاج و دلك رقبته : مش ظريفه هي
يونغي : اشتغل.. اشتغل لازم نجيب فلوس بدل ما نفلس و نقعد نبيع ذره في الشارع
نامجون : و مالها الذره يعني
تنهد : مالهاش بس انت مش نتستحمل تنام تحت الكوبري
نفخ باستنكار : خلاص خلاص وصلت هتنيل اهو
يونغي رجع لابتوب قصاده : اما نشوف
بيدور على مكتبه : هو فين الملف.. هو راح فين..
بيكي بيهمس للطويل مندمج في الشغل قصاده : بستت بست تشانتييووولل
همهم من غير ما يرفع راسه فـ كرر تاني : تشانتييووولل
نفخ و رفع رأسه ليه همس بنفس نبرته : ايه عاوز ايه؟!
همس تاني : سمعت آخر الأخبار؟!
سند علي الفاصل ما بينهم قصاده و قرب : سمعت ايه؟؟
قرب هو كمان و همس : يونغي و نامحون عاوزين يشتروا الشركه مستقبلاً ويمسكوا الاداره مكان المدير
شهق بصوت ف لفت الانتباه بسيط ف رجع سأله بهمس : و انت عرفت منين؟؟؟
بصله بفخر : مصادري الخاصه
عاتبه : هي دي حاجة تفتخر فيها ! انت اتسنطت عليهم!!!
اومأله بيأس : ايوه
ضرب راسه من قدام : غبي
كان لسه هيرد عليه سمعوا صوت حاجه بتقع فـ لقوا نظرهم وراها لقو نامجون الدرج مخلوع في ايده و طار منه كل الورق و مسمار الدرج اتحشر في كم الجاكيت ف بقى عمال يدور حوالين نفسه علشان تنفك و يونغي جنبه بيضرب جبهته من غباوه إلى معاه
الاثنين بصوا لبعض فـ أردف الطويل : هو ده الي عاوز يمسك الشركه مكان المدير ؟؟
القصير بصله بنفس البصه : اهو احسن من واحد يقعد يخصم مراتباتنا عمال إلى بطال ولا ايه!
اومأله و قطعهم صوت نامجون إلى طلع فجأه من وسط المكتب بـ ورق في ايده : لقيت الملف.. بس متأكل منه حته.. لا لحظه ده مش هو اصلا
الطويل و القصير اتنهد ا بقله حيله و ضربوا جبهتهم بأيديهم ده غير يونغي طبعا
.
.
# الكافيه
جيهوب قاعد على طربيزه في الكافيه إلى لسه فاتح من دقايق و فيه طربيزه بس الي شغاله و الباقي فاضي ، لابس لبس الشغل و قصاده كتب فاتحها و بيكتب و يعلم في الكتب و أقلام في بؤه و ايده
جه روبن و حط قصاده كوبايه عصير زرعها جنبه ف اتنفض : العصير اهو.. اتفضل
مكنش في حاجة تقدر تعكنن عليه بسبب حماسه ف ابتسم في وشه بسعاده و اخد الكوبايه : شكرا جدا
اتنهد و حط الصينيه في حجره قعد قصاده : انت ايه الي خلاك تفكر تعمل حاجة زي دي دلوقتي؟؟
رفع كتافه و اردف قبل ما يشرب : عندي 23 سنه و خريج تجاره و جايب امتياز آخر سنه ليه متعينش!
همهم بتفكير : هو طبعا الفرق بين انك تشتغل في كفايه و بين انك تبقي دكتور في الجامعه زي كده بالضبط الفرق بين 128 * عربيه *و الفراري فرق السما من العما
ضحك بخفه و حط الكوبايه : مش اوي كده يعني بس قولي انت وقفت دراسه ولا ايه اصلي شايفك يعني موراكش جامعه ولا كده؟!
اتنهد بقله حيله و اردف : و الله كنت في جامعه بس سبتها من اول سنه لاني محبتهاش و كان العقاب اني اجي اشتغل هنا عند عم ابويا في الكافيه هنا لحد قال يعني ارجع في كلامي و ارجع الجامعه تاني بس انا مش راجع انا انا حلمي أكبر من كده بكتير
بأهتمام سأل : و انت ايه هو حلمك؟؟
بحلاميه اردف : اكون تاجر عربيات قد الدنيا
.
.
# شقه السباعي
إلى هي اصلا مفيهاش السباعي ، ييرين قاعده بتتفرج على التلفزيون بملل و فجأه جرز الباب رن : يا مااامماااا
أم جين : طيب طيب راحه افتح ياباي اوف
فتحت الباب : ايوه؟
سلوى رجعت خطوه لورا بتتأكد من رقم الشقه و رجعت لقدام تاني : هي مش دي شقه الأستاذ جين بردو؟؟
ام جين بصتلها بتعجب : اه.. مين حضرتك؟!
سلوى : انا مدام سلوى جارتهم في الأرضي كنت عاوزه الأستاذ جين علشان معاد الإيجار النهارذه المفروض يعني
بصتله اصمت و شك بعدها همهمت : هو مش موجود في الشغل لما ارجع هبقي اقولك
سلوى بفضول : الا حضرتك مين يعني اصل مفيش شابات بتيجي البيت عندهم و كده.. هو حضرتك تكوني اخته؟؟ اصل فيكي شبه منه جدا
ضحكت بخفه و حست بفخر في نفسها و رجعت شعرها لورا بدراميه : ده من ذوقك والله بس انا أمه
سلوى فتحت عينها على الاخر من الصدمه : أمه؟؟!!!
اومأت بابتسامه : اه أمه.. مش باين ولا ايه؟!
نفت بسرعه : لا لا مش باين خالص ما شاء الله تبارك الله.. يحرس عنك العين يا ست الحجه ام جين
ضحكت بخفه و أردفت بكلمه كوريه ف سلوى مفهمتش و سألت : الا عندكوا بقى الستات الأمهات و الجدان و كده يعني كلهم شكلهم صغير كده ولا انتي بس الي محافظه على رونقكك رغم كبر السن و كده يعني
همهمت بتفكير : لا أظن أن كلنا كده بس الرك على الأساس بردو انتي فاهماني طبعا
اومات بتردد لأنها مش فاهمه : اـ اه طبعا فهمت امال
ييرين بتنادي من جوه : ماما تعالى بسرعه بابا بيتصل
ابتسمت في وش سلوى يتكلف : طب عن اذنك بقى علشان عندي حاجة اترك اعملها
سلوى : اه اه اكيد براحتك على الاخر.. لازم نبقى صحاب بقى علشان انا و انتي أمهات زي بعض ونفهم بعض
اومات : اه اكيد مفيش مشكله.. عن اذنك بقى
سلوى : اه اتفضلي
قفلت الباب و سلوى فضلت تكلم نفسها : يعني هي أمه و بالشكل ده امال جدته بقى عامله ازاي؟؟ ده انا اسيا بنتي جنبها زي تاتا!! إبراهيم لو عرف هيسافر و يتجوز عليا.. اه لا انا مش هسمح بده ابدا طول ما انا عايشه اه امال
و جت تنزل سمعت صوت صويت جاي من شفتهم : ماما حاسبي!!!
و صوت تأوهات متألمه : اااه ظهري
سلوى : شكل العين صابتهم - اتنهدت و بدأت تنزل - يلا انا مالي انا اصلا ورايا طبيخ مستنيني في المطبخ
.
.
# حرم الجامعة / الساعة 12:30 الظهر
- في الكافيتريا وقت الاستراحه -
تاي بيهوي على نفسه بالكتاب : انا حاسس اننا باخد تان
مينجي من جنيه بيسيح : لا احنا بنتسلق
جونغكوك إلى لسه جاي حالا حظ شنطته على الطربيزه و قعد : قصدك بنتشوي
جيمين مفرهض : يعني مكانوش ينفع يدونا اجازه لحد ما الحراره تتعدل
مينجي : كده هيبقى في اجازه طول السنه
شيون إلى قاعد جنب كوك و كان جاي معاه بيسأل مينجي فجأه : انت ايه الي خلاك تعيد السنه؟!
بعدم اكتراث اردف : ابويا حب اني احسن تقديري نزلت فيه اكتر عادي يعني ده المتوقع بس هو مصدقنيش
شيون تمتم بانزعاج : حالي من حالك
مينجي همسله لأنه سمعه : اي نو
جيمين بيربت على كتف تاي الشيخ غايب عن الوعي : هااييي تايهيونغ.. انت كويس؟؟
فاق شويه و بصله : ها.. اه اه كويس مفرهض زياده و كمان مش نايم ساعتين على بعض
جونغكوك بيتاوب : طب ما انا زيك و الحال من بعضه
جيمين سأل : انت و هو صاحيين للصبح بتعملوا ايه؟!
جونغكوك بوقاحه : و انت مالك خليك في إلى انت طايله الأول بس
جيمين نفخ و بص بعيد ، مينجي : صحيح اتفرجتوا على تحديث الفيديو امبارح؟؟
كوك بتعجب : تحديث فيديو ايه؟
تاي : اه شوفته كان حلو اوي
جيمين : بيعجبني فيه طريقه تصويره
مينجي : هو موهوب اصلا من يومه
شيون : ااا.. هيلو احنا هنا و مش فاهمين حاجة خالص
مينجي أوضح : ده يتيوبر مشهور بيعمل ڨلوجز و فيديوهات تانيه كتير حلوه انا و تاي و جيمين بنتابعه
تاي بص ل جونغكوك : على فكره الايديتينج بتاعك احلا
مينجي سأل : ليه هو عنده قناه على اليوتيوب؟؟
جيمين نفى : لا معندوش بس بيعرف في التكنولوجيا جدا و يمكن أشطر من يوتيوبرز كتير كمان
تاي كمل : ده كمان اخر يوم في المدرسه هو الي صور حفله التخرج و عملها مونتاج - الايديت - بنفسه و انا اخدت الصور المنفرده و دخل فيها مع منافسه المدراس التانيه في الحي و مدرستنا هي الي كسبت بالمركز الأول
شيون : ايه ده تاي انت ليك في التصوير؟؟
تاي اومأ : أع بس ده كان ايام المدرسه دلوقتي خلاص
مينجي باندهاش على جونغكوك : وااو.. طب ليه مفكرتش تعمل قناه على اليوتيوب؟؟
وقع كتافه بعدم معرفه : مفكرتش الصراحه معرفش
مينجي ريح على الكرسي : ده بيكسب حلو اوي لو عملت شغل و مجهود كويس يعني
جيمين أيده بحماس : اه اه ليه متعملش و انا أراهن انك هتشتهر بسرعه لأنك عندك كاريزما قويه
كوك حس بتكبر و فخر ذاتي كبير ف سند على الكرسي يتكبر و رفع رجله : انا عارف اني اقدر اعمل كده بالساهل
تاي طلع صوت ساخر و سند راسه على الطربيزه من الصداع ، شيون أيد مينجي لأول مره :الصراحه هو معاه حق و كمان هينفعك في الحوار إلى انت بتقول عليه ده بس لازم تعمل شهره سريعه
مينجي : أنوي انت بس و انا هخليك أسرع واحد جاب مشتركين في أول نص ساعه
كوك بتعجب : ازاي؟؟
تبتسم بثقه : عيب عليك انا مش سهل في المنطقه
كوك اتنهد و أردف بتفكير : هفكر مهي فكره مش وحشه في الاخر و اديها مسليه بدل الملل إلى احنا فيه ده
مينجي سقف فجأه سرعهم : و بالمناسبه دي ايه رأيكوا نتغدا سوا النهارده؟؟ حتى يبقى عيش و ملح و كده
شيون : مين الي هيدفع؟؟ إلى اعرفه ان على قلبك قد كده
مينجي طلع صوت ساخر : همك على الفلوس و بس - اتنهد بقله حيله - لاطبعا مش هعزمكوا لوحدي كلنا هنتقاسم الفلوس لأن ابويا معاقبنط عشان حوار المحاسب و اني خسرته صفقه ف بيدفعني ثمن الفلوس دي انه ميدينيش فلوس لمده أسبوع
شيون بسخريه : عقاب كافي لغبائك صدقني
دور عينه بملل و أردف ل تاي الي حاطط راسه على الطربيزه شبه نايم : تااييي.. موافق ؟
رفع ايده : اي حاجة
جيمين : لا نسأل جين هيونغ الأول
جونغكوك : انا عن نفسي معنديش مانع اهو تغيير
مينجي : انا اعرف مطعم بيشكروا فيه اوي هوديهولكوا
شيون : طب يلا يا دفيع انت و هو علشان المحاضره فاضلها خمس دقايق و تبدأ يلا كل واحد على مبناه
بدأوا يقوموا في وسط تذمراتهم و تاي بيشد نفسه بالعافيه و عينه مغمضه تقرييا و فجأه وقع من طوله على الأرض جنبهم ف اتخضوا و راحوا ناحيته بسرعه
جيمين بيخبط على حد تاي الي شكله غايب عن الوعي بقلق شديد : تاي.. تاي انت كويس
مينجي بقلق : نوديه للممرضه طيب
كوك أيدهم : اكيد
وطى اكتر علشان يشيله ف لما قربت ودنه من نفس تاي المنتظم وقف مكانه و بعدها بعد بيبصله بصات عجيبه ف كلهم استغربوا : ايه؟؟
كوك بعدم تصديق و استغراب : تاي انت نايم؟!!!
.
.
# شقه السباعي / الساعه 4:30 العصر
أصوات خانق خارجه من الصاله بين جوني و ييرين بقالهم ساعه و الحرب مشتعله في حين أن جين في المطبخ بيطبخ حبي يحط الطاسه على النار إلى فيها الزيت راحت فرقعت في وشه : بركااتتككك يا ييررييييننن.. الصبح العربيه و دلوقتى الطاسه انتوا نحس كبير عليا !!!
في المقابل نامجون في الحمام جاي يفتح الحنفيه راحت طلعت في ايده و توافد أسراب من المياه لفوق مش عارف يوفقها ازاي ف راحت الحنفيه التانيه مفرقعه طيرتها في السما و بقت الناحيتين بينزلوا شلالات مياه
تنح الأول مش عارف يفكر ف راح جاب فوط كتير و قعد يسد بيهم بس طبعا المياه غالبه
ايه يوم الانفجارات العالمي ده!
بره في الصاله ييرين واقفه قصاد جوني و الاثنين بيتخانقوا بقالهم ساعه على نفس الموضوع التافه : انا قولتلك عاوزه ملايات الطربيزات في الفرح سكري و متفقين تروح تعملها انت تعملها حمراء و من ورايا !! تبتشعل دماغك لوحدك!!
جوني : يا ستي انا معملتش حاجة من وراكي إذا كنا احنا متفقين سوا قصاد الراجل كون هنبقي غلطوا ده مش ذنبي انا!!!!
ييرين : استغفلني اه استغفلني عاوز تفهمني يعني أنك بعدما كلمتهم معايا روحت على جنب كلمتهم لوحدك غيرت اللون لأنه اصلا من الاول مش عاجبك
جوني : انا لو عاوز اعمل حاجة هعملها قصادك مش وراكي انا مش بخاف من حد!!!
و الاثنين بيسرخوا في وش بعض في حين أن امها قاعده على الكرسي حاطه رجل على رجل بتقرأ في الجرنان و بتشرب فنجان القهوة ولا اكنها شايفاهم ولا سامعاهم اصلا اكنهم سراب
جين خرج من المطبخ : بطلوا خناق وتعالوا ساعدوني في السفره مفيش حد النهارده
أمه نزلت الجرنان و بصتله : انا مش عارفه ازاي وافقت على حلجة زي دي!!
جين و هو بيوزع الأطباق : عادي براحتهم يعني بدام مش حاجة غلط ليه لا
رمت الجرنان و قامت شاورت ناحيته بتحدي : انا هقول لأمهم انك بتخليهم ياكلوا من بره و بيرجعوا يعيوا بعدها بسببك و يدخلوا المستشفى
جين اتعصب : ليه كده!!!! كمان هتشوفيهم فين ؟!!
بلامبالاه عدت من جنبه : لما ييجوا فرح بنتي آخر الاسبوع عقولهم على كل حاجة هه
اتنهد بعصبيه و رزع الطبق : الصبر !!
يونغي خرج من الطورقه بينعكش شعره من الصداع : ممكن بس بقى!
ييرين بتزعق في وش جوني : انا مش هتكلم معاك اصلا
جوني بانفعال اكتر منها : يبقى احسن بردو
مشير من وشه دخلت الاوضه رزعت الباب وراها بقوه خلف صوت قوي و راحت مسرخه من وراه :متحاولش تيجي تصالحني لاني مش هسامحك!!
جوني سرخ بالمقابل : و مين الي كدب عليكي قالك اني هصالحك اصلا!!!
سرخت : اتفلق
سرخ بالمقابل : اهو انتي
نامجون من الكنبه :هي المهزله دي هتخلص امتى
يونغي قعد جنبه : لما جيمين يبقى أطول منك
* يعني في سابع المستحيلات *
اتعصبت جامد ف راحت خرجت من باب الاوضه و في ايدها جزمه و راحت منشناها ناحيه جوني ، جيهوب في اللحظه دي دخل من باب الشقه : سلام علـ..
لقى في جزمه متجهه ناحيته راح قفل الباب تاني بسرعه و الجزمه خبت في الباب وقعت على الأرض
.
.
# المطعم - الساعه 7:30 بليل
الشله الفاسده واخده طربيزه مربعه تكفيهم هم الخمسه و بيفنشوا في الأكل ، مينجي : بس على فكره لو هتبدا في موضوع اليوتيوب ده يبقى لازم تعرف انك هتستخدم كاميرات حديثه جدا زي كانون و كده و كل ده محتاج مصاريف جامده ليكون في علمك يعني
جونغكوك اتنهد و سند على خده : مهي اصلا العقبه الوحيده الفلوس و امي مش هترضي تسلفني قرش واحد
شيون : عارف.. انت محتاج حد يسلفك من غير ما تسدد وراه يعني تبقى سلفه لله في لله كده مفيش عائد ليها
جونغكوك : و انا اجيب أن شاء الله الناس دي منين؟!
شيون رفع كتفه بعدم معرفه : مش عارف
تاي : انت محتاج حد غني و تكون لي فضل عليك في حاجة فـ لما تطلب منه مبلغ مش هيعترض لأمه هيكون بيسدلك الخدمه دي
جيمين بسخريه : يعني يروح عند أي حد شكله غني و يحدفه قدام أتوبيس و يروح ينفذه و يبقى مدين ليه بحياته!
تاي باندهاش : فكره روعه تصدق تنفع.. يلا ننفذها
روموله الطناش كلهم فـ اردف مينجي : دلوقتي عاوزين حد يسلفك فلوس من غير عائد و يكون راجل مغففلل
شيون : بس على فكره الاغنيه الأذكيه دول اكتر فئه من البشر تقدر تخدعهم بسهوله لأنهم بيبقوا بالنسبه العاليه هيصرفوا فلوسهم دي في حاجة شخصيه زي السبا و الجاكوزي و كده او إمكان التجميل و الراحه و هنا تقدر تخدع براحتك لأنهم بيعكوا فلوس قد كده و في الاخر يروح المكان يتصدم يقعد على خبته يبقى خسر الفلوس في نفس الوقت مخدش إلى هو عاوزه النهايه
تاي : يعني احنا دلوقتي ندور على واحد معاه فلوس و ذكي عارف القرش داخل و خارج منين
جيمين : و بذات لو في حاجة شخصيه
مينجي بتفكير : و نلاقيه فين ده؟!
كل ده و كوك ساكت بيفكر لحد ما الفكره نورت في دماغه و ابتسم بخبث داخلي و اردف للي بيتكلموا سوا : طب يا جماعه لو خلصتوا كل واحد يطلع فلوسه بقى علشان ندفع الحساب
اومأوا و كل بقى بيطلع إلى فى جيبه و شيون رفع ايده للنادل علشان ييجي : الحساب لو سمحت
النادل اومأ و بعد لحظات جه و معاه الحساب ف راح جونغكوك سحب من ايده الحساب بسرعه تحت نظراتهم بس مهتموش و النادل مشي عبال ما يخلصوا تجميع فلوس
جونغكوك بدأ يسحب من كل واحد مبلغ مالي صغير لحد ما كونوا مبلغ كبير قعد يعدهم بعدها راح واقف : طب انا هروح ادفع انا بقى و خليكوا هنا
اومأوا بنعاس و كسل ، هو قام و هم فضلوا يتكلموا في حاجات فرعيه لحد ما جالهم جونغكوك تاني و شاورلهم علشان يخرجوا من عندهم
.
في الأتوبيس
مينجي على كرسي و تاي و جيمين قاعدين جنب بعض و جونغكوك قاعد لوحده و شيون خد طريق تاني لان بيته في الاتجاه المعاكس ليهم ، تاي زق جيمين بكتفه إلى شبه نايم : جيميننيي
رفع رأسه بنعاس بصله : ايه؟؟
تاي : معكش لبانه لحسن حاسس اني عاوز ارجع
نفى : لا معييش و الله
اتنهد وسأل جونغكوك إلى قاعد في الكرسي إلى قصاده : جونغـ..
قاطعه : مش معايا
مينجي قاعد وراهم مد ايده ل تاي : خد اهي
خدها منه و حطها في بؤه : شكرا
السواق بصوت عالي : الاجره يا باشاوات
جونغكوك لف راسه ناحيتهم : ايدكوا على الفلوس و لموا من الي وراكوا و هاتوا
بدأ يعملوا كده و يمرروا الفلوس ليه. و تاي يديهاله : دي مننا و دي من الي ورانا و دي مت الصف الأخير
اومأ و قعد عدل بعدها راح طلع لقدام سند بأيده عند كرسي السواق خنصر فلوس مينجي و تايد و جيمين معاه حطهم في جيبه من غير ما حد ياخد باله و مد للسواق فلوس الناس الي خدهم منه حطهم في جيبه لأنه كان قاعد وراه و بصوت واطي : كده دي اجرتك و في اثنين في الكنبه إلى ورايا مدفعوش.. نزلني انا هنا على جنبك
وقف على جنب فتح الباب و نزل ف تاي نذه بصوت عالي : رايح فين؟؟
جونغكوك من تحت : مشوار مهم روحوا انتوا
الباب اتقفل و الأتوبيس اتحرك تاني ف تاي نفخ : هيكون رايح فين يعني؟
مينجي طلع لقدام سند عندهم علشان يعرف يكلمهم : ليكون تاجر مخدرات
جيمين و تاي شوحوله و نفخوا من غباوته ، جيمين نفخ و أردف بانزعاج عاوز يروح : ما تشهل يا اسطا كده عاوزين نروح الله يكرمك
السواق : مش لما تبقوا تدفعوا الاجره الأول!
الثلاثه بصوا لبعض و اكتشفوا أن جونغكوك خدعهم ف اردفوا بغل : يا ابن الـ..
.
- في العمارة / في الجنينه الخلفيه
ام جين قاعده على الكرسي و هو كوم وراها بيعملها مساج على كتافها : ايوه ايوه الحته دي بتوجعني من ساعه وقعه الصبح
كوك : اهو اهو حلو؟
ام جين : اه حلو - بشك - ايه الي خلاك حنين عليا فجأه كده اكيد في مصلحه من وراك انطق
كوك : اسمعيني بس يا خالتي دي حاجة هتخليكي تطلعي فوق فوق فوق كده مش هتلاقي إلى ينزلك
ام : و دي ايه دي بقي أن شاء الله يا عين خالتك.. اه اه اضغط عند الرقبه كويس
ضغط عند الرقبه : اهي
مدت ايدها مسكت كوبايه الشاي بتشربها : كمل كمل
كوك : ده بقى اسبا ايه كده بصي هيعملولك كل الي انتي عاوزه في مقابل مبلغ زهيد هتقضي عندهم شهر
ام جين : و ده هيبتدي من أمتي بقي؟
كوك : اول شهر 12 إلى جاي و هتدفعي 10 الف جنيه بس و هتبقى خدمه ايه 8 نجوم مشوفتهاش حتى في فيلم بين السرايات و كمان من غير عموله اديني انتي بس الفلوس و هجري هوا احجرلك و ابقى ادعيلي أو ادعي عليا براحتك مش مشكله
بتهمهم بتفكير : طيب هشوف
نزل لمستوى ودانها لأنه واقف وراها و اتكلم بصوت واطي : طبعا انتي مش عاوزه الحج الكبير يبص بعيد حكم انتي عارفع الرجاله بعد ال 50 بتبقى عينهم رايغه و بيدوروا دايما على التقفيل الأجنبي ف احنا كده ضمنا انه مش هيفتكر حتى يبص بره عتبه باب البيت
ام جين : يعجبني تفكيريك يا واد.. ابقى تعالى عدي عليا بكره في الاوضه و انا اديك الفلوس
كوك ابتسم بسعاده كبيره : فوورييررهه.. بس ايه الكلام ده بيني و بينك يا خالتي ها ابنك ده مش عاوزينه يعرف حاجة لحسن انتي عارفه لسانه متبري منه
ام جين : اه اه اكيد اكيد.. مسج عند الكتف بقى كويس
كوك : اهي
قطعهم صوت القطه إلى طلع فجأه من اللامكان بصوت تاي : ميااوو
رفعوا رأسهم و كوك ضحك بتوتر لما لقاهم في وشه : الصداقه
تاي أتقدم خطوه لقدام و هم معاه : الصداقه! بقى كنا هنتضرب في الموقف وتقولي صداقه!
مينجي : شكل إلى بنعمله في الناس هيطلع علينا
جيمين بغل : ولعلمك بقى لولا شيون جه انقذنا في الموقف كان زمنا شغالين هرم هرم عباسيه رمسيس
شيون حاطط ايده في جيبه : اي خدمه يا اصدقائي الصندوقين
تاي بغل : نذل
ام جين بتبص لكوك لفوق بسخريه : يعني هو هيجيبه من بره مهو ابن امه
طبعا كوك عمل نفسه من بنها و قعد يصفر و يبعد لورا لحد ما طلع يجرى و هم طلعوا يجروا وراه
.
.
# اليوم التالي / الساعه 5:30 المغرب
جين بيدخل الاوضه على تاي الي كانت مردوده حبه صغيرين بيتسحب على طراطيف صوابعه وقف وراه ، تاي كام بيتدرب على دوره في المسرحيه التاريخيه فـ كان لافف ملايه و رابطها حوالين رقبته و حاطط حله على دماغه و ماسك غطا الحله في ايده و الايد التاني ماسك بيها معلقه خشب كبيره
تاي بحماس الحرب : يا أيها الناس أن الحرب قادمه و السعي ورائها سيظل باقياِ يجيب أن نتماسك و نتكاتف حتى نسقط الأعداء يجب انـ.. - بص في الورق لأنه نسي و كمل - اه يجب أن تقف في وجه أعدائنا بكل قوه.. يا أيتها الرياح هُبي و اسقطي أعدائك مجرى الرياح
كل ده و جين وراه مربع ايده و تاي ولا حاسس بيه اصلا و بيكمل : ان الأخويه الصالحه في هذه الحرب يجب أن نتكاتف و تتحد و لا نسمح لأي أحد أن يمعنا عن ما نريد فعله حتى لو هو نفسه ابيك أو أخيك
جين حس ان الكلام موجه ليه من حيث لايدري و فجأه تاي سرخ : الأخ الأكبر الفاسق الفاسد
جين هنا فعلا حس ان الكلام عليه ف راح شهق و رفع ايده رزع تاي قفا خلاه يتسرع و سلف وراه بسرعه : انا اخ فاسق فاسد!!!
بره في الصاله جيهوب قاعد جنب جيمين إلى عمال يشرحله في حاجة مش فاهمها : المعادله x لما تتجمع مع المعادله y و نتقسم على a يبقى الناتج ايه؟!
جيمين نعكش شعره بعدم فهم : انا مش فاهم حاجة
نامجون ل جيهوب : انا خريج ايه اصلا علشان تشرحله
جيهوب : اسكت انت.. ركز معايا هشرحلك تاني
جيمين قرب وشه من الكتاب : ماشي هركز اهو
ييرين بيتخانق مع يونغي و هو مش مدى اي رده فعل ستيبها اخلص كل الي نفسها فيه : يعني انا غلطانه مثلا لا هو الي غلطان ليه يروح يغير تجهيزات الفرح من ورايا انا قولتله قبل كذه ميت مره لو عاوز تغير حاجة حد رأيي لكن متعملهاش من ورايا انا بتكلم صح ولا انا غلط
و فضلت اتكلم و تتناقش و هو سايبها على الاخر ، جونغكوك واقف قصاد ام جين في الاوضه بيعد الفلوس و هي كل شويه تديله شويه و يعدهم و في ابتسامه خبيثه داخليه النصاب ابن النصابه ده في حين أن جوني لابس السماعات و واقف في البلكونه مالوش دعوه بحد
جيمين سأل نامجون : هم لسه متصالحوش؟
نامجون نفى : غلى وضعهم من امبارح
جيهوب طلع صوت ساخر : و كل ده علشان ملايات الطربيرات في الفرح احيبهلهم انا مثلا ولا ايه مش فاهم
جين إلى خرج من عند تاي و هو بيتمتم بتذمر راح المطبخ في نفس الوقت الي ييرين سابت فيه يونغي وراحت ورا جين تكمل خناقتها معاه ف هو راح قعد على الكنبه بعيد
تاي راح قعد جنبه فجأه ف بصله بتعجب ل تاي الي اردف : انا عاوز نصيحتك
يونغي : نصيحه لايه بقى ان شاء الله؟
تاي : انا عاوز اخلي المخرج يحطيني في الدور الرئيسي بدل الثانوي المسرحيه مهو أصله مش عدل يعني
يونغي بتملل : و المطلوب من سعادتي ايه؟!
تاي : خليني انتف انتباهه لموهبتي العظمى
يونغي : نعم!!
تاي كرر : انا عاوز انتف انتباهه
يونغي : ت ايه يا حبيبي؟!
تاي : انتف انتف انتباهه.. قولي بقي اعمل ايه!!
بدأ ينفعل : لا يا حبيبي انت محتاج دكتور تخاطب علشان تنتف انتباهه ازاي ، اقولك على حاجة انا ماشي
كان قايم راح تاي قعده مكانه تاني : هييووننغغ استنى
جين خرج من المطبخ فجأه و في ايده طبق غويط في ورق بيحركه و حطه قصادهم على الطربيزه : يلا هنعمل قرعه مين الي هيغسل المواعين النهارده
ام جين انسحبت و جوني و ييرين انسحبوا، جيهوب حب ينسحب هو و نامجون جبهم من قفاهم قعدهم بالعافيه و اتكتفلهم : يلا اسحبوا و الي تطلع معاه علامه الصح هو الي هيعمل.. ملاحظه في علامتين صح يعني في اثنين هي ساعدوا بعض شوفتي انا كريم ازاي
نامجون : طب و انت مبتسحبش ليه اسحب معانا! جين سحب ورقه : سحبت اهو اتفضلو بقى
كله سحب بعذها بدأوا يسحبوا بتردد و قبل ما تاي يفتح بتاعته قال ل جيمين : ما تيجي نبدل
جيمين معترض : اه علشان تطلع تباتعتك هي ال فيها الصح و البس انا في الغسيل مش كده!
تاي سحب منه الورقه : بدل بس
اتنهد بقله حيله لأن تاي مش عارف يعارضه في حاجة
جين مستعد : يلا كله جاهز.. مع ثلاثه كله يفتح اوك
كله اوما و استعد : واحد.. اثنين.... ثلاثه
كله فتح في نفس الوقت بسرعه صمت لحظات كل واحد يشوف ورقته بعذها أصوات صياح مبسوطه منهم كلهم ماعدا كوك و تاي الي اتدبسوا
جيهوب قام رقص من الفرحه و قعد يعمل حركات غريبه : بس يس يس عااااااااااااااااا و جرى في الشقه
حتى يونغي البارد سرخ بانتصار و الحال من بعضه عند كله ماعدا كوك إلى قعد يقول : لاااااااااااااا
تاي بيكي على الاطلال و سنه و هياكل الورقه و هو معترض ف فضلت التهليلات دي لحد ما جين حاله مكالمه ف بعد عنهم شويه علشان يرد : ايوه
- حضرتك صاحب العربيه فراري 256 أ ج ن ؟؟
بتردد رد : ايوه.. مين معايا؟!
- انا الميكانيكي إلى كان الأستاذ أشرف ادهالي علشان اصلحها لسعادتك
جين : ايوه و بعدين..
- الصراحه كده يا باشا ملخص الحوار كله ان العربيه دي معدتش نافعه.. عاوزه عمره من اول و جديد و العفشه متدمره ده غير الاسلاك و تركيبها من مره ملخبط خالص.. هو لامؤخذه إلى كان بيسوقها كان بياكل جبال مش مطبات ولا ايه مش فاهم!!
جين سكت معرفش يرد ف اردف : يعني مش هتعرف تصلحها خالص؟
- و الله لو عاوز تصلحها هتدفع قرب ثمنها و نصيحه مني ليك بيعها خرده دلوقتي علشان لو استنيت عليها اكتر من كده مش هتلاقي إلى يبص في خلقتها
جين اتنهد و فضل يبص في كل حته حس انه متضايق جدا من الي حصل ده : طب و انا اعمل ايه دلوقتي؟!
- انا بقول انك تسيبهالي ابعهالك خرده بس ليكون في علمك يعني مش هتجيب 9 الف جنيه حتى ده لو جابت 7 يبقى كويس اوي
جين تمام لنفسه بصدمه : هار احوس و مهبب
- ها قولت ايه يا باشا؟؟
خبط ايده على جبهته و اتنهد بقله حيله : بيع بيع و انا بكره هاخد العنوان من الزفت إلى اسمه اشرف ده و اجيلك في محل عملك
- تمام.. تمرني بأي حاجة تانيه يا باشا؟
جين : كفايه الاخبار الزفت دي.. لا شكرا سلام
قفل السماعه و كان عاوز يخبط راسه في الحيطه مهو كام عنده عربيتين و بشتكي دلوقتي مفيش غير واحده بس و عارجه كمان و حليني بقى
مانجون جه من وراه لما لقاه واقف كده بيكلم نفسه زي المجنون : في ايه؟!!
جين لفله و اردف : شكلنا نحس امي وصل لأبعد الحدود