سلسلة ماذا لو.. الحلقة الأولى
- السباعي في البرنامج -
___
السباعي يقدم برنامج : [ كيف تكون إيجابيا؟ ]
~برعاية كوكاكولا الراعي الرسمي لكأس العالم~
تقديم : كيم تايهيونغ
~ متربع على الأرض زي بتوع اليوجا بيستنشق الهواء و عامل فيها خبير هوائيات.. قصدي خبير نفسي ~
تصوير : جيون جونغكوك
~ كوك : كله يلزم مكانه الكاميرا دارت!! ~
إخراج : مين يونغي
~ قاعد على كرسي المخرج بتملل و نايم عليه : ايوه ايوه بالضبط زي ما هو قال كده َ.. هو مش المفروض انا الي اقول كده ولا هو.. يلا مش مشكله انا اصلا هنام ~
مساعد مخرج : بارك جيمين
~ قايم بدور المروحه للمخرج و بيهوي عليه بالورق ~
سيناريو و إعداد : جونغ هوسوك
~ من كتر السعاده و الأمل إلى شايفها في الحياه قرر انه يعمل برنامج إيجابي يزود الأمل للبشر في الحياه البائسه إلى هم عايشنها دي -
مونتاج : كيم نامجون
~ وشه في وش الشاشات و بتدعي من جوه انها متنفجرش بسبب ايده الجباره إلى بتدمر اي حاجة تلمسها مهما كانت متانتها ~
إدارة : كيم سوك جين
~ طبعا هم أوسم من أنه ببهدل نفسه غير في مهمه المذيع بس قال يسيب الاذاعه لـ تاي علشان يرتاح من زنه و هو يقعد يتأمل في المرايه طول اليوم ~
---
3..2..1.. أكشن
تاي : أعزائي.. سادتي و سيداتي.. اهلا بيكم في أولى حلقات برنامجنا المفيد و الممتع ( كيف تكون إيجابياً ) و سأكون انا معكم اليوم مقدمكم العزيز الوسيم الرائع كيم تايهيونغ الملقب بأكثر الرجال وسامه لـ عام 2018 في أنحاء العالم و حاز على وسام الشرف لـ..
جونغكوك بيشاورله من ورا الكاميرا بأيده أنه ينجز من المقدمه الطويله الفاشله دي و فجأه دخل جين معترض على كلام تاي : هو مين ده الي واحد لقب الوسيم العالمي.. محدش وسيم عالمي غيري انا!!
و ايد نامجون قطعته عن الكلام و سحبه لورا قبل و هو بيحاول يفلت منه يخلص الكلام الي عنده
تاي حمحم و رجع بص للشاشه و ابتسم بتوتر : اه كنا بنقول أن البرنامج ده هيعلمك خطوه بخطوه ازاي تكوني إيجابي لو مشيت مع الخطوات إلى هنقولهالك واحده بواحده و مش هتندموا لو ندمتوا تقدروا تشتكوا للاداره البرامج لاني عباره عن مقدم بس مش اكتر و أرقام الاداره تحت و..
فضل يتكلم و يقول حاجات ميتفعش تتقال و جاب العيد بكلامه فـ كل الي في الاستوديو خبط ايده على جبهته ختي يونغي إلى كان نايم على نفسه
حمحم تاني و رتب القصاصات الورق الي في ايده إلى فيها إعداد البرامج و كمل : و طبعا زي ما حضراتكوا شايفين انا قاعد مربع على الأرض و في وسط الديكور الأبيض و الزرع الصناعي إلى معرفش ايه لازمته بس اوك علشان نطبق أولى خطوات ازاي تكون إيجابي و أكثر فاعليه و أكثر أملاً و تفاؤلاً و إشراقاً.. و كده كتير انا زهقت
كان بيقرأ إلى هوسوك كاتبه فـ لما حسه أوفر راح رمي الورق وراه و ابتسم بخفه : كنا بنقول ايه بقى
هوسوك ورا الشاشه بياكل الورق في بؤه بسبب تاي الي بيبوظ البرامج و لسه مفيش دقايق بادئين فيه ، يونغي إلى شبه نايم : هو بيعمل ايه؟!
كان بيشاور على تاي الي ماسك أستك و بيلم شعره لفوق زي الزعروره يبعدها عن جبهته علشام يعرف يتكلم براحته و سحب المج إلى فيه الشاي خد شويه بصوت عالي فاكر نفسه في بيت أهله و حذط المج تاني جنبه على الأرض و هم بيموتوا ورا الكاميرا مش عارفين يقطعوا البث هيخسروا
تاي : و نروح دلوقتي لأول سكيتش عندنا - مسك الشبشب بتاعه و ضربهم في بعض - شغل يا ابني
كوك بعد عينه عن الكاميرا و بص بتعجب ناحيه تاي : هو فاكر نفسه في دوار العمدة؟!!
°~~°
الساعه 6:00 الصبح
- ثواني من الصمت -
💤💨
*-تاي- شخير و صفير من القابع في السرير *
💢 صوت المنبه بيرن في الأوضه بأزعاج 💢
مد ايده بانزعاج تام مسك المنبه و رماه في الحيطه نزل على الأرض منكسر ميت حته و بيطلع في أنفاسه الاخيره لحد ما سكت خالص
قام من على السرير بيتمطع و بيبص في كل حته بعين نص مفتوحه و مقفوله و بيهرش في شعره
( أهم حاجة انك تصحى الصبح و على وشك ابتسامه كبيره تبدأ بيها يومك بشكل إيجابي )
* تاي على الاسكتش الي شغال من البرنامج *
اتاوب بصوت عالي و بص على المنبه إلى منكسر ميت حته على الأرض : انت الي جبته لنفسك حد قالك تصحيني الصبح ما قولتلك خلاص صحيت لكن انت مش بتفهم بسهوله شكلك كده
و بعد ما خلص حواره مع الجماد المتسكر زق رجله للحمام و على وشه علامات انزعاج شديده ، وقف قصاد مرايه الحمام و بص لنفسه في المرايه
( لازم تدي لنفسك كلام إيجابي اول ما تبص في مرايه الحمام اكنك بتكلم نفسك )
تاي بيبص لانعاكسه في المرايه : ايه الخلقه العكره دي! مهو نوم زباله اساسا بسبب الجيران المتخلفين إلى عيالهم المجانين بيسرخوا طول الليل و رغي رغي رغي رغي و دودودودود و زن ايه ده!! ابو اليوم إلى بصطبح بوشكوا استغفر الله
مشي من وش المرايه بعد ما فرغ كل الزفت بس افتكر انه مغسلش وشه ف رجع تاني.
--
( من الخطوات الايجابيه للحياه الايجابيه اليوجا الصبح اهلا حاجة و هتخليك مشيط طول اليوم )
مغمض عينه مربع و ايده على ركبه المتنيه ، الصوره القريبه يبان انها وضعيه يوغا بس لو بعدتوا هتلاقوه رأساً على عقب على كنبه الاوضه و أصوات غربان حواليه من منظره المصدم
بعد صمت لحظات و هو قرب يرجع للنوم تاني اصلا بوضعه زي الصرصار المقلوب كده ، أصوات سريخ الجيران و عيالهم طلعوا من جديد
( أهم حاجة الصبر.. الصبر جميل جدا ولازم تتحلى بيه و تترك العصبيه لأهل العصبيه)
فضل ساكت ساكت و فجأه قام و مسك الشبشب طلع بره البلكونه و سرخ : انتوا يا ولاد الكلب محدش عارف يلمكوا ولا ايه ما تسكتي عيالك يا وليه يعني ولا راحه صبح ولا ليل!! ما انتوا يا تعزلوا يا تخرسوا!!!
و فجأه جاله شبشب من اللامكان طيره خلاه يدخل جوه و سريخ من الشقه المعنيه بكلام كوري غير مفهوم و شتايم قد كده
--
( خدو نفس.. اييوه هو كده ، الاكل و الشرب عنصر مهم بردو لنجاح عمليه الطاقه الايجابيه فـ لازم يكون اكلك و شربك صحي بذات الصبح بدري )
بيفتح الثلاجه و مكشر سحب كانز كوكاكولا - قولنا انه الراعي الرسمي للبرامج - و فرغها في كوبايه و كانت دي اول حاجة تدخل بيها ريقه الصبح
جعّد ملامحه بسبب الصودا الكتير و وجهه نظره ناحيه إلى قاعدين بصمت قصاد التلفزيون زي الافلام الصامته و كانوا جين و نامجون إلى عاملين زي المتجوزين و فات عليهم سنين طويله جواز
تاي : في اكل؟؟
جين : واحد اجازه اكل نفسك
تاي : ابو كده!
نامجون : متشتمش!!
شوح بأيده و رجع فتح الثلاجه تاني بيدور بعينه على حاجة يأكلها
( الوجبه لازم يتوفر فيها كل العناصر الغذائية إلى بيحتاحها الجسم علشان تبني جسم صحي إيجابي خالي من أي سلبيات خالص )
رزع الطبق و ازازه اللبن و فرغ كورن فليكس عليه لين و ضاف عليه قطع كوكيز و قعد قصاده و بدأ ياكل فيه و يشرب : مفيش احلا من الفطار ده
--
بعد ما خلص اكل قرر انه يدخل الحمام و ده مكانش في صالحه لأنه من كتر السكريات على الصبح خلته نعسان أمنه مكنش صاحي من شويه و راح في النوم و هو واقف في الحمام ساند ايده على الحيطه و نام بالفعل و الحلم بيطول معاه
قاطعه صوت الدش إلى اتفتح من جونغكوك فـ لف راسه ناحيه الصوت كان هو جوه الكبينه بالفعل و بيستحمي و هو بيحاول يدرك الموقف
( و بعد فطور صحي و ابتسامه و كلام الصبح الإيجابي انت كده هيأت جسمك لأي نشاط هتقوم بيه هيساعدك على الاسترخاء اكتر و التمتع بإيجابية التفكير اكتر و ذلك بالموسيقى الهاديه )
فاتح اغاني شعبي و عمال يرقص عليها في كل مكان في البيت و يكسر في المكان بدل ما يروقه و كل حاجة بقت في حته بحد ما مشافش كنبه وقع وراها بظهره و طلع من وراها بسرعه : انا كويس
--
( لما تكون خلاص وصلت لمرحله الطاقه الايجابيه لازم توصل إلى حواليك لنفس طاقتك الايجابيه، و علشان احنا في مجتمع سوشيال كيذا ف اكيد لازم تزود الناس بخبراتك و تنشر إيجابيك معاها)
قاعد على الكنبه في الصاله بيضحك على صوره في الموبايل بصوت عالي و جالب للانتباه * صوره قطه بتشنق كلب بأيدها *
كتب تعليق : انت كلب انت... الله يرحم ابوك كان بياكل الأسود الصغيره على أساس أنها فيران
كتب تعليق تاني : قطه معفنه انا احلا منها اصلا
كتب تعليق ثالث : ده اكيد حالنا في المستقبل
كتب تعليق رابع : حياتنا اصلا عباره عن قطه بتخنق كلب زي العاطل إلى مش لاقي شغل
وقع ضحك على نفسك و قعد يقرأ التعليقات إلى فوقيه و بيضحك أكن مفيش بكره و بيكتب كميه سلبيه مش عارف جايب امها منين
جيمين دخل في التعليقات : تاي انت بتعمل إيه؟!
--
( من ضمن الخطوات الايجابيه المهمه انك لما تسمع حد بكلمك ترد عليه بكل صدر رحب علشان هو كمان يرد عليك بكل صدور رحبه حتى لو الشحص إلى قصادك ده انت مش تطيق أمه )
تاي بعدم اهتمام : بلا صدور بلا اوراك مش رادد
يونغي بيسرخ من الاوضه بغضب : كيم تااايييهيييوووننغغغ
تاي شاور لـ جيمين إلى كان في للمطبخ : روح شوفه ده لاني مش رادد
جيمين جاله : تايهيونغ بطل وقاحه و كلم هيونغ عدل احسنلك
تاي بسخريه بصله : هتعمل ايه يعني؟! هتضربني مثلا! ولا حبيب القلب لاحس مخك
مسك المخده و رزعها في وش تاي و دخل جوه بغضب بيهيج يونغي عليه اكتر بدون رحمه
بعد ثواني حاله ندهه بس من شخص : تااايييهيييوووننغغغييي
قام من مكانه و رايح ناحيه الاوضه فاكر نفسه فراشه متحرره : قااددمم كوووككيييي
°~~°
- عودة إلى الأستوديو -
تاي بابتسامه هاديه : واخيرا و ليس آخرا اتمنى اننا قدرنا نقولكوا طرق ازاي تكون إيجابي و تعيش بإيجابية و تنشر إيجابيك في كل حته و عاوزك تفتكر دايما و نصيحتي ليكوا عيشوا بأيجابيه حياتكوا هتبقى أحلا و ان لـ..
يونغي قاطعه انه قام وقف رمي الورق على الأرض : استوب يا ابني
وقف قصاد العدسه بتاعه كوك المسؤول عن التصوير : كات كااااتتتت البرنامج باظ خلاص و مستقبلنا ضاع يلا يا جماعه كله يروح بيته هي كانت فكره فاشله اساسا.. يلا يا جيمين
مشي ورا يونغي : يلا يوني
كوك إلى طفا الكاميرا و سحبها معاه : انا قولت كده من الاول محدش صدقني يلا اهو طلعنا من السببوبه دي بكاميرا حديثه التقنيه
هوسوك منهار على الأرض : برناممججييي اعددااددييي إلى تعبت فيه لاااااععع
جين سحبه معاه لفوق : بلا أعدادي بلا ثانوي يلا من هنا انت اصلا غلطان انك حطيت تاي مقدم للبرامج ماله انا يعني أعجب ولا معجبش
نامجون إلى اتنهد و جاي يسند وقع الديكور من الجنب ف لحق نفسه قبل ما يقع و بقي يخرج من الناس الي بتجمع اشيائها و تخرج
تاي فجأه لقي المكان بيفضى عليه و مش فاهم هم رايحين فين : يا جماعة.. يا جماعة استنوا انتوا رايحين فين بس؟؟ جونغكوك.. جيمين.. هوسوك هيونغ ، يا جماعه استنوا انا لسه مخلصتش خطوات الطاقه الايجابيه!!!!
°~~°
* موسيقى تتر يوميات زوجه مفروسه * هتفصل المشهد ، معرفش ليه بس هو كده
رأيكوا في السلسلة ماذا لو للسباعي كل مره حاجة جديده هيخوضوها و هتبقى جوه القصه كل فتره زي حلقه كده مستقله ، حلوه استمر ولا ايه؟!